اصحاب x360 و bravia استفسار ؟

[NextGGamer]

عندي لكم استفسار
انا عندي xbox360 و مفكر اخذ تلفزيون يدعم hdtv اول شي في بالي السوني برافيا
فاللي عندهم الاكس بوكس 360 و يشغله على البرافيا يقولي شنو رايه و هل الاكس بوكس 360 يواجه مشاكل مع البرافيا مثل الجوستنج و المشاكل الاخرى
يعني ابي تجربتكم و شكرا
لاني بصراحة من شفت السوني برافيا و انا مفكر آخذه بس حبيت اتأكد قبل ما اشتريه
و ايضا تجربتكم مع تشغيل الرسيفر الديجيتال على البرافيا ؟
و الخيار الثاني بعد البرافيا هو السامسونج فاريد ان اعرف تجاربكم
و شكرا
bravia v series 40

 

[ASWD]

نيكست جيمر

مسألة تشغيل جهاز كونسلز او مشغل فيديو او دي في دي ماتأثر في الأداء بأختلاف نوع التلفزيون ولاهم يحزنون

اهم شي يكون التلفزيون اللي انت ناوي تشتريه من الانواع او الموديلات المحترمة وكل شي بيكون تمام التمام

يعني توكل على الله واشتر التلفزيون اللي ببالك

 

[sir KoRn]

ما أشوف فيه اي مشكلة ابداً مع الأكس360 .
بس ما جربت عليه الرسيفر .

 

[king zell]

أنا عندي سؤال لأني ناوي أسوي مثل الأخ نكست جيمر تماما

الإكس بوكس 360 معروف انه 720p

يعني يشتغل في ريسولوشن 1280x720

لكن تلفزيون بريفيا ريسولوشن فيه 1366x768

هل معناته بشوف خطوط سودا في الشاشة أو أقدر أعدل الرسولوشن من التلفزيون نفسه مثل ما أسوي في اللابتوب مثلا؟

 

[Shanks]

أخ نكست جيمر ....
بخصوص أداء البرافيا مع 360 فهو كأداء اي HDTV محترم مع 360 " مثل ما ذكر الاخ اسود " هذا من ناحيه

من ناحيه اخرى إذا كنت مصمم انك تشتري البرافيا حبيت انصحك
الدفعات الاولى من البرافيا و بالخصوص v 40 كانت فيها شويت مشاكل " الجهاز ما يطفي " بعد كم الف ساعه ، سوني عملت ابديت للفريم وير و حلت المشكله ، المهم جميع الدفعات الجديده ما فيها مشكله.
و سوني وضعت في موقعا قائمه بالاجهزه الي فيها الاخطاء " السيريال نمبر " فلو كنت خايف تاخذ جهاز فيه هالمشكله كل ما عليك هو انك تتاكد من الرقم من خلال هالموقع
http://www.css.ap.sony.com/usefulinfo/LCD_ProjTV_Issue/affected_models_serial_no.htm
ترى هذي نفس المشكله الي واجهتني لكني تاكد من الجهاز الي اخذته انه ما فيه مشكله
فإذا كنت مخطط عالبرافيا فلا تتردد توكل و خذه في اسرع وقت لأني اعتقد انه سوني راح تبدا تحول تصنيع الجهاز من اليابان ل تايلاند مش متأكد .

و اخيرا البرافيا جهاز يجمع بين الأناقه و الاداء و الجوده

و ارجوا اني وضحت لك الصوره

 

[sir KoRn]

محمد ال360 يدعم 1366x768
أنا ألعب فيه على 1080i

 

[king zell]

محمد ال360 يدعم 1366x768
أنا ألعب فيه على 1080i

ممتاز الله يبشرك بالخير

 

[Shanks]

أنا عندي سؤال لأني ناوي أسوي مثل الأخ نكست جيمر تماما

الإكس بوكس 360 معروف انه 720p

يعني يشتغل في ريسولوشن 1280x720

لكن تلفزيون بريفيا ريسولوشن فيه 1366x768

هل معناته بشوف خطوط سودا في الشاشة أو أقدر أعدل الرسولوشن من التلفزيون نفسه مثل ما أسوي في اللابتوب مثلا؟

