إلي عنده لابتوب من Appel يدخل بليز ^^

[BioMario]

السلام عليكم روحمة الله وبركاتة


شباب انا ناوي اخذ لا بتوب وحطيت عيني على HP dv500t و Apple ما اعرف اي موديل اختار
المهم .. شباب ياليت لو احد عنده من Apple يقول لي اي موديل و بكم سعرة ..
وكل هو ممتاز ..؟

( اعتقد نادر جداً عندهم Apple .. ان شاء الله في احد هني لول )

وجزاكم الله خير

 

[Tomb raider]

صحيح ان ابل شي راقي ومميز ويعجبني
بس نصيحتي خذ لك لابتوب غير عن ابل احسن لك
لأن نظامه غير عن مايكروسوفت
صحيح ما عندي خبره بس انصحك انك تشتري شي غير عن ابل بسبب المشاكل

 

[BioMario]

صحيح لكن ما اقدر اسويله فورمات و اركبلة XP بدل Mac ..?
وانا ناوي على HP dv500t

 

[Khalid-S]

انا استخدم Apple Mac و Windows XP

ماك الي عندي هو PowerBook G4 ... لول بصراحه فرق شاسع بين النظام هذا وهذاك ,, وانت تستخدم ماك ما تشوف اي مشاكل موجوده , هذا كومبيوتر حقيقي مو XP التعبان.

انصحك وبقوه انك تستخدم Apple Mac .. هو الافضل من جميع النواحي ,, اذا خايف من البرنامج ترى تقدر تحمل برامج من مواقع التورينت وتنزلها على الكومبيوتر مثل الـXP وفي برامج الدنيا .. لو تبيني اساعدك من ناحية البرامج بعد ما تشتري الجهاز ما عندي مانع

انا انصحك بـPowerBook اذا تبي لاب توب ممتاز ,, اذا تبي ديسك توب اكيد iMac G5 الجديد ( الي فيه كاميرا iSight و البروسسير Intel

انصحك نصيحة ثانيه ومهمه ,, لا تسمع الا من ناس فاهمين في الانظمة ,, اسئل rubso و كاكاشي ( غائب له قرن ) .... انتظر رد rubso وشوف وش يقولك.

 

[BioMario]

شكراً اخوي ..
رابسو كلمتة و كل شي و سولفت وياه ينصحني بـ HP dv5000t
طبعاً انا اريدة للتصفح وتحميل الأانمي و الافلام و جي يعني ..
لكن من ناحية الألعاب ابداً ما رح استخدمة عندي كل الأجهزة و XBOX 360 وقريباً البقية و الحمد لله ..

المهم ياليت لو تقولي بكم اشتريته و اقدر اسويلة فورمات بعدين اركب XP ..?

 

[Khalid-S]

من ناحية التحميل نفس الشي ,, برامج التورينت طبعا موجوده والبلاير طبعا موجود.

لووول اصلا لمن تستخدمه تستحقر الـXP بكل امانه ,, وما اظن .

اصلا غباء تركب عليه اكس بي وانت عندك ماك ,, كأنك اخذت شهادة الدكتوراه وتبي تشتغل زبال

الـHP بصراحه ما اعرفه.

من ناحية السعر ,, انا شريته من بريطانيا ,, بس اسعار منتجات ماك عالمية ما تتغير.

PowerBook G4 = 2500$


17-inch TFT widescreen display with 1680x1050 resolution

1.67GHz PowerPC G4 processor

512MB memory (DDR2 PC2-4200 SDRAM at 333MHz)

120GB 5400rpm hard drive

Slot-load 8x SuperDrive (DVD+R DL/DVD±RW/CD-RW)

ATI Mobility Radeon 9700 graphics card with 128MB DDR memory

Full-size, backlit keyboard

Gigabit Ethernet

USB 2.0 and FireWire 400 & 800

نسيت اقولك ان في لاب توب جديد من ماك اسمه MacBook Pro مواصفاته مواصفات iMac

15.4-inch TFT display with 1440x900 resolution

2.0GHz Intel Core Duo with 2MB shared L2 Cache (1)

667MHz frontside bus

1GB (single SO-DIMM) 667MHz DDR2 SDRAM

100GB 5400rpm Serial ATA hard drive

Slot-load SuperDrive (DVD±RW/CD-RW)

ATI Mobility Radeon X1600 with 256MB GDDR3 memory



طبعا يقل السعر على حسب مواصفات الجهاز الي تبيه ,, المواصفات والاسعار الي حطيتلك اياها هي الاعلى.

