الإجازة قرّبت ، مشاريعك ؟

[The Last Fantasy]

Summer Vacation '07

​

بعد شهر واحد تقريبا بتبدأ إجازة الصيف ، واللي ممكن تكون بدت عند بعض شباب الجامعة ..

والكل أكيد في راسه مخططات يسويها في الإجازة .. اللي ناويها سفرات ، واللي وراه ترم صيفي ، واللي ناوي يحلّلّها ! ...إلخ .

فتحت الموضوع الحين حتى نقدر نشوف الشباب قبل ما يقعد كل واحد فيكم مع كتابه ويستعد لاختباراته .

باختصار ، كل واحد شباب يحط مخططاته لصيف 2007

 

[Isaac]

السيت الأول

لي رد


تعديل :

* لول كنت بفتح موضوع صيف السنة ذي بس سبقتني :yuck: *



لستة الأشياء اللي بأسويها طويييييييييييييييييييييييييييييييلة جدا !!

بأحطها لا فضيت

بس شباب عندي اقتراح ..





ياريت كل واحد يحط لنا القوائم التالية :

1- الألعاب اللي بيلعبها
2- الكتب اللي بيقراها
3- الأنميات أو المسلسلات اللي بيشوفها
4- الأماكن اللي مخطط يسافر لها
5- أحداث مميزة للصيف القادم ناوي يسويها بحيث إنها ترتبط بهالصيف (مثلا بالنسبة لي بأطلع رخصة سواقة ... فبأسمي هالصيفية : الصيفية اللي طلعت فيها رخصة لول وزي كذا !! )

 

[Yaz3D]

آآآآآآآآآه .. متى تجي الإجازة بس ..

بالنسبة لمخططي:

في 28/6/1428 بتكون رحلتي لإيران عشان أشارك للأوليمبياد الدولي للفيزياء المقام هناك بما إني حصلت على المركز الثالث على المملكة في الفيزياء العام اللي فات-باركوولي^^-

وبعدها برجع وبنشغل بالتقديم عالجامعات لأني ثالث ثانوي الحين .. meh.. الله يعين بس..

تبون الصراحة؟ ما أعرف كيف أقدم على جامعة :yuck: إن شاء الله تتسهل الأمور بس..

قولنا أنت يا عبد العزيز وش مخططاتك؟

 

[Futrus]

أكل ونوم ftw XD
هههههههه


آها الترتبب اوكي:

1- لوكوروكو ، غوست ان غوبلنز دي جي ماكس 2 ،، وكم لعبة بلاي1 مجهز ملفاتهم علشان أنقلهم للبي اس بي
2- هاري بوتر الجزء الأول صارلي فتره شاريه بقرأه
3- همم كونان وبس أعتقد نزلت 200 حلقه وال10 أفلام ما أتوقع أشوف 5% من اللي نزلته
4-بروح لندن دوره مكثفه في الإنجليزي
5-رخصة القياده

 

[Mista Koo]

ما رح أحدد لي مشاريع... كل سنة أنواع المشاريع العملاقة والضخمة وما أنفذ ولا شي منهم -___-

دارك ساينو: ترى التقديم سهل وما يبيله شي.. قدم على كل مكان في العالم حتى لو ما كنت تبيه لكن لا تفهي مثلي ومن الحين شوف تواريخ التقديم في كل مكان في العالم.. لا تضيع على نفسك تقديم بعض الأماكن زيي ><" (تأخرت كم يوم بس وراح علي -مع أني ما كنت أبيه أساسا P: بس انقهرت-)

 

[Bounty]

1- الألعاب اللي بيلعبها

هيلو 2 ( ما خلصتها ليلحين لول) ..

فف12 بحاول اكملها مع انها ما تساعد =_=

كوندمند ..

يوشي آيلند DS

فاتل فريم 3 <<اول شي ببدي فيه ان شاء الله ..
ما ادري مو متذكر العاب بعد ..

