الـ Xbox One يسمح لك تخزينات unlimited عبر السحابية Cloud

[Painkiller Q8]

لول كل موضوع ينفتح فيه ميزه للإكس بوكس ون او خبر ايجابي بتشوف هجوم او تبريرات او احد يقول "عادي مو شيء جديد" !!

وشبلاكم ياشباب ::::

ودي شوي يستقر المنتدى من PS4 vs XBOXONE

 

[Halo 4 Ever]

تعرف ليش الناس يضحكو عليك ؟ لأنك متحيز جدا الى مايكروسوفت
واي ميزة من مايكروسوفت حتى لو كانت DRM رح تعتبروها "ميزة" ورح تقولو "نظام حماية للمستهلك"

يارجل في اشخاص هنا متحيزين لسوني اكثر مني انا اعتبر 0%
وما أعتقد اني داخل مواضيع سوني واستهزء مثل ما أنت شايف الموضوع هنا -- المفروض تروح تتفاهم معاهم وتنصحهم ::::

من اين جبت الـ DLC ؟؟؟

بدين انت قلت ان مايكرو هي أول ما جلبت الكلاود
بعدها رديت انا عليك قلت خطأ..مايكرو جابتها بعد سوني
سوني جابت الكلاود بالتحديث 3.60 قبل مايكرو....هذا ماقصدته بعبارة "قبلها"
بعدين رح تقول ان مايكرو فكرت فيها

"اقراء الاقتباس" أنا كاتب اتوقع دامهم كاتبين حتى Games يعني لعبة كاملة وليس مجرد DLC --- في نهاية خل الجهاز يصدر عندنا في الأول وبعدين يصير خير :thumbsup:

 

[i7asan]

وااو ميزة رهيبة وجديدة في الكونسولز .. يفكر يكنسل الPS4 ويطلب Xbone :satisfied:

 

[Mesharey]

لول كل موضوع ينفتح فيه ميزه للإكس بوكس ون او خبر ايجابي بتشوف هجوم او تبريرات او احد يقول "عادي مو شيء جديد" !!

وشبلاكم ياشباب ::::

ودي شوي يستقر المنتدى من PS4 vs XBOXONE

فعلا -.-"

مع ان الخبر مو مهتم له حيل لأن تخزينات الألعاب تاخذ مساحة صغيرة ..

 

[Painkiller Q8]

فعلا -.-"

مع ان الخبر مو مهتم له حيل لأن تخزينات الألعاب تاخذ مساحة صغيرة ..

اي والله ياخي , الوضع صاير ممل جدا , ودك تسولف او تتناقش ماتقدر ! أكثر الي يحطون ردود في مواضيع الإكس بوكس ون فانز رقم 1 لسوني :stuck_out_tongue_cl افهمها عاد !

---

بخصوص الكلاود ,, اتوقع ان فيه شيء غير موضوع التخزينات , انا حاليا مخليها backup لتخزيناتي ومستخدم فقط 115MB
فاكيد ان فيه افكار جديده او خطط , عن نفسي اتمنى ارفع العابي فا الكلاود واستخدمهم اي مكان ابي ,,, حاليا تطور الوضع اقدر احمل 5 قيقا بساعه فقط

ننطر ونشوف اذا نزل الجهاز

 

[Veeto]

فعلا -.-"

مع ان الخبر مو مهتم له حيل لأن تخزينات الألعاب تاخذ مساحة صغيرة ..

الفكرة حلوة ومهمة تخزين تخزيناتك وبروفايلك في السيرفرات يفيدك اذا اخترب جهازك .. ما ادري ليش الكل يحاول يستنقص من اي ميزة لهالجهاز او ذاك

 

[Sage]

خاصيه مفيده انك تقدر تدش على التخزينات من جهاز ثاني عن طريق الكلاود.. بالبدابه ما كنت مهتم بالكلاود بس الحين اشوف انه ممكن يكون له استخدام ممتاز و مفيد.

