استشارة عن الكمبيوترات

[fatal framer]

السلام عليكم

من فترة بغيت اخذلي كمبيوتر و ممكن اخذه للالعاب واللي اعرفه انه اقوى جرافكس في الالعاب بس على نظام ويندوز
اللي متخوف منه انه ويندوز بعد فترة 5 سنين مثلا تصير مشاكل معاه يعلق ويصير بطيء ويبيله فورمات
ابي اعرف هالمشاكل تصير مع اجهزة ويندوز المتخصصة للالعاب مثل alienware و msi
علشان احدد اتجاهي يسوى اخذه للجيمنج ولا لا
اذا تصير معاه نفس المشاكل افكر اخذلي imac

 

[i7asan]

الويندوز معروف بهالمشاكل ولابد منها ..
نصيحة خلي الويندوز للجيمنج فقط والماك مثلا للأستخدام اليومي

iMac ممتاز عندي موديل 2012 ومقسم الهارديسك بارتشن ثاني للويندوز جيمنج فقط.
الجيمنج فيه اكيد مايوصل لمستوى اجهزة الديسك توب الصندوق لأنه يستخدم جرافكس كارد لاب توب مطور.

مشكلة الiMac سعره مكلف مع ان اشوف ال 5K معقول مقارنتاً بأسعار الشاشات بنفس الدقة.
وتقدر تشبك فيه جرافكس كارد خارجي عن طرق الثندربولت لأداء افضل.

اقتراح ثاني خد كمبيوتر جمعه بنفسك وبتحصل على اداء افضل وبسعر اقل من الكمبيوترات المجمعة من الشركات مثل MSI و Alienware

 

[fatal framer]

@i7asan
يعني imac اقدر احط كرت الشاشة gtx 980 فيه وهل بيكون اداءه نفس مستوى msi يستخدم هالكرت
يمكن افكر باقتراحك الثاني كخطوة اخيرة اذا مانفع

 

[nowhereman]

اذا ويندوز 10 فالامر سهل الان جداً
تقدر تسوي فورمات كامل وتمسح كل اللي في الهارد من الخيارات
ما يحتاج سابق خبره ميكروسوفت عجبوني من ناحية النقطة هذي
, اما الماك او اللينكس اتوقع بتعاني مع بعض الالعاب من ناحية الدعم

 

[i7asan]

@nowhereman
تعني كل ماتصير مشاكل تسوي فورمات؟ معروف الفورمات سهل ولكن المستخدم يفضل يستمر مع نظام بدون مشاكل ولا يحتاج لفورمات كل فترة.

@fatal framer
صحيح بس بكون خارجي مثل هذا
https://bizon-tech.com/us/bizonbox2-egpu.html/

 

[fatal framer]

تعني كل ماتصير مشاكل تسوي فورمات؟ معروف الفورمات سهل ولكن المستخدم يفضل يستمر مع نظام بدون مشاكل ولا يحتاج لفورمات كل فترة.

بالضبط هذا تفكيري

يعطيكم العافية شباب شكله باخذلي imac على نصيحتك اخوي حسان مشكور

 

[ibrahimJ]

قانون في الحياة : الماك خاصة المكتبي مخصص للجرافيك ديزاين و video editing فقط لاغير
و مافي شئ اسمه ويندوز ماينخرب علي بعد مدة خلينا نكون صريحين كل شئ يصير في الجهاز سببه انت لاغير ولنفترض إذا صار شئ ترا يمديك تسوي backup للجهاز شئ ماهو صعب والشئ الثاني الاجهزة مثل alienware عبارة عن مضيعة للفلوس , التجميع خيار افضل بكثير .

