إيش أنجزت اليوم؟

[FARES_]

^

شنو شهادتك؟ ...جرب وزارة الصحه لأنه سمعت عندهم جهات ناقصه موظفين مثل مستوصف سلوى حزة العصر

 

[خالد العجمي xXx]

عندي دبلوم دورات خاصه و تخصص جمارك بس مدري ليه ربعي نصهم توظف والنص الثاني لا للحين وانا معهم ...

بس اتوقع بعد الانتخابات ان شالله

 

[ALONE]

اليوم مجرد يوم جديد من الاحباط !

قدمت على دورة الأنجليزي المكثف في الكلية التقنية الي مدتها 6 شهور

ومأمل بأذن الله ان اسمي يكون من المقبولين

حاليا بدون وظيفة وبدون مكأفاة الطفرة شينة

ماصرت حتى اطلع من البيت علشان مااصرف :sadwalk:

افكر ابحث عن اي وظيفة جزئية تملئ وقت فراغي واستفيد منها ماديا

فيه احد يعرف شركات من هل النوع ؟

طبعا غير الكاشير والمطاعم لأني مااطيق هل الشغلتين

 

[CODE-X]

اليوم مجرد يوم جديد من الاحباط !

قدمت على دورة الأنجليزي المكثف في الكلية التقنية الي مدتها 6 شهور

ومأمل بأذن الله ان اسمي يكون من المقبولين

حاليا بدون وظيفة وبدون مكأفاة الطفرة شينة

ماصرت حتى اطلع من البيت علشان مااصرف :sadwalk:

افكر ابحث عن اي وظيفة جزئية تملئ وقت فراغي واستفيد منها ماديا

فيه احد يعرف شركات من هل النوع ؟

طبعا غير الكاشير والمطاعم لأني مااطيق هل الشغلتين

جرير أشوفه مكان مناسب جداً و مريح اذا كنت في الرياض روح عندهم و عبي الإستمارة ، أو شوفلك محل جيمنج .

 

[Hope]

^^


الله يعينك ويسير أمرك .. وصح زي مآ قآل أنيس جرير منآسب ومريح وفيه gaming هههه يعني ممكن ينآسبك

 

[slifer dragon]

بعد 3 أسابيع سابقة بدرجات منتهية بكل الكوزات والواجبات, أخيراً رجعت للفورمة وجبت درجة خرافية جداً بكويز مهم!
معنوياتي مرتفعة والهمة رجعت!:rockon:

 

[Sora Diersly]

صحيت الصباح بكامل أيجابيتي وفرحتي. أخذت قهوة من ماكدونالدز, لأنه هو الوحيد اللي يفتح الساعة 5 الفجر, ثم رجعت للبيت. تكيت على الجهاز إلى حد اللحين. لعبت شوي فف13-2 ومليت ثم طفيت التلفزيون. اللحين فيني إنهاك جسدي غريب... رغم أني نايم عسل أمس.

 

[Primal]

اليوم كانت يوم متعب جدا
خلصت مشاوير واشغال الاهل كلها(على ان ما بيكون فيه اي طلبات بعد اليوم لاماكن بعيدة او طلبات كثيرة لمدة اسبوع على الاقل)
لكن مشكلة ان تكون الذكر الوحيد في البيت:confuse:

 

[R.ZoRo]

لم أنجز اي شي..:sadwalk:

 

[Mr.3B]

كان أسبوع عصيب. ما بغت تجي عطلة نهاية الأسبوع. تقريبًا خلصت بشكل نهائي من البرزنتيشن حق مشروع التخرج. كان عندي إلقاء تجريبي يوم الخميس الي فات. وكان أقل من المعتاد مني. يبي لي أتمرن أكثر عليه وأحاول ألقيه في 5 دقائق. في البروفا خلصته في 7 ونص. الله يعين.

سويت أشياء واجد اليومين الي فاتوا الحقيقة. خلصت من ترتيبات السفرة كلها بما فيها حجز فندق وحجز سيارة أجار. رحت الجيم مرتين بعد ولعبت triceps و bisepcs في يوم لحال، واليوم لعبت كتف.

أبرز شي سويته اني كافأت نفسي وشريت Vaio Z بأعلى Specs متوفرة الآن. مكلف جدًا بس يستاهل. بيوصلني بعد أسبوع ان شاء الله. وقتها بحط صورة له هنا وفي موضوع المشتريات.

 

[The Blue King 9]

امس كان يوم حافل
لعبت كورة مع النادي السعودي ليفربول < آخر مره لعب كورة كان قبل 5 شهور
رحت السنيما مع الشباب وشفنا فلم jack and jill فلم رهيب الصراحة

 

[s3rorh]

ألحين....وأمس...مثل هالوقت *6:20*..بدأت ألتزم بصلااة الفجر

 

[m5050]

حضرت اول محاضره لي في هالترم ولقيت واحد اعرفه وتعرفت على واحد وارتحت مع الدكتور وراح الخوف الحمدلله وحاس ان راح امشي كويس هالترم بأذن الله

 

[Mr.3B]

معليه توني أتنبه للرد

المرعب .. أيش العشا طيب !؟ P:

ما أتذكر بس كان يا 寿司 يا 焼きそば :sarcastic:

 

[s3rorh]

حسافه موب 肉とご飯 :

 

[Rookie]

اللي أنجرته أمس = طلعت بلاتينيوم أنتشارتد 3

اليوم ما أنجزت شي لحد الحين :

 

[Mr.3B]

الحمد لله، خلصت أسبوع حافل بالإنجازات.
- سافرت منطقة 北海道 Hokkaido شمال اليابان المنطقة كاملة تعتبر مجذب سياحي عالمي في فترة الشتاء. جميلة ومليئة بالفعاليات والأشياء اللي ممكن تسويها بالثلوج. أفضل ما في المنطقة انها باردة لدرجة انها تمتلي ثلج في فصل الشتاء، وفي نفس الوقت مو باردة لدرجة انك ما ودك تطلع برا وتحرم نفسك من فعاليات الموسم الجميل. درجة الحرارة كانت ما بين 5- و 13-. لازم تكون لابس زين، وإذا جيت بكامل استعداداتك (من ناحية اللبس) البرد ما رح يعوقك أبد.
- رجعت الحمد لله فجر اليوم. وفي نفس اليوم وصلني الـCustom Made الي طلبته من Sony. هذي هي الصور:


Uploaded with ImageShack.us


Uploaded with ImageShack.us




Uploaded with ImageShack.us


Uploaded with ImageShack.us


Uploaded with ImageShack.us

 

[NES]

ما شاء الله مبروك .. شكله يفتح النفس !

..
كان عندي شغله في الأحوال المدينة وخلصتها قبل شوي .. حسيت براحة ^J^.