افضل لغز بتاريخ الالعاب

[squall leonhart]

كثرت مواضيع الافضليه و مواضيع الذكريات :inlove: الفكرة هذي جاتي لي من زمان لما اتذكرت اللغز الي رح اتكلم عنه تحت .. ابغى من كل مشارك يحاول انه يقلنا ايش افضل لغز برأيه .. اجمالا .. من ناحية الابداع .. و من ناحية طريقة حل اللغز .. و ناحية الصعوبة .. و يا ريت مع فيدوهات للغز بيكون افضل .. و يا ريت يذكر اسم اللعبة في البداية عشان الي ما يبغة سبويلر ما يكمل قراية ..


Silent Hill 1
لغز البيانو
[video=youtube;eLLlVDOLdEQ]http://www.youtube.com/watch?v=eLLlVDOLdEQ[/video]
اللغز برايي الشخصي هو افضل لغز في التاريخ .. ابداع ما بعده ابداع .. قصيدة مكتوبة بالدم و بيانو ملطخ بالدم .. استخدام الطيور برأيي كان عقري .. و التحدى ماله مثيل .. لما كنت صغير اخوي خلى ابوي يترجم له الكلام و جلسنا فترة طويلة نحاول فيه لين ما نجحنا .. شخصيا 90% من الي لعبوا سايلنت هيل 1 من معارفي علقوا بذا اللغز و اضطروا لطلب مساعدة او قرائة حل كامل ..

جدير بالذكر لغز الصور برزدنت ايفل 1 .. بس حاترك الفرصه لاحد ثاني يتكلم عنه بدالي ..

ترو جيمنج ابهرونا باخيارتكم ^_*

 

[hussien-11]

موضوع رائع ، أراهن من الان اننا ما بنشوف و لا لغز من أي لعبة في الجيل الحالي ! ههههههههههه

[video=youtube;9qPZt_q1Wr0]http://www.youtube.com/watch?v=9qPZt_q1Wr0[/video]

هذا البازل في ريزدنت ايفل4 كان رهيب جدا ! و ما بعرف ليش كل مرة أعيدفيها اللعبة .. هنا أكثر مكان يخليني أطول و أقعد أجرب لحد ما ينفذ صبري خخخخ

[video=youtube;2PSm1c_Q16k]http://www.youtube.com/watch?v=2PSm1c_Q16k[/video]

( المشاهدة من الدقيقة 4:00 )

أعظم لعبة في التاريخ ! ( لا حد يجي يهاوش هلأ خخخ ) ، أروع بازلز مروا علي في حياتي كانوا من أوكارينا اوف تايم ! هاللعبة لوحدها ممكن تطلع منها عشرات الفيديوات

هذا بعد ما توصل لمنطقة الـZora's Domain ، اللعنة ! ويييين أروح يا جماعة ؟ مافيش طريق ! وين الدنجيون الثالث ؟!

اوه لحظة معقول ؟ لا لا مش معقول ! الدنجيون ..

بداخل بطن السمكة ؟؟؟؟؟؟؟؟؟؟؟؟؟؟؟؟؟؟؟؟؟؟!!

هههههههه قمة الإبداع قسما بالله

[video=youtube;VgtF56b5s48]http://www.youtube.com/watch?v=VgtF56b5s48[/video]

ألغاز الميوزيك بوكس دائما أعشقها بشكل جنوني ! سواء من ريزدنت ايفل 3 T__T

أو

[video=youtube;iAwJjCfNYxc]http://www.youtube.com/watch?v=iAwJjCfNYxc[/video]

سايلنت هيل2 ! (اللعبة الوحيدة من بين كل ألعاب الرعب الي أعتبرها وصلت لمكانة ريزدنت ايفل في قلبي )

المشاهدة من الدقيقة 3:46

 

[Unknown]

لول من قبل لا ادخل .. على طول جا ببالي البيانو :inlove:

 

[squall leonhart]

^
^

اتوقع الموضوع يمتلي بالعاب السلاسل الثلاثه الي ذكرها حسين لانها هي الاكثر تميزات و تأثيرا برأيي .. الالغاز القليله الي كانت بويند ويكر خياليه

 

[Dmck]

