ارقام سوني .. يونيو 2016 .. تاريخي للبلاي ستيشن !

[Veeto]

فيتو يبي لك لوجو بدل شخابيط الرسام اللي تعور القلب P: .. شكرا على مجهودك الجبار

فيه الخير اللي بيسوي ليي لوجو.. مشكلتي اخترب برنامج السكرين شوت اللي عندي ومو عارف اسويه لهالسبب استخدم الرسام تحملوني شوي

 

[The Doctor]

فيه الخير اللي بيسوي ليي لوجو.. مشكلتي اخترب برنامج السكرين شوت اللي عندي ومو عارف اسويه لهالسبب استخدم الرسام تحملوني شوي

اسوي شيء هاليومين الا اذا مصمم حقيقي تبرع

 

[leader_e]

ارقام ممتازة ،، لكن ما توقعت يجي يوم اشوف فيه نينتندو تتوسع وسوني تنكمش على قسم الالعاب
سياسة سوني الان أصبحت واضحة إغلاق اي قسم يحقق خسائر للشركة والاعتماد الكلي على قسم الالعاب
وهذي فيها مخاطرة لانه اي خسارة في المستقبل لهذا القسم ستكون عواقبه وخيمة

 

[CODE-X]

ايش الجهاز الي جربته ؟

سامسونغ ملكة الأندرويد، النوت أفضل موبايل أندرويد بلا منازع ومن كل النواحي. حتى من ناحية التصميم الإيدج عنده جمالية خارقة ويعطيك إحساس مستحيل يوصلك في أي موبايل من سوني.

أحسن شي في الإكسبيريا هو البيلد كوالتي، على كل حال.

سامسونج مشكلتها الازلية في اليو اي العبيط حقها، عندها افضل هاردوير في كثير حالات و أسوأ يو اي لسبب ما الشيء الوحيد اللي مصرة ما تعدله.

عموما حالياً باتفاق النقاد الNexus 6P هو افضل جهاز اندرويد حتى مع نزول الجالاكسي 7.
و النكسس القادم راح يكون htc و نظرا للكوالتي اللي معروفه بها اجهزتهم ما أظن اجهزة سامسونج راح تسترجع اللقب في اي وقت قريب...

فيه الخير اللي بيسوي ليي لوجو.. مشكلتي اخترب برنامج السكرين شوت اللي عندي ومو عارف اسويه لهالسبب استخدم الرسام تحملوني شوي

لا احد يدقق من فين جبت اللوقو

 

[X I I I]

مو كأني قرأت قبل اي ٣ انه الجهاز باع ٤٥ مليون وحدة ؟ و لا ذيك كانت الشحنات ؟

طيب دحين كم عدد الشحنات ؟ ٤٨ ؟

 

[gears of war]

هذا الكلام غير صحيح بتاتا .. النجاح كان نتيجة عمل واضحة .. سوني ما صحت وشافت نفسها بالمقدمة .. سوني اجتهدت كثير علشان هالمقدمة وهذي البرقة .. هي الثالثة يعني مو الاولى او ضربة حظ !!
تواجد سوني العالمي .. اصدار الجهاز بشتى انحاء الكرة الارضية .. تقديم معارض ومنتجات متوائمة مع كل سوق .. تخيل ان سوني تكشف عن لعبتين جديدتين ضخام في معرض اوروبي !!
تواجدها بآسيا .. هذا غير عن الاسواق التقليدية الضخمة .. كلام ان هالنجاح مزيف او شبه مزيف عاري تماما من الصحة .. الجهاز للحين يبيع بوتيرة متقاربة للاكس 360

- وقت ما قلت نجاح مزيف أقصد "قيادة السوق و التفوق ب2مقابل واحد لأقرب منافس، هذا النجاح بشهادة سوني نفسها ماتملك تفسير واضح له مثل ما كان أيام البلي1 و البلي2 كانت الشركة مهيمنة على الصناعة و هذا انعكس على المبيعات، و لاحظ انك بعرضك للإحصائيات تغفل الwii زعيم الجيل الماضي والي نجاحة كان بسرعة الصارووخ مثل ماقلت انتقدنا صرعته فانز ننتندو توهم ممكن أقتنعو مع مقلب الوي يو ، البلي 4 بنسبة لي جهاز ضعيف تقنيا ولم يقدم القفزة التقنية المتعودين عليها و رخيص و اصداراتها عادية جدا ومشابهة للمنافسين وكمية ريميكات لم يشهد مثلها التاريخ .


السكوربيو والنيو .. ما تختلف عن الكينيكت والموف .. اللي بكل جيل يحاولوا الاثنين يستقطبوا جمهور جديد فيها .. الفرق ان هذا اول جيل بعد التلفونات الذكية وثورتها والشركتين بيمشوا بمسار جديد .. بدل نماذج رخيصة (( مثل السليم )) بيحاولوا مع نماذج جديدة محدثة
الكل كان ينظر قبل نزول الاجهزة لنظرة سوداوية للسوق .. بالمقابل - على افتراض ان الاكس ون وصل الى 25 مليون جهاز مشحون - فان شحنات الجيل الجديد اثنينهم اكثر من الجيل القديم .. يعني الاكس ون شاحن اكثر من الـ 360 والبلاي 3 لنفس الفترة الزمنية

- أبدًا ماهو طرفية هذا أشبه بجيل جديد، شيء مختلف ما قد شفنا زيه، برضو هنا أغفلت الوي من جديد معه الارقام هذي بتكون مختلفة تماما.

فيه تحدي وتهديد من التلفونات الذكية وغيرها .. لكن احسه انه مضخم ومبالغ فيه جدا ..

- ماهو مبالغ فيه في جهاز يعادل جهاز كانسول قديم بمخبات كل واحد معه بكل وقت مع شاشات بكوالتي عالية جدا هذي تشكل تهديد حقيقي و الله اعلم كيف بيكون برأيي تحول كبير و تركيز من طرف الثيرد بارتي بيكون خطير جدا، شخصيا ما أتمنى هذا التحول لاني احب صناعة الالعاب تكون تمشي مع أعلى المواصفات التقنية من ناحية الجرفكس والصوتيات


سوني الحالية اذكى .. تحاول تنجح الناجح وتخليه اكثر نجاح .. حتى بقسم البلاي ستيشن تخلصوا من قسم سوني الاون لاين اللي ما كان راكب مع بقية استوديوهاتها .. وباعوه
فيعني تلاحظ ان هالآلية منتشرة بالشركة كلها .. بالمختصر .. اعتقد ان البعض هني مو مستوعب حجم التغيير العظيم الذي بذله كاز في سوني .. مرة ثانية من كان يتخيل في 2012 ان سوني بتتزعم السوق بهالطريقة
من كان يتخيل قسم البلاي ستيشن يرجع حيوي وصحي بهالربحية .. سوني بكبرها كانت غارقة في مشاكلها .. لحد ما احد كان متخيل اصلا ان قسم التلفزيونات ممكن يجيب ربحية .. وكان الكل يطالبهم يتخلوا عنه - كان يخسرهم لوحده فوق 8 او 10 مليارات دولار سنويا !! - حاليا القسم يدخل ارباح !

- تذكر ننتندو تمسكت بنفس خلطة النجاح السحرية بنسبة لهم للجيل الماضي و النتيجة كانت انهم قررو يسحبون عليه.
* الرد مضمن في الإقتباس