احباط: Need For Speed الجديدة تطلب اتصال بالإنترنت

[V Project]

من تويترهم.. شوفوا عذرهم

 

[YazeedVx]

اتمنى مجتمع اللاعبين يتحد هالمرة ونشوفها تنزل للبلس بدري

 

[ABUALI]

مكتوب تتطلب "اتصال بالانترنت"، مو "اتصال دائم بالانترنت" ننتظر ونشوف

 

[Ray Gun]

طيب وين المشكلة؟
يمكن اللعبه كلها مبنيه على الاونلاين ملتي بلاير و ماتنفع اوف لاين ،،
مافي اي جشع او طمع فالموضوع
رؤيتهم للمشروع كذا

 

[KEID]

لعبة the crew نفس الشي قرار سخيف وغبي جدا في حال سقوط الشبكة اللعبة تصبح من غير فايدة او ينزل لها ابديت كل فترة يخليك تكره ام اللعبة وانت تنتظر تلعب او يخلص اشتراك البلس هههههه والمطورين يقولون نحن استمعنا لطلباتكم سؤال ليش ea تكرهنا ؟؟؟؟

 

[Random]

لسه ماتم تأكيد عدم تواجد مود للاوفلاين.

 

[SULTAN 3]

يبو من كلامهم ان توجه اللعبه هو ان يكون لعب تعاوني او ضد بعض مثلاً لطور القصة ..
الخوف هو ان هالاونلاين الاجباري يكون مثل جس النبض لهم بهاللعبه .. علشان اذا نجح فبيطبقونها في باقي العابهم ،، وتعال وشف كيف بتصير الشركات الثانيه تصير تسوي نفس السيناريو وياللي بالاخير
راح يؤثر على الصناعه ككل .. بالذات اذا نجحت هاللعبه نجاح كبير وعالاغلب انها بيصير لها كذا إذا كانت وريثة اندرجراوند او ريبوت قوي له.

 

[titanfall]

ما اعتقد ان اتصال دائم و لكن المقصد أن يفضل تتصل اونلاين عشان تكون جميع الاطوار متوفرة اما ان تكون تتطلب اتصال دائم بيكون سبب رئيسي لسقوط المبيعات .

 

[hussien-11]

خليها لهم أجل.

 

[idr]

المزعج هو عدم وجود cockpit view.

 

[Wolvren]

انتظر اللعبة بفارغ الصبر .. حتى لو تحتاج انترنت , مب مشكلة كبيرة , لكن لازم يكون في شي اوفلاين .. ما اعتقد ان الشركة بتسوي هالشي اللي ممكن يخسرها زبائن ..

 

[DINO CRISIS]

ننتطر توضيح في الشهر القادم يمكن ما تحتاج في كل اطوار اللعبة

 

[أرسلان]

أظن أنني أعلم الأن لماذا جعلوا اللعبة تتطلب إتصال دائم بالأنترنت

 

[أرسلان]

 

[V Project]

حُسمت اجل

 

[The Doctor]

كنت شوي مهتم، بس الآن سكيب أكيد...

النت عندي ممتاز و يعتمد عليه، بس اللحظة اللي ودي ألعب اللعبة و النت مخرف هي اللحظة اللي تخربها للأبد.
مافيها مشكلة لو إنهم مصممين اللعبة بإنها تستفيد من إتصالك بمزايا تحسن التجربة، بس جعله إلزامي للsingle player بكل بساطة غباء.

 

[Blue Blood]

خلها تنقع و تخيس و تصير مخلل عندهم.. #حرية_اللاعبين_تهيمن

 

[CODE-X]

سلسلة نيد فور سبيد هي اكثر شعبية في دول العالم الثالث و تجيب مبيعات اكثر في دول مثل البرازيل و غيره من اوروبا او امريكا الشمالية فليش بيخلوها تتطلب اتصال دائم؟

 

[-L-]

غباء .

 

[ABUALI]

سكيب

 

[أرسلان]

اللعبة لن تتوفر على Steam ، ستكون موجودة فقط في Origin .

 

[Random]

EA غصب تكره اللاعبين باللعبة قبل الاعلان الرسمي؟

 

[Naif92]

1-إتصال نت لsingle player.
2-اللعبة لن تتوفر على Steam.
دبل سكيب

 

[FARES_]

الاجزاء الاخيره كانت تتجه!للاون لاين الي خذت 70% من اللعبه... الحين شكلهم بيكملونها 90%

ما اشوف مشكله.. لانه الاون لاين يعطي جو تحدي اكثر وحياة اكثر للعبه مع تداخل الغريب في عالمك
بغض النظر عن كونيكشنات النت عندكم اذا كانت ابو سحليه

 

[-L-]

لول والله واثقين من نفسهم ! اون لاين الزامي و بس اوريجن !
مشكلة الثقه الزايده عن حدها ..

 

[ASWD]

عادت حليمة لعادتها القديمة.قلنا الشركة اتعقلت شوي مع الخطوات المثيرة اللي اتخذتها بداية هالجيل.بس الظاهر ابو طبيع ما يجوز عن طبعه

تعسا للعبتهم

 

[W.W.W]

انا مب كاره هالخطوه كثر الخطوه الي متأكد بسوونها , يعطونك محتوى فاضي وتشتري سيارات من داخلها بفلوس :/