hits counter

الموضوع الرسمي السفر والسياحة

iPeace

Hardcore Gamer
بما ان احنا في موسم صيف والموضوع القديم صار له فترة ميت، قررت افتح موضوع جديد
الموضوع القديم

الموضوع مفتوح لاي شي له علاقة بالسفر

الصيف الماضي رحت كينيا، والرحلة كانت رهيبة خصوصا للي عنده اهتمام في التصوير
الدولة مليانة سياح من كل مكان، الا عرب ما شفنا هناك ابد



هالصيف باذن الله ناوين على تركيا ٨ ايام في بداية جون، الخطة للحين ٥ ايام في اسطنبول والباقي ما قررنا، يمكن كابادوكيا او بورصة.
اي اقتراحات؟




تطبيقات ومواقع مفيدة للسفر:

Trip Advisor
اهم موقع.
فيه تعداد للفنادق والمطاعم والاماكن السياحية في اي مدينة في العالم مع تقييمات الناس ومراجعاتهم، فيه بعد منتدى لكل مدينة اذا عندك اي استفسار، وخطط بعدد الايام اذا ما تبي تبحث وتتعب روحك
التطبيق بعد يعطيك الخيار تحمل كل النقاط في اي مدينة عشان تعرف المواقع للجي بي اس بدون نت


Wikitravel
موسوعة السفر والترحال، معلومات عامة عن الدولة وخاصة للمدن والمناطق السياحية


Airbnb
فكرة التطبيق ان اي احد يقدر يعرض غرفة او شقة للاجار، ينفع اذا ما ودك بفندق او بغيت تسكن مع اهل البلد
ما مرة جربته بس كثير يمدحون تجاربهم فيه، ناوي احجز عن طريقه


Foursquare و Yelp
تقييمات مطاعم ونصائح


تطبيقات حجز الطيران، السكن، وسيارات للاجار كثيرة اللي اعرف منها: Expedia, Booking, Hotels, Orbitz, Kayak, CheapOair, Skyscanner
 
التعديل الأخير:

iPeace

Hardcore Gamer
فترة دراستي في امريكا زرت اماكن كثيرة، افضلها باختصار:

Page and Grand Canyon, AZ
بالنسبة لي كواحد درس جيولوجيا اريزونا كانت جنة الله في ارضه، القراند كانيون لااااازم الكل يزور اذا حصلت فرصة


Key Largo, FL
رحنا هناك رحلة غوص وسكنا في واحد من البيوت قريب البحر، الجو هناك رهيب


San Francisco, CA
احب هالمدينة، من مطاعم واتراكشنز كل شي فيها عجبني


New York, NY
وهل يخفى القمر


Colorado
غلطتي ما رحتها الا في الشتا، مرتين بعد بس عشان السكيينق تسوى


Chicago, IL
مدينة الرياح، والمتاحف للي يحب الفن


Los Angeles, CA
فيها كل شي، شواطئ، منتزهات، وهوليود اللي ما عجبتني


Orlando, FL
عالم ديزني ويونيفرسال


Smoky Mountains, TN
جبال خضرا على مد البصر، وزيادة. البارك مليان هايكنق تريلز ونشاطات خارجية (الرافتنق رهيب)
 

Golden_Sun

True Gamer
^ روعه التصوير وخصوصا بعض الصور الوانها خياليه. @iPeace

الاسبوع القادم بروح رحله اوروبيه شهر تقريباً.

ببدأ في لندن ليله (احتاج ختم فيزتي البريطانية والجواز حتى اقدر ادخل ايرلاندا بدون فيزتهم الخاصه فيهم).
بعدها بطير لشمال اسبانيا Bilbao (ثلاث ليالي)
وبالسيارة ننطلق منها الى San Sebastian ٣ ليالي > ثم Bordeaux ٣ ليالي > بعدين Albi و Carcassonne ليلتين > على الحدود الفرنسية\الاسبانيه Collioure ليله > واخيراً برشلونه ٣ ليالي.
بعدها بروح لأهلي في دبلن يومين، وبطير منها إلى لشبونه (البرتغال) رحله بالسيارة من Porto ثلاث ليالي (شمال البرتغال) > Nazzare ليلتين > عوده للشبونه ٤ ليالي.

الرحله يتخللها كثير من القرى والاماكن الثقافيه، الفنية، وفن الاكل (غاسترانومي، بعض المطاعم حاجز من شهر وبعضهم مافيه مكان).