 

[BioMario]

مشكور اخوي و جزاك الله خير ..

 

[rubso]

خالد رفعت الماك فوق ..
XP مو كمبيوتر، XP نظام تشغيل فرق كبير بين الاثنين ..
والآن Apple وقفت التعامل مع IBM لمعالجات PowerPCs واستبدلتهم بمعالجات Intel Due Core.
بالنسبة لمبتدئ، ورجل يحب الترفيه، Apple Mac ما راح يكون اختياره ابداً، نظراً لانه شخص عايش من اول ما انولد على الـ Windows ...
الـ Windows يا اخي، افضل اختيار لك، اذا كنت من اللي يحب وسائط الترفيه والالعاب غيره لا تفكر، والمصيبة انه 99% من مستخدمي الماك يستخدمون منتجات مايكروسوفت عليه من الـ Windows Media Player الى الـ MSN Messenger مروراً بالـ Microsoft Office هذي مصيبة ..
وعلى فكرة دعم البرامج للابل، اقل بأشواط طويلة جداً من دعم البرامج للويندوز وهذا معلوم وخصوصاً الكوبي منها .. يعني فكر فيها
على فكرة خالد، اللابتوب اللي دش في بال THE_MATRIX الـ HP يستخدم معالج نفسه هو المستخدم في معالجات Apple اللي هو Intel Due Core لول .. يعني الآن هو عنده عتاد نفس عتاد أي جهاز أبل، وباستطاعته تشغيل نظام ماكنتوش نسخة الانتل بسهولة طبعاً مع حركات جانبية .

المهم ياليت لو تقولي بكم اشتريته و اقدر اسويلة فورمات بعدين اركب XP ..?

يعني شاري جهاز ابل على شان تركب Windows عليه !؟
فيه ستين ألف جهاز لابتوب يسحق لابتوبات الابل ومواصفات اعلى والنظام اللي تبيه Windows -_-، وحركة تركيب الـ XP مو مضمونة على اجهزة ابل وراح تستصعبها ، وحتى لو ركبته ما راح يعطيك الاداء المطلوب للأسف.
MATRIX هذي الفترة مرت علي وانا صغير اطالع الماك ابي اشتريه ، بعد ما حصلته كرهت حياتي وركبت Windows 98SE بداله !!! هههههه بس على شان الالعاب .. بالماك من قرن الى قرن تنزل لعبة محترمة..
عيد النظر في المسألة .. انت تبي جهاز يشغل Windows ما تحتاج ماك ابداً، ماك يستخدم كرنل UNIX الموجود طبق الاصل في توزيعات Linux ويتميز بالوانه الحلوه وحركات لمن تشغل برامج إلخ، يبهر المستخدم ويحسسه انك فعلاً قاعد على كمبيوتر، لكن هو فعلياً مع الاسف ولا شي خصوصاً بعد انتقاله الى معالجات انتل ، اصبح ما في فرق نهائياً بينه وبين لابتوبات وندوز ..

 

[ASWD]

عندك كمان DELL منتجاتها محترمة وتوشيبا طبعا غنية عن التعريف في مايخص اللاب توب

 

[Khalid-S]

لول فهد .. بالنسبه لبرامج الويندوز على الماك فهي اسوء من السئ وويندوز الحقيره بالعاني سوت هذا الشي مع ان ابل منزله iTunes و كويك تايم بلاير بكامل المواصفات له .. بالنسبه للميديا بلير لوووووول اقسم بالله كل شوي يسوي كراش .. حذفت ابوه وشغال على VLC افضل مشغل فيديو .. عندك اكبر وافضل برامج الكتابيه على الماك تضرب الاوفيس على الجدار ... iWork و Mellel وغيرها الكثيييييير .. بالنسبه لوسائط الترفيه خخخخخ ما اعرف فهد انت حطيت هذي الكلمه على بس الجيمز .. ابل ماك فيها افضل برامج وسائط الترفيه واهمها GarageBand الي يهوى الموسيقى وعزف الآلت وتركيبها مع آلات الموسيقى الحقيقيه والتعديل بالاصوات .. Dashboard الي سرقته ويندوز بتحطه في Vista ... آي تيونز الجبااار .. وغيره كثير فهد .. الالعاب معاق حق تصدر على الماك متأخره .. بصراحه انا بالنسبه لي ما في امل العب على لاب توب فما بتفرق معي ...