2- الكتب اللي بيقراها

بحاول قد ما اقدر اقرى كتب "ليلى العثمان" .. بكمل كتاب "يحدث كل ليلة" .. وكتاب "بلا قيود دعوني اتكلم" و كتاب "الرحيل" ..و "المحاكمه" .. طبعا كلهم حق ليلة العثمان P:

3- الأنميات أو المسلسلات اللي بيشوفها

اذا عندي وقت بكمل OP .. المسلسلات يمكن اشوف المسلسل الياباني الي كلمني عنه ارفيجي ..

4- الأماكن اللي مخطط يسافر لها

بما ان عندي كورس صيفي ..
يمكن اروح شرم الشيخ مع الربع بعد ما يخلص الصيفي..

5- أحداث مميزة للصيف القادم ناوي يسويها بحيث إنها ترتبط بهالصيفي

اتمنى اني استمر باللي قاعد اسويه الحين من جميع النواحي .. و يستمر مثل ما هو يارب ..

 

[Xeno]

وللي بياخذ كورس صيفي!؟

 

[ZiZ]

1- الألعاب اللي بيلعبها

كثيرة...

2- الكتب اللي بيقراها

بقية كتب the Disc World اللي ما بعد قريتها...

3- الأنميات أو المسلسلات اللي بيشوفها

والله مدري منقطع عن الأنمي الترم ذا... يبي لي أرجع أشوف وش فيه ينشاف...

4- الأماكن اللي مخطط يسافر لها

بحسب المسكة... يمكن يوم من الأيام تمسك معي وأشتهي راوخ من الشرقية... again

5- أحداث مميزة للصيف القادم ناوي يسويها بحيث إنها ترتبط بهالصيف (مثلا بالنسبة لي بأطلع رخصة سواقة ... فبأسمي هالصيفية : الصيفية اللي طلعت فيها رخصة لول وزي كذا !! )

ترم صيفي + تدريب عملي + متابعة السيطرة على العالم...

 

[hussien-11]

- الألعاب اللي بيلعبها
زيلدا توايلايت برنسس
يمكن ماريو بارتي 8 ( بتنزل بنفس اليوم الي رح تبدأ فيه إجازتي )
2- الكتب اللي بيقراها
ملائكة و شياطين ( دان براون )
3- الأنميات أو المسلسلات اللي بيشوفها
كلايمور - روميو و جولييت - بليتش - ون بيس - ديث نوت
4- الأماكن اللي مخطط يسافر لها
ما في وقت للسفر ، بيكون عندي فصل صيفي
5- أحداث مميزة للصيف القادم ناوي يسويها بحيث إنها ترتبط بهالصيف (مثلا بالنسبة لي بأطلع رخصة سواقة ... فبأسمي هالصيفية : الصيفية اللي طلعت فيها رخصة لول وزي كذا !! )

ههههه ان شاء الله أطلع رخصة سواقة P:
​

 

[Mista Koo]

1- الألعاب اللي بيلعبها
في كم لعبة ودي أخلصهم عالـPS2 زي أوكامي وBully وإحتمال ألعب KHII قبل لا أشتري الويي
2- الكتب اللي بيقراها
أنا والكتب أعداء :\
3- الأنميات أو المسلسلات اللي بيشوفها
عندي كولكشن كبير أبغى أشوفه من زمان... ولو حصلت ون بيس كامل من حد ممكن أشوفه
4- الأماكن اللي مخطط يسافر لها
KSU
5- أحداث مميزة للصيف القادم ناوي يسويها بحيث إنها ترتبط بهالصيف (مثلا بالنسبة لي بأطلع رخصة سواقة ... فبأسمي هالصيفية : الصيفية اللي طلعت فيها رخصة لول وزي كذا !! )
الصيفية اللي أخذت فيها تيرم صيفي بسبب إني إنظلمت نوعا ما!

 

[Humam]

أول أسبوعين في الإجازة ما أعرف بالضبط لسة ما حددت.. لكن بعد أول أسبوعين راح يكون عندي ترم صيفي بحول الله و قوته.. وآخر أسبوعين بعد أن تنهار قواي الذهنية والجسمانية و احتفالا بانتهاء الترم الصيفي ان شاء الله بسلام أبغى أسافر و أطلع حرتي..

