الإعلان عن دايركت Animal Crossing

[I B R A]

شباب بما اني غشيم بالسلسلة فا عندي جم سؤال :
1 لو اغلب فترات لعبي بالليل... هل راح اعاني بهالشي؟ يعني مجبور العب بالنهار؟
2 هل الحوارات و الشخصيات باللعبة لها قصة معينه او احداث ولا مجرد سيميوليشن؟
2 هل هي سهلة و مسلية لطفل عمره ٦ سنوات ان يلقى فيها امور تسليه و يعرف يسوي فيها انشطة ولا بيمل منها بسرعة؟
و اعتذر عن كثرة الأسئلة بس لاني عمري ما لعبتها ولا لعبت اي لعبة سيميوليشن بخلاف سيمز عالميغا درايف و اذكر انها كانت ادمان

- نوب مانت مجبور تلعب بوقت محدد ، بالصباح المحلات مفتوحة وبالليل تقفل بس تقدر تسوي نشاطات ثانية ، لو مره متاخر السكان بيكونوا نايمين ، في نيو ليف كان فيه خاصية تخلي فيها المحلات تقفل متاخر مادري اذا بتكون متوفرة بهذا الجزء ، وفيه امكانية تعدل الوقت على الجهاز تخلي الساعة مثلا بالصباح

- الحوارات بسيطة احيانا الشخصيات يطلبوا منك شيء معين وانت عندك الخيار انك تنفذه او لا ، فيه شخصيات مثلا بتشوفهم في محلات وراح يطلبوا ذوقك بخصوص ملابس او اي شي ، كل الحوارات بنفس الاسلوب هذا ، مافي قصة تمشي عليها

- يس اللعبه موجهة للكل

 

[I B R A]

تقص علي..
وين الرد

داخل الاقتباس

 

[Bo7mood89]

داخل الاقتباس

هههههههههههههه مشكور انك نبهتني و مشكور leader_e على الردود..
باخذها ان شاء الله لان كلامكم عنها يبين انها جداً مسلية و فرصة ممتازة انها تغير الجو بنص العاب الاكشن و شد الاعصاب

 

[جون سيلفر]

الناس اذواق فعلاً ..واضح ان اللعبة مو موجهة لي أبداً

 

[Mario king]

في جزء سابق اعتقد تقدر تغير في قوانين بلدة لو اصبحت عمدة

 

[Bounty]

لازم على نفس الجهاز ، بس عموما تقدر تزور جزيرته من جهاز اخر وتساعده على بناءها اتوقع الفارق الوحيد انك ما راح تكون من سكانها ..




هو بالامانة التايم ترافل مشهور بالسلسلة وحتى بدون الكلاود سيف تقدر تقوم فيه بدون عقاب ، مجرد تغير الساعة على السويتش وخلاص :/
الكلاود سيف متعلق بالتريد مع الاصحاب ، بيتيح لك ترجع الايتمز الي خسرتهم بالمبادلة !

--

احس فيه سوء فهم بهذا الموضوع ، اللعبة المفروض تدعم نقل الحفظ مثل سبلاتوون الي ما تدعم الكلاود لكن تقدر تنقل التخزينة بنفسك من جهاز الى اخر بالتالي لو قررت تعمل ابجريد لجهازك مافي اي شي بيمنعك ..
الكلاود اهميته بحال خرب السويتش ، المهم هم قالوا انك تقدر تستخدمه مرة واحدة فقط الجزئية هذه بالمناسبة حذفوها لما حدثوا الدايركت ، واضح انه الموضوع لسه تحت المراجعة ..

اتوقع بالاخير نين بترضخ ، اشوف السبب ضعيف في انك تشيل خاصية مهمة مثل هذه ، الكلاود سيف بكبره اصلا ما كان موجود وبالاخير نزلوه ، ماريو ميكر ما كانت تدعم الاونلاين مع الاصدقاء وصارت ضجة عليها ، وطبعا ال national pokedex مع بوكيمون سورد/شيلد ..