بالنسبه للاينتل شيب انا قايل في ردي الثاني وموضح هذا الشي .. وقلت ما اعرف شي عن الـHP الي يقول عنه .. لكن بصراحه ما انصحه لان نظام XP باقي له 8 شهور وينزل .. ما يسوى يركب واحد مو اصلي ويقعد على مشاكل الونيدوز الكثيره ويحلها..

بالنسبه للبرامج العاديه ((( المعروفه ))) من الشركات الكبيره كلها موجوده على ماك وبعضها مثل فوتوشوب مثل ما اعرف انه اساسا للماك .. متصفح فاير فوكس ووالخ كلها موجوده .. بكل امانه ما حسيت ان ناقصني برنامج في لاب توبي .. بالعكس فيه البرامج الي احتاجها فقط وصاير لاب توب سريع له سنه معي ما واجهت فيه ولا مشكله الحمد لله للحين..

اخوي اذا تحب المولتي ميديا وتشغيل الموسيقى والتصاميم والنظام السهل المريح اشتري ماك .... اذا تبي العاب ومشاكل في النظام اشتري الـHP

وللمعلوميه فهد ترى البرامج بكثره في مواقع التورينت .. اصبح الامر سهل يعني الي للحين عايش على كلام الناس ان ابل لازم تشتري برامج اصليه ووالخ اعرفوا ان ما عنده اي موضوع.

 

[Khalid-S]

اوكي هذي مجموله اسئله من شخص يبي يترك اجهزه ويندوز وعليها الاجوبه ( من منتديات ماك للعرب )

هل نظام MAC OS X يدعم اللغة العربية بشكل جيد ؟

2- هل هناك برامج مكافئة لبرنامج وورد وأكسل وباوربوينت تدعم اللغة العربية ؟ وهل استطيع تحويل ملفاتي المنشأة بواسط وورد إلى نظام mac os x بدون مشاكل ؟

3- هل استطيع تشغيل نظام ويندوز xp بواسطة برنامج Virtual PC ؟ وهل يعمل بسرعة ؟

4- هل المواقع العربية تظهر بشكل جيد في متصفح سفاري ؟

5- هل نظام MAC OS X يعمل بسرعة مع جهاز ibook بسرعة 1.2ghz و 256 ram ?

6- وجدت جهاز IBook بشاشة 12 بوصة ومعالج بسرعة 1.2 جيجاهيرتز وذاكرة بحجم 256 ميجابايت مع جهاز ipod mini بسعر 455 دينار كويتي ؟ هل السعر جيد أو غالي ?


الاجوبه

- نعم يدعم العربية بشكل ممتاز باستثناء الواجهة في النظام الأخير ليست عربية.
لا يتعرف عليها ولكن لكن البرنامج لايدعم العربي للآن ولا أدري عن اصداراته القادمة.
1.2
.
mhz- 265ram مع نظام بانثر ولا يشكو من أي مشكلة فما بالك لما تستخدمه على جهازك.
-السعر انت ما وضحت هل الجهاز جديد ولا مستعمل بس أتوقع انه مستعمل. بس السعر فلته صراحة
لا يعمل في السعودية على الماك كما هو مطلوب لكن إذا كنت في الكويت فسيعمل معاك بدون مشاكل انشاء الله أيضا هناك برامج للتحكم في الموبايلات لا تتوفر على الماك يعني سيمنس وسامسونج ونوكيا ما راح تستطيع توصلها بجهازك الماك (إلا بعض الأجهزة قولي إذا تبغاني أوضحهم لك) أيضا هناك برامج لبرمجة الرسيفرات الديجيتال لا تتوفر على الماك يعني الماك إلى شي والويندوز لشي ثاني بس الماك حق الجد والويندوز حق الدردشة.
- بالنسبة للغات الماك يدعم الكثير من اللغات لكن خل أحد غيري يفيدك بهذا الشي. علشان لا أكون كذبت عليك.
- نعم وإذا ما تعرف عليه هناك برامج تحويل للخطوط.

