افكار ماقبل النوم .. وعند الإستيقاض من النوم؟!

[Painkiller Q8]

​

النوم يمكن تعريفه بحالة طبيعية من الأستراحة في الثدييات والطيور والأسماك حيث تقل أثناءه الحركات الأرادية والشعور بما يحدث في محيط الكائن الحي ولايمكن اعتبار النوم فقدانا للوعي واما تغيرا لحالة الوعي ولا تزال الأبحاث جارية عن الوظيفة الرئيسية للنوم الا ان هناك اعتقادا شائعا ان النوم ظاهرة طبيعية لأعادة تنظيم نشاط الدماغ والفعاليات الحيوية الأخرى في الكائنات الحية.

ههههههههه ^ من ويكي بيديا العربي... ماعلينا ... المهم ...


النوووووووووووووووووم .. في احد مايحب النوم :what:

ولاكن من اهم المشاكل مع النوم هي ان اكثر الناس تفكر بافكار اما غريبه او مضحكه قبل النوم وممكن ان الواحد يكتشف ان مرة عليه ساعات وهو لايزال فائق @_@ ... مشكله !
والمشكله الثانيه التي يعاني منها الكثير من الناس وهي (الاستيقاض من النوم) :annoyed: احيانا ينزعج الانسان من الاستيقاض لدرجة انه يغلق المنبه ويكمل النوم مهما كلفه الثمن :rockon:

السوال الأول:
بماذا تفكر قبل ان تنام ؟؟؟

السوال الثاني:
بماذا تفكر عندما تستيقض من النوم ؟؟؟​

 

[X-SRI-X]

بماذا تفكر قبل ان تمام ؟؟؟
بالنوم


بماذا تفكر عندما تستيقض من النوم ؟؟؟
بماذا كنت افكر قبل النوم

الاجابة ليست استهبال

 

[Painkiller Q8]

انا ابدا :smug:

السوال الأول:
بماذا تفكر قبل ان تمام ؟؟؟

- افكر في اخر لعبه لعبتها (احيانا)
- افكر كم عدد الدجاج في العالم (نادرا) افكار غبيه
- افكر في شيء من اختراعي .. اما فلم او لعبه (غالبا)
- افكر في اخر شيء اكلته اذا كان مثقل على معدتي (دائما )




السوال الثاني:
بماذا تفكر عندما تستيقض من النوم ؟؟؟

- افكر في الاستقاله من الدوام (دائم) :annoyed:
- افكر في اني اشغل السياره قبل اخذ شاور (احيانا)
- افكر في فطوري راح يكون في الدوام او البيت (نادرا)
- افكر في اللعبه الي راح اللعبها .. (دائما) ايام العطله طبعا :inlove:

 

[Madainee]

اما الموضوع يناقش اهم امور الي تهمني في حياتي :laugh::

والمشكله الثانيه التي يعاني منها الكثير من الناس وهي (الاستيقاض من النوم) احيانا ينزعج الانسان من الاستيقاض لدرجة انه يغلق المنبه ويكمل النوم مهما كلفه الثمن

لول ياريت مشاكل استيقاضي من المنبه كان جبت اقرب شاكوش وطوخ المشكله اني انام بجنب واحد معاه لابتوب واول ما يقوم من نومه يفتحه وعلى طول طخ طخ طخ طخ طخ بالكيبورد يزعجني ازعاج مو طبيعي لدرجة اني اصحى من نومي واحس ان اذني مبرمجه على " طخطخطخطخطخطخط" لكن قريب بقوم عليه :confident:

بماذا تفكر قبل ان تمام ؟؟؟

اسأل نفسي هل انجزت مهامي اليوميه كلها

بعدها افكر كيف انام بهدوء


بماذا تفكر عندما تستيقض من النوم ؟؟؟

افكر بالحلم الي حلمته بعدها اتجهز عشان الدوام

 

[s3rorh]

( قبل النوم )
-يا ترى هل بتتحسن اوضاعي بالغد ؟ واوضاع من أحب ؟
- كيف راح تكون حياتي بعد سنه - سنتين - 5 سنين - 20 سنه !! وهل بكون ناجح ولا لأ !؟
- من هي زوجتي المستقبليه ؟ وشلون طبعها و تصرفاتها و شكلها ؟؟ وشنو قاعده تسوي بهاللحظه ؟

