إنصحوني ^^

[super buu]

يا هلا بالشباب ^^
الحقيقة أنا مبتدأ بالأنيمي يعني تقريباً بديت من 6 شهور
متابع ما يقارب الخمسة أو الستة مسلسلات
DT,DBZ,HXH,Monster,Hellsing,Gundam Wing,Case Closed حسب ما أتذكر
يعني ما عندي خبرة بالجديد إلا ديث نوت
المهم..
فكرت أني أبدأ أتابع أكثر من مسلسل
وهم B.B.B
Blood+
Bleach
وكمان Read Or Die شكله حلو ^^
و ناروتو وون بيس <<< مع أني حتى الآن ما شفت إلا فيديوهات صغيرة
المهم أبي أسألكم إذا في حلقات ممكن أفوتها في آخر إثنين لأنه ما شاء
الله .. ناروتو حتى الآن حسب اللي شفت واصل 214 حلقة وما أعتقد ممكن
أتابع هالعدد من الحلقات كلها :gasp:
المهم طلبي هو رايكم في اللي راح أبدأ أتابعه بالإضافة إلى توجيهاتكم لي مع
ناروتو يعني أي حلقات أتابع يعني من وين ؟؟
نفس الشي مع ون بيس ^^
راح أتعبكم معاي شوي ولكن صبروا علي ^^"

 

[Gon freeces]

نارتو شوف الين ..........151 ؟ الباقي كله فلر (ماله علاقه بالقصة).....
لول اذا فكرت تقرا مانجا اقرا HXH >.>بليتش و بلود+ رهيبين , شوفهم .....

 

[super buu]

مانجا هنتر متابعها لين تشابتر 204 ولكن وقفت وإن شاء الله بكملها قريباً
كمان تابعت التشابتر الأول من مانجا سلام دانك ^^ الحقيقة حلو كمان
على فكرة..ما في أمل يكملون هنتر×هنتر " أنمي " ؟؟

 

[Ash Storm]

اترك كل شي و ابدأ في متابعة هذا ( لو تريد موقع تنزل منه حلقاته قول لي و انا برسلهم لك على الخاص ) :

Full Metal Alchemist


+


One Piece


هذول لاااااازم تتفرج عليهم, اي محب للأنمي لازم يشوفهم

 

[Ginko]

في العاده تختلف الاذواق بين الناس، مثلا انا ما يعجبني ناروتو، وتلقى مليايين يعجبهم، فاذا جيت وطلبت من ناس ينصحوني بانمي معين وقالوا لي ناروتو فماراح يعجبني لانه ما يطابق ذوقي. المقصد هو ان انت المفروض تروح وتقرأ في مواقع مراجعات وتقييمات عشان تعرف الي يعجب ذوقك، او تقدر تقول لنا ذوقك عشان نحط لك المناسب، عموما هذول لازم تشوفهم مهما كان ذوقك:

fullmetal alchemist
Kenshin
berserk (بما انك قارئ مانجا فالانمي بيكون بداية المانجا فقط وبيجبرك تكمل مع المانجا الي لها اكثر من 18 سنه متواصله).
azumanga daioh


هذول كتبتهم على السريع وهم بالغالب يعجبون الكل، فعلى بال ما تحدد ذوقك تفرج عليهم.

 

[Salman]

ون بيس : ابدأ بالأنمي و بعدها اسأل الشباب في موضوع ون بيس الرسمي و يقولون لك الحلقات اللي تعمل لها skip
ناروتو : شوف الأنمي من حلقة 1 إلى 135 .. بإستثناء الحلقات التالية : 26, 97, 99, 101-106 ..
لأن مشاهدتهم مثل عدمها ..
بلييتش : شاهد المسلسل من حلقة 1-64, و حط في بالك إن مستوى المسلسل سيتصاعد تدريجيا .. يعني ما بيبدأ بقوة ..
Full-metal alchemist : طبعا must-see

ابدأ في هالمجموعة + اللي نصحوك فيهم الشباب .. و لما تشوفهم و تحدد ذوقك نعطيك غيرهم ..