 

[rubso]

بالنسبه لبرامج الويندوز على الماك فهي اسوء من السئ وويندوز الحقيره بالعاني سوت هذا الشي مع ان ابل منزله iTunes و كويك تايم بلاير بكامل المواصفات له

ابل في موقعها الرسمي توفر لك تحديثات لبرامج مايكروسوفت .. تجي انت تقول لي لعانة
في احد يعيش بدون اوفس ويحط iWork تضحك على نفسك
iWork نسخة مشوهتة وتقليد لفكرة الاوفس .. ولهذا مستخدمين الابل لا يستغنون نهائياً عن الاوفس "انا اتكلم عن اللي عنده شغل" بتطلع وتقول لي ما عندي اوفس ..

بالنسبه للميديا بلير لوووووول اقسم بالله كل شوي يسوي كراش

اي مستخدم في العالم ما يستغني عن ملفات الـ WMV والـ VLC ما يشغل wmv الا الكودكس القديمات 8 ونازل .. و VLC مشروع قديم اثري بدأ باللنكس كنت استخدمه على الـ Redhat عايش فقر برامج تشغيل افلام .. وما كان يشغل wmv و divx وانت طالع ، ايضاً تضحك على نفسك اذا قلت VLC اقوى مشغل
اقوى مشغل على الابل هو الكويك تايم بلا منازع، لكن الكويك تايم ملفاته دايماً ضخمة فالوندوز ميديا بلاير افضل ..
للعلم .. 99% من برامج تشغيل الافلام تعيش على Codecs عن طريق الـ DLL يشبك مع وصلات ويندوز ميديا .. حتى في الوندوز
لو مسحت الميديا بلاير مالك وشغلت على الريل بلاير مثلاً او اي مشغل آخر افلام wmv راح يقول لك ما في كودك -_-..
بالنسبة للـ GarageBand فيه مليار Clone من هالبرنامج على الوندوز من مبرمجين صغار الى العتاوية خخخ ..

.. Dashboard الي سرقته ويندوز بتحطه في Vista ... آي تيونز الجبااار .. وغيره كثير فهد .. الالعاب معاق حق تصدر على الماك متأخره .. بصراحه انا بالنسبه لي ما في امل العب على لاب توب فما بتفرق معي ...

الوندوز يختلف نظام مختلف تماماً Aero Glass هو المستخدم في الـ Vista نزل نسخة الـ Beta وشوف
وكل الـ GUI كانت طالعه قبل لا ينزل الماك على اول نظام Windows نوافذ .. هل ماك سرقت؟
للعلم ، ابل يستخدم مشغل X Windows System هو نفسه الموجود في اللنكس X Server مشغل مليان bugs وغبي ومتخلف وكل الكلام اللي عندك قوله واستبدلوه باللنكس حطو بداله x.org لانه غير مرن وضعيف ..

بالنسبه للاينتل شيب انا قايل في ردي الثاني وموضح هذا الشي .. وقلت ما اعرف شي عن الـHP الي يقول عنه .. لكن بصراحه ما انصحه لان نظام XP باقي له 8 شهور وينزل .. ما يسوى يركب واحد مو اصلي ويقعد على مشاكل الونيدوز الكثيره ويحلها..

يقدر ينطره، يشتري اللابتوب ولمن ينزل Windows Vista يركبه بدون مشاكل.
او انه ينطر لابتوب HP مركبين فيه Vista احتمال ينزل في شهر 7 او 8 القادم ..

بالنسبه للبرامج العاديه ((( المعروفه ))) من الشركات الكبيره كلها موجوده على ماك وبعضها مثل فوتوشوب مثل ما اعرف انه اساسا للماك .. متصفح فاير فوكس ووالخ كلها موجوده .. بكل امانه ما حسيت ان ناقصني برنامج في لاب توبي .. بالعكس فيه البرامج الي احتاجها فقط وصاير لاب توب سريع له سنه معي ما واجهت فيه ولا مشكله الحمد لله للحين..