يعني كلها امور غيبيه ما يعرفها إلا الله

( بعد النوم )
- يالله عدي اليوم على خير !!
- شنو ممكن اكل اليوم
- شلون بقضي وقتي
- meh

حياتي من قبل سنه للأن شبه تعيسه ... بس الحمدلله قاعده تتحسن شوي شوي ... فا علشان جذي اغلب وقتي افكر فيها
وبالنسبه للشغله ألي تطفشني -___- .. هي بأني بكل ليله لازم اقعد مرتين/3مرات .. بس علشان اروح للحنفيه ابصق وارد أنام :tongue:

 

[DEMON]

بالنسبة لي كـ(طالب ثانوي بعمر 17 سنة) فأنا انسان جدااااااااا فااااااااضي وما عندي اي اشغال فتحصلني افكر بأشياء شوي عبيطة اذا جيت انام.

قبل النوم :OK في عادة مش تمام فيني لازم ابطلها واللي هي : قبل لا انتم اقعد اصفر اغنية سمعتها بنفس اليوم او اغنية احبها , ومن اكثر الاغاني الي اصفر على نمطها (موسيقا ماريو غالاكسي+ميتل قير ) .
والمشكلة مو كذا وبس المشكلة بعض الاحيان اتذكر النغمة وانا بالاختبار
ولا وانا مع الوالد (في اوقات مالها داعي)
المهم الشي الثاني : دائما قبل لا انام اتفرج على فيلم , فتحصلني اذا جيت انام افكر بالفلم وافكر بلحظة او حوار عجبني بالفلم .
ثالثا : الاشياء العبيطة مثال : ليش صعرورة دايم يغير افتاره , ومين هذا الي بأفتار صعرورة , كيف بيطلع سوليد سنيك بـ(سكسوكة) , ليش يوسوب( من ون بيس ) خشمه طويييييل يا ترا هل هو تعبان ؟؟؟ واشياء ثانية كثييييير <<<< طبعا هذي امثلة

بعد النوم : ايش البلاهة الي كنت افكر فيها امس ؟؟؟؟ يا ترا اذا رحت البقالة بعد شوي هل بآخذ هولستن ولا باريو ؟؟؟؟ احلق شعري ولا اخليه طويل ؟؟؟؟ وهل اذا خليته طويل باصير اشبه الـ(ROCK STARS)

وأشياء ثانية كثيييييييييييييييييييييييييييييييييييييييييير

 

[G7Ga7]

قبل النوم: يووووووه عندي بروجكتات واختبارات وهومووركات وقرف.
بعد النوم: يووووووه عندي بروجكتات واختبارات وهومووركات وقرف.

 

[SPIRIT X360]

قبل النوم
أفكر في اليوم الثاني بشكل سريع + لما اشوف فلم قبل ما انوم , بعض اللقطات والافكار تضل عالقه في ذهني خصوصا لوكان الفلم (رعب) وهي نوعيه الفلام الي شبه أقلعت عن مشاهدتها

أكتشفت قبل مده قصيره انه لما اشبك الايبود واشغل كاست اجنبي أو عربي واكون شبه نعسان ! مباشره أغط في نوم عميق لكن اصحى فجئه لما يكون فيه صوت مفاجئ في الكاست , صرخه ضحكه , كرسي خربان , يعني سيكونس الصوت تغير فجأه

لما أصحى من النوم

شور بسرعه + اجمع الشياء الي بطلع بها ( لابتوب + اوراق ,,,, وخلافه ) , اهم شي هوا مود الصباح والي يتحكم فيه !! كيف نمت , كم نمت من ساعه , الاكل الثقيل الي يخرب النوم akaروست حراق ناشف يخرب عليك جو النوم

وبس

 

[chris]

قبل النوم :افكر في المستقبل كتييييييييير يعني مثلا البيت او الوظيفة او العائلة ....الخ الخ الخ .او احيانا اخطط ايش حشتري في الفترة الجية .
بعد النوم :افكر يوميا في طريق الجامعة المملل جدا جدا "-___________-" لانو جامعتي هيا تبع الملك عبد العزيز بس انهم فكو منها فرع في رابغ وانا في جدة .وكل يوم طالع نازل على دا الحال .

