العين x الهلال

[Humam]

انتهت المباراة بفوز العين 2 - 0 ..

مبروك للعين, فوز مستحق بكل أمانة .. وحظ أوفر للهلال الي لعب أسوأ مبارياته من 3 سنوات ..

بصراحة ما أدري ايش به الهلال اليوم.. شي غريب الي صار, تشكيل سيء ( حالد عزيز ظهير !! - كماتشو والشلهوب صاقعين في بعض - سامي الجابر من أول المباراة !!! ) .. تكتيك ما في أبدا .. اللاعبين كانوا جدا متوترين ما أدري ايش السبب, كامل الموسى الظهير الأيسر كان راح يتسبب في إعاقة لأحد لاعبي العين .. والله مسخرة .. أنا هلالي وأقولها بصراحة انفضحنا..

لولا الله ثم محمد الدعيع كان العين سوى كرنفال, لكن في نفس الوقت أنا أيضا كنت مستغرب من أداء نادي العين, ماكان مقنع بصراحة, كنت متوقع أشوف هجوم ساحق وأداء يشبه الي ظهر به أمام الاتحاد بس الي صار العكس.. يعني أفضل وصف ممكن أقوله ان العين استغل مستوى الهلال " الكارثي " أفضل استغلال..


بالمناسبة, أنا تابعت المباراة على الART, واحد من الشباب اتصل بي يقول كويس انك ماشفتها على قناة دبي الرياضية لأن انت ياهمام اذا شفتها على قناة دبي ممكن ترتكب جريمة ( بهذا الوصف بالضبط ) يقلي لأنهم طاحوا فينا مسخرة واستهزاء في لاعبين الهلال !! لول .. مع احترامي للإعلام الاماراتي لكن مازال حديث عهد بكرة القدم.. ما يكفي محمد نجيب.. على العموم ألف مبروك يستاهل العين الفوز وان شاء الله التعويض قادم للهلال ..

 

[Pichi]

الهلال كان سئ , ممكن لأن الدوليين مااخذو وقت للتجانس والانسجام مع التشكيلة ..
اتمنى ان الوضع يتحسن في الاياب ..كذلك احب انوه الحكم كان مش ولابد ..خصوصاً مع خشونة لاعبين العين في بعض الحالات , مبرووك للعيناوية .. و حظ أوفر للهلال .. ((الله يرحم أيام باكيتا)) بالمناسبة دبي الرياضية مسخره × مسخره كانت راح اتابع المباراة فيها لكن يوم سمعت بداية كلام المعلق غيرت القناة على طول
أتمنى التوفيق لليث فريق أكن له كل الاحترام ..

 

[Zeyad]

للاسف ماشفت المباراة

لكن ماقول غير الليث وبس :razz:

 

[Xavi]

الله يرحم ايامك يا باكيتا

مدري ايش فيه كيندنيو اليوم لا تكتيك ولا يحزنون .... -___-

المهم بالتوفيق للزعيم الاسيوي في مبارياته القادمه والله يسهل لنا .

 

[Solid Snake]

مع إني هلالي .. لكن اني اعترف ان الهلال خاض أسوأ مباراة له من عدة سنوات !! .. الهلال كان سيئ جداً جداً في المباراة ..

مستوى الهلال كان سيئ بالفعل .. التشكيلة والتوزيع اقسم بالله اي كلام بقوة .. بالفعل شيء مخجل الصراحة .. حتى مستوى اللاعبين كان متدني ..


عموماً مبروك للعين .. فوز مستحق بجدارة .. وحظ اوفر للهلال اللي من جد قدم مستوى متدني ما توقعته أبداً منه ..

 

[king zell]

مبرووووووووووووووووك للعين

 

[gray fox]

السلام عليكم .....أدري متأخر

( السبب: سويت تعديلات على كمبيوتري )

الحمد لله رب العالمين ..أولا احب اقول انه فوز العين ليس نهاية المطاف للهلال .. ...طبعا الهلال غني عن التعريف !!

كان راح يتسبب في إعاقة لأحد لاعبي العين

لوووول ..أنا ما ادري ليش ما عطاه فيها كرت أحمر


وبالنسبة لأداء العين ..أعتقد العين سوى اللي عليه وزياده في الشوط الأول !! لكن الشوط الثاني..المدرب خبصها من مبدأ الحفاظ على النتيجه ...طلع المهاجمين ودخل دفاع !! وهذا هو السبب الوحيد للتراجع كما أظن !! وبحق .. الدعيع بطل المباراه بدون منازع !!

بالنسبة لي شفت المباراه على أبوظبي الرياضيه ... بس معلق المباراه على دبي الرياضيه ما كان معلق طالع عندنا في الساحه !!

ولو انه ما اظن اتمصخر بمعنى المصخره ...لكن اعتقد مش منطقي انه نحكم على اعلام من واحد أو اثنين !! سميهم مثل ما تبي !! مثل انا ما نقدر نحكم على دوله من شخص فيها !!

btw .... همام ردك ذكرني بردي يوم ...الإحم ..احسه نفس الكلام !!