الموضوع الرسمي البيتا المغلقه لـHearthstone: Heroes of Warcraft بدأت !

[iNakedSnake]

السلام عليكم ورحمه الله وبركاته

نبذه :

- لعبة كروت من عالم Warcraft .
- اشتغل عليها فريق صعير مكون من 15 شخص .
- مجانيه , شراء كروت من داخل اللعبة.

طريقه اللعب:

مثل ما تشوف من الصوره :
- لكل لاعب قائد له عداد صحه , يبدأ من 30 إلى الصفر , إذا وصل الصفر ينهزم اللاعب.
-لكل لاعب ثلاثين كرت اما هو يجمعها ويكون مجموعته الخاصه , أو انه يلعب بواحده من تسع مجموعات جاهزه.
-فيه عداد مانا , يكون بأول دور 1 , ويتصاعد مع كل دور بمقدار 1 , الى الدور العاشر يكون مجموع العداد 10 مانا وتثبت الى نهايه المباراه .
- كل كرت يستخدم عدد معين من المانا , لكن اغلبها بين 1-7 مانا لكل كرت , فيه كروت خاصه ما تستهلك من عداد المانا شي .
-بعض الكروت لها خواص معينه والبعض مالها .

أطوار اللعبه :

بالبيتا فيه 3 انواع :

- الكاجوال : وهو اللعب العادي بدون لفل أو حساب عدد الفوز والخساره .. ألخ.

-الرانكد : عكس الكاجول , فيه لفلات وحسابات وفضايح .

- الأرينا : نظام خاص باللعبه , وهو الاختيار العشوائي , شرحه شوي حوسه بحط فيديو يشرح الطور هذا .

تكوين المجموعات :

اللي يلعب WoW راح يعرف أن اللعبه فيها 9 كلاسات , وباللعبه هذي أيضا فيه تسع كلاسات , الأوراق تنقسم قسمين : القسم الأول خاص بالكلاس الي تختاره بدايه تكوين المجموعه , والقسم الثاني عام لكل الكلاسات .
-كل كلاس يتميز بأوراق سحريه , و مينيونز , وهجمات القائد الخاصه .
-الأوراق تحصلها بأكثر من طريقه , اما بالشراء داخل اللعبه , أو بالمهمات اليوميه , أو بالتلفيل .

فيديوز :

شرح للآرينا :

[video=youtube;BRg0kxmjsqw]http://www.youtube.com/watch?v=BRg0kxmjsqw[/video]

قيمبلاي :

[video=youtube;aglEW_xoF_w]http://www.youtube.com/watch?v=aglEW_xoF_w[/video]


[video=youtube;cPQbN7oiS9A]http://www.youtube.com/watch?v=cPQbN7oiS9A[/video]



----------------------------
هذا الموضوع للنقاش وللتحدي وتكسير الروس

والمعذره على القصور

 

[14/08]

أكثر شيء مخوفني من اللعبة هو كمية الإدمان اللي راح تسببه لي .
إلا ما ذكرت كيف ندخل في البيتا ؟

 

[iNakedSnake]

^
التسجيل كان قبل فتره لكن مدري اذا مستمر ولا لآ , لكن البيتا ابدت من اسبوع تقريبا ,

 

[14/08]

الحين اللعبة بمرحلة البيتا المفتوح على كل المناطق !
وعلى عكس البيتا المغلقة الستاتز والديكز راح تنتقل معك للنسخة النهائية .
إي واحد يفكر فيها يبدأ فيها من الآن علشان يبني ديك محترم بسهولة .

 

[Clock Ender]

أخيراً انفتح لها موضوع ..

وعلى عكس البيتا المغلقة الستاتز والديكز راح تنتقل معك للنسخة النهائية .
إي واحد يفكر فيها يبدأ فيها من الآن علشان يبني ديك محترم بسهولة .