 

[Nyx]

قبل النوم :

بعد النوم : أسحب على الدنيا ومافيها وأكمل نوم ولا أقوم , أحيانا تستمر لربع ساعه .

 

[Dr MaD]

معليش عارف إنه البعض بيقول إيش يبي هذا
بس عنوان الموضوع فيه خطأ إملائي شنيع
الإستيقاض =\= الإستيقاظ

وراجع بعدين بمواضيع ماقبل وبعد الإستيقاظ

 

[Arkan]

السوال الأول:
بماذا تفكر قبل ان تنام ؟؟؟

أفكر متى اقعد من النوم وبأي وقت لان مرات انام بعد صلاه العشا واقعد الساعه 1 وشبعان نوم لكن وراي دوام :sarcastic:


السوال الثاني:
بماذا تفكر عندما تستيقض من النوم ؟؟؟

أفكر اقوم ولا اكمل نومي واذا فكرت اني اقوم افكر هل مفتاح الغرفه الي مقفلها راح يعلق معاي كالعاده ولا لا :whistle:

 

[Gahmad]

معليش عارف إنه البعض بيقول إيش يبي هذا
بس عنوان الموضوع فيه خطأ إملائي شنيع
الإستيقاض =\= الإستيقاظ

دكتور ماد
حتى و مع انك سبقتني بس الف شكر ياخي

 

[Capitano-18]

قبل النوم :

اكثر شي افكر فيه هو الأمور المستقبلية مثل الزواج والدراسة .

بعد النوم :

افكر كيف اقوم اروح اتسبح والبس وانزل وافطر واركب السيارة واروح للدوام مشواااار فغالبا بهالحالة هنا تشوف اللحاف يقول خمدوا ناموا نامت عليك حيطة وتشوفني في نومة عميقة

 

[SCREAMING_RAGE]

قبل النوم: بكره لاااااازم اذاااكر , الاختبار باقيله ثلاثة ايام,,,,,,,,, يوووه ثلاثة ايام بس,,,, الله يستر بس,,,, اليوم ضاع على الفاضي و بكره لازم مذاكره ,,, لازم اذاكر عدل, لازم احفظ المعادله الفلانيه و اراجع المسائل العلانيه ,,, و يمكن اذا قدرت اخلص بدري العبلي كم لعبه على البلاي ستيشن ولا الاكس بوكس,,,,, ياخي مدري ليش احس اني في ذي اليومين مكثر من جلستي على الاكس بوكس وجاحد البلاي ستيشن ,,, ليش كذا ؟! ,,,, همممم, أجل خلاص بكره لازم العبلي كم لعبه على البلاي ستيشن علشان ما يزعل الجهاز,,, بس المشكلة ايش العب,,,,,,,,,, يا رجال بلا لعب بلا بطيخ,,, أحسلي اذااااكر و اركز على الاختبار,,,,,,,, خلاص يا رجال هاانت, كلها كم يوم وانا مخلص الاختبارات و بأرجع بعدها الرياض,,, يااا لبى الريااض ................................ خلاص نمت



بعد الاستيقاظ: يوووه باقي على الاختبار يومين بس ,,, كيف يومين ,,, لالا مع اليوم يصير ثلاثة ايام ,,, لا الحمد لله باقيلي وقت كثييييير, يلاا صباح خير , الساعه كم الحين ؟؟ أما عشره و نص ............... يا رجااااااااااال لسه بدري, نملك احسلك كم ساعه وبعدها قووم ذاكر ..................................... نمت مره ثانيه




بعد الاستيقاظ: يااااا ربييييييي, من ذا اللي يدق الجوال الحين ؟؟ , الو ,,,,,,,, الوووووووووو ,,,,,,,,,,, ايييه نايم ,,,,,,,,, الساعه كم ؟؟ ,,,,,,,,,, اما ثلاثة العصر ,,,,,,,,,,,, يلعن ابو ابليسك وراك ما صحيتني طيب ,,,,,,,,,,,,,, خلاص اسمع, انا جايك الحين, خلني افطر اول, وبعدين بأمرك علشان نذاكر مع بعض .