بصراحه جربت العب على ال 720P و 1080i و حاولت اطلع فرق ما حصلت و على فكرت
إذا كنت ناوي تلعب على ال 720p فالبرافيا تلقائيا يشتغل على ريسولوشن 1280x720 لكن مع كامل الشاشه " مثل شاشة الكمبيوتر لما تغير الريسولوشن فيها .
و بعدين فالبرافيا ما تقدر تغير الريسولوشن من الجهاز نفسه لكن إذا شبكته مع الكمبيوتر تقدر لكن من الكمبيوتر.

RH

 

[NextGGamer]

مشكورين جميعا على الردود
بس انا حبيت اتأكد قبل لا آخذ الجهاز تعرفون سعره مو رخيص
لانه قريت في بعض المنتديات الاجنبية يتكلمون عن بعض المشاكل مثل الجوستنج و المشاكل الاخرى و لكن بعد ما قريت ردودكم باخذ الجهاز 100%
آخر استفسار او استفسارات
كم حجم البرافيا اللي عندكم (التلفزيون اللي عندي حاليا بروجكشن يدعم 480 p حجمه 43 )
و اذا ممكن صور البرافيا و شغال عليه الاكس 360 عشان اتحمس زيادة
سعر البرافيا v 40 في الكويت عند الوكيل 999 دينار (12000 ريال سعودي ) تقريبا فهل السعر جيد
و كم سعره عندكم
و تتوقعون في تخفيض في فترة الشهر القادمة لاني متوقع في تخفيض (الجرايد عندنا يوميا اعلانات تلفزيونات باسعار رخيصة بمناسبة كأس العالم فاتوقع الوكيل يخفض الاسعار للمنافسة )
اكثر اعلان يضحكني اعلان بناسونيك حيث يشرح مزايا البلازما عن الlcd
طبعا قصدهم انه البناسونيك فييرا افضل من البرافيا مع انه كل المواقع الخاصة في التلفزيونات قالت انه الفييرا سيء (كنت باخذ الفييرا اول ما نزل بس بعد ما قريت الريفيو السيء في المواقع غيرت رأيي و فضلت الانتظار )
X360 و الاكس بوكس ميديا سنتر xbmc و Bravia للفوز

 

[king zell]

في نصيحة مش مني بس من أشخاص مجربين..

يقول لك الLCD كل ما كان حجمه معقول يكون أفضل يعني لا تبالغ في الحجم.. لأن الصورة أنقى و أجمل بالشاشات الأصغر من الأكبر.. طبعا هذا شي معروف لأن البكسل نظامه كذا

عموما الأسعار في السعودية ما أعرفها كلها لكن 32 بوصة سعره 8999 ريال من فئة V

كان بودي أنتظر فئة X بس ال360 هو السبب في استعجالي..


مشكورين شباب على الشرح مسبقا ما قصرتوا

 

[NextGGamer]

في نصيحة مش مني بس من أشخاص مجربين..

يقول لك الLCD كل ما كان حجمه معقول يكون أفضل يعني لا تبالغ في الحجم.. لأن الصورة أنقى و أجمل بالشاشات الأصغر من الأكبر.. طبعا هذا شي معروف لأن البكسل نظامه كذا

عموما الأسعار في السعودية ما أعرفها كلها لكن 32 بوصة سعره 8999 ريال من فئة V

كان بودي أنتظر فئة X بس ال360 هو السبب في استعجالي..


