احصائية الالعاب PS4X1 الى شهر 5 (PS4 بلا العاب؟)

[mamiqdadi]

سكيب سنة للجهازين:neutral_face: بورتات في بورتات

مثلك هنا ما حأشتري جهاز بدون ألعاب

 

[Punished Noctis]

تحيرنا وياك .. الحين المستهلك العادي يقدر يفرق بين الاجهزة او لا

لول مفروض أضحك؟ يعني المستهلك العادي لازم يا يكون حمار كامل يا عبقري تقنية؟

أيوة المستهلك العادي مايفرق بين 30 و 60 فريم... و أيوة المستهلك العادي يقدر يميز بين نيو سوبر ماريو يو و كيلزون شادوفول.

 

[Veeto]

لول مفروض أضحك؟ يعني المستهلك العادي لازم يا يكون حمار كامل يا عبقري تقنية؟

أيوة المستهلك العادي مايفرق بين 30 و 60 فريم... و أيوة المستهلك العادي يقدر يميز بين نيو سوبر ماريو يو و كيلزون شادوفول.

وصلنا لمربط الفرس .. انا اعتقد ان الفئة اللي انت تعتقد انهم عباقرة التقنية .. هم فئة كبيرة جدا .. وهالكلام انا كنت اقوله قبل نزول الاجهزة حتى
الزمن هذا زمن مختلف .. عكس نظرتنا للعموم على الاجيال السابقة غلط .. هالزمن زمن التلفونات الذكية .. رفع وبسرعة كبيرة تداول الاخبار ورفع الوعي التقني بشكل كبير جدا عند العامة

لهالسبب انا اعتقد ان بورتات - اذا صحت اصلا تسميتهم بورتات - اساسين وكود .. ساهموا بشكل كبير في اللانش الكبير للاجهزة
وضربة حظ تومب رايدر لسكوير كانت موفقة جدا جدا جدا في تنزيل بورت اجهزة الجيل الجديد مع تعطش الناس .. كلنا - سواء احنا المتابعين او حتى المطورين والناشرين - كلنا توقعنا ان موضة الكروس جين بتطول
واللاعبين فاجئونا انهم فعلا مهتمين للفوارق بين الاجيال .. لهالسبب الكل حاليا بيحول للجيل الجديد .. وكل الالعاب الكروس جين .. تاثرت سلبا بالقرار بدل ما تتاثر ايجابا !

خذ لك لفة على مواضيع البورتات هذي .. اساسين كريد او كود او حتى تومب رايدر للجيل الجديد .. وبتشوف النظرة الايجابية العامة لهالتجارب بالنسبة لمقتنيي الجهاز
رؤيتك او رؤيتي انا للمواضيع هذي تختلف عن رؤية العامة .. انا للحين ما دشيت الجيل الجديد لاني انتظر شي يسوى .. من محيطي .. الكثير اقتنوا البلاي 4 علشان العاب موجودة على 3
لكن رؤيتها بهالشكل التقني الواضح البارز الافضل على الجيل الجديد .. كان السبب

 

[Punished Noctis]

الكثير اقتنوا البلاي 4 علشان العاب موجودة على 3

علشان؟ المستهلك العادي مستعد يدفع 400-500 دولار ليلعب اللعبة بفريم ريت و ريزلوشن أفضل؟ شيء حتى قطاع كبير من الهاردكور جيمرز مش مستعد يسويه؟