 

[nowhereman]

في كل الحالات تحتاج تسوي backup بشكل دوري كان جهازك ماك او ويندوز
انا جهازي ويندوز 10 من يوم مانزل ويندوز 10 و مافرمته او حتى سويت له اعادة ضبط
كل شيء يرجع لاستخدامك للمعلومية ماعمري ركبت انتي فايروس في حياتي واكره برامج الحماية بشكل عام

 

[fatal framer]

قانون في الحياة : الماك خاصة المكتبي مخصص للجرافيك ديزاين و video editing فقط لاغير
و مافي شئ اسمه ويندوز ماينخرب علي بعد مدة خلينا نكون صريحين كل شئ يصير في الجهاز سببه انت لاغير ولنفترض إذا صار شئ ترا يمديك تسوي backup للجهاز شئ ماهو صعب والشئ الثاني الاجهزة مثل alienware عبارة عن مضيعة للفلوس , التجميع خيار افضل بكثير .

مو غصب imac قدم تقنية 5k اللي للحين ماقدمها الويندوز واقدر اركب كرت جرافكس قوي والعب فيه على راحتي
الويندوز متروس مشاكل ونظام متخلف
يعني النظام متخلف والسبب مني على هالحالة الامريكان يعتبرون متخلفين لانهم يفضلون الماك على الويندوز
مابي تجميع ويندوز بروحه متخلف ليش اعني روحي

 

[fatal framer]

في كل الحالات تحتاج تسوي backup بشكل دوري كان جهازك ماك او ويندوز
انا جهازي ويندوز 10 من يوم مانزل ويندوز 10 و مافرمته او حتى سويت له اعادة ضبط
كل شيء يرجع لاستخدامك للمعلومية ماعمري ركبت انتي فايروس في حياتي واكره برامج الحماية بشكل عام

ماله داعي الماك نظام حمايته اقوى مو نفس الويندوز يخترب بسرعة

 

[The Doctor]

اللي متخوف منه انه ويندوز بعد فترة 5 سنين مثلا تصير مشاكل معاه يعلق ويصير بطيء ويبيله فورمات

هالمشاكل تصير على كل الأجهزة بغض النظر إيش نظام التشغيل. مافي جهاز يقعد 5 سنين من دون ما يصير بطيء لسبب أو لآخر. و أغلب المشاكل سببها إستخدام الشخص.

@fatal framer
صحيح بس بكون خارجي مثل هذا
https://bizon-tech.com/us/bizonbox2-egpu.html/

وش ذي السرقة، 1178 دولار عشان GTX 1070؟! هالسعر ذا يجيب كمبيوتر كامل. حرام.

ماله داعي الماك نظام حمايته اقوى مو نفس الويندوز يخترب بسرعة

هالكلام أيام الXP. الآن مافي فرق بين النظامين. المستخدم العادي على كلا النظامين يحتاج ينزل أشياء من أماكن واضح جداً إنها مليانة فايرسات عشان يواجه مشكلة أمنية.

 

[لُقمَان]

فعليًا اجهزة أبل ماتنفع للاستخدام الثقيل ... الويندوز بالنسبة لي أفضل بمراحل ومدعوم بعشرات الاف البرامج اللي ماتشتغل على السييرا وغيره

 

[The Doctor]

فعليًا اجهزة أبل ماتنفع للاستخدام الثقيل ... الويندوز بالنسبة لي أفضل بمراحل ومدعوم بعشرات الاف البرامج اللي ماتشتغل على السييرا وغيره

مش صحيح إنها مش للإستخدام الثقيل... أجهزتهم، خصوصاً اللي قبل 3-4 سنوات (ما مر وقت كفاية على الجدد) ممتازين و تقدر تكرفهم زي ما تحب من دون مشاكل.
مثل ما ذكر @IBRHEEMQ4 ، بالجرافيك ديزاين و الإيدتنج، ولا شي يوازيهم. بس للجيمنج؟ مافي أمل، لا أداء و لا قيمة.

 

[لُقمَان]

مش صحيح إنها مش للإستخدام الثقيل... أجهزتهم، خصوصاً اللي قبل 3-4 سنوات (ما مر وقت كفاية على الجدد) ممتازين و تقدر تكرفهم زي ما تحب من دون مشاكل.
مثل ما ذكر @IBRHEEMQ4 ، بالجرافيك ديزاين و الإيدتنج، ولا شي يوازيهم. بس للجيمنج؟ مافي أمل، لا أداء و لا قيمة.

