اتصالات الامارات - ارفع السرعة الى 4 ميجابيت مجانا !!

[SALAH]

السلام عليكم ورحمة الله ..

شباب الامارات , بصراحة ماني متأكد لو الخبر قديم أو لا , لكني مادريت عنه الا يوم الخميس ومستغرب انه الكل تقريبا مش عارفين عنه , مع أنه صحيح واتأكدت بنفسي من صحته ..

الخبر ببساطة انه أي واحد Home User و مشترك بسرعة 1 ميجابت عند الاتصالات فممكن انه يرفع السرعة الى 4 ميجابت و مجانا ! لكن طبعا مش للأبد , السرعة رح تظل 4 ميجا لمدة شهرين فقط , وبعدها لك الخيار انه ترجع لسرعة 1 ميجا او تبقى على 4 ميجا ..

يعني لمدة شهرين فقط تستعمل سرعة 4 ميجا وتدفع 249 درهم شهريا ( سعر الـ1 ميجا ) .

بصراحة حركة ذكية من الاتصالات , أنا رفعت السرعة الى 4 ميجا و بصراحة ونااااسة , انا على بالي شهرين وخلاص برجع للـ1 ميجا , لكن الاتصالات عارفين انك بعد مرور شهرين مارح تقدر تستحمل وبتكون خلاص اتعودت على 4 ميجا , وما رح ترضيك سرعة 1 ميجا مرة ثانية , يعني رح تضطر نفسيا انك تثبت على 4 ميجا ( 449 درهم شهري :w00t:%$% )

كل اللي لازم تعملوه انكم تتصلوا على موظف الخدمة ( 101 ) وتطلبوا رفع الخدمة وبس ..:whistle:

 

[Jonas]

ما ادري لكن العضو superx يقولي انه رفع سرعته لـ 4 ميغا بـ 450 درهم

 

[Zero]

الناس وصلت للقمر وإحنى للحين نتكلم عن ال4 ميجابت وبأسعار سخيفة.

على العموم مبروك لأهل الإمارات لو صح الخبر.

 

[Mario2]

^ ما عليك من حركاتهم البايخه هذي , من اسوا الخدمات اللي شفتها بشركه .

 

[BioMario]

كم سرعة الداون لود و الأبلود تكون في الـ 4 ميجا ؟

 

[Niessu7]

الناس وصلت للقمر وإحنى للحين نتكلم عن ال4 ميجابت وبأسعار سخيفة.

على العموم مبروك لأهل الإمارات لو صح الخبر.

تسند حسن بس سعر الـ 4 ميجا عندنا ممتاز وكفاية انك تستخدم شيء انلمتد ، وايه 4 ميجا تكفي واذا ماتكفيك تقدر تشترك في باقة dsl max الى توصل لـ 20 ميجا (ولول على الي ماتكفيه 20 ميجا اساساً 4 ميجا تكفي وزيادة) وما اعتقد السعر غالي بالنسبة لها .

هذاك اول يوم كنا نقول اسعار النت عندنا غالية احين اسعارنا ممتازة .

 

[PS]

الخبر صحيح

الاسعار
4 ب450
8ب500
16ب550
أنا ركبت 4 الاني مب محتاج الى 8 ولا 16 بس أخواني هل الايام يقولون روح زيد السرعة

أن شاء الله عما قريب

الاسعار متأكد منها بنفسي

 

[Mista Koo]

كم سرعة الداون لود و الأبلود تكون في الـ 4 ميجا ؟

اقسمها على 8 عشان تحصل سرعة الداونلود.. يعني المفروض نص ميجا بايت بالثانية

 

[SALAH]

كم سرعة الداون لود و الأبلود تكون في الـ 4 ميجا ؟

سرعة الداونلود صارت تتراوح بين 330 و 450 , لكن المفروض تكون 512 :annoyed:

 

[Vorg Zangief]

صح شباب .
يعني الحين . ليش الي اشتراكه 2 ميقا مثلاً . لما يقيس سرعة الداون لود . تكون300 أو 400 .. كيلو بايت .؟
شنو السبب .؟
شكل شركات الإتصالات قاعد تلعب علينا

 

[Jonas]

انا سرعتي 4 ميغا و سرعة الداونلود تتذبذب بين 380 الى 450 كيلو بايت في الثانيه ,
بع

 

[emperor-UAE]

انا بالصدفه رفعت اتصالي من 2 إلي 4 ميجا من يومين لجل فيفا10....إلا يقولي الموظف أول شهرين راح يكونون مجانا:wow: حظي حلو

و كنت ناوي عل 16 بس للأسف ال8 و ال16 بعدها غير متوفره فى جميع المناطق..مع اني فى منطقه حيويه(جميرا)

و سرعة الأبلود لل2 و ال 4 512 و لل8 و ال 16 1 ميجا على كلام الموظف

إن شاء الله اول ما يوصل ال16 عندنا على طول...الفرق فقط 100 درهم بين ال4(450)وال16(550)