صادق && .. انا في المغلقة لعبت 3 مرات رانكد وكلها تهزئ محترم

 

[14/08]

أمس شغلت اللعبة ولأول مرة وكنت مخطط اني انهي التوتريال واطفي البي سي وأنام ولكن ما رجع لي الوعي إلا بعد ساعتين :/

صادق && .. انا في المغلقة لعبت 3 مرات رانكد وكلها تهزئ محترم

انا استعجلت بتجربة الاونلاين واكلت نصيبي من التهزيء :/
لكن اليوم اكتشفت أني عندي مجموعة ضخمة من الكروت المدمرة اللي ما اقدر استخدمها إلا إذا سويت كستم ديك ومن أول تجربة انتصرت

 

[Clock Ender]

^

يب الكستم ديك جداً ضروري لأنه باختصار رح توصل لمرحلة ابداً ماتقدر تفوز بدك عشوائي,

صح ان اللعبة عميقة وماتقدر ابداً تحكم بمساواتها لكن من خلال تجربة ومن خلال خبرة بسيطة في الكارد قيمز وخصوصاً في ماجيك ذا قاذرنق
توزيع بعض القدرات مو عاجبني .. لدرجة اني احياناً احس انه مخبص عدل اللعبة واحياناً فعلاً تدخل ماتش الطرفين ابداً غير متساوية !

يعني حقيقي ماتقدر تقارن واحد الهيرو باور حقه انه يعطيه تو شيلد او يخليه يهجم مباشرة عالهيرو +2 دامج !! ويييييين , لا ويكون اللي ضده شئ مرة بسيط
زي حق الساحرة اللي +1 دامج لآي واحد

 

[14/08]

الفكرة من القدرات هو أن كل قدرة لها إيجابيات وسلبيات فمثلًا الساحرة صحيح أن الدامج واحد لقوتها بس بإمكانها تضر إي شخصية حتى لو تكون من المنيونز التابعين لها وهذي مفيدة إذا كان المنيون عنده انريج .
على عكس الكلاس اللي الدامج عندها اثنين لكنه محدود على العدو .

نصيحتي لا تهتم للقوة كثير ولكن فكر بالكروت الخاصة المتوفرة عندك ففيه شخصيات عندها كروت قوية جدًا مثل مايند كونترول للبريبست .

حاليًا انا بديت بأخذ لفة على الكلاسات وجربت منهم بالادين و درويد .. درويد ممكن يكون من شخصياتي المفضلة

 

[Punished Noctis]

قاعدة أحملها حالياً... أحب العاب الـ TCG جداً.

 

[14/08]

استعد للإدمان لكن نصيحة لا تستعجل على الارينا إلا إذا أخذت فكرة كافية عن البطاقات والكلاسات وهذا لأنها بفلوس وهي تقريبًا أفضل طريقة مجانية للحصول على البطاقات الذهبية

 

[Spada]

وعليكم السلام ورحمة الله وبركاته
يعطيك العافية اخوي على الموضوع.

أمس شغلت اللعبة ولأول مرة وكنت مخطط اني انهي التوتريال واطفي البي سي وأنام ولكن ما رجع لي الوعي إلا بعد ساعتين :/

لعبتها اليوم لأول مرة, ومثلك كنت بس راح ألعب الجزئية التعليمية ,لأن عندي كلاس, لكن ما انتبهت إلا وراحت أربع ساعات

اللعبة ما توقعتها بهذه المتعة على الرغم إني انهزمت تقريباً كل المباريات إلا إني استمريت العب, ما غيرت مجموعة الأوراق اللي عندي فممكن تكون منها المشكلة.

يعني حقيقي ماتقدر تقارن واحد الهيرو باور حقه انه يعطيه تو شيلد او يخليه يهجم مباشرة عالهيرو +2 دامج !! ويييييين , لا ويكون اللي ضده شئ مرة بسيط
زي حق الساحرة اللي +1 دامج لآي واحد

أنا لاحظت هذا الشيء مع الساحرة, قدرتها جيدة لكن ما تتقارن بقدرات الهيروز الي لعبت ضدهم مثل الكاهن والدرع و واحد يستدعي وحش عشوائي كل دور.

 

[Punished Noctis]

اللعبة جداً جداً جداً ممتعة و إدمانية @@ لعبت اول ماتش لي اون لاين و فزت فوز ساحق!
بس عندي سؤال.. كيف اقدر العب مع شخص اعرفه؟ ولا كله عشوائي؟

 

[vSonar]

أحب عالم واركرافت بشكل عام, جالس أحملها

 

[iNakedSnake]

اللعبة جداً جداً جداً ممتعة و إدمانية @@ لعبت اول ماتش لي اون لاين و فزت فوز ساحق!
بس عندي سؤال.. كيف اقدر العب مع شخص اعرفه؟ ولا كله عشوائي؟

لازم تضيفه , وتقدر تتحداه من قائمه الاصدقاء

 

[vSonar]

واو, ما توقعت اللعبة بهذي الرهابة @@ تذكرت أيام يوغي 3>

 

[Punished Noctis]

اللي يبغى يلعب يضيفني شباب.
SolidSora #1794

 

[vSonar]

حتى أنا
vNawar #2311
طبعاً ما راح ألعب مع احد حتى أقدر أدخل الايرينا @@

 

[Punished Noctis]

انا لسا مادخلت الارينا.. انسجمت في الاون لاين @@
تبقى لي 4 هيروز افتحهم.. بفتحهم و ادخل ارينا.