وتمر الساعات و الدقائق و الثواني ,,,,,,


قبل النوم: ياخي اليوم رااح بسسرعه والله وانا ما ذاكرت شئ,,,,,,,, ياخي ما تحس ان الساعات صارت تمشي بسرعه ؟! ,,,,,,,,,,,, همممممممممم, شكل القيامه قربت يا ولد ,,,,,,,,,,, الله يستر علينا بس ,,,,,,,,,,, باقي على الاختبار يومين بس ,,,,,,,,,, يومين بس ؟! ,,,,,,,,,, الله يلعن الشيطان بس, ضيعت اليوم على الفاضي ولا راجعت ولا ذاكرت شئ, كله من الحيوان صديقي اللي اشغلني بالكره و سواليفه اللي ما تنتهي,,,,, ياخي انا جاي هنا ادرس ولا اصيع ,,,,,,,,,,,,, لا لا , خلاص بكره بأسكر جوالي و بأجحد خلق الله علشان اذاكر,,,,,, لازم اذاكر عدل, لازم احفظ المعادله الفلانيه و اراجع المسائل العلانيه ,,, و يمكن اذا قدرت اخلص بدري العبلي كم لعبه على البلاي ستيشن ولا الاكس بوكس,,,,, ياخي مدري ليش احس اني في ذي اليومين مكثر من جلستي على الاكس بوكس وجاحد البلاي ستيشن ,,, ليش كذا ؟! ,,,, همممم, أجل خلاص بكره لازم العبلي كم لعبه على البلاي ستيشن علشان ما يزعل الجهاز............................ وتنعاد الاسطوانه الين ما انام .



لكن ان شاء الله الافكار هذه كلها بتنتهي يوم الخميس القادم

 

[s3rorh]

ليش صعرورة دايم يغير افتاره

خير ؟؟؟ قول مو عاجبك بعد :sarcastic:

ومين هذا الي بأفتار صعرورة

هذا اكوت وجه ممكن إنه يشوفه أي بني أدم بالعالم ... يكفيك خدوده ألي ودك تبوسهم وتمصهم

ايييه ... الله يذكر ذيك الأيام الحلوه يا صعصع كنت مثل البيت بالنسبه لي .. تلمني وتحتويني ... أما ألحين صرت مثل المشرد لا حول ولا قوه لي وكل يوم ادور على أفاتر يسد مكانك:crying:

 

[Jonas]

قبل النوم : هذي الأيام صرت ما أفكر كثير قبل النوم , لأني ما اروح على السرير الا اذا خلاص فقدت الوعي من النعاس ..... بس بالغالب الافكار الي تجيني , هي وش جدول المحاضرات بكره ؟ وش بأسوي بكره ؟ او أغنية تقعد تدندن في راسي لين انام (أكره هالشعور).

بعد النوم : كم الساعه الحين ؟ كم باقي على المحاضرة ؟ أقدر ألعب شوي ولا لا ؟ ...... عندي هوم ورك ولا لا ؟ (بس بالغالب هذا سؤال تحصيل حاصل لأن في الحالتين ما أحل الهوم ووركس لووول)

 

[Niessu7]

قبل النوم
(هذي الايام خصوصاً) افكر كيف حياتي خايسة لهدرجة وكيف غيري احسن مني ولمتى حايتي راح تظل كذا واقعد افكر كيف ان بعض الناس تماطل و كيف تستغلني في حياتها ، وكيف راح اكمل يومي بكرا و اتعامل مع الاشخاص العابرة .

بعد النوم
اقوم اروح الدوام وانا مكتئب او لا ؟ (ايام الويكند) وش اقوم اسوي ؟

 

[Snake-87]

قبل النوم :
- لازم أقعد مبجر وما أسحب .. لازم أقعد مبجر وما أسحب .. وراي إختبار/موعد/دوام .. لازم أقعد مبـ خخخخخخخخخخخخ .
- برتب داري .. لازم أكتب شي بإلكتروني من زمان ما كتبت ... ودي أكمل يوكوزا .. وين بكمل دراستي ؟؟ أشتغل أحسن ؟؟ ودي ألعب ميتل جير من زمان ما لعبتها .
- إذا كنت مصحصح وودي انام اقعد اتخيل واحد قزم (5سم) يركض على ديكور الكتب مثل النينجا ولما يوصل فوق يطمر ويطيح على مفتاح الكبت ويكمل ركض ويتشقلب ويروح حق المنظرة ويركض عليها لما يوصل فوق بعدين ينزل بسرعة ويوصل حق حافة ثانية وينزل كأنه يتزحلق لما يلف الدار كلها :razz:: .