ناوي هالسفره استخدم Storehouse فخياري الاول للصور. بحط صور فردية في انستغرام لكن في ستورهاوس بحط مجموعه صور وبوستات مخصصه للامكان اللي زرتها.
 

s3rorh

طاهر I am not tarnished, I am
^ روعه التصوير وخصوصا بعض الصور الوانها خياليه. @iPeace

الاسبوع القادم بروح رحله اوروبيه شهر تقريباً.

ببدأ في لندن ليله (احتاج ختم فيزتي البريطانية والجواز حتى اقدر ادخل ايرلاندا بدون فيزتهم الخاصه فيهم).
بعدها بطير لشمال اسبانيا Bilbao (ثلاث ليالي)
وبالسيارة ننطلق منها الى San Sebastian ٣ ليالي > ثم Bordeaux ٣ ليالي > بعدين Albi و Carcassonne ليلتين > على الحدود الفرنسية\الاسبانيه Collioure ليله > واخيراً برشلونه ٣ ليالي.
بعدها بروح لأهلي في دبلن يومين، وبطير منها إلى لشبونه (البرتغال) رحله بالسيارة من Porto ثلاث ليالي (شمال البرتغال) > Nazzare ليلتين > عوده للشبونه ٤ ليالي.

الرحله يتخللها كثير من القرى والاماكن الثقافيه، الفنية، وفن الاكل (غاسترانومي، بعض المطاعم حاجز من شهر وبعضهم مافيه مكان).


ناوي هالسفره استخدم Storehouse فخياري الاول للصور. بحط صور فردية في انستغرام لكن في ستورهاوس بحط مجموعه صور وبوستات مخصصه للامكان اللي زرتها.

جم التكلفه ؟ .... انا عايش ببريطانيا .... و افكر افتر اوروبا ويا زوجتي بسيارتنا الخاصه .... بس اجهل من وين ابدأ ... و ناطر بناتي يكبرون علشان اقدر اخليهم عند امي ( وحدة سنتين و الثانيه 6 اشهر )
 

Golden_Sun

True Gamer
جم التكلفه ؟ .... انا عايش ببريطانيا .... و افكر افتر اوروبا ويا زوجتي بسيارتنا الخاصه .... بس اجهل من وين ابدأ ... و ناطر بناتي يكبرون علشان اقدر اخليهم عند امي ( وحدة سنتين و الثانيه 6 اشهر )
صعروره، التكلفة تختلف على حسب طريقة سفرتك.

اقدر اساعدك في اختيار الاماكن والroute لكن التكلفة جداً متباينه.

مثلاً:
- فنادق ٤ نجوم تكلفتها غاليه مقارنةً مع فنادق ٢-٣ نجوم (مع الاخذ بالاعتبار فندق ٣ نجوم في اوروبا يعني فندق محترم جداً)
- خيار Airbnb.com جدااااا ممتاز واشوفه حاليا افضل خيار للسفر. (سفرتي فرنسا واسبانيا جميعنا فنادق، لكن البرتغال كلها Airbnb.com) اذا ما تعرف ماهو airbnb شوف هاللينك:
وهذا: https://www.airbnb.com/support/article/1
- تأجير السيارة قد يكون خيار افضل لك من السفر بسيارتك؟ (اذا بنفرض فرضيه شحنها للبلد الاوروبي وانت راح تطير لهناك ايضا) لكن اذا راح تسوق من مكانك ممكن تكون معقوله.
- سفرتي اسبانيا وفرنسا لقيت سيارة الأجار ارخص من البرتغال (اثنينهم اوتوماتيك ومن نفس الفئه) لكن يبدو ان الاوتوماتيك في البرتغال قليل.
- اذا حاب السفر عن طريق السياره جرب هالموقع ممتااااز من ناحية اختيار طريق السفر من خلال تحديد اولوياتك (مثل التكلفة، الاهتمامات، وغيره) www.routeperfect.com
- البرتغال من ارخص الاماكن للسكن والسفر عموما، فرنسا واسبانيا التكلفة اكثر لانها حجز فنادق اكثر ومدة اطول. (اذا ودك تعرف التفاصيل تقدر تكلمني برسايل خاصه، او حتى واتس اب اذا ودك)
 

Blue Blood

Banned
اللي بيروح بريطانيا لازم انه يزور منطقة Bath مهما كانت التكاليف و الاعذار.
 