انا مدري ليش تتكلم عن الفئة اللي نناقشها كأنها شيء غامض غريب قاعدين نخمن و نستنتج دوافعه بينما هي موجودة بكل مكان! ماتشوف الناس حولك؟ أو الأعضاء بمنتديات الجيمنج العادية بدون ذكر أسماء؟ شايفهم - في أغلبهم - مستوعبين فكرة "فريم ريت" أصلاً؟ أعمق ماينسمع منهم اما يلاحظوا الفريم ريت هو "أحس أن كول اوف ديوتي أسرع و أخف من باتيلفيلد ياخي"! اللي اشتروا الجهاز أشتروه لأنه الجهاز الجديد القادم بعد 8 سنين من الغياب، و لعبوا جرعتهم السنوية من أساسينز كريد و كول أوف ديوتي عليه لأن بإمكانهم ان يلعبوها عليه. مش إشتروه ليلعبوا كول أوف ديوتي عليه. نجاح بورت Tomb Raider التجاري دليل على كلامي، الناس متعطشة لألعاب AAA على أجهزتهم الجديدة حتى لو كانت بورتات، شيء طبيعي يصير بكل بداية جيل... الفارق هالمرة أن اليوزربيس أكبر للأسباب اللي ذكرتها بالبداية.

 

[Veeto]

اللي اشتروا الجهاز أشتروه لأنه الجهاز الجديد القادم بعد 8 سنين من الغياب،

السؤال هو هل بس هالغياب نفسه هو سبب .. يعني بس لمجرد ان الناس تنتظر 8 سنين بتروح تشتري الجهاز
يعني لو نزلت الاجهزة في شهر 5 العام الماضي بدون هالسلاسل .. كانت بتحقق ذات الارقام .. انا ما اعتقد

المشكلة ان احنا نتابع بكثب هالصناعة .. واحيانا من متابعتنا ليها نغفل عن امور بديهية جدا .. مثلا عامل الابهار .. الابهار التقني اللي كل مو حاس انه موجود بينما فعليا شفناه بتاثيراته الواضحة على المبيعات
السؤال هو .. ليش هالاشخاص اشتروا البلاي 4 ودفعوا مثلا 400 دولار .. ولعبوا فيفا وكود وهم موجودين على البلاي 3 .. هل بس لانهم كانوا ينتظرون جهاز جديد ومتشوقين ليه او لا فيه عامل ثاني وهي ان هالالعاب كانت موجودة بشكل افضل عليهم

شيء حتى قطاع كبير من الهاردكور جيمرز مش مستعد يسويه؟

الواقع والارقام تعاكس كلامك .. قطاع كبير جدا من الهاردكورز عملها .. والا وش تفسيرك لمبيعات العاب الكروس جين العالية للجيل الجديد

فيه واقع امامك .. واقع ما يحتاج لتطويل .. اللانش الاسطوري للاثنين - الاكس ون والبلاي 4 - .. وزخمه المتواصل .. نجاح العاب الجيل الجديد - حتى لو كانت بورتات - وانهيار حاد جدا جدا لمبيعات سوفتوير الجيل القديم
كلها توضح بشكل قاطع .. ان الناس اشترت هالاجهزة وهي تدري بالضبط شنو تشتري .. وتدري عن امكانياتهم .. والناس ملت من الجيل القديم

نظريتك وكلامك .. هي الاساس اللي كانت تحاول تشتغل عليه نينتندو .. وفشل الوي يو .. اثبتها بمنتهى الوضوح .. نظرية نينتندو ان الناس مو مستعدة تنتقل للجيل الجديد وبتعمل على تطويل هالجيل
وان الشركات ما ليه داعي تتحول بهالسرعة للجيل الجديد وتستثمر فيه .. مثل ما عملوها مع العدس في اليابان .. لما صار كأنه PSP 2 .. أكثر من اي شي ثاني .. فكان الانتقال اليه مربح اكثر بالنسبة للمطورين اليابانيين

 

[Punished Noctis]

أنا ما أنكرت عامل الإبهار، بل ذكرته كسبب بديهي في نجاح الـ PS4 و فشل الـ Wii U في الوصول للناس. لكن بنظري عامل الإبهار هذا اللي مثله في اللانش ShadowFall و ليس بورتات الألعاب السنوية، اللي كان الفوارق بين نسخها مش بهالضخامة اللي تجذب المستهلك العادي.