مشكورين شباب على الشرح مسبقا ما قصرتوا

مشكور على النصيحة و انا انشالله بروح الوكالة و بشوف الوضوح بين 40 و 32 و اشوف فرق السعر
لانه 999 دينار مبلغ يكسر الميزانية بس تعودت على الشاشة الكبيرة و مشاهدة الديفيدي كل ما تكبر الشاشة يزيد الاندماج
يعني سعر ال 32 في السعودية يساوي 720 دينار اعتقد سعر ال32 في الكويت هو 699
king zell
متى بتاخذ الاكس بوكس 360 و البرافيا ؟

و مرة ثانية مشكورين شباب

 

[king zell]

متى بتاخذ الاكس بوكس 360 و البرافيا ؟

و مرة ثانية مشكورين شباب

Juiy ان شاء الله

 

[BioMario]

اخوي انصحك بـ 32 بوصة برافيا V
ممتاز جداً .. انا شفته كذالك من تجربه اصدقائي ..
انا شكلي بنتظر الـ X

 

[Humam]

يقول لك الLCD كل ما كان حجمه معقول يكون أفضل يعني لا تبالغ في الحجم

بالضبط.

بالنسبة لسؤال الأخ نكست جيمر حق الديجتال ريسيفر, ما أعتقد إنك راح تحصل على نتائج إيجابية أو بالأصح تفرق كثير عن الي اتعودت عليه ٍسابقا, خصوصا إذا الرسيفر الديجتال توصله بالتلفزيون عن طريق Composite cable.. وهذا إذا أعتبرنا إن في قنوات عندنا ترسل إشارات HD..

 

[ASWD]

اخوي انصحك بـ 32 بوصة برافيا V
ممتاز جداً .. انا شفته كذالك من تجربه اصدقائي ..
انا شكلي بنتظر الـ X

لوووووول ماهو انت ناطر تلفزيونات السامسونج الجديدة وش اللي غير رايك!!

 

[king zell]

شباب اللي ينتظرون الX مثلي سابقا

أنا غيرت رأيي بعد ما سمعت عن ال1080p

يقولون انه مبالغ فيه جد بتضخيمه و انه حمله إعلانية.. و إن أصلا استخداماته حاليا و الفترة القادمة قليلة جدا.. حتى ألعاب PS3 اللي كانت في E3 كان أغلبها 1080i أو 720p .. و قليل جدا 1080p


يعني و بإعتبار السعر الغالي و الأعداد القليلة اللي بينزل فيها فئة X أشوف إني أشتري V الآن أفضل

هذا كان قراري في النهاية

 

[Shanks]

شباب اللي ينتظرون الX مثلي سابقا

أنا غيرت رأيي بعد ما سمعت عن ال1080p

يقولون انه مبالغ فيه جد بتضخيمه و انه حمله إعلانية.. و إن أصلا استخداماته حاليا و الفترة القادمة قليلة جدا.. حتى ألعاب PS3 اللي كانت في E3 كان أغلبها 1080i أو 720p .. و قليل جدا 1080p


يعني و بإعتبار السعر الغالي و الأعداد القليلة اللي بينزل فيها فئة X أشوف إني أشتري V الآن أفضل

هذا كان قراري في النهاية

فورزااااااااا لل bravia V ههههه

 

[Humam]

ههههههههههه محمد لا تهبقني

 

[NextGGamer]

باركولي شباب
شريت التلفزيون v 32
رحت وكيل سوني اليوم و شفت الاجهزة حسيت ال32 حجمه ممتاز و حسيت انه الصورة طالعه عليه احلى و سألتهم قالي ان كلهم نفس الوضوح فكل ما تصغر الشاشة يكون افضل
سألتهم عن الاسعار
v 32 ب 680 دينار تقريبا (8160 ريال سعودي )
v 40 بسعر 999 دينار (12000 ريال سعودي )
بوقتها قررت اني آخذ ال v 32
بس قلت بروح اسأل شركة الغانم للالكترونيات (يبيعون الاجهزة ارخص من الوكالة و عندهم جميع الماركات بكفالة الوكيل )
رحت و سألت عن v32 و الا يقولي بسعر 659 يعني ارخص ب عشرين دينار (240 ريال سعودي )
قلتله خلاص عطني اياه رحت دفعت الفلوس و الا يقولي لك هدية 3 كوبونات دولاب الحظ
قلتله شنو هذا و الا يطلع دولاب تلفه و لمه يوقف السهم على الهدية تاخذها طبعا الهدايا كلها كوبون مشتريات من 5 دنانير الى 200 دينار (200 والمبالغ الاكثر من خمسة خانتهم صغيرة )
لفيت 3 مرات و الا يطلعلي بكل لفه 5 دنانير
شريت بال15 دينار توستر و سماعات حق الكمبيوتر و الباقي دينارين اخذت بطاريات قلت استعملهم حق يدة الاكس بوكس
ابيخ شي في الموضوع انه التلفزيون يوصلونه يوم السبت
في شركة الغانم قعدت اشوف التلفزيونات من باقي الماركات و بصراحة افضلهم و احسنهم و احلاهم السوني برافيا
xbox 360 + bravia ftw

