البلي ستيشن 3 النسخه الامريكية (60 جيجا) في الكويت ارخص من امريكا (بدون مزاح)

[bnbn]

قاعد اتكلم جد بدون مزاح او غشمرة او استعباط

البلي ستيشن 3 النسخه الامريكية ام 60 جيجا تباع بمحل جيم ستيشن بمجمع الرحاب بـ 190 دينار كويتي فقط و عنده كمية كبيرة بعد

190 دينار كويتي = 657 دولار امريكي = 2465 ريال سعودي

اذا عرف السبب بطل العجب
في محليلن بالرحاب بينهم بين بعض 3 امتار كل واحد يبي يكسر سوق الثاني قام الاول جاب كميات كبيرة من البلي ستيشن 3 و باعها بـ 250 دينار (على ما اعتقد ) و قام المحل الاخر و عمل نفس الشيء و باعها باقل من سعر المحل الاول بـ 10 دنانير و رد المحل الاول بالمثل و قلل السعر 10 دنانير ليصبح الارخص بس المحل الثاني لم يرضى بذلك ققلل السعر 10 دنانير اخرى ...............و هكذا

و اليوم و انا بالرحاب شفت سعر البلي ستشن 3 بالمحل الاول 205 دينار و الثاني 200 و بعد نص ساعه صار السعر بالمحل الاول 199 دينار و الثاني 190 دينار و طبعا الاسعار كانت تعلق على واجهة المحلين عشان الكل يشوفها

Note:
- البلي ستيشن 3 مع الـ Tax يصير سعره اكثر من 650 دولار (صح و لا أنا غلطان ؟؟)
- اول شيء ما صدقت المحلين بس شفت واحد يشتري الجهاز امام عيني
- اسم المحلين هم جيم ستيشن بقيادة محسن و جيم سنتر بقيادة محمد و شعبان
...

 

[Bounty]

لول يا عله يوصل 20 دينار قولو آمين حق هالنصابين ..

حط حيلهم بينهم يارب

 

[Khalid-S]

والله شكل البلاي 3 ما يبيع حتى في الخليج ... مممم هو اكيد السعر والالعاب عامل رئيسي .. لو كان في لعبة فايت مثل تيكن في اللانش كان تحسن الوضع عندنا كثير .. ولعبة سيارات محترمه مثل GTHD.

 

[*legend*]

اللهم اهلك النصابين بالنصابين ---> لول داخل بقوة

بجد التنافس بقلل من مستوى النصب , لكن طالما الناس تشتري بالأسعار الفوق معقولة هذي بيظل النصب متواجد و ان خف او انعدم بفترة معينة

>>> محمد وراك وين ما تروح لول

 

[TenZen]

بس متأكد من انهم امريكي ...!! اشك في الموضوع , اعتقد انهم ياباني
الو الارخص من الياباني و هو الاسيوي .. (اعتقد الاسيوي ممكن توصله على الكهرباء مباشرة
يعني 220-240)

 

[*legend*]

بس متأكد من انهم امريكي ...!! اشك في الموضوع , اعتقد انهم ياباني
الو الارخص من الياباني و هو الاسيوي .. (اعتقد الاسيوي ممكن توصله على الكهرباء مباشرة
يعني 220-240)

منين طلعت هالنسخة هذي بعد ؟( الآسيوية ) ومتى ؟
الياباني سعر الـ60 جيجا حول 1900 ريال

 

[Futrus]

ياريت جيم نيشن يخسر للحين مقهور منه عفس لي الغيم كيوب

بس ما أنكر إن غيم نيشن أفضل محل شفته من الناحيه التقنيه

 

[Ash]

والله شكل البلاي 3 ما يبيع حتى في الخليج ... مممم هو اكيد السعر والالعاب عامل رئيسي .. لو كان في لعبة فايت مثل تيكن في اللانش كان تحسن الوضع عندنا كثير .. ولعبة سيارات محترمه مثل GTHD.

