اتذكر مره شريت لعبة بالغلط من ستور مايكروسوفت عالبي سي ومالعبتها حمدلله و بعد ايميلات كثيره قالو لي هالمره بنلغي الطلب و بنسوي لك ريفند لكن ان المره الجايه بنعطيك باند من الستور ماتشتري اي حاجة من الاي بي حقك ههههههه يخرب بيتهم مذلة لكن متأكد ان الي يكلمني من مكتب الشرق الأوسط توه متوظف وراكب راسه حبتين لو انه من الفرع الامريكي كان التعامل اسهل وافضل
حصلت لي مرتين تجربة غير هذي لكن خلتني من بعدها ما اشترك بلص او اشتري اي شي من ستور سوني (فقط فيزكال والباقي العبه بي سي )
مرتين اشتريت بطاقات شحن مرة كانت امريكية ومرة سعودية بقيمة 50دولار او 60 ما اتذكر
واذا استعملتهم يقولي مستعملين وارجع المحل والمحل يتملص من الموضوع بحجة مافي دليل انت ما استعملتها
وقتها رحت لسبورت سوني وما ابالغ قعدت 3 اسابيع اخذ واعطي وهم يقفلون في وجهي او يردون علي رسايل آلية في الايميل
لين كبرت الموضوع من جهة صاحب المحل وخليته يتواصل بالغصب هو مع الموزع والموزع مع سوني وكانت قروشة ما ابي اعيشها ابدا ثاني :\
بالاخير ارسلوا لهم ايميل انه تم استعمال الكود قبل ما اشتريه انا باسبوعين وعطوني تعويض كود غيره
لكن تكرر الموضوع من محل ثاني وكان الكود امريكي وتبهذلت صارلي زي ماصار للبعض هنا فجاة يطلعوني من الشات ولايردون علي بحجة اني مو من امريكا :\ وخلاص مالي مال الموضوع قعدت شهر اتراسل ولا في حل
هالكلام من سنتين\ثلاث من بعدها ما اشتريت شي بالستور ولا اشتركت بلص لاني انقرصت خلاص صرت اشتري فيزكل والعب بي سي والحمدلله راسي مرتاح من يومها ولا اشيل هم انه بيجي يوم العابي الي شريتها ممكن ماتشتغل عالجيل الجديد