 

[emperor-UAE]

انا سرعتي 4 ميغا و سرعة الداونلود تتذبذب بين 380 الى 450 كيلو بايت في الثانيه ,
بع

كيف تقدر تجيك على سرعة الأبلود؟

 

[black.heart]

باجازة الصيف رجعت السعودي اقضي رمضان و العيد مع الاهل و رحت جرير مره اخذ غرض و تابعت اسعار الانترنت الجديده و احصل سعر 10 ميجا الشهر بـ600 ريال و انصدمت صراحه صحيح كانت اغلى بس لمن تجلس سنه كامله ما تدفع هالمبالغ تحس انها غاليه على ولا شي
اسعار النت في امريكا برخص التراب
انا الانترنت عندي يعتبر ابطئ سرعه موجوده اللي هي 16 ميجا و بسعر 20$ شهريا
سبحان الله الله يعينكم شباب انا ما اقدر اتخيل اني اخلص دراسه و ارجع استخدم النت هناك :s

 

[Zero]

تسند حسن بس سعر الـ 4 ميجا عندنا ممتاز وكفاية انك تستخدم شيء انلمتد ، وايه 4 ميجا تكفي واذا ماتكفيك تقدر تشترك في باقة dsl max الى توصل لـ 20 ميجا (ولول على الي ماتكفيه 20 ميجا اساساً 4 ميجا تكفي وزيادة) وما اعتقد السعر غالي بالنسبة لها .

هذاك اول يوم كنا نقول اسعار النت عندنا غالية احين اسعارنا ممتازة .

أنت اللي تسند وأفهم ويش أقصد أول >.>

أنا ما همني ال4 ميجابت تمام لولا ، الناس برا تحصل سرعات أعلى بأضعاف مضاعفة وأرخص بأضعاف مضاعفة.

وردود بعض الشباب في الموضوع تتكلم وهو أساسا شيء معروف ألريدي وما يحتاج يجي أحد يثبته...

 

[أوكازو]

عجيب.. أول مرة ادري إننا صرنا ارخص منكم
عندنا ٤ ميق بـ ٢٤١ ريال الشهر .. بس شرط انك تآخذ الاشتراك من الاتصالات السعودية :evil::
و DSL MAX .. بـ ٥٨٠ ريال/شهر .. نفس الشرط أعلاه برضو

 

[soosi]

عندي في بولندا 25 ميجا بـ 120 ريال شهريا :fd3:

والشركة اليي انا مشترك فيها منزلة سرعة 50 ميجا بـ 150 ريال شهريا

والتحميل انلمتد !

وتقولوا مو سرقة عندكم ؟ الامارات يمكن افضل السيئين , بس يظل غالي

 

[Revolver]

الـ4 ميجا في السعوديه 244 ريال .. افاق شامل قصدي

 

[m7tram]

كم سرعة الداون لود و الأبلود تكون في الـ 4 ميجا ؟

مادري عنكم الأمارات لكن بالكويت , الداونلود 480 كيلو بايت , الأبلود 70 كيلوبايت .

 

[Monsteropolis]

أنت اللي تسند وأفهم ويش أقصد أول >.>

أنا ما همني ال4 ميجابت تمام لولا ، الناس برا تحصل سرعات أعلى بأضعاف مضاعفة وأرخص بأضعاف مضاعفة.

وردود بعض الشباب في الموضوع تتكلم وهو أساسا شيء معروف ألريدي وما يحتاج يجي أحد يثبته...

لأن الناس برا تستخدم أعلى السرعات الموجودة ولأن الشبكة تستهدف مستخدمين كثيرين جدا (أمريكا 310 مليون مواطن/مقيم مثلا) فالبتالي ترخص التكلفة. أما هنا أغلب المناطق 4 mbps وأغلب الناس تستخدم أقل السرعات الموجودة.

وصراحة توي داري أن الإمارات أغلى من عندنا :wow: هنا 250 ريال ل4 mbps.

 

[Muntaser]

^
من جدكم ؟
انا موبايلي برودباند الشهر ب 300 " والسرعه 2 ميجا "
وزي الزفت

تعديل :
الداونلود ال ال ممتاز وتجيني كامله
لكن الابلود + البينق = مصخرة
" ازين شي انه ما يفصل + الداونلود غيره لحد يفكر "

 

[Niessu7]

أنت اللي تسند وأفهم ويش أقصد أول >.>

أنا ما همني ال4 ميجابت تمام لولا ، الناس برا تحصل سرعات أعلى بأضعاف مضاعفة وأرخص بأضعاف مضاعفة.

وردود بعض الشباب في الموضوع تتكلم وهو أساسا شيء معروف ألريدي وما يحتاج يجي أحد يثبته...

لا انت الي تسند (لول ماراح نخلص) .