فيه واقع امامك .. واقع ما يحتاج لتطويل .. اللانش الاسطوري للاثنين - الاكس ون والبلاي 4 - .. وزخمه المتواصل .. نجاح العاب الجيل الجديد - حتى لو كانت بورتات - وانهيار حاد جدا جدا لمبيعات سوفتوير الجيل القديم
كلها توضح بشكل قاطع .. ان الناس اشترت هالاجهزة وهي تدري بالضبط شنو تشتري .. وتدري عن امكانياتهم .. والناس ملت من الجيل القديم

في واقع امامنا أنا أفسره بنظرة معينة و أنت تفسره بنظرة مختلفة، أنا أقول أن بورتات أساسينز كريد و كول أوف ديوتي مالعبت دور يذكر بتحويل المستهلك العادي للجيل الجديد، و أن التحول السريع هالمرة كان بسبب مجموعة أسباب ذكرتها مراراً. وما أشوف أي منطقية في تعليقك لجزء من نجاح اللانش على هالبورتات.

مافهمت علاقة كلامي بنظرة نينتيندو، أنا أقول العكس في الواقع. اللي أقوله الناس كانت متعطشة لجيل جديد.

 

[king zell]

ما أتوقع المسألة مسألة قيمة حاليا


هي تعطش و بشكل أكبر هايب كبير من الشركات نفسها

كل جيل جديد يصير هالكلام، الـPS2 حققت مبيعات خرافية (900 ألف في اليابان في اللنش) رغم إنه كان من أتعس مكتبات الألعاب في يوم اللنش

 

[Veeto]

ما أتوقع المسألة مسألة قيمة حاليا


هي تعطش و بشكل أكبر هايب كبير من الشركات نفسها

كل جيل جديد يصير هالكلام، الـPS2 حققت مبيعات خرافية (900 ألف في اليابان في اللنش) رغم إنه كان من أتعس مكتبات الألعاب في يوم اللنش

البلاي 2 حالته نسبيا مختلفة تشغيل الديفي دي وتشغيله لالعاب البلاي 1 ساعده كثير باليابان

الجيل الحالي ما يمتلك مثل هالميزات ..اصلا هذي اول مرة اشوف حملة دعائية لكونسول مرتكزة على الجيمرز مثل حملة سوني للبلاي 4

 

[NO1]

تحيرنا وياك .. الحين المستهلك العادي يقدر يفرق بين الاجهزة او لا
:joy:

يقصد
1:- الي يشتري الووي مايهم بين جودة الصورة
2:- الي أشترا الووي مع البلاي 3 و الأكس 360 أوووو أشترا بس البلاي 3 أووو الأكس 360 مايشوف له أي داعي الجهاز ياخذه نفس التقنية و ألعاب ما تستاهل

هذا سبب فشل الجهاز و كرهك لناينتيندو ماله سبب ترى :thumbsup:

 

[king zell]

البلاي 2 حالته نسبيا مختلفة تشغيل الديفي دي وتشغيله لالعاب البلاي 1 ساعده كثير باليابان

الجيل الحالي ما يمتلك مثل هالميزات ..اصلا هذي اول مرة اشوف حملة دعائية لكونسول مرتكزة على الجيمرز مثل حملة سوني للبلاي 4

الـN64 كان عليه لعبتين إطلاق فقط، و جدول إصدار جاف

رغم ذلك بقى عليه طلب كبير جدا لشهور طويلة


أنا قلت سابقا إن أكبر معضلة تفوق فيها الجيل الحالي، هو إنه أكثر جيل كان مستعد له مسبقا من ناحية الشحنات

التقنية المستخدمة في التصنيع كان لها دور كبير، بالعادة يكون الكونسول بقوة تقنية سابقة الـPC و ماخذة بالحسبان هالشي لسنتين للأمام، عكس اللي حصل هالجيل

 

[Veeto]