لما سئلت و استفسرت , الشباب ناطرين الكوبي .

 

[Mesharey]

الكوبي نزل :slant:
لكن اسعاره فوق ..
سعر الجهاز ممتاز صراحة .. إلى ان افكر اشتريه يكون سعره تمام

 

[Ash]

الكوبي نزل :slant:
لكن اسعاره فوق ..
سعر الجهاز ممتاز صراحة .. إلى ان افكر اشتريه يكون سعره تمام

نزل بالسوق ! لول مسرع , عالعموم شكله مو منتشر للحين ( أول مره أسمع عنه ) .

 

[Ginko]

طبعا غلطان بخصوص التاكس لانها تفرق من ولايه لولايه. وانت حاط نسبه تقريبا 9% تاكس يعني من اعلى التاكسات في امريكا. وفي النهايه التاكس مو جزء من السعر، فتقنيا ما تقدر تقارن سعر من دوله لاخرى باضافة التاكس، خصوصا اذا واحده من الدول مافيها تاكس اساسا.

 

[Salman]

اللانش الحقيقي للبلي ستيشن 3 في الخليج = لانتش ونينج إليفن
وقتها الجهاز بينباع و لو كان سعره 600 دينار !

 

[Mesharey]

اللانش الحقيقي للبلي ستيشن 3 في الخليج = لانتش ونينج إليفن
وقتها الجهاز بينباع و لو كان سعره 600 دينار !

ههههههه معاك حق .. اعرف صاحبي بيشتري الجهاز لما ينزل ويننج إليفن :yuck:

 

[ASWD]

افاا..ومحد من شباب المنتدى شراه..والله ياريت يكونو هالمحلات عندنا..ضمان الوكالة للجحيم دام السعر كذا

 

[Bounty]

افاا..ومحد من شباب المنتدى شراه..والله ياريت يكونو هالمحلات عندنا..ضمان الوكالة للجحيم دام السعر كذا

لول المشكله ماكو العاب حاليا تغريك بالجهاز .. ولا الجهاز عاجلا أم آجلا باذن الله باخذه .. بس حرام تاخذه الحين و ما في شي يحمسك للجهاز راح يصدر قريب


طبعا الا اذا نزلت احد هالألعاب أو قربت تنزل (MGS .. DMC .. FF XIII .. etc)

 

[Final Fantasy]

@@" !!!!!


على الله تستمر هالأسعار للصيف لأن كل خوفي سعر الجهاز يرتفع مرة ثانية و بعدين أتحطم لأني ما اغتنيت الفرصة الحين ...

 

[Final Fantasy]

هههههههههههههههههههههههههههه XD

في الخارج الـ PS3 سعره ضعف سعر الـ WII ... و في الكويت الـ WII سعره أغلى من الـ PS3 !!!!!!!!!!!!


OMG LOOOOOOOOOOOOOOOOOL XD

 

[ABUALI]

لول المشكله ماكو العاب حاليا تغريك بالجهاز .. ولا الجهاز عاجلا أم آجلا باذن الله باخذه .. بس حرام تاخذه الحين و ما في شي يحمسك للجهاز راح يصدر قريب


طبعا الا اذا نزلت احد هالألعاب أو قربت تنزل (MGS .. DMC .. FF XIII .. etc)

رزستنس يا رجل، عرض ما يتفوت الصراحة - جهاز امريكي وتقريبا بالسعر الأصلي للجهاز

 

[Golden_Sun]

مافيه منافسه بالاسعار عالويي؟ P:

 

[persona]

أهو الكوبي السبب لهالعالم ..بيوصل سعره 150 وماراح أستغرب ..

عاد شوف قطعة الكوبي جم تتركب ..40..50 دينار ؟ ..

الكوبي بلو راي ..والا 4 سيديات ديفيدي بجيس واحد مثلاً؟ ..

 

[BioMario]

عندنا في ابوظبي سعر الجهاز 2500 ..
و رح يرخص بعد طبعاً ..