احيانا نين احسها تسوي الفوضى هذي بقصد او ممكن غباء لول

مستحيل لأن تغيير الوقت والتاريخ بتعاقبك عليه اللعبه عقاب صارم بنزوح اشخاص من مدينتك / موت العديد من النباتات و اشياء اخرى ما اذكرها،، جربتها قبل في بداياتي مع السلسلة و كليتها P:

صدقوني السالفة مو سالفة لعانه و غباء من المطور،، التخزينة عنصر اساسي بالتجربة و ممكن تفسد التجربة كلها عند العبث فيها ،، ممكن يشوفون حل ثاني وهو نقل التخزينة مره كل سنة أو مرتين بالكثير و ممكن يرضى جميع الاطراف

 

[Bounty]

شباب بما اني غشيم بالسلسلة فا عندي جم سؤال :
1 لو اغلب فترات لعبي بالليل... هل راح اعاني بهالشي؟ يعني مجبور العب بالنهار؟
2 هل الحوارات و الشخصيات باللعبة لها قصة معينه او احداث ولا مجرد سيميوليشن؟
2 هل هي سهلة و مسلية لطفل عمره ٦ سنوات ان يلقى فيها امور تسليه و يعرف يسوي فيها انشطة ولا بيمل منها بسرعة؟
و اعتذر عن كثرة الأسئلة بس لاني عمري ما لعبتها ولا لعبت اي لعبة سيميوليشن بخلاف سيمز عالميغا درايف و اذكر انها كانت ادمان

- المحلات باللعبه لها اوقات معينه وتتسكر فيها ،، يعني ماراح تقدر تبيع اغراضك عشان تزيد فلوسك وتسدد قرضك،، الجيران بينامون،، اللعبه بتكون هادية بدون احداث تقريباً عكس الصبح المليء بالنشاطات .. عندك بعد بعض الاحداث الاسبوعية باللعبه ممكن تنتهي فترتها بالليل على ما اذكر،، بس بالمقابل بتقدر تصيد سمج و حشرات و تعبي المتحف بالانجازات و على ما اذكر بعد ماتسدد جم قرض بتقدر اتخلي السوق موجود 24 ساعة

- على حسب خلقك بالموضوع،، اذا علمته اشلون يزرع/يصيد سمج اتوقع بيستمتع وهالاشياء سهله بالمناسبه ،، محتاجة شوية توجيه بس الله يعينك عالاسئله الي ماراح تنتهي منه XD

 

[Bo7mood89]

- المحلات باللعبه لها اوقات معينه وتتسكر فيها ،، يعني ماراح تقدر تبيع اغراضك عشان تزيد فلوسك وتسدد قرضك،، الجيران بينامون،، اللعبه بتكون هادية بدون احداث تقريباً عكس الصبح المليء بالنشاطات .. عندك بعد بعض الاحداث الاسبوعية باللعبه ممكن تنتهي فترتها بالليل على ما اذكر،، بس بالمقابل بتقدر تصيد سمج و حشرات و تعبي المتحف بالانجازات و على ما اذكر بعد ماتسدد جم قرض بتقدر اتخلي السوق موجود 24 ساعة

- على حسب خلقك بالموضوع،، اذا علمته اشلون يزرع/يصيد سمج اتوقع بيستمتع وهالاشياء سهله بالمناسبه ،، محتاجة شوية توجيه بس الله يعينك عالاسئله الي ماراح تنتهي منه XD

انزين اقدر اقلب الساعه؟ ليلي نهاري و نهاري ليلي، لاني الصبح اكون بالدوام و اغلب لعبي فترات الليل، جذي ماراح استمتع اذا كله بليل..
و لا تحاتي حمود بالي معاه كان طويل كفاية اني علمته وايد امور منها انه صار جيمر محترف بس يلعب بتوازن فا سهلة هذي ان شاء الله p:

 

[Bounty]

انزين اقدر اقلب الساعه؟ ليلي نهاري و نهاري ليلي، لاني الصبح اكون بالدوام و اغلب لعبي فترات الليل، جذي ماراح استمتع اذا كله بليل..
و لا تحاتي حمود بالي معاه كان طويل كفاية اني علمته وايد امور منها انه صار جيمر محترف بس يلعب بتوازن فا سهلة هذي ان شاء الله p:

الله يخليه لك ويجعله من الصالحين يارب


اتوقع اذا قلبت الوقت (حالياً) قبل لا تلعبها بتكمل بدون مشاكل .. بس شوف اذا هالشي مثلاً يخرب عليك الEshop أو اشياء بالجهاز تعتمد ان الوقت يكون صحيح فيه

بس للأمانه ما انصحك،، لأن اتموسفيرها يعتمد على تزامن وقت اللعبه مع الوقت الحقيقي

 

[I B R A]

 

[Bounty]

توني اشوف هالفيديو

--

شباب يبيلنا موضوع رسمي

 

[Hassn135]

متحمس لها بالرغم اني مالعبت اي جزء مع الحماس سويت بري اوردر لنسخة السويتش الخاصه للعبه اتمنى تكون قد الحماس