 

[Justice]

اوكيه من رائيي انك تشيل من راسك شيئ اسمه جاندام وينج
وخلك على انمي اخر لكن الا اذا كنت تريد ان تشاهد انمي من نوع ميكا وبمستوى عالي بأمكانك
ان تشاهد مازنيكيزر او تقدر تشوف جاندام سييد داستني

ناروتو ابتعد عنه احسن لك
بليتش ممتاز جدا تابعه
ايضا هناك انميات تعتبر مهمه ولازم تشوفها زيي كنشن و وبيرسيرك لكن المنجا احلى بمراحل
وطبعا كثير ماتسمع عنهم
واذا كنت من النوع الي يفضل الخيال العلمي
يجب ان تشاهد ghost in the shellجميع الافلام والمسلسل
ايضا اذا كنت من مشاهدي افلام الانمي
يجب الا تفوت عمل من اعمال هايو ميازاكي او كاتشيرو اوتومو
هايو ميازاكي مثل سبرتيد اوي وبرنسيس مونانوكي
كاتشيرو اوتو مثل سيتم بوي وا اكيرا
طبعا كل هذا بذكرك انك مبتداء
والمشوار طويل في بحرالانمي الياباني ^_^!

 

[super buu]

أوكي..^^
مبدئياً راح أبدأ أتابع بلود+ وون بيس << حكايته عجبتني أكثر من ناروتو
كلكم نصحتوني بـ الخيميائي يعني Must See ^^
شكراً يا شباب .. ساعدتوني فعلاً ^^

 

[Gaara]

Gankutsuou - The Count of Monte Cristo
Adventure, Science Fiction, Drama, Romance, Fantasy.

Gungrave
Action, Science-Fiction, Drama.

 

[itachi]

أخوي ..أهم شئ تشوفة
1- One Piece
أنمي ما يتفوت ..وتحسفت على روحي وعلى ذيك الأيام اللي كنت ما أعرف هذا الأنمي ..وبعد ما شفته قدمته على باقي الأنميات ..أنمي مغامرات قراصنة كوميدي (بتضحك لحد ما تقول بس )
2- Full Metal Alchimest
أنمي أيضا رهيب لا يتفوت قصير مدته تقريبا 51 حلقة كأفضل أنمي قصير لا بد أن تشوفة ...قصة رهيبة بتندمج معاها من البداية وأحداثها يتزيد إثاره كل ما تقدمت
3- Naruto
أنمي نينجا وقتال رهيب رهييييييييييييييب ( ما أقدر أوقف من قول رهيب) شخصياته وأحداثة رهيبة بالقوة ..لازم لازم تشوفة مثل ما قال سلمان شوفة إلى 135 وبعدين وقف وأنتظر الجزء الثاني في فبراير
3- Bleach
فاجأنا هذا الأنمي بروعته وشخصياته الرهيبة ..مثل ما قالو الأخوان يمكن 15 حلقة بتشوفها عادية بس بتنقلب الإثارة 180 درجة ..من الحماس والقوة في القصة ..أحداث من جد رهيبة لا تفوت ..أكشن وكوميدي ومغامرة في عالم آخر

هذا أهم الأنميات اللي أغلب الأعضاء أجمعو عليها ...وكمتابع للأنمي لازم تشوفهم
والسلام :cooool:

 

[AMG]

ناروتوا و بليتش و ون بيس

انا افضل بليتش على الثانيين

 

[Justice]

Gankutsuou - The Count of Monte Cristo
Adventure, Science Fiction, Drama, Romance, Fantasy.

Gungrave
Action, Science-Fiction, Drama.

لااا ما اتوقع جانكيتسو ييشوفه كامبتداء في الانمي لان راح يقول عنه بايخ دام انه مو متعمق
كثيير في الانمي هوا الانمي رهيييييييييب من جميع النواحي لكن قليل الي يعجبهم
فطبعا لازم نغير اشوي عن الانميات الي ماخذه شهره اكثر من حقها :yuck:

 

[Gon freeces]

على فكرة..ما في أمل يكملون هنتر×هنتر " أنمي " ؟؟

امم في OVA للGreed Island ارك , اذا خلص ارك الChimera احتمال كبير يسوون له OVA.

Gankutsuou - The Count of Monte Cristo
Adventure, Science Fiction, Drama, Romance, Fantasy.

شكله Interesting .....

 

[Justice]

شكله Interesting .....

لا الانمي حلو ممتاز بنسبه لي خذ رائيي وشوفه
ممكن تشكرني ^_^*

 

[The Last Fantasy]

تبي تضحك ؟ Ouran High School Host Club يناديك ..
مبتدئ ولا لأ ، الأنمي ينحب والله .. كان من أوائل الانميات اللي شفتها .. ما بتندم .

 

[Salman]

تبي تضحك ؟ Ouran High School Host Club يناديك ..
مبتدئ ولا لأ ، الأنمي ينحب والله .. كان من أوائل الانميات اللي شفتها .. ما بتندم .

QFT
مسلسل خفيف و بداية حلوة في عالم الأنمي الكوميدي .. لا تشوف GTO

 

[Mista Koo]

إذا تبي تضحك... School Rumble... FTW
بس صراحة 2nd Term ما عجبني زي الأول T_T