والله انا مستغرب مقارنتاً مع سعر الجهاز في امريكا

 

[Death match]

اعتقادي ان الجهاز راح ينزل اكثر على شهر 5 او سته القادم

المهم انا ميزانيتي له 125 وبلا وجع راس

 

[H-Bomb]

أمس رحت بيت الكمبيوتر ... سألته بكم PS3 ( طبعا أبو 60 جيجا ) ? ... قالي رخيص بـ 6000 ... >.>

 

[JOE]

شباب لنضع النقاط على الحروف ....

دحين انا تاجر (مثلاً) و غرضي الربح اولاً و اخيراً بالحلال اكيد ، إشتريت بضاعة تكلفتة القطعة علي بـ500 ريال مثلاً فعرضتها للبيع بـ1000 ريال ...

هل تسموا الإجراء اعلاه ((نصب)) !!؟؟

شئ غريب والله ! طالما انت عقلك في راسك و عارف سعره الاصلي خلاص مافي داعي تكسبوا ذنب في الآدمي المسكين إلي يبغى يترزق الله ((بالحلال))

و الغشما عن السوق و ما يعرفوا الاسعار الفعلية و ما يتابعوا ذنبهم على جنبهم ... ولا إيش رأيكم ؟

 

[m7tram]

الجهاز للحين سعره بـ250 مع لعبه ... يعني لا 190 ولا نيله .. انا سئلت اليوم .

 

[Lunar Poet]

شباب لنضع النقاط على الحروف ....

دحين انا تاجر (مثلاً) و غرضي الربح اولاً و اخيراً بالحلال اكيد ، إشتريت بضاعة تكلفتة القطعة علي بـ500 ريال مثلاً فعرضتها للبيع بـ1000 ريال ...

هل تسموا الإجراء اعلاه ((نصب)) !!؟؟

شئ غريب والله ! طالما انت عقلك في راسك و عارف سعره الاصلي خلاص مافي داعي تكسبوا ذنب في الآدمي المسكين إلي يبغى يترزق الله ((بالحلال))

و الغشما عن السوق و ما يعرفوا الاسعار الفعلية و ما يتابعوا ذنبهم على جنبهم ... ولا إيش رأيكم ؟

تزود عليه مبلغ معقول مب "أضعاف" السعر لول

 

[m7tram]

المهم انا ميزانيتي له 125 وبلا وجع راس

الجهاز سعره الاصلي 600 دولار يعني تقريبا 175 دينار .. اشلون تبيه يصير عندنا بـ125 ؟ مستحيل الا بعد ما يسون تخفيض للسعر والي اشك انه راح يصير عن قريب .

 

[JOE]

تزود عليه مبلغ معقول مب "أضعاف" السعر لول

يزود زي ما يزود ماني شايفها ((نصب)) ما احد ضربك على يدك تشتري بسعره هذا ؟ روح شوف غيره ...

و ماني شايفها (شرعاً) حرام .

 

[Bounty]

يزود زي ما يزود ماني شايفها ((نصب)) ما احد ضربك على يدك تشتري بسعره هذا ؟ روح شوف غيره ...

و ماني شايفها (شرعاً) حرام .

لا تفتي ..


انا ما راح افتيلك .. بس اذكر سامع عن سعر محدد اتزيد عليه السعر بالشرع .. بس مو الضعف !!



و دام انك شايف ان ما فيها نصب ... ليش لما تتصل على حماية المستهلك و تقول لهم عن هالسعر يروح فيها الرجال ؟؟؟؟؟

 

[JOE]

ههه يوسف انا ما افتيت انا قلت :

و ماني شايفها (شرعاً) حرام .

يعني ما سمعت شئ يناقض ....
و طبعاً يزيد بالمعقول من نظرتي كزبون لكن انا شايف انه له الحرية بما شاء و ما يستاهل وصف ((نصاب)) عشان هالشئ .