ايه نعم من حق كل شخص يجلس مع اهله ومن متى كان العمل اهم من العائلة؟ ومايسمى تذمر وصياح اسمها (حقوق)ناس تركض وراء الساعات الإضافية وناس تتذمر من كثرة العمل وتبي تجلس مع أهلها وإذا وظفوا مكسيكين بأقل من الأجر اليومي للأمريكي وبظروف قاهرة ماتوفر ربع الأدنى لحقوق اللي يتشكون صاحوا لك وين توظيف الأمريكيين
ايه نعم من حق كل شخص يجلس مع اهله ومن متى كان العمل اهم من العائلة؟ ومايسمى تذمر وصياح اسمها (حقوق)
وايش دخل المكسيكيين ماهو فيه حقوق للمواطن وهو اولى بالتوظيف وغيرها من البديهيات
فيه حقوق للموظفين والمواطنين وانظمة المفروض تحميهم, ماحنا آلات خلقت للعمل
كونك ماتؤمن فيها شيء راجعلك لكن ترمي ضعف الانتاجية على المساكين اللي مايبغوا يشتغلوا 100 ساعة بالاسبوع؟
أي منطق هذا يارجل
مو مشكلة انتظر بالاخير هي ترفيه وكماليات مو شي حياتي معتمدة عليهطيب نرجع لموضوعنا تخيل لوأن مثل هالمشاريع تم إدارتها بنظام عمل 8 ساعات مع الويكند وإجازات سنوية كيف بيكون الوضع ؟؟
كم سنة بتنتظر علشان تنتظر لعبة أو فلم سمها ماشئت
طيب بدال ما نبكي على المطورين المساكين الي ياخذوا رواتب كويسه ليش ما نطالع بالاطفال في بنقلادش و اندونيسيا و الصين الي تقريبا يصنعوا اكثر منتجاتنا الاستهلاكية و عايشن حياة اقل ما يقال عنها كارثية
ساعات العمل الطويلة جزء من ثقافة العمل الرأسماليه للاسف .. لكن اذا كنت تاخذ راتب مجزي فعلى الاقل يتم تعويضك عن وقتك .. الي ما عاجبه الشي هذا في مليون شغله بساعات عمل قصيرة
انا في خلال تدريبي الطبي في الطب الباطني كنا نشتغل الى حد ٨٥ ساعه ( الحمد لله تخرجت و خلصت ) بالاسبوع لكن مدام في هدف بالاخير فالتعب ذا مبرر
مو مشكلة انتظر بالاخير هي ترفيه وكماليات مو شي حياتي معتمدة عليه
(حاجة مثيرة للسخرية)
بإحدى الدول الإسبانية ... أعرف ناس كانت تداوم من الساعه 11 لل1 ... يعني 3 ساعات باليوم ! ... وهو دوامه بعقد العمل يقول أنه المفروض يداوم من 8 لل 3 .....
و هالواحد طفش من الدوام فا قرر أنه يسوي بصمه سيلكون بحيث يخلي عامل النظافة يبصم بالنيابة عنه .... و أبو الشباب جالس بالبيت !
الشي ألي من جد قهرني ... مو سالفه 3 ساعات عمل .. ولا سالفه السيلكون .... ألي قهرني أنه بالسناب يحط لي أغنيه ( هلا بالخميس ) كل خميس ..... يفرح بالعطله أكثر من الناس ألي تداوم !!!! ...... عيل بالهال5 أيام أيش كنت تسوي ... نايم مثلاً ؟
تذكرت مدير المدرسة اللي درست فيها المتوسطة
نفس الشيء يداوم الصباح ويطلع 10 نادر جدا نشوفه بعد ذا الوقت وفوق كذا الأسبوع مايداومه كامل 2-3 ايام اغلب الاحيان
الشيء اللي فعلا يضحك انه ذات مرة مرض وغاب فترة بسبب مرضه
وكتب احد الطلاب في صحفية المدرسة أن غيابه جدا مؤثر لدرجة ان الطالب ذا لم يمر بجانب مكتب المدير ومايشوف المدير موجود فيبدأ يبكي!!
يابن الحلال المكتب ذا فاضي 70% من الوقت وتقول عينك تدمع لما تشوفه فاضي
قبل ما تنكلم عن الصناعة لازم نفهم الثقافة الي هم عايشين فيها .. زي ما قلت اول ساعات العمل الطويلة شي طبيعي بنظامهم الرأس مالي و مو حصر على صناعة الألعاب ..انا مش فاهم مبدأ انه الناس قاعدة تقول بدل ما يتبكبكو ومتضايقين خلينا نشوف وضع العمال في الدول الثانية وكيف عايشين !
ترى بالنهاية هذا منتدى العاب يعني اي شي بالصناعة المفروض يتم مناقشته هنا !
اما اذا القضية شوفو كيف الحياة صعبة عند ناس ثانية فنقفل المنتدى ونقلبه منتدى لمناقشة امور ثانية ابرك :/
لو الثقافة حقتهم مثل ما قلت انه من الطبيعي اي موظف يشتغل ١٠٠ ساعة اسبوعيا كان ماحد اشتكى من الموضوع واكيد هو مش حصر عن الالعاب وكل الصناعات اكيد فيها هل الامور وانا مش هنا نقطتيقبل ما تنكلم عن الصناعة لازم نفهم الثقافة الي هم عايشين فيها .. زي ما قلت اول ساعات العمل الطويلة شي طبيعي بنظامهم الرأس مالي و مو حصر على صناعة الألعاب ..
مو كل قضية نشوفها بتويتر عادلة و تستحق التبني .. لازم نفهم كل الظروف و المعطيات اول قبل ما نتحمس و نبدا نتبنى قضايا
100 ساعة فالاسبوع ابد مهوب شئ طبيعي ولا معتاد لا فالغرب ولا هنا ، عشان بس تكون عندك الصورة بافتراض يوم واحد اجازة هذا معناها حوالي 17 ساعة يوميا لشهور متواصلة ، وين فيه بالضبط الشغل 17 ساعة يوميا شئ طبيعي ؟ وعشان فيه طفل في بنقالدش مكروف براتب زبالة ما يعطي روكستار ولا اي من الشركات الطماعة الحق انها تكرف موظفينها عشان تقدر تلحق تنزل اللعبة قبل نتائج الربع المالي وهم تندمر صحتهم ، ولا اجل لا نناقش اي قضية لانه فيه مشاكل غيرها بعد تستحق النقاش ؟ تبي نحسن السكن تبع الشعب ؟ لا لانه فيه ناس مهيب قادرة تلقى اكل ، طيب نلقى اكل لهذي الناس ؟ لا لانه فيه ناس قاعدة تموت من امراض مزمنة بدون علاج ، طيب نلقى علاج لهذي الناس ؟ لا لانه فيه ناس قاعدة تقتل بدم بارد في سوريا وبهذي الطريقة ما راح نحل ولا مشكلة ، فالنهاية اصلا هذا منتدى العاب فالمتوقع هو انه النقاش يكون عن اشياء متعلقة بالالعاب موب بالاطفال اللي يصنعون الايفون فالصين مقابل فتاتقبل ما تنكلم عن الصناعة لازم نفهم الثقافة الي هم عايشين فيها .. زي ما قلت اول ساعات العمل الطويلة شي طبيعي بنظامهم الرأس مالي و مو حصر على صناعة الألعاب ..
مو كل قضية نشوفها بتويتر عادلة و تستحق التبني .. لازم نفهم كل الظروف و المعطيات اول قبل ما نتحمس و نبدا نتبنى قضايا