 

[NextGGamer]

بالضبط.

بالنسبة لسؤال الأخ نكست جيمر حق الديجتال ريسيفر, ما أعتقد إنك راح تحصل على نتائج إيجابية أو بالأصح تفرق كثير عن الي اتعودت عليه ٍسابقا, خصوصا إذا الرسيفر الديجتال توصله بالتلفزيون عن طريق Composite cable.. وهذا إذا أعتبرنا إن في قنوات عندنا ترسل إشارات HD..

سألت الوكالة عن توصيل الستلايت و يختلف اذا كانت الشاشة عريضة قالي التلفزيون فيه ميزة انه يحاول يخلي الصورة مناسبة بنسبة 80 % علشان ما تكون الصورة مشدودة
و بالنسبة لل hd في قناة وحده من قنوات art لكاس العالم اسمها world cup HD بس ما اعتقد الرسيفرات الحالية تدعم ال hd اكيد نحتاج رسيفر خاص

 

[Humam]

ههههههههه ماشاء الله ألف مبروك .. منك المال ومنه الصورة الزاحفة

edit: بالضبط مثل ماقلت.. تحتاج رسيفر يكون فيه فتحات كومبوننت.. في أنواع جديدة من الرسيفرات فيها DVR يجي معاها هارد ديسك.. حاول تشيك عليها يمكن فعلا يكون فيها.

 

[king zell]

مبروك عليك و يعطيك خيره و يكفيك شره

و فعلا Bravia لا يقارن بأي تلفزيون ثاني

عقبالنا قريب

 

[NextGGamer]

اليوم اتصلوا علي وكالة سوني و قالولي انه راح يوصلون التلفزيون الساعة 1 الظهر
الساعة 2 الظهر رن الجرس والا شركة سوني سلموني التلفزيون
التلفزيون عجيب و جربت عليه الاكس بوكس 360 و مافيه مشاكل جربت الستلايت كل شي مضبوط
احلى شي انه مع التلفزيون كيبل للتوصيل للكمبيوتر جربت وصلت اللابتوب عليه بصراحة شي عجيب
شكرا للجميع على نصائحكم و اقول للي يبي يشتري تلفزيون جديد لا يطوفك البرافيا
دخلت عالم HD رسميا
بس باقي يطورون محطات الارسال عندنا و يستعملون ال HD

 

[Humam]

ألف مبروك.. الله يعطيك خيره ويكفيك شره وعقبالنا عاد

 

[Shanks]

ألف الف مبروك نكست جيمر يعطيك خيره و يكفيك شره.....

و الصراحه اللعب بال 360 على البرافيا شيء خيالي " نقاوه غير طبيعيه ".

احلى شي انه مع التلفزيون كيبل للتوصيل للكمبيوتر جربت وصلت اللابتوب عليه بصراحة شي عجيب

أجل لو جربت وصلته مع ال Mac شو راح تقول
الي يعجبك في الماك انه ياخذ الشاشه كامله بالطول و بالعرض اما الويندوز تحس فيه شيء ناقص.

 

[ASWD]

مبروك عليك التلفزيون نيكست جيمر يعطيك خيره ويكفيك شره ان شاء الله

عقبالنا قول آمين