أنا كشخص ما أحافظ على أجهزتي وأخليهم شغالين كم أسبوع بدون أيقاف تشغيل و يطيح مني أكثر من طيحة وأشغل كروم و كم لعبة والفوتو والايجي مع بعض ما ينفع لي الماكبوك

 

[ivision]

ما انصحك بالماك اذا بتاخذه للجيمز
لكن من ناحيه استقرار واداء فالنظام بطل استخدمت الماك حوالي 6 سنين فرمته مرتين فقط المره الاولى لان المحل اللي اشتريته منه عفس ام الجهاز وركب برامج من راسه والمره الثانيه لان الهاردسك اخترب علي ( سوء استخدام مني )
مافي شي كامل بالدنيا على كل مميزاته لكنه محدود من ناحيه البرامج
يمديك تركب ويندوز لكن عمليه الانتقال من نظام الماك للويندوز متعبه ووجع راس وفي برامج تسمح لك بتشغيل النظامين بنفس الوقت بس بما انك بتستخدمه بالجيمز ما اتوقع بتفيدك

بالفيديو شخص يتكلم عن تجربته للاي ماك واستخدامه كجهاز العاب

 

[i7asan]

وش ذي السرقة، 1178 دولار عشان GTX 1070؟! هالسعر ذا يجيب كمبيوتر كامل. حرام.

يب الموقع يبالغ في سعر الادابتر ( في طريقة تسويه بنفسك في النت لكن تحتاج شغل ) والكروت تقدر تشتريها من غيره وتركبها ، لهذا نصحته يجمع كمبيوتر من البداية ولو باقي عنده مبلغ كافي بعد التجميع يقدر ياخذ ماك بوك او ماك ميني

أنا كشخص ما أحافظ على أجهزتي وأخليهم شغالين كم أسبوع بدون أيقاف تشغيل و يطيح مني أكثر من طيحة وأشغل كروم و كم لعبة والفوتو والايجي مع بعض ما ينفع لي الماكبوك

كيف ماينفع ؟ اداء الماك بوك ممتاز ويتحمل كرف وجهازي ما اطفيه فترة طويلة احياناً وبدون مشاكل

يمديك تركب ويندوز لكن عمليه الانتقال من نظام الماك للويندوز متعبه ووجع راس

الطريقة سهلة فقط اضغط alt مع بداية التشغيل واختار الويندوز :/

 

[fatal framer]

@i7asan
بعد مافكرت عدل بتبع نصيحتك راح ايمع كمبيوتر واخذلي ماك بوك افضل لي الكمبيوتر بخليه للجيمنج والماك للاستعمال الشخصي

 

[FALCON-WARS]

ماخذين فكرة غلط ان الوندوز ماياخذ شي ويعلق، جهازي قليل ما اطفيه وكل شغلي عليه (جمينج وغيرها) ما اسوية فورمات الا كل نهاية فصل دراسي ومو لانه صار بطيى، مجرد تنضيف مثل ما اسوي لجوالي.
الماك سعرة غالي ومواصفاته مو في سعره، تحتاج تسوي dual boot، عشان تشغل ووندوز والي بيكون شي مزعج مع الوقت، هذا غير دعمه المحدود للالعاب.
مثل ما اقترحوا عليك خذلك جهاز وندوز وجهاز ماكبوك رتبه منخفضه للاستخدام الشخصي (او اعلى على حسب ميزانيتك) بس احسبها صح لان حتى الفئة الدنيا اسعارهم مو رخيصه، هذا لو انت فعلا مصر على نظام الماك.