أثناء النوم :
- تررررررررررن (يفتح عين وحدة ويطق المنبه سنوز ويرجع ينام) وهالحركة تصير 5 أو 6 مرات .
- حلجي ناشف أبي ماااااااااااااااااااااااااااي
- وين المخدة >.> ؟

بعد النوم :
- أوووو تأخرت لازم ألحق بسرعة .
- (أو) اففف حسافة ياريتني مو مكمل نومتي ورحت داومت علي غياب وايد .
وإذا شبعان نوم أقعد بالفراش بدون ولا كلمة ولا تفكير :
(....... (صوت حكه بلعوم متكررة) ................................) لمدة نص ساعة تقريبا .

- كيف راح تكون حياتي بعد سنه - سنتين - 5 سنين - 20 سنه !! وهل بكون ناجح ولا لأ !؟

إذا كل يوم تفكر بهالشي أكيد شعر راسك أبيض .

 

[Photon]

قبل النوم : خليني ساكت أحسن :inlove:

بعد النوم : خليني ساكت أحسن كمان :cryy:

 

[SALAH]

قبل النوم : اليوم اللي بتزوج فيه :inlove: ( ان شا الله ) + الاشيا اللي ناوي اسويها اليوم الثاني .
بعد النوم : آآخ متى يجي يوم الجمعة بس ؟ :sarcastic: أو افكر بالشي اللي حلمت فيه , أو ما اقكر بشي أبدا و اقوم فورا للحمام .

btw بالعادة أنام 5 او 6 ساعات بس ..لكن مرااات لو طقيتها 8 او 9 ساعات , بس اصحى من النوم بحس اني انولدت جديد او refreshed بعبارة أصح , لدرجة اني اطول و انا افكر اليوم ايش سبت ولا خميس؟.. و ايش عملت بالأمس..مدري هالشي عادي ولا انا فضائي :bigSmile:..

 

[Painkiller Q8]

قبل النوم
(هذي الايام خصوصاً) افكر كيف حياتي خايسة لهدرجة وكيف غيري احسن مني ولمتى حايتي راح تظل كذا واقعد افكر كيف ان بعض الناس تماطل و كيف تستغلني في حياتها ، وكيف راح اكمل يومي بكرا و اتعامل مع الاشخاص العابرة .

بعد النوم
اقوم اروح الدوام وانا مكتئب او لا ؟ (ايام الويكند) وش اقوم اسوي ؟

هونها وتهون ان شاءالله ... وانصحك في اذكار المساء والصباح .. ترا الشيطان اهو يخليك تعتقد ان حياتك خايسه .. بس انت احسن من ملايين الناس ^_^

- إذا كنت مصحصح وودي انام اقعد اتخيل واحد قزم (5سم) يركض على ديكور الكتب مثل النينجا ولما يوصل فوق يطمر ويطيح على مفتاح الكبت ويكمل ركض ويتشقلب ويروح حق المنظرة ويركض عليها لما يوصل فوق بعدين ينزل بسرعة ويوصل حق حافة ثانية وينزل كأنه يتزحلق لما يلف الدار كلها :razz:: .

ههههههههههههههههههههههههههههه :laugh:: :laugh::
غلطان ... الظاهر توك شايف ToyStory 2 3D في السينما

 

[persona]

قبل النوم: متى اوصل الدوام
بعد مااقعد: متى اطلع من الدوام

 

[Noah`s Ark]

كل يوم غير .
اما بعد النوم مستحيل انقع بالسرير , من تفتح عيوني افز من السرير >-- اكره حالة التفهي هذي كره

قبل النوم : خليني ساكت أحسن :inlove:

بعد النوم : خليني ساكت أحسن كمان :cryy:

ليش راد انت ؟ :laugh::

 

[m7tram]

قبل النوم :
- باجر لازم أقوم 8 او 9 الصبح أخذ أتريق وأخذ بروتيني وأروح النادي .
-الدوام لا يدقون علي الصبح مالي خلق لهم لا يخربون مزاجي .
-من زمان مو لاعب العاب لازم اكمل باتمان وماكس بين ومشتهي العب اي جزء من سايلنت هيل , شنو عندي مسلسلات ماشفتهم للحين ؟ .. الله ديمونز سولز 2 متى يلعنون عنها ؟
-منبه على صلاه الفجر " يارب يارب يارب اقوم ! أصلي وأرد انام !! "