ولو اني ما اقتنيت ال 64 .. بس للحين اتذكر التغطيات والهايب العنيف لماريو 64 ... كانت سيستم سيلر حقيقي.. وكانت بعيدة جدا عن المنافسين

ما اعتقد نقدر نشبههم بالجيل الجديد اللي الكل مستغرب من مبيعاتهم بدون عنوان قاتل مميز مثل ماريو 64

اتفق وياك ان جزء من نجاح اللانش توفير شحنات.. احنا الحين بالشهر الخامس هالعامل نسبيا خف اذا ما انتهى الا اذا بنقارنه مع الوي اللي كان في شورتج لمدة سنة

 

[C I D]

الوي يو أكثر جهاز عليه ألعاب جيدة بين الثلاثة حتى هذه اللحظة

و فعلاً لما تشوف أحوال الجهازين من ناحية قائمة الإصدارات التعبانة، و عدم وجود أي شيء قوي حتى في وقت قريب، و تقارن هالشي بالمبيعات القوية جداً
تعرف أن الدنيا أرزاق

صحيح ارزاق ...لكن تنسى فارق السعر والتسويق

 

[ifahadx]

على فكرة المستخدم العادي اللي ما عمرة دخل منتديات ولا مواقع العاب ولا يعرف وشو معرض E3 مثلا
هو شخص يهتم بالفروقات بين النسخ اقرب مثال شوف الجوالات كثير من الناس يشتري جوال كل سنة رغم ان الفروقات اقل بكثييييير بين الجوالات مقارنة بالكونسول (اللي هي عملية ابقريد مرة خلال 7-6 سنوات ) بينما الجوال كل سنة-سنتين يشتري جوال جديد وهو اغلى من الكونسول

في الكونسول فية فروقات مثلا في الكنترول اللي يعتبر قفزة كبيرة بالنسبة للبلايستيشن وسرعة التنقل بين القوائم سرعة التحميل من النت بالمقارنة بين ps4-ps3 والاهم من هذا فرق الجرافيكس
وسمعة البراند مثلا شخص كان يلعب بالبلايستيشن3 طوال الجيل الماضي اكيد اول ما يصدر البلاي4 راح يشترية او ينوي يشترية قريب

 

[TheReDKinG]

أنا بنظري إنو نستنا شوي
منو يرخص سعر الجهاز و منو تنزل ألعاب عليه ::::::::

 

[Veeto]

على فكرة المستخدم العادي اللي ما عمرة دخل منتديات ولا مواقع العاب ولا يعرف وشو معرض E3 مثلا
هو شخص يهتم بالفروقات بين النسخ اقرب مثال شوف الجوالات كثير من الناس يشتري جوال كل سنة رغم ان الفروقات اقل بكثييييير بين الجوالات مقارنة بالكونسول (اللي هي عملية ابقريد مرة خلال 7-6 سنوات ) بينما الجوال كل سنة-سنتين يشتري جوال جديد وهو اغلى من الكونسول

هذي نقطة اختلافي مع الجميع .. الكل يعتقد ان المستهلك العادي (( جاهل )) بالصناعة والفروقات وهالامور .. هالكلام صح للاجيال السابقة .. الجيل الجديد لا
انا هالمرة اول مرة في حياتي استلم رسايل على الواتس اب من اصدقائي عن البلاي 4 ومعرض اي 3 .. وحركة كشف السعر بالمقارنة بين سوني ومايكرو
مستوى الوعي العام عند الناس مرتفع .. مو بهالجهالة اللي الكل يتصوره

 

[ryo hazuki]

^
للحين مستوى الجهل موجود ، اغلب اللعيبة لاتدخل مواقع ولا تعرف اي ثري ولا تحضر اي فعالييات خاصة بالالعاب

عن اللستة :
اثنينهم اسواء عن الثاني من ناحية تعدد الالعاب اونوعية الالعاب ، شو الجديد يعني ، بيتحسن على موسم العطلات ، اتمنى