 

[Qué mirás bobo]

السلام عليكم

من فترة بغيت اخذلي كمبيوتر و ممكن اخذه للالعاب واللي اعرفه انه اقوى جرافكس في الالعاب بس على نظام ويندوز
اللي متخوف منه انه ويندوز بعد فترة 5 سنين مثلا تصير مشاكل معاه يعلق ويصير بطيء ويبيله فورمات
ابي اعرف هالمشاكل تصير مع اجهزة ويندوز المتخصصة للالعاب مثل alienware و msi
علشان احدد اتجاهي يسوى اخذه للجيمنج ولا لا
اذا تصير معاه نفس المشاكل افكر اخذلي imac

مرحباً.
حينما تتحدّث عن نظام التشغيل فهو يتعلّق بالمستخدم، أحياناً إن أسأت استعماله ستحتاج إلى الفورمات بعد فترة قصيرة من شرائه، لكن إن أحسنت استعماله فلن تحتاج إلى الفورمات لفترة طويلة.
بالنسبة لمشكلات الويندوز فلا أعتقد أنها كثيرة فالويندوز 10 مستقرّ حسب تجربتي وأعتقد أنّ الخوف من أنظمة التشغيل مبالغ فيه، فكّر في المواصفات.

 

[fatal framer]

خلاص باركولي شريت كمبيوتر تجميع طبعا لانه ارخص خذيتلي شاشة كمبيوتر 4k من سامسونج
والرام 16 جيجا 8 في 8 والباور سبلاي من evga
كرت جرافكس gtx 1070 و msi process
وشريت تومب رايدر وطالعة عجيبة
قررت اشتري ماك بوك برو بس بنطر لشهر 10 لانه في اشاعات انه بينزل في هالوقت

 

[Saudi Fighter]

خلاص باركولي شريت كمبيوتر تجميع طبعا لانه ارخص خذيتلي شاشة كمبيوتر 4k من سامسونج
والرام 16 جيجا 8 في 8 والباور سبلاي من evga
كرت جرافكس gtx 1070 و msi process
وشريت تومب رايدر وطالعة عجيبة
قررت اشتري ماك بوك برو بس بنطر لشهر 10 لانه في اشاعات انه بينزل في هالوقت

انت ركبت الجهاز بنفسك ? اذا ايه كيف التجربة معك لانها على ماعتقد اول مرة

 

[fatal framer]

انت ركبت الجهاز بنفسك ? اذا ايه كيف التجربة معك لانها على ماعتقد اول مرة

قصدك في البيت صح لا مو كل شي بنفسي حصلت مساعدة من السايق بشي بسيط
بس ساعدني اكثر في الكرسي لاني شاريه من ايكيا
التجربة ممتازة بعد معاناة مع السماعات ويدة الالعاب من لوجيتك بس بالاخير النظام سريع وممتاز وسلس بس اتمنى مايخرف علي بالمستقبل في التعرف على السماعات والاجهزة الموصولة معاه

 

[Gohan]

السلام عليكم
فكرة انه ويندوز يخرب بعد فترة ولت من زمان
اغلب المشاكل الخاصة من ويندوز كانت على ايام الويندوز القديمة ٩٨ و ٢٠٠٠ و XP والفيستا كان ممكن يكون معاك فترة وبعدين يحصل للنظام Fail لكن بعد وصل Windows 7 والمشاكل انحدرت للغاية
مشاكل الويندوز حاليا اصبحت موجودة بشكل قليل للغاية واغلب الاسباب هي مشاكل تركيب برامج خبيثة من دون حماية او ضعف في الوعيّ للاستخدام وحتى لو حدث مشاكل للويندوز من بطئ وغيره ٩٩٪ من المشاكل هذه لها علاج غير الفورمات
انا حاليا عندي ويندوز ٧ منذ ٤ اعوام من دون اي مشاكل كبيرة ولكن حاليا اصبحت افضل استخدام OS X بشكل كبير عن ويندوز لاني فضلته عنه لكن لا يعني نظام MAC مشاكله اقل من الويندوز مع انه قد يكون مشاكلي بسبب استخدامي هاكينتوش ليس شراء جهاز ماك بالنظام الخاص به
اذا كنت ترغب بالالعاب لا بد من استخدام الويندوز وشراء مكونات محترمة افضل من انك تشتري الكمبيوترات المجمعة التي سعرها مبالغ فيه