 

[Painkiller Q8]

^
اي انا العب بأكثر من جهاز في البيت + اجهزة الشباب في بيتهم اذا زرتهم , البروفايل من اي مكان ادخل فيه وكانه messenger مجرد Sign in "طبعا" اول مره بس تسوي recover وياخذ 5 دقائق وينزل كامل > وطبعا اسوي Load Game من الكلاود !

امس لعبت سكايرم عند صديقي وسويت لود للسيف قيم من الكلاود شي حلو ومفيد

اتوقع من استخدامات السحابه "رفع الفيديوهات" الي تسجلها gameplay وتتفرج عليهما في الإكس بوكس من اي مكان .. وغيرها من المميزات بنعرفها بعدين

ماتوقع انهم خلوها لانهائيه بدون سبب

 

[The Doctor]

في أشياء ما تاخذ مساحة كبيرة زي الsaves و معلومات الachievements، و الألعاب مع الDLC من الأصل تكون مخزنة في سيرفرات اللايف إنك تملكهم...

همم، طبعاً يقدروا، لو يبغوا، يخصصوا مساحة لرفع ملفات كbackup

 

[Veeto]

خاصيه مفيده انك تقدر تدش على التخزينات من جهاز ثاني عن طريق الكلاود.. بالبدابه ما كنت مهتم بالكلاود بس الحين اشوف انه ممكن يكون له استخدام ممتاز و مفيد.

صح هذي ميزة ثانية.. اذا عندك جهاز ثاني او بتلعب عند واحد من ربعك تقدر تلعب ببروفايلك وبعدها تواصل من جهازك

 

[Halo 4 Ever]

وااو ميزة رهيبة وجديدة في الكونسولز .. يفكر يكنسل الPS4 ويطلب Xbone :satisfied:

بلييز لاتكنسل PS3.5GB نحن لسه ماشفنه شيء من اكس بوكس ون هذه مجرد pre-alpha :sweat_smile:

اي والله ياخي , الوضع صاير ممل جدا , ودك تسولف او تتناقش ماتقدر ! أكثر الي يحطون ردود في مواضيع الإكس بوكس ون فانز رقم 1 لسوني افهمها عاد !

صدقت والله الواحد صار مايقدر يناقش او ياخذ راحته في المواضيع سواليفهم متكررة وبورينق

بخصوص الكلاود ,, اتوقع ان فيه شيء غير موضوع التخزينات , انا حاليا مخليها backup لتخزيناتي ومستخدم فقط 115MB
فاكيد ان فيه افكار جديده او خطط , عن نفسي اتمنى ارفع العابي فا الكلاود واستخدمهم اي مكان ابي ,,, حاليا تطور الوضع اقدر احمل 5 قيقا بساعه فقط

ننطر ونشوف اذا نزل الجهاز

الكلاود يساعد الشخص في تنقل من كان الى مكان اخر كي يلعب في بيت صاحبة او الاقارب بدون ماياخذ كونسول بالكامل او هارد دسك معاه -- فقط تاخذ بروفايلك كل مكان بدون هم

وفي شي ثاني ابضا تستفيد منه لو سمح الله الجهاز يخرب او الهارد دسك -- تكون ضامن ان التخزينات الالعاب محتفظه في الكلاود

 

[AAH3:16]

يقولون الكلاود يوصل قوة الجرافيكس لسوبر كومبيوتر ويخلي الفريم ريت 120 بالثانية ويخليه 4 دي

يااخوي بس كفاية كل هذا كلام تسويقي مايوكل عيش لاتنصدم بعدين

 

[14/08]

صراحة الخبر جيد لكن الموضوع مليان قرف وردود طفولية .. وين الإدارة !

 

[Sir Guts]

صراحة الخبر جيد لكن الموضوع مليان قرف وردود طفولية .. وين الإدارة !

نفس السؤال في كل موضوع

الحين تنحذف الردود و نشوف انذار شديد "اللهجة" بس.......