اختصار للجملة، كلها موجودة على الوندوز -_- شنو جبت شي جديد يخليني آخذ ماك؟

اخوي اذا تحب المولتي ميديا وتشغيل الموسيقى والتصاميم والنظام السهل المريح اشتري ماك .... اذا تبي العاب ومشاكل في النظام اشتري الـHP

انا افبرك لك ملف Shell يخرب لك الماك من الألف الى الياء ..
سوء استخدام النظام ، يخلي نظامك تراب .. ان كان Windows او Linux او Mac او حتى BSD
ايام كنت استخدم اللنكس وماعرف اسوي فيه اي شي، اخترب كذا مرة ويعلق بنص الشغل لكن بعد ما فهمت له وضبطته ، صار يشتغل لشهور كاملة بدون Restart ..
وانا متأكد من دون ما ازورك انه في عملك اليومي تستخدم وندوز وقول انا ما قلت !
بالاخير ، الماك غالي ، ومواصفاته اصبحت نفس مواصفات اي لابتوب من شركات أخرى وبنفس العتاد بالضبط ما في اي فرق .. ويمديك تشتري HP وتركب عليه Mac OS X اذا تحبه هالكثر .. وايضاً بسعر ارخص ويتفوق بكرت الشاشة -_- شتبي بعد ؟

اللي حيل حيل متحطم على الماك ، ركبه على معالج الانتل اللي عندك بمعنى على الـ PC مالك بدون لا تشتري ماك..
بدون ايميوليتر ولا شي ، Mac OS X tiger فيه دعم لمعالجات انتل
تفضلوا الرابط
http://www.mininova.org/tor/232728

 

[Ginko]

Btw Vista has been delayed..they have to write the code again or somthing..

 

[rubso]

نسخة المستخدمين كانت راح تنزل نوفمبر هالسنة ، لكن تأجلت وصارت بداية فبراير على ما اظن ..
لكن نسخة الـ OEM شركات الـ HP و الـ Dell إلخ متوقع تنزل في نهاية السنة ..

 

[itachi]

أخوي The matrix
أقول لك شئ ... أخذ كلام مجرب أحسن لك
مجرب مو عادي ... مجرب جرب الجهازين لأنه شاف وتحسس الفرق بينهم

وأنا أقول لك هالكلام
بالنسبة لي سمعت أكثر من واحد ( أعرفهم شخصيا ) وأكثر من تقرير في الأنترنت
إن أغلب اللي جربوا الماك وأشتروة ما ندموا أبد في حياتهم ...وإنما سبو الويندوز وتركوه
من ناحية عدة نقاط :

- نظام الماك نظام صامد بمعنى الكلمة ..لا تقول فيروسات ولا يعلق عليك ولاشئ ( هذي جملة أكثر الناس اللي جربو الماك ) بعكس الويندوز مهما طورو في العتاد اللي حقة يظل ويندوز وتظل مشاكلة ...السالفة أهية نظرا لأختلاف طريقة تحميل وعمل النظام بشكل عام

- يمكن البعض يشوف المواصفات تتشابة
وأنا أقول لك الأرقام يمكن تتشابة بس الأداء يختلف ( فرق شاسع وكبير :jawDrop:: )

- من ناحية البرامج كل اللي جربوة ما تعطلو على شئ أبد ..كل شئ موجود وأنا أضمن لك
حتى الميديا بلاير أبد ما بتحتاج له ..:arrows:.
من ناحية الأوفيس ( ليش الهدرة الزايده أهوه أحسن ولا لا ) المهم فيه أوفيس من مايكروسوفت وفيه غيرة ... وعلى بالك أهوه البرنامج الوحيد في الدنيا .. زي ما قال خالد فيه برامج تفوقت علية وزي ما قال غيرة أصلا ما يستعملون مايكروسوفت ( كيف مشت حياتهم وأعمالهم يعني )
أما البرامج العالمية والمشهورة ...فحاليا لازم تنزل على النظامين

- من ناحية التصميم والأداء والميلتي بلاير وعمليات الإخراج الفيديو والصوت ....روح شوف أستديوهات الأفلام وديزني وبيكسار وأغلب تأثيرات الأفلام ....كلها على الماك:razz:

ويش تبي بعد أقول لك ...أنا أضمن لك من تمسك الماك بتنسى الويندوز ...وهذي كلمتي

​

 

[rubso]

- نظام الماك نظام صامد بمعنى الكلمة ..لا تقول فيروسات ولا يعلق عليك ولاشئ ( هذي جملة أكثر الناس اللي جربو الماك ) بعكس الويندوز مهما طورو في العتاد اللي حقة يظل ويندوز وتظل مشاكلة ...السالفة أهية نظرا لأختلاف طريقة تحميل وعمل النظام بشكل عام

كلام خاطئ، وهو نفس الوندوز حتى في الفيروسات ، وبعض الاجهزة ماك يجي معاها Anti-Virus

- يمكن البعض يشوف المواصفات تتشابة
وأنا أقول لك الأرقام يمكن تتشابة بس الأداء يختلف ( فرق شاسع وكبير )

ابل تركت العتاد القديم IBM PowerPC واتفقت مع انتل لانتاج معالجات Due Core وهي المستخدمة في أغلب اللابتوبات الحديثة مو شرط أبل .. يعني راحت ايام "الفرق الشاسع"

- من ناحية البرامج كل اللي جربوة ما تعطلو على شئ أبد ..كل شئ موجود وأنا أضمن لك
حتى الميديا بلاير أبد ما بتحتاج له ...

تحتاج الميديا بلاير غصباً عن كل خشم يستخدم الماك .. بسبب الـ WMV Codecs .

من ناحية الأوفيس ( ليش الهدرة الزايده أهوه أحسن ولا لا ) المهم فيه أوفيس من مايكروسوفت وفيه غيرة ... وعلى بالك أهوه البرنامج الوحيد في الدنيا .. زي ما قال خالد فيه برامج تفوقت علية وزي ما قال غيرة أصلا ما يستعملون مايكروسوفت ( كيف مشت حياتهم وأعمالهم يعني )
أما البرامج العالمية والمشهورة ...فحاليا لازم تنزل على النظامين

اثبت لي؟ .. عندنا شخصياً في الكويت كل مستخدمين ماك لازم عنده Microsoft Office ..

- من ناحية التصميم والأداء والميلتي بلاير وعمليات الإخراج الفيديو والصوت ....روح شوف أستديوهات الأفلام وديزني وبيكسار وأغلب تأثيرات الأفلام ....كلها على الماك

مبرمجين الالعاب 99% منهم على الويندوز، ليش ما تعطلت اعمالهم؟
كلها خزعبلات وفبركة مالها داعي، الوندوز يقدر يسوي اكثر من اللي يسويه الماك لكن بجهاز قوي AMD Dual Core او Intel المعالجات القوية ..
وانا مستخدم كل الانظمة تقريباً
BSD
Linux
انظمة تشغيل Sun
Windows
Mac
اللي استخدمه بشكل فعلي ويومياً ولأعمالي كلها هو الـ Windows .. و 100% من مستخدمين TG يستخدمون الوندوز احصائية جامدة

 

[BioMario]

لحظة لحظة شباب الأبل غالي شوي ..
انا قلت ما اريد لا بتب ينافي في المواصفات ..
اريدة فقط للتصفح + الميديا + الجرفكس ( ما احتاج العاب لأني ما احب العب على الـ PC ابداً .. ..

يعني الـ Hp إلي قلت لكم عنه ممتاز جداً و قوي وسعرة جداً جداً مناسب ..

بليز شباب ما حد يزعل نريد نتناقش فقط ^^..

 

[Khalid-S]

فهد انا ما بناقشك بالارقام لاني ما عندي اي خبره فيها .. انت ادرى مني وقلت في ردي الي فوق ان اسئل الخبيرين وانا اقولك يا ميتركس خذ كلام روبسو ولا تاخذ كلامي ... لكن اسمح لي انت بقوه نزلت من ابل الي كنت تمدح لي فيها قبل ما اشتري ابل حقي .. الـWMA الي صجيتنا فيها ادخل هنا واقرا.
http://www.flip4mac.com/wmv.htm

نزلته وكل ملفات الـWMA تشتغل على الكويك تايم .. سهله ما يبيلها اي تعقيد.