لغز باينو مثل ما تفضلتو يعتبر من افضل الالغاز في عالم جيمز
هناك لغز عجبني كثير في فاينل فانتسي 8
والي هو لغز اللوحات في قلعة Ultimecia
مشاهدة من دقيقة 12:30
[video=youtube;B02v0EXK7UI]http://www.youtube.com/watch?v=B02v0EXK7UI&feature=related[/video]

 

[SCREAMING_RAGE]

لغز البيانو في سايلنت هيل 1 و Hands down مثل ما يقولون :\
على ذيكي الايام, مجلات الحلول الكامله كانت تلعب دور كبير جداً
&

Bioshock .............. الغازها كانت ترفع الضغط بعض الاحيان.

مافي لغز في بالي الحين (( غير الاختبارات النهائيه )) لكني يوم اتذكر لغز صعب على طول بأحطه هنا

 

[MAX9009]

^
بالعكس لغز الهاكينج كان مسلي

 

[hussien-11]

طيب بما اننا بنتحدث عن ريزدنت ايفل

اختيار مستوى الصعوبة في ريزدنت ايفل ريميك لوحده كان لغز ! ههههه تبا للذكاء و البراعة يا ميكامي

[video=youtube;2wzWbkkiDZc]http://www.youtube.com/watch?v=2wzWbkkiDZc[/video]

الثانية 36 ( ريزدنت ايفل و سايلنت هيل كانوا مليانين ألغاز شعرية و كلامية )

داينو كرايسس 1 ألغازها كانت "حقيرة" لوول ، ما قدرت أخلص فيها شي .. تعجيزية

هاف لايف2 كان فيها "ألغاز فيزيائية" عبقرية و ما كان فيه أي حاجة تشبهها من قبل !

اللعبة ما بتعطيك أي hint ، لكن بتوصل لمكان ما بتحس انك لازم تتلاعب بالجاذبية شوي و تحرك بعض الأشياء علشان تفتح لنفسك طريق : ) إبداع .

 

[Lunar Poet]

موضوع رهيب! في لعبة Trace Memory أو Another Code على الـDS، فيه لغزين "عبقريين" بمعنى الكلمة.

(سبويلرز لحلول الألغاز)
الأول يظهر لك خطوط و رموز غريبة على شاشتين الـDS، و مطلوب منك إنك تعرف منهم رقم معين (رقم رف و كتاب في مكتبة). الرموز ما تدل على أي شي لو نظرت لها بطريقة عادية، لكن لو تبي تطلع منها الرقم لازم تسكر الـDS "شوي" بطريقة إن إنعكاس الشاشة السفلية يكون ظاهر على الشاشة العلوية، بهالشكل بتندمج الرموز اللي في الشاشتين (عن طريق إنعكاسهم على بعض) و الشكل اللي بيطلع لك هو الرقم المطلوب! هاللغز هو أحد أفضل التطبيقات اللي شفتها لفكرة الشاشتين في الـDS على الإطلاق!

في اللغز الثاني على ما أذكر يكون عندك "شيء" بشكل غريب في الشاشة العلوية، و حبر/ورقة في الشاشة السفلية. ما تقدر تسوي أي شي بالأزرار أو بشاشة اللمس عشان تحل اللغز. اللي لازم تسويه هو إنك تسكر (تطبق) الـDS و تفتحه، عشان الشكل الغريب اللي عندك في الشاشة العلوية ياخذ الحبر من الشاشة السفلية! و تسوي نفس الحركة مرة ثانية عشان تختم الشكل (المغطى بالحبر) على الورقة. ما أذكر إذا كان هذا هو اللغز بالضبط، لكن الفكرة هي إنك تنقل شيء من شاشة إلى الشاشة الثانية عن طريق إنك تسكر الـDS. فكرة عبقرية!

 

[Snake-87]

Zack&wiki الأفضل بلا منازع المرحلة القبل أخيرة والأخيرة.
بعده ecoshift, trace memory
موضوع ممتاز

 

[Mute City]

طيب بما اننا بنتحدث عن ريزدنت ايفل

اختيار مستوى الصعوبة في ريزدنت ايفل ريميك لوحده كان لغز ! ههههه تبا للذكاء و البراعة يا ميكامي

[video=youtube;2wzWbkkiDZc]http://www.youtube.com/watch?v=2wzWbkkiDZc[/video]

الثانية 36 ( ريزدنت ايفل و سايلنت هيل كانوا مليانين ألغاز شعرية و كلامية )

داينو كرايسس 1 ألغازها كانت "حقيرة" لوول ، ما قدرت أخلص فيها شي .. تعجيزية

هاف لايف2 كان فيها "ألغاز فيزيائية" عبقرية و ما كان فيه أي حاجة تشبهها من قبل !

