استفسار عن السماعات

[fatal framer]

بغيت استفسر عن افضل سماعة للجيمز والكمبيوتر المحمول

في واحد قالي سماعات boss اقوى وانقى صوت اشتريها ولا في افضل منها انا مو بس مهم عندي الصوت اهم شي تكون مريحة للاذن

ولزيادة استفساري اكثر السماعات الصغيرة في انواع قوية بالصوت ولا كلهم نفس المستوى مايفرق ولازم اخذلي هيدفون


سماعات فرندز مادري موجودة بالكويت ولا لا بس في احد سمع عنها

اسمها بالانجليزي frends

 

[TrueMovie]

على حسب انت تحب تستخدم dac و amp احترافي ؟ او بتستخدم dac الكمبيوتر الضعيف ؟

 

[m5050]

علمنا استخدامك في ايش ( كانسول ولا بي سي ، موسيقى افلام ؟) ؟ بتاخذ السماعه معك برا ولا جوا البيت بس ؟ تحبها تكون حول الاذن ولا على الاذن ولا جوا الاذن ؟ تحب تكون مفتوحه ولا مغلقه ( مفتوحه غالبا بيدخلها هواء فتكون اريح لكن ايضا يتسرب الصوت المغلق العكس ) ؟ ميزانيتك ؟

 

[fatal framer]

على حسب انت تحب تستخدم dac و amp احترافي ؟ او بتستخدم dac الكمبيوتر الضعيف ؟

اخوي ماعليه انا غشيم بهالشغلات فما اعرف شنو يعني amp او dac

System Model HP Pavilion dv7 Notebook PC

انا جهازي لابتوب hp

icore i7

اذا كانت المعلومات غير كافية وضروري سالفة amp او dac تقدر تشرحلي بالتفصيل او اذا في اي خطوات لازم اسويها

 

[fatal framer]

علمنا استخدامك في ايش ( كانسول ولا بي سي ، موسيقى افلام ؟) ؟ بتاخذ السماعه معك برا ولا جوا البيت بس ؟ تحبها تكون حول الاذن ولا على الاذن ولا جوا الاذن ؟ تحب تكون مفتوحه ولا مغلقه ( مفتوحه غالبا بيدخلها هواء فتكون اريح لكن ايضا يتسرب الصوت المغلق العكس ) ؟ ميزانيتك ؟

لابتوب موسيقى افلام مسلسلات العاب

ماتوقع اني باخذها للخارج احراج اصلا

وشنو الفرق بين الثلاث انواع حول الاذن ولا على الاذن ولا داخل الاذن

والله اخوي مافهمت كلامك الصوت المغلق

ماعندي مشكلة بالميزانية

 

[TrueMovie]

الداك هي اللي ترسل ذبذبات الصوت الى السماعة , كل ماكان الداك محترم يرسل ذبذبات محترمه والAMP يقوي تلك الاشارات يعبر عنها بOhm.
طبعا الكمبيوتر فيها داك مدمج لكنه عادي ويمكن يشغل معظم الصوتيات بشكل مرضي , لكن اذا جينا للسماعات الاحترافيه امثال d650 و سينهايزر hd 700و hd 800 تحتاج تلك الوحوش لتغذيه محترمه من داك محترم يجي على شكل قطعه خارجيه.
طبعا طريقة عمله يكون من الابتوب usb يشبك بالداك ومنها تشبك السماعة بالداك.
طبعا والله فرق بالصوت ولو جربت تسمع من سماعات احترافيه وداك محترم لتقول وش كنا نسمع من خياس قبل !

 

[TrueMovie]

طيب الليله او بكره اجيب لك السماعة المناسبه لجهازك
انا كان في بالي واحد لكن من كثر السماعات اللي مرت علي نسيت اسمه

 

[fatal framer]

انا ودي اعرف شسمك XD

اوكي ماشاء الله شرح وافي

شالفرق بين برنامج dfx او realtek audio codec شي ضروري للصوت ومنو الافضل فيهم ولها علاقة بالسماعات

احس لابتوبي يبيله ابديت للدرايفز او الكوديك كل يوم اسمع بشي يديد شكلي بوديه المحل يسويلي ابديت للسوفتوير


اتوقع تقصد موتوريلا d650

شالفرق بين السماعات الصغيرة والكبيرة مثل الصورة اللي حاطها شرط الكبيرة تكون صوتها اقوى ولا مو شرط

 

[TrueMovie]

معك الاخ فهد
جبت لك اسم سماعتين من افضل الموجود اللي يناسب اداء الداك الموجود في الابتوبات
الاولى :

creative aurvana live 2 ! سعر مقابل الاداء

والثانيه:

غالي شوي لكن الافضل
philips fidelio L2

 

[TrueMovie]

