الأعلان رسمياً عن سعر الكنكت + Xbox 360 4GB Console

[Fatal Error]

طيب ماقلنا شي هو طرفية بس انت كنت معترض ليش يدخلوا البورد في المقارنة مع الكنكت بكل بساطة لان الكنكت يقدر يسوي الشي ذا.
لما تقارن شي مع شي اخر لازم يكون طرفي المقارنة متساويين عشان تكون المقارنة عادلة. انت تقول انه مش منطقي وتقدر تلعب بدون البورد اوكي انا معاك بس هي مسألة مقارنة فقط وحبيت اوضح هم ليش حطوا البورد.

 

[JOE]

حسب الي ملاحظه يا عمر هم حاسبين اهم الطرفيات المتخصصة بالموشن لكل كونسول فيهم بمعنى آخر : الطرفيات الي تعطيك تجربة الموشن بافضل شكل في كل كونسول و قارنوها بالطرفية الوحيدة الي تدعم الموشن في الـX360 و الي هي الكنتاكي (للاعبين مش واحد) + الزابر و المقود مش طرفيات بقدر ماهي اكسسوارات تستخدم طرفية وحدة (الويموت)

 

[Rare Games]

اذا فعلا بغوا يضيفون على الأقل يضيفون الموشن بلس هو الاكثر عملية من البالانس بورد

 

[Nintendo]

عامر ايش هي طرفية الموشن لل360========= الكونكت, ايش هي طرفية الموشن للوي======== الريموت + الننشك

كونهم يبغو يوهموا الناس انه البالنس بورد ضرورة عشان تحرك جسمك وترقص وبطيخ فذا كلام فاضي, شفنا مليون لعبة فتنس تستخدم فقط الريموت+الننشك ومنها لعبة سبورت اكتيف من ea

 

[Gohan]

على فكرة سمعت ممكن تستخدم الدول شوك 3 بديل عن نانشوك يعني تقدر توفر 60 دولار اي التكلفة الكلية 150 دولار اذا الكلام هذا صحيح

يظل غالي عامة الموشن كما انه سعر الجهاز يفرض الشراء فإذا مثلا اريد شراء جهاز من أجل الموشن لماذا اشتري جهاز غير الـWii؟!

 

[JOE]

فاهم قصدك عمر بس "حسب" منطقهم (فول بودي موشن) فالمقارنة صحيحة .... اكيد ما حيهم كل اللعبين الفول بودي موشن و الكلام الفاضي .

 

[Nintendo]

لول ياريتهم عملوا مقارنة للناس اللي ودها تلعب مع اكثر من شخصين!! لول الكونكت للاسف مايدعهم ذا الشئ فلازم تشتري جهاز ثاني وكونكت ثاني

 

[Unknown]

يعني الجهاز منطقيا هذا سعره .. فقط الـ ؟ على سالفة الـ 4 قيقا لو 10 كان تنبلع !!

مقارنة الصور اشوفها بعد منطقيه وممكن تنقع اي احد .. وشكل سوني بايخ بالمقارنه صراحه
انا مو رافع ضغطي كثرهم .. يعني يجبرون الواحد يشتري 2 من الـ lollipop حقتهم
"ادري مو اجباري اجباري بس عشان اطلق سهم لازم 2 lollipop"

 

[Painkiller Q8]

^
كثير ناس عايشين على اكس بوكس Arcade مع ميموري 256mb عادي ^_^

بس عن نفسي لايمكن اقبل بأقل من 120gb حاليا ال 120 الي عني باقي فيه 20gb بس

بس ترا السلم فيه 5 فتحات يو اس بي .. حط فلاش ميموري من كل صوب وحمل الي تبيه لول

 

[Averroes]

رد سوني :laugh::

 

[Madainee]

سوني رهيبه :laugh::

 

[hussien-11]

رد سوني :laugh::

ههههههههههههههههههه

خخخخخخخخخخ

XD

على العموم الكينكت أعتقد بيفتتح البيع بشكل لا بأس فيه خصوصا مع التسويق القوي من مايكروسوفت لكن السؤال هل رح يستمر بالبيع بشكل جيد ؟ الله أعلم .. ما أعتقد

مايكرو كان بإمكانها تنزله مع لعبة بسعر 99$

 

[Emirates]

سؤال

هل للكنيكت ادابتر خاص ( توصيل للكهربا ) والا فقط عن طريق ال USB

لانه هالشي بيحدد اشتري الامريكي والا الاوروبي

 

[Averroes]

سؤال

هل للكنيكت ادابتر خاص ( توصيل للكهربا ) والا فقط عن طريق ال USB

لانه هالشي بيحدد اشتري الامريكي والا الاوروبي

أجهزة ال360 القديمة تحتاج توصيل كهربا أما السليم مايحتاج

 

[Painkiller Q8]

رد سوني :laugh::

يظل الاكس بوكس افضل اختيار في هذي المجموعه !!!

 

[Sora Diersly]

شكلي بآخذه في 2011 .. قبل كذا مستحيل.
العرض مش بطال. استراتيجية الشركات انها تنزل جهاز رخيص والإكسسوارات بسعر جهنمي شيء معروف والمفروض تعودنا على هالشيء من زمان .. اللحين كل اللي علينا هو الإنتظار لين يطيح سعر الطرفية

حان وقت شراء الـ pen tablet هع..

 

[Painkiller Q8]

اليوم رحت معرض الغانم وصارلي موقف محرج
لأول مره اشوف اكس بوكس سلم قدامي .. اول ماشفتها لفت انتباهي زر التشغيل ولونه الكرووم .. حاولت المسه وتفاجأت ان الجهاز طفى .. وفي شخص كان يلعب

بصراحه الشكل دخل قلبي وراح اشتريه قريب .. والسعر لول .. قمه في الرخص :smug:

 

[mario0o]

الـ360 سليم = ابجرييييييد
البلاي3 سليم = داونجريييد



الجهاز شكله سكسي الصراحة. شكلي باخذلي واحد مع الكنكتكتتكتكككتتكككك.....

 

[Painkiller Q8]

^
1+........................................................................

 

[Vorg Zangief]

جم سعره painkiller ؟
شكلي باخذ واحد . بس خل تنزل الكوادر و ان شاء الله اخذ واحد ؟

 

[Painkiller Q8]

سعرها 119د.ك .. بس مادري شنو معاها لاني كنت مار مرور الكرام ...
بس القديمه رخصوها شوي .. يعني اركيد فات ب59 .. لول كأنك شاري اغراض من الجمعيه

 

[Emirates]

تم

بالانتظار:

 

[Punished Noctis]

^
بعد التفكير بالأمر وجدت أن الكنترول الكلاسيكي أكثر متعه وإثارة وواقعية :laugh::
​