Saudi Fighter

True Gamer
رحت لماليزيا قبل ثلاث شهور مع الوالد الله يحفظه وبصراحة افضل سفرة لي معه
اول شي كان عندي تصور عن ماليزيا ان الاسعار نار لكن تفاجات مادري بسبب ان توقيتنا كان مو بل الصيف او دائما كيذا
مثلا اخذنا فندق بسلانجيور (مادري اذا تكتب كيذا)ب 150 اليلة والغرفة نظيفة وفيها سريرين
الي يحب القرى لاتفوته لانكاوي شي جدا رائع وانت تتمشى بل اليل على شارع فيه اسواق ومطاعم ومحلات تبيع اشياء غريبة
ممكن احط الصور اذا صار لي خلق على طاري الوقت الي رحنا له كانو السعودين والعرب قليل انا استغرب مع ان كانو الناس يقولون لي
ان السعودين هناك اكثر من الماليزين ::laugh::
 

Uzumaki Naruto

True Gamer
ناوي أسافر مع أهلي هالصيف, من زمان ما سافرت معهم. رايحين لباريس والي عاجبني هنا انو ما راح نسكن بوسط المدينه بل جمب ديزني لاند. وبعدها روما. عاد روما مسألة السكن راجعه لي وبحاول أدور شي بالسنترال هالمره للتغيير. أشين شي بالسفر هو البحث عن سكن صراحه. بجرب Airbnb كثير يمدحوه لعله يفك أزمه واذا أي أحد عنده نصايح لا يستحي.
ومن روما نزور البندقيه برضو متحمس لها, كلها يوم هناك نشوف ايش سالفة المدينه عالماء.
لازم أزور ميلان بس مو المره هذي لعلها المره الجايه.

ومن ايطاليا لأم الدنيا@@ (ايه دي الدنيا الي مصر أمَها؟ لول) عن نفسي بهرب وأرجع الرياض قبل. الوالدين يحبوها كثير ولازم كل صيف هناك.
 

X-SRI-X

True Gamer
رحت لماليزيا قبل ثلاث شهور مع الوالد الله يحفظه وبصراحة افضل سفرة لي معه
اول شي كان عندي تصور عن ماليزيا ان الاسعار نار لكن تفاجات مادري بسبب ان توقيتنا كان مو بل الصيف او دائما كيذا
مثلا اخذنا فندق بسلانجيور (مادري اذا تكتب كيذا)ب 150 اليلة والغرفة نظيفة وفيها سريرين
الي يحب القرى لاتفوته لانكاوي شي جدا رائع وانت تتمشى بل اليل على شارع فيه اسواق ومطاعم ومحلات تبيع اشياء غريبة
ممكن احط الصور اذا صار لي خلق على طاري الوقت الي رحنا له كانو السعودين والعرب قليل انا استغرب مع ان كانو الناس يقولون لي
ان السعودين هناك اكثر من الماليزين ::laugh::
في مناطق زي لنكاوي العرب قليلين .. لكن في اماكن بكوالا وانحاء متعددة بسلانجور العرب كثر
 

Rain

True Gamer
في أجازة الربيع الي فاتت رحت سياتل. من غير اي شك من اجمل و أروق مدينة زرتها. انصح فيها بشدة.
سكنت بفندق بالDowntown كان غالي لكن فيه تخفيض عليه, وما رحت اماكن كثيرة لكن من الي رحته شيء رووعة. غير كذا المدينة نفسها تفتح النفس, تجوال او قيادة.
 

ALONE

True Gamer
ipeace
ماشاء الله تجاربك في امريكا مذهلة عطيتني كذا فكرة ممتازة وخصوصا شيكاغو لي سنتين افكر ازور هل المدينة بحكم دراستي في امريكا
واكثر شئ اثار اهتمامي هو المتاحف بحكم اني اقدر الفن ::involve::
بالنسبة لتينسي عاد تصدق انا ادرس فيها وكل يوم الشباب يقولون خلنا نروح للسموكي ماونتن واقولهم بعدين ::sweat::
رجعني لأمريكا بتكون بأذن الله في 10 Aug وافكر اقدم الرحلة الى 3 علشان تكون لي فرصة اكثر للسياحة داخل امريكا قبل السمستر
 

Fatale

True Gamer
مساء الخير

استفسارات بسيطة لاخواننا في الامارات +السياح

باذن الله الويك اند القادم بكون في دبي لمدة 6 او 7 ايام . طبعا اخر زيارة لي لدبي كانت في راس سنة 2010 وكانت بسيطه جدا اتوقع الان دبي اكبر !!!