ولو تأخذ DAC/AMP معهم يكون افضل
المبتدئ ينصح باخذ هذا الداك والامبي Fiio E07K

 

[Zero]

شالفرق بين السماعات الصغيرة والكبيرة مثل الصورة اللي حاطها شرط الكبيرة تكون صوتها اقوى ولا مو شرط

السماعات داخل الأذن هي الصغيرة وتنحط داخل قناة الأذن، السماعات فوق الأذن فيها طوق وكبيرة شوي وتكون واقفة على الأذن من الخارج، السماعة حول الأذن أكبر من النوعين السابقين ولما تلبسها تغطي الأذن بالكامل ويكون شكلها حول الأذن بيضاوي أو دائري، الفرق مو بالضرورة في قوة الصوت، ولكن في طريقة اللبس، والسماعات من أول نوعين غالبا (وأحيانا من النوع الثالث) تكون مصممة على أنها ما تحتاج قوة كبيرة وتشتغل بشكل كويس ويا أي مخرج سواء جوال أو كمبيوتر أو شاشة، بس منطقيا ال DAC/Amp دائما يعطيك فرق حتى لو السماعة ما تحتاج قوة كبيرة لتشغيلها.

عموما، هل تحتاج السماعة بمايكروفون مدمج أو بدون؟ لو بدون فالخيارات المتوفرة أكثر وأقدر أرشح لك سماعات عدة من النوعين بمختلف الأسعار.

وسماعات Bose ليست الأفضل، في شركات أخرى أفضل منها متخصصة بشكل أكبر في الصوتيات ومنتجاتها بجودة أعلى كتصنيع وجودة صوت.

 

[m5050]

لابتوب موسيقى افلام مسلسلات العاب

ماتوقع اني باخذها للخارج احراج اصلا

وشنو الفرق بين الثلاث انواع حول الاذن ولا على الاذن ولا داخل الاذن

والله اخوي مافهمت كلامك الصوت المغلق

ماعندي مشكلة بالميزانية

الفرق تكلم عنه zero ما قصر ، لكن برأيي هي بالاول والاخير مسأله تفضيل انا افضل حول الاذن بحيث تعطيني راحه اكبر ما تضغط على الاذن وما تتوسخ بواسطه الاذن
فيه سماعات تجيك مغلقه ما ما فيها فتحات تهويه مما يزيد عليك مسأله الحر والتعريق لكن بيصير الصوت ما يتسرب للي قاعد بجنبك ، اما المفتوحه بتكون تهويهتها افضل واريح اكيد لكن ممكن الصوت يتسرب فما تقدر تحافظ على خصوصيتك ممكن اللي جنبك يسمعك

 

[loop]

BOSS انت تقصد Bose ؟

إذا ايه فا ماهي الأفضل مثل ماقال الأخ "زيرو" ، بوز كجودة صوت مقبوله لكن سعرها عالي جدا يخليها سيئه لما تقارن السعر بالصوت اللي حصلت عليه .. من ناحية الراحه أقدر اقولك ان سماعاتهم مريحه وخفيفه وتنافس .. بوز تتفوق من وجهة نظري ( وكثير جدا من مواقع ومجلات التقنيه الخبيره ) بتقنية عزل الصوت .. شي خرافي ! اذا كنت مبتعث وتركب قطارات / مترو / طياره ..الخ بشكل كبير وتستعملها برى وتبي سماعه تعزلك عن محيطك الخارجي لا تدور الا بوز (قلي أعطيك اسم الموديل بالضبط ) أما إذا عزل الصوت مايهمك ولا تبي "تكشخ" فيها لان يمكن اسم بوز فخم عند الشعب لانه مرتبط بالسيارات الألمانيه واليابانيه الفاخره دايم يكون النظام الصوتي من بوز فا بعد عنها

اذا تبي سماعه ممتازه وبسعر ممتاز عندك اوديو تيكنيا ام50 جدا جميله بالنسبه لك


انا حوّلت الى الأوبن اير من فتره وجدا مرتاح معهم .. فرق كبيييير عن المغلقه بالرغم من عيبها الكبير اللي هو تسريب الصوت وعدم عزل الصوت الخارجي عنك لكني استعملها بالغرففه وتعيشني جو رائع ولساعات طويله بدون ازعاج او تعرّق او ثقل على الرأس ( hd 598 )

 

[fatal framer]

والله اخواني ماقصرتوا معاي بالشرح

بس في نقطة مهمة واخيرة اصوات السماعات تقدر تخفف من الاصوات الثانوية

يعني مثلا الاشخاص يتكلمون اكيد هذا شي اساسي

بس مثلا الموسيقى واي صوت مثلا واحد يمشي رياح تقدر تخفف من هالاصوات بنسبة معينة علشان لايتداخلون كلهم مع بعض

اقصد انه في طريقة برنامج مثلا يخفف بعض الاصوات الغير المرغوبة