اللعبة ما بتعطيك أي hint ، لكن بتوصل لمكان ما بتحس انك لازم تتلاعب بالجاذبية شوي و تحرك بعض الأشياء علشان تفتح لنفسك طريق : ) إبداع .

ملاحظه ترى الفديو إختار المستوى السهل هنا في خدعه لما كنت صغير كنت اوقع فيها إنه الخيار الاول دايما السهل والثاني الصعب
وانا كنت مسكين العب على الصعب على بالي سهل =(

 

[Stalker]

أسوأ لغز مر علي بلعبة Legaia 2 , ماكان مكتوب توضيح أو اي شيء الا صورة سلحفاه ومكتوب عليها عبارة سخيفة ما أتذكرها + المرحلة كلها مليانة ألغاز تشبه هذا وكانت صعبة برضو وعديتها كلها وعلقت هنا للأبد : (

[video=youtube;IklnNP_XgAE]http://www.youtube.com/watch?v=IklnNP_XgAE&feature=related[/video]
في الدقيقة 6:48.

اللغز هو انك تضيء 5 فقط من هالأشياء وبترتيب معيّن
حتى أذكر وصلت لدرجة اني جبت دفتر وقلم وقعدت أحط كل الإحتمالات الممكنة أمسك لون لون وأرص جنبه بقيّة الألوان بس ماكملت طبعاً وفعلاً بدأت أطبّق الاحتمالات الي كتبتها بس مستحيل أجرب 16807 مرة @.@!

كانت أحلى ألعاب الآربيجي بالنسبة لي -_- ..

 

[Tiger]

لغز الماء في rs3

[video=youtube;Pb1J03iV5J4]http://www.youtube.com/watch?v=Pb1J03iV5J4&feature=related[/video]

 

[Noise Soul]

رجاءًا الحلول في سبويلرز @@ او على الاقل تنبه بخط احمر -_-
وانا انزل جالس اقرا اسماء الالعاب وتعليقك عن اللغز بالغلط ، قريت رد stalker و واو اول 3 كلمات تقريبًا كانت الحل -_-

 

[Snake-87]

[video=youtube;1Z7IaCzXlX4]http://www.youtube.com/watch?v=1Z7IaCzXlX4[/video]

هالمرحلة نشفت ويهي

 

[Emirates]

Silent Hill 1
لغز البيانو

لول والله ماشفت ردك يا سكوال وكنت داخل اكتب هاللغز

افضل لغز مر علي في تاريخ الفيديو جيم ... عقبه يجي لغز الصور في رزيدنت ايفل 1

 

[Unknown]

لغز الصور RE1

[video=youtube;K-lFw5bTzEI]http://www.youtube.com/watch?v=K-lFw5bTzEI&feature=related[/video]

كان معقدني .. بحكم كانت لغتي بذاك الوقت سيئه

 

[G7Ga7]

^ داخل أحط هاللغز لول.
لغز اللوحات له معزة خاصة عندي, مدري ليه. فاتال فريم كانت مليانة ألغاز حلوة. برضو سلسلة فينكس رايت تعتمد على التفكير, وأتوقع نقدر نسميها ألغاز.

تعديل: أوه نسيت, Braid من أول لآخرها ألغاز خرافية.

 

[Snake-87]

يمكن محد لعب هاللعبة بس إلي لعبها ووصل فيها راح يعرف مدى الصعوبة الخيالية إلي فيها .. هذي من أحلى المراحل الي طلعت فيها 3 نجوم (سوري تصوير التلفون ماكان معاي كاميرا وقتها)
[video=youtube;3zckulJYk_Q]http://www.youtube.com/watch?v=3zckulJYk_Q[/video]
صارلها سنة ضبط من نزلت T.T

 

[dro]

اول ما شاهدت عنوان الموضوع جاء لغز البيانو في بالي .. فعلا محد مر علي حتى الآن حله بنفسه دون انه يرجع للحل الكامل كان معقد الكثير

 

[kInGsIzE]

اغلبكم قلتوا الالغاز الصعبه ..

