الكفر الأكبر, الخلود في جهنّم, وبسهولة!

[Soliden]

لاحظنا ظهور قنوات مختصة بالسحرة والكهنة والمشعوذين, وهذا أمر خطير جدًا لأنه إذا أنا وإنتا شفنا ذي القناة نقلب ونروح على قناة ثانية, بس غيرنا (وكثير كمان) يتابعوا ويصدقوا, ويمكن يوصل بهم الأمر إلى أنهم يتصلوا ويطلبوا الخلاص والنجاة من هذا الكافر مدعي امتلاك مفاتيح الغيب... إيمان بالسحر = كفر بالقرآن = خلود في العذاب.

التفاصيل في حلقة من حلقات برنامج ساعة صراحة على قناة الراي للشيخ نبيل العوضي: http://www.traidnt.net/Special_volumes_Turki_Alodaani/magic.zip

37 ميجا.

 

[Leon]

والله ما صدقت إنه في قنوات زي هاذي إلا لمن شفتها أنا بنفسي .!!! إيش الكلام الفاضي هذا ؟؟ يمين بالله حاجة ترفع الضغط , أنا إللي مستغربه الصمت الغريب تجاه هذه القنوات , إيش اللي هاتي إسمك الكامل وإسم جدتك وأمك وأبوك وأنا بأقولك مستقبلك ..!!!؟!؟؟! لا والمتصلة مصدقة الهرجة .. أخ بس الله يستر من هذا الزمن الأغبر ..

 

[persona]

لو على كلامك جان ثلاث ارباع الوطن العربي بجهنم !..

وهالسحرة عبالهم عباقرة ...كلهم شلة اللي قروا كتاب شمس المعارف ..يبون يترزقون على ظهور المهابيل

شمس المعارف كتاب سحر ممنوع في الكويت ..اللي يقراه ..يستخف ويصير ساحر ..

ذاك اليوم قريت بس المقدمة بدون لا اقرى الطلاسم وشرحها.. جاني وسواس ..قريت المعوذات وبالغصب نمت.<.<..

تعلم السحر سهل .بس الحرص واجب..

والله ما صدقت إنه في قنوات زي هاذي إلا لمن شفتها أنا بنفسي .!!! إيش الكلام الفاضي هذا ؟؟ يمين بالله حاجة ترفع الضغط , أنا إللي مستغربه الصمت الغريب تجاه هذه القنوات , إيش اللي هاتي إسمك الكامل وإسم جدتك وأمك وأبوك وأنا بأقولك مستقبلك ..!!!؟!؟؟! لا والمتصلة مصدقة الهرجة .. أخ بس الله يستر من هذا الزمن الأغبر ..

لكل بني آدم قرين ، هو المتصل بمجرد مايقول ألو والا الساحر واصلتله كل الاخبار من الجن اللي يتعامل معاهم بواسطة قرين المتصل

عموماً الله يهديهم

 

[AMG]

اعتقد اهم الاسباب الي تخلي الناس تصدق السحرة

ضعف الايمان بالله و الجهل في القرآن و تشريعاته

صعف الشخصية لان اغلب السحرة يسمعوك الي انت تبي تسمعه و يستغلوك بهذي الطريقة ، على سبيل المثال يقولك انك في واحد مسويلك سحر و هذا السحر سبب كل المشاكل في حياتك و يكون مثلا هذاك الشخص طالب و رسب في الامتحان يفكر وقتها انه رسب لان في واحد مسويله سحر مو لانه اهمل في الدراسة وهكذا

الابتعاد عن الاسلام و عن تنفيذ احكامه بشكل صحيح


وشكرا

 

[BioMario]

صحيح والله هذي القنوات مالها اي لزمة ..
لا و إلي يقهر ان بعض المتصلين يترجون و يصيحون ..
اللهم اجرنا منها ..

 

[m7tram]

شفت الحلقه لما انعرضت على الراي , يعني كلامه صح ليش ما يمنعون هالمواقع ويشفرونها ؟ كانهم مستانسين عليهم والعياذ بالله , والي يقهر الي يتصلون ياكثرهم والي تقول ابي اعرف شنو مستقبلي ومادري شنو ... اعوذ بالله مادري اشلون تفكيرهم وايمانهم وصل لهدرجه .

الله يبعدنا عن هالأشياء .

 

[53]

شفت الحلقه لما انعرضت على الراي , يعني كلامه صح ليش ما يمنعون هالمواقع ويشفرونها ؟ كانهم مستانسين عليهم والعياذ بالله , والي يقهر الي يتصلون ياكثرهم والي تقول ابي اعرف شنو مستقبلي ومادري شنو ... اعوذ بالله مادري اشلون تفكيرهم وايمانهم وصل لهدرجه .

الله يبعدنا عن هالأشياء .

لول فيصل .. :yuck:
حيل متأثر بالنت ..

 

[m7tram]

^ لول .. اقصد هالقنوات .

 

[The Sinner]

لا حول الله والله شي عجيب يوم شفت التقرير اللي بالقناة

واحد ساحر كلب يقول لاتودونه الكعبة ولا تقرون قرآن عليه لا ويوجه رسالة للمشايخ (الجهلة ) اللع يلعنه هو وأشكاله حتى ماكملت التقرير ولا ابي اكمله ماتوقعت ابدا فيه قنوات زي كذا لا وفي ناس بهالجرأة يوقولن هالكلام قدام العالم والالعن الناس اللي يصدقونه لا وبيحبون يده بعد بس يجاوبهم

فعلا فتنة كبيرة هالقنوات

 

[Mr.3B]

...

أعوذ بالله من غضب الله .. جزاك الله ألف خير يا شيخ .. بعد ما شفت الحلقة .. أوصيكم جميعًا انكم تنزلوها وتوروها كل الأسرة خاصة الأمهات والأخوات

 

[Mr.3B]

...

المشكلة الي تشمي بافتاء الشيخ الي يقول يجوز التداوي عند الساحر اذا استعصى العلاج بالقرآن .. زي الي ودت ولدها الكعبة (الي شافوا الحلقة فاهمين) وسمعت افتاء ذاك الشيخ .. وسوت الي يقول .. ما أقول أكيد .. بس احتمال كبير

 

[Pichi]

أعوذ بالله من غضب الله.

احدى علامات القيامة الصغرى قلة العلم وظهور الجهل. فعن النبي صلى الله عليه وسلم قال: "إن من أشراط الساعة أن يرفع العِلم، ويظهر الجهل، ويفشوا الزنى، وتشرب الخمر، ويذهب الرجال، وتبقى النساء حتى يكون لخمسين امرأة قيّم واحد" (متفق عليه) والمقصود بالعلم هنا هو العلم الشرعي، فهناك الكثير ممن يجهلون العلوم الشرعية والرسول صلى الله عليه وسلم يقول: "فرض على كل مسلم ومسلمة التفقه في الدين" ويقول صلى الله عليه وسلم "من يرد الله به خيراً يفقهه في الدين".