أثناء النوم :
-منبه الساعه 4 الفجر .. أفتح عيني ومو مركز أشوف التلفون الساعه 4 اوقف المنبه اقول يالله بقوم اصلي الح..يي..ن " نمت " .
-منبه الساعه 8 .. أفتح عيني اقول أوف ! 8 وماصليت للحين ! أبي اقوم علشان بعد اتريق واتزهب للنادي .. يالله قوم فيصل قوم ... قو....م .. " نمت مره ثانيه "
-منبه الساعه 9 .. أقوم بطل عيوني فجاه !! يالله عاد مصخت !!!!!!! اعوذ بالله للحين ماصليت !!!.

بعد النوم :
-امممم ورى النادي ودي اكلم الشباب نطلع نروح كافيه نشرب قهوه ونسولف ونقعد قعده هاديه .
-وليه اخوي راح يدق علي يقولي روح جيب بنتي من المدرسه صج فاضي انا أحاتي نفسي ولا احاتي بنته لا يكون انا ابوها وانا مادري .

لول هذا الي صار اليوم P: تقريباً.

 

[Kaze]

قبل النوم : عنزة ... عنزتين ... ثلاث عنزات ... اربع عنزات ...
بعد النوم : تباً كم وصلت ؟! ... امرنا لله ... عنزة ... عنزتين ... ثلاث عنزات ...

 

[Al Pacino]

جبتها على الجرح ! امس كنت راجع من اختبار قياس وكنت غايب من المدرسه فـ شبعااان نوم رجعت الساعه 12 الليل ومانمت الا 2:30 !! بس هذي حالة شاذه لاني شبعان نوم بس بالايام العاديه :

قبل النوم: المواقف المحرجه | وش بيصير بكرا ؟

بعد النوم : اففففففففف = نفسية زفت | متى يخلص دوام المدرسه يوووه الحين اول حصه مدري وش ياليل = كل الاشياء الشينة الي ممكن تصير بيومي الدراسي تمر على بالي .. بالاخير مايصير ولا شئ منها &&


هذي ايام الدراسه اما ايام العطله فـ معروف ماطب الفراش الا وانا نايم على طول ولا افكر بشئ وبعد النوم ايضا مافكر بشئ خخخخ العطله راحة بال !

 

[Zero]

قبل النوم :

سبقتني :confident:
قبل النوم؟ ما في شيء معين، يعتمد على الحالة والمزاج والوقت كل ليلة ودائما ما يكون طويل جدا >_> لأني أواجه صعوبة في النوم ولو نمت ما أنام لفترة طويلة.

بعد النوم؟ ولا شيء، أقوم من السرير وأصلي وبعدها أسوي أي حاجة من دون تفكير لو دوام تجهزت له ولو ما في دوام رحت جهزت لي شيء آكله بعدين سويت أي شيء من دون تفكير مسبق.

 

[The Doctor]

مؤخراً:
قبل النوم: هممم بكرا اي بوكيمون ابصيد و أي بوكيمون ابطور؟
لما اقعد: افف ابغى انام، متى الصيف؟

 

[zlatanovic]

قبل النوم :
اكون شايف فلم او مباراة او مسلسل .. واقعد اغير بالاحداث على كيف كيفي .. وغالبا تمسك اني اصير موجود =\
بعد النوم :
مدري لو تجي او لأ .. لكن ما افكر ..! لدرجة اني اقوم واغسل والبس وصوت فراغ في عقلي .. من اشغل الايبود تبدأ الافكار تنهال ..
.
.
على طاري قبل النوم .. انا كنت انسان انام متى ما ابي وبأي وقت وبأي مكان .. لكن من ستة شهور صاير اقعد من ساعه الى ساعتين عشان اقدر انام حتى لو انا هلكان .. وش السالفه ..؟
جربت اغير المكان مانفع .. حاولت اسهر ليييين يصك النوم في النخاع المستطيل ورحت انام بعدها ونفس الشي .. حاولت اغير الجو [ بارد وحار وتغيير ريحة الغرفه لأكثر من نوع ] وكل شي ما نفع -ـ-
وش الحل .. حياتي صارت صعبه وما القى وقت كافي ..؟