طبعا لحد يسألني عن الGaming لأنه شي مفروغ منه.. أي لعبة تستحق اللعب راح تنلعب في الصيف.

ان شاء الله بيكون صيف جميل وحماسي خصوصا مع وجود كاس آسيا لول..العام الماضي كان ذكريات لا تنسى ( عمر تتذكر غرفة الحب و أخونا حسين الي من أمريكا و جواسيس خالد ههههههههههه ).

 

[R O C K Y]

سفره للرياض وسفره لجده
+
بلاي 3
+
لعب تكن ماينتهي

 

[Ginko]

وللي بياخذ كورس صيفي!؟

ينقع ههه.


صدقوني الي قول بسوي كذا وكذا وكذا هذا ماراح يسويها. لكن هو من كثر ما هو يبي يخلص من الدراسه قاعد يحط اهداف في الصيف. وفي النهايه بيقعد لا شغل ولا مشغله، باستثناء السفر.

على العموم انا بروح كالي.

 

[High Lander]

صيفييييي عليه اللعنه :cryy:
الدراسه بدت لها اسبوعين
بس اني مستانس ...ماخذ مادتين ..وفيه متسع للوقت ...قاعد العب وتفرج على انميشن وافلام
ما اقول الا يالله من فضلك :laugh:

 

[MALDINI]

ودي اخذ ترم صيفي بس .. اخاف اذا بديت السنة الجديده اكون مالي خلق للدراسه
يمكن ادخل برنامج وظيفي يفيديني ويرتب جدولي اليومي .. عارف نفسي انا اذا قعدت كذا وبس مانيب عارف من ليلي ونهاري .. ومع كذا نستفيد من شهاده وخبرات مثلا

***

 

[Khalid-S]

برجع السعودية .. اقعد مع الاهل والاصحاب .. ارجع للدراسه .. مافي اي شي ثاني في بالي .. طفشت.

 

[m7tram]

ماحب اخطط لاني دايما ما اسوي الا القليل من الي مخطط له , أحب اخليها وليده اللحظه .

 

[الــخــــارق]

الشيء المميز في الصيف هو اني بآخذ تدريب عملي فيه ان شاء الله ..
الاسبوع اللي فات حسينا بشعور المتخرجين وتقديمهم للوظائف -_-
تحسهم يذلونك على الموافقة على التدريب العملي في مكان زين ..

ومخطط آخذ الـ 360 مع HDTV هذا الصيف ..

والباقي لكل حادث حديث

 

[Mr.3B]

.

مبدئيًا جولة في ربوع اليابان

 

[Mario2]

ما احب اخطط للاسف .. لانه نسبة 1% احتمال تتحقق ..

مبدأيًا جولة في ربوع اليابان

مادري ليش تذكرت التي شيرت ..:cryy: :cryy:

 

[The Last Fantasy]

لول ما يغلى عليك الموضوع حازم .

قولنا أنت يا عبد العزيز وش مخططاتك؟

1- الألعاب اللي بيلعبها
والله كثييرة .. الترم هذا ما ختمت فيه غير لعبة وحدة .. وباقي لي غيرها كثير قبل ما أشتري جهاز نكست جين .. إن شاء الله ألحق عليهم .
2- الكتب اللي بيقراها
ما فيه بالي شي .. بس أعتقد روايات داون براون وأجاثا ممكن أفكر فيها .
3- الأنميات أو المسلسلات اللي بيشوفها
أنميات : دريث نوت ، روميو × جولييت ، كلايمور ، ون بيس ، ناروتو .
مسلسلات : أوفيس ، 24 ، لوست ، أجلي بيتي .
وغير بطولة كوبا أمريكا .. إن شاء الله تكون حماس (وقت المبارايات أذكر كان رهيب ، الفجر ..! :yuck: )
4- الأماكن اللي مخطط يسافر لها
ما اعتقد أسافر ، ولو سافرت ما بروح بعيد .. عندي شغلات كثيرة بسويها في الصيفية .
5- أحداث مميزة للصيف القادم ناوي يسويها بحيث إنها ترتبط بهالصيف
رخصة سواقة ، شغلات الجامعة ، تحصين الغرفة بمعدات النكست جين ..