 

[LegendaryK]

المشكلة ان مايكروسوفت فانز اي احد يرد عليهم ضد فكرتهم راح يعتبرونه سوني فان

يعني حتى لو نينتندو فان رد عليهم برضو راح يعتبرونه سوني فان :satisfied:

 

[Bill Cober]

المشكلة ان مايكروسوفت فانز اي احد يرد عليهم ضد فكرتهم راح يعتبرونه سوني فان

يعني حتى لو نينتندو فان رد عليهم برضو راح يعتبرونه سوني فان :satisfied:

لووووووووووووول

 

[Halo 4 Ever]

المشكلة ان مايكروسوفت فانز اي احد يرد عليهم ضد فكرتهم راح يعتبرونه سوني فان

يعني حتى لو نينتندو فان رد عليهم برضو راح يعتبرونه سوني فان :satisfied:

طيب ليش يردون ضد مايكروسوفت بالاساس لازم يكون في نقاشات حوار منطقية في المواضيع الاكس بوكس-- الواحد صار مايقدر ياخذ راحته في الحوار ( هذه المقصد)

 

[persona]

كيف في الاخير قبلها ؟
مايكروسوفت فكرت فيها من قبل -- لكن سياسة مايكروسوفت معروفة التحديث في سنة مرة -- وسوني سبقتها مع التحديثات الشهري للاستور , حتى مصدرك تاريخة Mar 09 2011

يارجل حتى منت راضي تعترف بحقيقة انه سوني سوت الكلاود قبل مايكرو؟ لانه "مايكرو فكرت قبلها"؟

ههههه صرنا نناقش بعض اذا الشركة الفلانية "فكرت" انها تسوي شي قبل الشركة الثانية

-اتوقع الردود الجاية،
- مايكرو فكرت بنفس فكرة الاي فون، لكن ابل سبقتها بالتجربة قبل لا ينزلون وندوز فون
-مايكرو فكرت بنفس فكرة الوي يو، بس نينتندو سبقتها بالفكرة، وكل واحد يقول شركتي فكرت قبل ويسدح مصدره


لو على الافكار كل الشركات بتفكر بس السالفة "التطبييييق" وين ههههه

يالله لك الحمد

 

[Halo 4 Ever]

^
شفت بنفسك ماتعرف شو السالفه ( شو جاب موضوع كلاود بلاي سيتشن 3 في الموضوع اصلا؟ ) علشان تتأكد بس ان حوارات مش في مكانه :thumbsup:

وبالنسبة للكلاود لو انت عندك الاكس بوكس كنت بتعرف ان مايكروسوفت اتنزل ابديت واحد للجهاز سنويا ( في نهاية السنة) وهم تحدثوا عن الكلاود سنة 2011 لكن سوني نزلت نفس الفكرة في نفس العام لكن قبل ابديت الاكس بوكس ون بشهور

وهذه تاريخ ابديت plus
http://blog.us.playstation.com/2011/03/09/online-storage-for-game-saves-coming-to-playstation-plus/

 

[Painkiller Q8]

شباب أتمنى يكون النقاش حول الموضوع نفسه
خلونا شوي من مقارنة الاجهزه في بعضها لان المقارنة بتشتت الموضوع وتتفرع فيه وتسوي مشاكل بين الأعضاء وواحد يقول كذل وواحد يقول كذا

الي عنده نقد يكون بشكل محترم بدون استهزاء او تقليل من شأن الأشخاص
ويكون في محور الخبر نفسه

مع احترامي للجميع بس أحيانا ناس تطفش بعضها لدرجه ان الواحد مايفكر يدخل المنتدى !

 

[persona]

ردي كان على:

موجودة ايضا في 360 ومايكروسوفت اول شركة جابت فكرة تخزين الكلاود على أجهزة الكونسول وبعدها سوني قلدت (كالعادة)​

لأ... مايكروسوفت كانت متكلمة عن تخزين الكلاود مع الداشبورد جديد من قبل لكن سوني لحقت اطبقها مع الاشتراكات plus قبل تحديث مايكروسوفت التي تصدر سنويا​

ويقولي ماتعرف شسالفة؟؟، يارجل اما انك تستغبي او انك ماتعرف شتناقش فيه..