 

[I B R A]

بوث نين بباكس

نزلت معلومات بالهبل عن اللعبه بعد استعراضها بالمعرض من ضمنها :

- عودة الرسائل الي بالقوارير عند الشاطئ بهذا الجزء
- تقدر تختار كوفر مخصص لهاتفك
- تقدر تتحكم بطريقة عرض الكاميرا ، من الاعلى الى الاسفل على غرار جزء الجيم كيوب
- فيه اهتمام اكبر بالتفاصيل مثلا خارج ساعات العمل نوك وايزابيل بيكونوا مشغولين بتنظيف المكتب بدل من الجلوس فقط وانتظارك




تقدر تغير ستايل الشخصية باي وقت ، مادري اذا راح يتخلوا عن الصالون ، سابقا تغيير الستايل متعلق باجوبتك على مجموعة اسئلة وعلى اثرها يتم تحديده ، الطريقة الجديدة ولو انها اسهل ومش مكلفة بس بحسب رايي افضل

فيه Custom Design كمان استعرضوه بالديمو بباكس



عودة المهمات اليومية من نيو ليف - بعد التحديث -
خبر ممتاز خصوصا للاعبين الجدد


احلى خبر :


هذا الي كنت ابغاه :/





وهنا اعلان جديد من نينتيندو اليابان يستعرضوا كمان نسخة السويتش لايت الجديدة

يلا باقي 3 اسابيع ..

 

[Bo7mood89]

اللعبة حالياً متصدرة مبيعات المتجر الامريكي

 

[I B R A]

امس نزلت انطباعات من المراجعين ، نينتيندو عملت لهم ٣ ديموهات
الاول ببداية اللعبه ، الثاني بعد مرور فترة من الوقت والثالث يتحدث عن ميزة ال terraforming الي هي البناء ، مجموع الي لعبوه تقريبا ساعة




انطباعات نينتيندو لايف جدا رهيبة باحط شوية نقاط منها :

- مظهر اللعبه رائع ، الدايركت والعروض ما تعطيها حقها ، هناك الكثير من التفاصيل - الواحد احيانا ما يشوف النقلة بالجرافيكس الا لما يرجع لالعاب انيمال كروسينج القديمة مثل ما عمل المراجع -
- اللعبه تعطيك قرارت وحرية التصرف اكثر من الاجزاء القديمة ، هنا انت مسؤول تقريبا عن كل شيء وبالرغم من هذا لسبب ما التجربة relaxing اكثر من نيو ليف
- العالم مليئة بالحياة ، الحيوانات تتفاعل وتقوم بالاشياء بدل من انتظار تفاعلك معهم كما اعتدنا سابقاً
- الشخصية لديها ثقل عندما تتحرك وتركض على عكس الاحساس الخفيف عند الحركة بالاجزاء القديمة
- المتحف جدا ضخم - شوفوا ردة فعله بالدقيقة 7:50 لما شاف كوب منسي على الطاولة XD -
- هناك الكثير من الاشياء التي ستقوم بها بهذا الجزء - النقطة هذه ذكروها كمان جيم اكسبلاين وارتباطها بنظام المهام اليومية -
- اللعبه تتشكل لتكون افضل واضخم انيمال كروسينج




كمان نزلت عروض جديدة للعبة



وباليابان





رهيبة خيارات التصميم بالبيت

اكثر لعبة charming على السويتش 3>

 

[Golden_Sun]

حماااااس انا متابع لاخبارها بشكل خفيف ما ودي اقرا الكثير ابي اتفاجئ فيها لما العبها

 

[Terminator]

هلا حبايبي
بما اني ولا مرة جربت هالسلسلة لاني ما اميل لهالنوعية
ولكن قلت راح اعطيها فرصة مع بنتي والعب نسخة العدس
بس ممكن اعرف شنو المميز بهاللعبة..؟ شنو نظامها يعني
ابي حماس شوي

 

[I B R A]

هلا حبايبي
بما اني ولا مرة جربت هالسلسلة لاني ما اميل لهالنوعية
ولكن قلت راح اعطيها فرصة مع بنتي والعب نسخة العدس
بس ممكن اعرف شنو المميز بهاللعبة..؟ شنو نظامها يعني
ابي حماس شوي

الموضوع مليان معلومات تفهمك ايش المميز باللعبه ، تقدر تشوف الدايركت او تراجع الصفحة الثانية شرحنا فيها نظام اللعب

انا برايي تسحب على نسخة العدس وتشتري نسخة السويتش ، واضح انها افضل بكل شي