حسن انت من جدك مثلاً بتقارن لي وضعنا بوضع دول اكبر منا او دول متقدمة صناعياً فهالشيء بيكون ستنادر عندهم .

بعدين زي ماذكر Monsteropolis شريحة المستخدمين عندنا قليلة مقارنةً بغيرنا الي يستخدموا الانترانت في الخارج ، صحيح انها في نمو أكبر بس هذا مو معناتها ان مانشوف شيء من الطرف الاخر .

لو تبي تقارن صح قارن مع دول وضعهم نفس وضعنا وبتشوف ان وضعنا ممتاز ، ما اقول بس الا ياكثر ما يتحلطم الشعب السعودي .

انا سرعتي 4 ميغا و سرعة الداونلود تتذبذب بين 380 الى 450 كيلو بايت في الثانيه ,
بع

لانك قاعد تحمل من سيرفر ممتاز

 

[Zero]

الفلوس اللي تشفطنا منها شركات الاتصالات جعلتها كبيرة وقادرة على تقديم خدمات أفضل ، أنا أدري أن عدد المستخدمين يلعب دور بس أنت قاعد تبرر لناس ما تستاهل ولا تخليني أشك أن عندك أسهم في STC.

الزبدة توصلنا خدمة نص كم بأسعار المفروض تكون أقل بكثير .. ومشاكلهم يحلوها بينهم ولا أبغى أحد ينصب علي.

بعدين كأنك ناسي أن الخطوط الأرضية لا تزال محتكرة.

 

[أوكازو]

لا انت الي تسند (لول ماراح نخلص) .

حسن انت من جدك مثلاً بتقارن لي وضعنا بوضع دول اكبر منا او دول متقدمة صناعياً فهالشيء بيكون ستنادر عندهم .

بعدين زي ماذكر Monsteropolis شريحة المستخدمين عندنا قليلة مقارنةً بغيرنا الي يستخدموا الانترانت في الخارج ، صحيح انها في نمو أكبر بس هذا مو معناتها ان مانشوف شيء من الطرف الاخر .

لو تبي تقارن صح قارن مع دول وضعهم نفس وضعنا وبتشوف ان وضعنا ممتاز ، ما اقول بس الا ياكثر ما يتحلطم الشعب السعودي .

أول مرة أشوف واحد جالس يعذر لشركة الاتصالات :what:

 

[Revolver]

^
انا من ناحيتي مرتاح من شركة الأتصالات, بصراحه ولا مره شفت حاجه من اللي يذكروها الناس
زي "انفصالات" وخدمه "متأخره" .. لما رفعت السرعه لـ4 ميجا ما اخذ حتى عشر دقايق
وبرضوا ما قابلت اي فصل بالنت عندي, والتحميل يوصل لـ460 كيلوبايت .. حتى البينج ممتاز!

ما اقول بس الا ياكثر ما يتحلطم الشعب السعودي .

انا مع هذه الجمله.

 

[Lord of Cinder]

الاتصالات السعودية نصابة بشكل
السرعة اللي طالبها 4 ميجا من راوتر الاتصالات
وقياس السرعة يطلع لي 1.40 او 2 يعني نص السرعة
شوفوا كيف النصب والاحتيال

 

[Vorg Zangief]

عندي في بولندا 25 ميجا بـ 120 ريال شهريا :fd3:

والشركة اليي انا مشترك فيها منزلة سرعة 50 ميجا بـ 150 ريال شهريا

والتحميل انلمتد !

وتقولوا مو سرقة عندكم ؟ الامارات يمكن افضل السيئين , بس يظل غالي

إيه والله صادق .
توني شفت شركة ببولندا . و أسعارها .
ال20 ميقا . 6 أشهر . ب99 (العملة البولندية) يعني 10 دنانير كويتية (يعني 130 ريال سعودي تقريباً )

و الله لي الحين مو مصدق الي قاعد أشوفه . :crying:
احنا وين قاعدين

 

[Super Shadow]

^ ما عليك من حركاتهم البايخه هذي , من اسوا الخدمات اللي شفتها بشركه .

اقتباس للحقيقة :sarcastic:

 

[Monsteropolis]

انا ايضا ما واجهت اي مشكلة اطلاقا مع شركة الاتصالات.

بالنسبة لاحتكار الشركة, اكيد انا زعلان لان STC تمسك الdsl ويمكن من الاسباب اللي مخليه اسعارهم عاليه هي عدم وجود المنافسة. الاحتكار سببه ان الشركة حكومية والحكومة تبي تفرض نفسها في كل القطاعات الاقتصاد والسبب يرجع لنظام الاقتصاد عندنا.

 

[Lord of Cinder]

^^^^^

يمديك تاخذ راوتر موبايلي سعره اول مرة تشترك فيه 600 والباقي 300 . لكن المشكلة مايدعم جميع المناطق