 

[14/08]

وقفت على رانك 19 وما اقدر اتعداه -_-
وهذا لأن أغلب اللي ضدي معاهم كروت قوية جدًا ... فيه واحد قدر يتعداه بدون ما يشتري باك ؟

 

[Spada]

وقفت على رانك 19 وما اقدر اتعداه -_-
وهذا لأن أغلب اللي ضدي معاهم كروت قوية جدًا ... فيه واحد قدر يتعداه بدون ما يشتري باك ؟

أنا وصلت رانك 16 بعدين انهزمت و رجعت رانك 17. وقفت فيه, مرة انهزم ومرة افوز بعدها رجوعني رانك 25 (اعتقد bug). اللفل ما تغير لكن الرنك انعاد من البداية.
الID
Spada #2986

 

[ShooSh]

أنا وصلت رانك 16 بعدين انهزمت و رجعت رانك 17. وقفت فيه, مرة انهزم ومرة افوز بعدها رجوعني رانك 25 (اعتقد bug). اللفل ما تغير لكن الرنك انعاد من البداية.
الID
Spada #2986

الكل رجع لرانك 25 لأنهم عملوا ريسيت للرانك *_*

للحين ما لمست الأرينا أول شيء ناوي أفهم الكلاسات وألفلها قبل لا أبدأ فيها

 

[14/08]

أنا وصلت رانك 16 بعدين انهزمت و رجعت رانك 17. وقفت فيه, مرة انهزم ومرة افوز بعدها رجوعني رانك 25 (اعتقد bug). اللفل ما تغير لكن الرنك انعاد من البداية.
الID
Spada #2986

ممكن تقول لي إيش الكلاس اللي تستخدمها ؟
صراحة لا حظت أن أسلوب لعبي يتغير أول ما اغير الكلاس فمثلًا لما لعبت في الميج صار لعبي دفاعي بشكل كبير بسبب السبيلز .

 

[Clock Ender]

الفكرة من القدرات هو أن كل قدرة لها إيجابيات وسلبيات فمثلًا الساحرة صحيح أن الدامج واحد لقوتها بس بإمكانها تضر إي شخصية حتى لو تكون من المنيونز التابعين لها وهذي مفيدة إذا كان المنيون عنده انريج .
على عكس الكلاس اللي الدامج عندها اثنين لكنه محدود على العدو .

فاهم اللي تقوله تماماً ومدركه, لكن هدف اللعبة والمباراة ماتحسم الا بنهاية وموت الهيرو !

فما اتفق ابداً ان خاصية اني اضرب أي واحد +1 أحسن من الخاصية الخارقة اللي اضرب الهيرو مباشرة +2 .. الثانية هي المطلوبة والثانية هي اللي رح تفوزك بالماتش ككل مو براوند واحد !
والانريج إلى الآن ماواجهت ولا احد استخدمه ضدي ولا انا عندي اي بطاقة له .. اوكي ممكن تكون ذهبية وتجيك كمان قدام بس اذا كذا مالها داعي لأنه مارح تكون منتشرة او متوزعة عند الكل
( و وصلت تحت 19 رانكد ولعبت قدام الجميع وفاتح 5 )

ألعاب الكاردز كلها ادمانية لو فعلاً تبغوا هذا الجينرا, وفيه العاب صارت موسوعات ومرة عميقة .. النقطة اللي كسبوها بليزارد انهم سوو لعبة مبسطة اكثر ولعالم له شعبية وفان بيس عملاق
لا والاحسن انهم سوو لها بلاتفورم للعب .. اغلب العاب البطايق مالها بلاتفورم معين تلعب فيه وان كان موجود يكون ضعيف جداً, الكريديت لبليزارد انهم عرفوا كيف ياخذوا الجينرا للخطوة اللي
قدام ومارح استغرب انه خلال السنتين القادمة نشوف كثييير العاب بطائق جديدة تنزل اونلاين او حتى متصفح

قهروني بحركة الريسيت .. ماصدقت افوز بأكثر من ماتش ورا بعض واتقدم وفجأة اليوم الثاني كله منتهي !!