تعديل

خلاص باركولي شريت كمبيوتر تجميع طبعا لانه ارخص خذيتلي شاشة كمبيوتر 4k من سامسونج
والرام 16 جيجا 8 في 8 والباور سبلاي من evga
كرت جرافكس gtx 1070 و msi process
وشريت تومب رايدر وطالعة عجيبة
قررت اشتري ماك بوك برو بس بنطر لشهر 10 لانه في اشاعات انه بينزل في هالوقت

اوه مبروك هذا افضل حل

 

[fatal framer]

@Gohan
الله يبارك فيك اخوي الفال لك ان شاء الله

 

[Zorro]

على البركة اخوي ..

بس اتمنى مايخرف علي بالمستقبل في التعرف على السماعات والاجهزة الموصولة معاه

فيه حركة حلوة ، انك تنشيء صورة احتياطية من قرص النظام فقط ، يسموها image عن طريق برنامج ONEKEY GHOST، بحيث لو صار شيء بالنظام ترجع هالصورة(النسخة) بدقايق ولا كأنه صار شيء ..

محتوى مخفي: اذا بتسوي الحركة هذه

حمل البرامج الأساسية بالأول اللي دايم تستخدمها و التعريفات و بعدين سوي خذ صورة ، و دائما خلي ملفاتك في مجلدات غير الموجودة على قرص النظام يعني حطها على D مثلا ، لأنك لما ترجع الصورة الإحتياطية بيمسح كل شي على الـ C..

انا مستخدم لويندوز 7 ، ولي 6 سنوات تقريبا ما فرمت الجهاز مع اني اكرفه كرررف .
كل ما بدأ يدخل في مشاكل او صار ثقيل مع كثرة تركيب البرامج و حذفها ارجع النسخة الصورية هذه بدقايق و ارتاح ..
الصراحة نسيت شي اسمه فورمات ..

 

[Gohan]

@Gohan
الله يبارك فيك اخوي الفال لك ان شاء الله

الله يكرمك
حبيت انوه ممكن انك تخلي جهازك يشغل نظام الMAC OS من دون ما تحتاج تشتري MAC BOOK PRO لكنه يحتاج تعرف شوية حاجات
بالنسبة لي انا شغال على جهازي الPC نظام MAC OSX وفيه Windows 7

 

[fatal framer]

@fahd141
الله يبارك فيك اخوي
الحركة اللي قلتها لي تنفع مع الاجهزة اللي اوصلها مع الكمبيوتر عن طريق usb ؟

 

[Zorro]

@fahd141
الله يبارك فيك اخوي
الحركة اللي قلتها لي تنفع مع الاجهزة اللي اوصلها مع الكمبيوتر عن طريق usb ؟

هل تقصد انك تحتفظ بنسخة إحتياطية لأقراص USB ؟؟
اذا ايه فالجواب نعم
اذا لا .. اشرح لي سؤالك اكثر

 

[fatal framer]

هل تقصد انك تحتفظ بنسخة إحتياطية لأقراص USB ؟؟
اذا ايه فالجواب نعم
اذا لا .. اشرح لي سؤالك اكثر

اي هذا سؤالي لانه الاجهزة كلها ماخذها عن طريق وصلة usb ماركبت بلوتوث في الكمبيوتر

 

[FALCON-WARS]

الله يكرمك
حبيت انوه ممكن انك تخلي جهازك يشغل نظام الMAC OS من دون ما تحتاج تشتري MAC BOOK PRO لكنه يحتاج تعرف شوية حاجات
بالنسبة لي انا شغال على جهازي الPC نظام MAC OSX وفيه Windows 7

ايوة, هذا خيار متوفر لك وعمله مايتطلب شغل كثير وهذا مثال: (مجرد مثال )