حبسطهالك ، المسألة منو كانت له الاسبقية في تطبيق الفكرة على الكونسولز؟ (طنش بهالرد كله وجاوبني بهالسطر)

ترى مو كفر اذا قلت سوني طبقت قبل وطبعاً ماراح تخرج عن ملة الاسلام وماراح تفطر.

 

[SnakeEater]

صدقوني ماهي PS4 vs XBOX ONE بقدر ماهو اسلوب halo 4 ever مستفتز , قوه تمجيد وتطبيل و "" تخليك كذا تجيك عباطه تطلع كلامه خطأ, من متى كان المنتدى فيه كلمه تعصب قبل ماتطلع العضويات الجديده هذي؟!؟! حتى لو كان فيه فهو مو بالقرف ذا.

 

[Nyx]

^كلامك فيه شي من الصحة , بس فيه ناس ما تصدق على الله:

يقولون الكلاود يوصل قوة الجرافيكس لسوبر كومبيوتر ويخلي الفريم ريت 120 بالثانية ويخليه 4 دي

ترولولولولولوووول

 

["a7mad"]

ايش فرقها عن ستيم ؟

 

[kiryu]

^
هذي الميزة من مايكروسوفت هنا الفرق

 

[Nyx]

إن ستيم على البي سي وهذي على الكونسول؟على كذا اللايف كله ماله داعي من بدايته لأن عندنا ستيم -_-

 

[Painkiller Q8]

ايش فرقها عن ستيم ؟

فرقها عن ستيم انها للـ Console Gaming

وفيه بعض الفروقات البسيطه

 

[Hero Zero]

الجيل الجديد ! حرب الأجهزه ! وش تبغون يصير مثلاً ؟ الكل يضحك ويسلم على الثاني ؟ , اكيد في حرب تقوم بين الأطراف , اللي يدافع بشراسه , اللي نص لنص , اللي شغال سب في الجهاز الفلاني , واللي ما يعجبه العجب , واللي يدخل في الشخصنه , كل هالأشياء بتصير شئنا ام ابينا , فقط lit it go وتحمل لين ما تنتهي .
عشان كذا الإداره ساكته , عارفه ان الموضوع فتره ويخلص , وبتعطي الراحه لجميع الأطراف المحايده والديفنس فورسيس والفانبويز الرهيبين , لو جينا لحل التبنيد اضمنلك تروجمنج بيفضى في خلال اسبوع .

 

[JIN KAZAMA]

^
كلامك صحيح ، طبيعي انه بداية كل جيل تصير الحروب هذي ! اساسا هي متعة بداية الجيل P:

 

[Rain]

الجيل الجديد ! حرب الأجهزه ! وش تبغون يصير مثلاً ؟ الكل يضحك ويسلم على الثاني ؟ , اكيد في حرب تقوم بين الأطراف , اللي يدافع بشراسه , اللي نص لنص , اللي شغال سب في الجهاز الفلاني , واللي ما يعجبه العجب , واللي يدخل في الشخصنه , كل هالأشياء بتصير شئنا ام ابينا , فقط lit it go وتحمل لين ما تنتهي .
عشان كذا الإداره ساكته , عارفه ان الموضوع فتره ويخلص , وبتعطي الراحه لجميع الأطراف المحايده والديفنس فورسيس والفانبويز الرهيبين , لو جينا لحل التبنيد اضمنلك تروجمنج بيفضى في خلال اسبوع .

هذا الرجل يقول الحقيقة!!

الفترة هذي ممتازة وصحية جداً لصناعة الالعاب .. الاعلام المختص والغير مختص بكامله مهتم بالجيل الجديد. شيء رهيب لما تلقى مقالات عدة فيها تصريح او اعلان او اشاعة عن الجيل الجديد..

فترة 2011-2012 مثلاً ، المواقع الكبيرة مثل IGN وجيمسبوت نادرا تلقى فيها معلومات تهمك كلاعب..