طبعاً أتمنى أسوي هالأمور في الصيفية .. لوول

 

[BioMario]

1- الألعاب اللي بيلعبها

فورزا - ماريو بارتي 8 - والعاب نوعاً ما كثيرة نا سيها


2- الكتب اللي بيقراها

ما احب اقرى كتب لول


3- الأنميات أو المسلسلات اللي بيشوفها

ناروتو .... فقط + افلام



4- الأماكن اللي مخطط يسافر لها

احتمال كبير اسافر Thailand مع الأهل


5- أحداث مميزة للصيف

• شراء تلفزيون HDTV من SAMSUNG حجمة 40 بوصة بأذن الله .. + PS3
• ورح اتخرج من الثنوية ان شاء الله ( أدعولي ) ..

 

[persona]

كل اللي اعرفه انه يوم 13/6 باخذ الكتب وبحرقهم حراق ..بعدها مادري

 

[Futrus]

صدقوني الي قول بسوي كذا وكذا وكذا هذا ماراح يسويها. لكن هو من كثر ما هو يبي يخلص من الدراسه قاعد يحط اهداف في الصيف. وفي النهايه بيقعد لا شغل ولا مشغله، باستثناء السفر.

وين يا حسره محد مخطط خطط عملاقه شوق كل واحد بياخذ له ترم صيفي P:

 

[Aoks]

اكثر صيف متحمس له في حياتي

ان شاء الله بشتري الوي , وكم لعبة 360

بس بعيييد الصيف :cryy: انا صيفي يبدأ 19 يونيو :cryy::cryy::cryy::cryy:
​

 

[AMG]

وللي بياخذ كورس صيفي!؟

طيب والي بياخذ كورسين صيفي :cryy: :cryy: :cryy: :cryy: :cryy: :cryy: :cryy:

انشاء الله ودي اخذ دورة CCNA و اتعلم شوي اسباني

هذا طبعا غير الكورسين الي راح اخذهم لا محالة

 

[Ginko]

وين يا حسره محد مخطط خطط عملاقه شوق كل واحد بياخذ له ترم صيفي P:

لول من جد. انا قلتها من دون لا اقرأ الردود.

 

[Final Fantasy]

ان شاءالله بحيل الله .. الشهر القادم آخذ الـ HDTV مع الـ PS3 ... هذا المخطط الوحيد الكبير الي في بالي الحين

مخطط ثاني أتمنى أنه يصير .. و هو أني آخذ كورس صيفي لأني متأخر حيل بالكلية و مو محصل مواد حق الصيفي و قاعد أحاول أكلم الدكاترة .

طبعا فيه كتب راح أقراها .. هوايات عندي مهمل فيها من سنين راح أبدأ أصقلها من يديد .

 

[Mesharey]

طيب والي بياخذ كورسين صيفي :cryy: :cryy: :cryy: :cryy: :cryy: :cryy: :cryy:

ياريت يصير عندنا كورسين ><

مخططاتي هي كورس صيفي نفس الاغلب هنا :cryy:
وإن شاءلله العمرة بعد الكورس الصيفي ..

 

[Yaz3D]

الألعاب اللي بألعبها: KH2FM توني ما ختمتها ..لول..
الأنيميات اللي بتفرجها: Naruto Shippuuden و Death Note و Silent Boy
الكتب : افلقني إن قريت كتاب واحد لوول .. يعع أكره الكتب!!
الأماكن اللي بسافر لها : إيران .. لوووول تبون زعفران؟ .. وبعدها الطائف إن شاء الله ..
وإن شاء الله بطلع رخصة القيادة هذا الصيف ..