في نظري .. الووتر تيمبل في اوكارينا اوف تايم بالنسبه لي كان بحد ذاته لغز معقد نشبت فيه اسبوع كامل و انا العب ليل نهار و حليته صدفه ..

 

[G7Ga7]

الواتر تيمبل أكثر منطقة كئيبة في تاريخ الجيمنج :yuck::

 

[JIN KAZAMA]

لغز البيانو , حتى مع الحل قعدت ساعه عشان اجاوبه صح , اذكر اني كنت اترجم كل كلمه في اللعبه عشان احاول افهم بس ماقدرت لول


كمان داينوكرايسس الاولى الغازها كانت صعبه ( قصدي حق الكروت مدري اللي مسميه بحروف انجليزي مثل الكرت ان ولا الكرت اتش وهكذا )


كمان لغز الصور في كود فيرونيكا كان صعب للغايه

لغز الصور في رزدنت ايفل الاولى كان صعب كمان

 

[m7tram]

لغز البيانو هو الي طرى علي واتوقع على نسبه كبيره , أذكر كنت من الساعه 1 الفجر ليل 5 وانا بس احاول فيه وطايح عالسرير واطق طق وكل شوي اروح وارد اطق طق وكنت خلاص بنام من الزهقه والمحاوله فجأه بالغلط حليته , واو يا الشعور وقتها النوم الي كان فيني كله طااااااار وقعدت العب فتره طويله. شي عجيب , وين تحصل هالأشياء الحين ؟ كل مصمم خايف على الاعبين انهم يعلقون ومايشترون لعبته ويحط لك مليون هينت واذا ماعرفت تقدر تطوفه او تحله خخخخ.

كاسلفينا لورد اوف شادوز فيها العاب ممتعه وحلوه!

 

[kInGsIzE]

الواتر تيمبل أكثر منطقة كئيبة في تاريخ الجيمنج :yuck::

العب دراجون ايج اوريجنز .. في مكان "حرفيا" كانت معنوياتي تطيح لا دخلته ..

 

[kInGsIzE]

[video=youtube;1Z7IaCzXlX4]http://www.youtube.com/watch?v=1Z7IaCzXlX4[/video]

هالمرحلة نشفت ويهي

يا ساتر ... هاللعبه بعد كان فيها الغاز تقهر .. مو لانها صعبه .. الا من كثر ما بعضها سهل و بديهي تستبعد انه ممكن يكون الحل الصحيح ..

 

[DEMON]

الواتر تيمبل أكثر منطقة كئيبة في تاريخ الجيمنج

لول :laugh:: , التمبل المعفن هذا كان مسبب ازمة , بس انا اتفق مع كينق سايز , التمبل بكبره كان لغز رهيب .

 

[Brewmaster]

حسين قال كل شيء كنت بأقوله.
بأضيف بس braid .

 

[Naserano]

كاسلفينا لورد اوف شادوز فيها العاب ممتعه وحلوه!

[video=youtube;00uPEuNXT-o]http://www.youtube.com/watch?v=00uPEuNXT-o[/video]

DMC4 اللغز هذا خلاني اترك اللعبة شهرين ..
[video=youtube;6cz1_OaGoKg]http://www.youtube.com/watch?v=6cz1_OaGoKg[/video]

Darksiders كان فيها ألغاز رهيبة وبالذات هذا
[video=youtube;9SzQ26Hk7ts]http://www.youtube.com/watch?v=9SzQ26Hk7ts&feature=related[/video]

تعديل: أوه نسيت, Braid من أول لآخرها ألغاز خرافية.

بروفيسور لايتون ينحسب ؟؟

على فكرة .. الموضوع رهيب

 

[T u R k I]

المشكلة ماعاد فيه ألغاز مثل أول

مافي بالي لغز معين ألحين لكن من هالجيل لعبة Braid لعبة عبقرية فيها 60 تركيبة يبيلها تفكير وروقان وتعيد المرحلة أكثر من مرة عشان تعرف الحل

مو مصدق ان اللي سوى اللعبة شخص واحد !