الى الان ما حجزت اي شي وحاب اشوف ارائكم
1- بخصوص السكن ابي فندق يكون كخدمات والغرفه جدا ممتازه واهم شي سعره يكون مناسب ومش مبالغ فيه، واذا امكن الباركنق والواي فاي مجانا اممممم ما اعرف مناطق مميزه في دبي الا جي بي ار وشارع الشيخ زايد.
اشوف بين فتره وفتره صور لفنادق تطل على النافورة وودي صراحة اسكن هناك او في الجي بي ار على العموم عطوني اقتراحاتكم :)

2- اقتراحات اكتفيتي في دبي اشياء ضروري ازورها والخ! وبرضو المطاعم والمقاهي الحلوة
3- يسعدني صراحة اني اقابل شباب ترو جيمنج واتعرف عليكم ونمارس هوايتنا المفضله الفيديو جيمز! اقصد ابي محلات جيمز الي عليها الكلام!

والي عنده نصائح او إضافات بكون شاكر له :)
 

Golden_Sun

True Gamer
من زمان عن هالموضوع،

وبما ان لي سفره قريباً الى: لندن - مدريد (اسبانيا) - كاثيريس (مدينة غرب اسبانيا) - لشبونه (البرتغال)
في دربي راح امر على: توليدو (اسبانيا)، إيفورا (البرتغال)، وفيه خطه لاستكشاف جزء من جنوب البرتغال (آلغريف).

اي نصائح، اماكن، tips مُرحب فيها.
حالياً في قاعد اشطب على الـ itinerary.
 

II EYAD II

True Gamer
طيب اش هو السبيشال باسبورت هذا ؟
للأسف البعض توقع انه للعادي لكن طلع للجوازات الخاصة فقط ، الجواز الخاص يصدر بأمر من الخارجية لبعض الموظفين في الدولة او بعض موظفين السفارات ويعامل تقريبا مثل الدوبلامسي خصوصا هنا وسلبياته تجديد سنوي ولازم تبلغ الخارجية بوقت ذهابك وعودتك وقت السفر .
 

Clock Ender

Tarnished
للأسف البعض توقع انه للعادي لكن طلع للجوازات الخاصة فقط ، الجواز الخاص يصدر بأمر من الخارجية لبعض الموظفين في الدولة او بعض موظفين السفارات ويعامل تقريبا مثل الدوبلامسي خصوصا هنا وسلبياته تجديد سنوي ولازم تبلغ الخارجية بوقت ذهابك وعودتك وقت السفر .
امشي نروح نقشر بطاطس بس ،، الا لو انك دوبلوماسي فذاك الوقت عطني كيس البطاطس حقك اقشره
 

II EYAD II

True Gamer
امشي نروح نقشر بطاطس بس ،، الا لو انك دوبلوماسي فذاك الوقت عطني كيس البطاطس حقك اقشره
ههههه الشنقن امرها بسيط واذا بترتاح طلع الفرنسية اذا كان جوازك جديد يعطوك 5 سنوات ومع الأخبار هاليومين انه بيخلوا صلاحية الجواز 10 سنوات فأحلا واحلا .
 

Clock Ender

Tarnished
ههههه الشنقن امرها بسيط واذا بترتاح طلع الفرنسية اذا كان جوازك جديد يعطوك 5 سنوات ومع الأخبار هاليومين انه بيخلوا صلاحية الجواز 10 سنوات فأحلا واحلا .
امرها بسيط ان كان الرقم في الحساب 4 خانات وانت طالع (ولا؟) :(
 

s3rorh

طاهر I am not tarnished, I am
السلام عليكم ...

انا و المدام رايحين لبرشلونة ٥ ايام تقريبا
من تاريخ ١٨-٧ لغايه ٢٤-٧

زوجتي تكفلت بكل شي !! .. من فندق وموقعه و طيران و حتى برامج !! بس اللهم الفلوس علي :p
لما سألتها عن البرامج .... قالت لي "مجمعات تجارية و متاحف" !! :expressionless:

اكثر ٢ اكرهم بالحياه.. من بعد أكلة الفول ... همه المجمعات و المتاحف !!! :sob::tearsofjoy::sob:

فا يا شباب ... ايش تنصحون ببرشلونه!؟ .. في اماكن تستحق الزياره فيها ؟ .. كيف اسعار المواصلات ؟ .. افضل شريحة موبايل ؟ .. نصائح من هنا و هناك
 
أعلى