 

[iNakedSnake]

اللي وده يتمصخر ويعتزل اللعبه بعد الهزيمه الساحقه ..

MDryhiM#2117

 

[Spada]

ممكن تقول لي إيش الكلاس اللي تستخدمها ؟
صراحة لا حظت أن أسلوب لعبي يتغير أول ما اغير الكلاس فمثلًا لما لعبت في الميج صار لعبي دفاعي بشكل كبير بسبب السبيلز .

كنت ألعب بالميج, هو الكلاس الي بدأت فيه و ما لمست الكلاسات الثانية حتى الأن. حالياً ما قدرت اعدي رانك 20 بعد الريسيت. اتمنى لو على الأقل يعطوني بطاقة جديدة لكل لفل بدل نسخ مختلفة من بطاقات قديمة.

 

[14/08]

فاهم اللي تقوله تماماً ومدركه, لكن هدف اللعبة والمباراة ماتحسم الا بنهاية وموت الهيرو !

فما اتفق ابداً ان خاصية اني اضرب أي واحد +1 أحسن من الخاصية الخارقة اللي اضرب الهيرو مباشرة +2 .. الثانية هي المطلوبة والثانية هي اللي رح تفوزك بالماتش ككل مو براوند واحد !
والانريج إلى الآن ماواجهت ولا احد استخدمه ضدي ولا انا عندي اي بطاقة له .. اوكي ممكن تكون ذهبية وتجيك كمان قدام بس اذا كذا مالها داعي لأنه مارح تكون منتشرة او متوزعة عند الكل
( و وصلت تحت 19 رانكد ولعبت قدام الجميع وفاتح 5 )

ألعاب الكاردز كلها ادمانية لو فعلاً تبغوا هذا الجينرا, وفيه العاب صارت موسوعات ومرة عميقة .. النقطة اللي كسبوها بليزارد انهم سوو لعبة مبسطة اكثر ولعالم له شعبية وفان بيس عملاق
لا والاحسن انهم سوو لها بلاتفورم للعب .. اغلب العاب البطايق مالها بلاتفورم معين تلعب فيه وان كان موجود يكون ضعيف جداً, الكريديت لبليزارد انهم عرفوا كيف ياخذوا الجينرا للخطوة اللي
قدام ومارح استغرب انه خلال السنتين القادمة نشوف كثييير العاب بطائق جديدة تنزل اونلاين او حتى متصفح

قهروني بحركة الريسيت .. ماصدقت افوز بأكثر من ماتش ورا بعض واتقدم وفجأة اليوم الثاني كله منتهي !!

انا ذكرت الانريج كمثال وعلشان اوضح لك اقصى حدود القدرة لكن كنصيحة إذا واجهت لاعب ميج واستدعى ريجنق ورقين اذبحه بدون تفكير !

القدرة مثل ما قلت لك ميزتها هي الأضرار بأي شخصية حتى وإن كان العدو مستخدم تنت فهذا يعطيك فرصة أن تقتل أي منيون تكون طاقاته X/1 وازلة الديفاين شيلد أن كان موجود بدون إي تضحيات مبالغ فيها.

انا معك الهدف في اللعبة هو إيصال طاقة العدو الصفر ولكن علشان تضمن هذا لازم تكون اللعبة تحت سيطرتك .

كنت ألعب بالميج, هو الكلاس الي بدأت فيه و ما لمست الكلاسات الثانية حتى الأن. حالياً ما قدرت اعدي رانك 20 بعد الريسيت. اتمنى لو على الأقل يعطوني بطاقة جديدة لكل لفل بدل نسخ مختلفة من بطاقات قديمة.

أمس انهزمت هزيمة شنيعة برانك 24 وهذا لأن اللي لعبت ضده استخدم اقوى الكروت باللعبة وزيادة على هذا كل كروته كانت ذهبية >_<
حاليًا مالك إلا شراء باكز بالذهب اللي حصلته أو الدخول في الارينا وتدعي الله أنه يضرب معك الحظ بالكروت .