احلامك ايام زمااااااااااااااان

[SHABASH]

ايش رأيكم يا شباب بما ان الايام هذي الاخبار شبه منعدمة فأسمحوا لي احط هذا الموضوع من باب التسلية

الموضوع عبارة عن احلامك ايام الابتدائية والمتوسطة ايش راح تكون في المستقبل

ابدأ بنفسي ......

في الابتدائية كنت احلم اكون دكتور جراحة وعمليات فيوم من الايام سألني شخص ايش تحت تكون في المستقبل ... قلت دكتور عمليات سألني ليش ؟ جاوبت لان العمليات لها دخل كبير (كنت طماع )
ولاكن للاسف راحت احلامي في الهواء الطلق فحبيت اغير قلت خليني اكون مبرمج كمبيوتر طبعا ذا الكلام في المتوسطة درست وخلصت المتوسطة ودخلت الثانوية ورسبت في اولى ثانوي وعدت السنة ونجحت ودخلت ثانية علمي لكن للاسف بطلت دراسة عشان اشتغل واساعد الاهل واشتغلت وتزوجت والحمد لله والان اشتغل ومعايا (دباب تبع حلقة الخضار ) والحال مستور والحمد لله

ومافي كمبيوتر ولا دكترة

وانشاء الله ما اكون طولت

 

[Golden_Sun]

ههههههه XD .. ذكريات

انا مرة فكرت اني بكون شرطي ، دكتور ، مهندس ، صاحب شركة كبيييير اقعد على مكتب فخم وشغلتي بس اوقع اوراق .. ومرة فكرت ان ممكن مستقبلي يكون خياط؟ <--- هذة انا ابدعت فيها لول :razz: ..

حالياً دخلت كلية العلوم الإدارية يعني بزنس مالها اي علاقة بأحلامي!! .. وان شاء الله ناوي على تخصص MIS اختصار Management Information System ..

 

[Mr.3B]

...

بالنسبة لي كان حلم من أيام الروضة و بصراحة أقدر أقول الى الآن اني أصير رائد فضاء

 

[m7tram]

ههههههه أيام المتوسطه كان حلمي اني اكون مصمم ألعاب ^^ وبذات مثل رزدنت ايفل2 << على أيامها لول

وكنت أبي اكون لاعب كره قدم و أسافر للبرازيل (كابتن ماجد:razz .. لا لا لول كنت ابي اكون لاعب كره قدم ومع المنتخب أيام حبي لكره القدم ,, انا الحين بالسنه مره العب كره قدم ><


واكبر حلم لي . اني اقعد في مكتب وشغلتي اتكون راقيه .. وبس تجيني معاملات واسويها وانا قاعد بمكاني لول .. مادري ليش وانا صغير كسول :razz:

 

[Jizasu]

بالمتوسطه كان حلمي اصير طيار...

و بالثنوي مصمم اللعاب....

بس للاسف ماقدرت احقق احلام الطفوله هذه...

بس برابعه ثنوي صار حلمي اني اكون رسام ماهر..

و الحين باذن الله راح احقق هل حلم ^^ لاني باول الطريج


​

 

[Suzuki Yu]

أنا كنت في المرحلة الابتدائية أتمنى أني أكون طيار ( اذا في سلاح الجو يكون افضل :bigSmile: )

لكن في المتوسطة ومع دخولي معمعة الفيديو جيمز وبشكل كبير كنت أتمنى أني أصير مصمم
ألعاب بالدرجة الأولى أو حتى أي عمل داخل Staf لأي لعبة وأستمرت هذا الأمنية حت أنهيت الثانوية
لكن .................... مش كل الاماني سهلة التحقيق

وصل بي الحال أني أدرس دبلوم تقنيات شبكات (Engineer ) ................. يالله على البركة
أحسن من غيرها

 

[Ash]

رائد فضاء , نجم مشهور , عالم ذرة .

 

[Final Fantasy]

حلمي الدائم هو ( مدرس ) .. و الحمدالله ما ابتعدت عنه --> أدرس في كلية التربية الأساسية ^^

 

[RaTcHeT]

- مهندس كمبيوتر
- عازف بيانو

 

[Hwoarang]

صياد سمك

 

[SNYMA]

صياد سمك

هورانج الصياد الصغير XD

أحلام الطفولة بالنسبة لي ما خليت و لا تخصص إلا و قلت بدشه
هندسة - طب بكل أنواعه - عمارة .... إلخ من التخصصات
و آخر شي إلحين أنا أدرس محاسبة مع إني ممتاز بالرياضيات المتقدمة اللي يدرسوها في كليات العلوم و الهندسة و الطب لكن الظروف و ما أقول إلا الحمد لله على كل شي

 

[Tomb raider]

السلام عليكم ورحمة الله وبركاته ^-^

اممم
في البدايه كنت ابغي استوي ضابط شرطه !! طبعا ما كنت فاهم شي كنت افكر كيف بيكون الدخل
يعني طماع كنت
واستمر حلم الطمع معاي ودخلت دوره بالمتوسطه دورات تدريبيه للي يحب يشترك واشتركت وحصلت شهادتين تفوق ^-^
وبعدها دخلت اول ثنوي ولحد ثاني ثنوي كتشفت موهبه جديده وهي التمثيل والاخراج
سويت كم مشهد عجبوني وحبيت التمثيل والاخراج ولحد الحين ابغي التمثيل والاخراج لكن الاهل مو راضيين بس بعد احب التسويق وان شاء الله الى التسويق
ابغي استوي وكيل شركة ننتندو الشرق الاوسط

 

[Uzumaki Naruto]

كالكثير .. لاعب كوره ..

 

[AMG]

كنت احم اكون نينجا و بعدين غيرت رائى و قررت اصير بطل خارق و بعدين غيرت رائى و قررت اصير زعيم عصابة و بعدين غيرت رائى و قررت اصير عبقرى كومبيوتر (( كأنه الامر سهل )) و بعدين قلت لا اى شغلة المهم تكون عندى سيارة كاديلاك

و الان انا فى كلية الهندسة و ما اعرف لو راح اغير رائى بعد شوى ولا لاء

 

[Master Chief]

كنت احلم اني اكون مصمم العاب

و تحطم الحلم يوم اكتشفت انه السعودية ما فيها قسم العاب الكترونية

لكن ان شاء الله اروح لامريكا و ادرس هناك

 

[Gaara]

Taxi....O_O