الاوفيس انا ما استخدمه واقدر استغني عنه بكل سهوله iWork مسوي الغرض واحسن بالنسبه لي .. مسوي لهم ابديتس وفجأه يعطيني كراش ...

خخخخخخخخ اجل نظام الويندوز مافيه مشاكل المشاكل تجي على حسب استخدام الشخص ؟؟ لووول افلقني لو كلامك صحيح .. واذبحني اذا فايروسات الماك مثل الويندوز .. خخخخخخخخخخ فهد احسك صرت تعاند كثير في هذي المسئله .. في ابل انسى تستخدم برامج الفايروسات .. هي موجوده ويمكن الفايروسات الموجوده كانت على النظام القديم من ابل .. اما الآن الفايروسات يمكن تنعد على الاصابه واذا في يطلع مالهم اي تأثير.

ايه انا استخدم Xp لاني العب PC Games وانت عارف .. هذا السبب الوحيد الي مخليني استخدمه ولا اقدر استغني عنه من زمااااااااان .. بعدين هذا لاب توب وانا ما احب استخدم الاب توب بشكل يومي .. الديسك توب اريح والديسك توب الي عندي XP عشان كذا اقعد عليه.

هذا اخر رد لي .. اخ ميتريكس اشتري الـHP واتهنى فيه .. والله يعينك من مشاكل النظام

Apple MAC FTW .. and die haterz

 

[BioMario]

لله يهديكم ..
موب شرط HP اي كمبيوتر لابتوب للأعمال البسيطة جداً ..
ربسو وايد احتقرت الماكنتوش على العموم حصل خير ..

 

[rubso]

ههههههههههههههههههههههههههه
الرابط اللي عطيتنياه خالد .. تحتاج Windows Media Component على شان تشغل الافلام على الكويك تايم لوول
يعني ما زلت تحتاج Windows Media

With the Windows Media® Components for QuickTime by Flip4Mac, you can play Windows Media files (.wma and .wmv) in QuickTime Player and view Windows Media content on the Internet using a web browser.

 

[AMG]

شباب انا عندى سؤال

هى فى C++ COMPILERS على الماك ؟؟؟

و برامج مثل ال OrCad متوفرة على الماك ؟؟


وشكرا

 

[Sir Doyle]

السلام عليكم شباب
ما شاءالله على الردود الرهيبة
حراااااااام عليكم ما توقعت أن في يوم من الأيام في أحد سيقارن نظام تشغيل حقيقي مع نظام تشغيل...
من متى صار الـ XP أفضل من الماك::confused......اللي أشوفه عناد لا أكثر.....
أنا كنت أشتغل على الوندوز من سنوات قبل أن أنتقل إلى الماك....و حسيت إني كنت صحيح عايش في جحيم...الوندوز لا يقارن بربع من قوة الماك كـنظام تشغيل....و كل من يستخدم الماك يسب في الوندوز الغبي....eeved: .....و يكفي لو تكتب في القووووقل Win Vs. Mac.....بتفهم ما هو القصد الحقيقي من نظام التشغيل....و على العموم معروف أن الوندوز أسوأ نظام تشغيل....بس كمستخدمين عاديين هو بسيط.....و لكن من قدوم الـ Mac OS X تغير الوضع تماماً

بالنسبة لمبتدئ، ورجل يحب الترفيه، Apple Mac ما راح يكون اختياره ابداً، نظراً لانه شخص عايش من اول ما انولد على الـ Windows

كلامك غلط في غلط....أنا كنت استخدم الوندوز لسنوات و عندما بدأت استخد الماك..فقط خلال شهر واحد صرت محترف ماك....الماك سهل جداً و لا يوجد فيه أي تعقيد...و من استخدامي له و نظرتي له أراه أسهل من الوندوز....و لو قلنا أن كلامك صحيح...خلاص الناس ما تغير أبداً و تظل في تخلف إذا كان الانتقال إلى الأفضل موجود....خلاص شباب لما تجيبون أولاد علموهم على الماك

الـ Windows يا اخي، افضل اختيار لك، اذا كنت من اللي يحب وسائط الترفيه والالعاب غيره لا تفكر،

لووووووووووووووووووووووووول........الألعاب أنا معاك فيها... غير الألعاب مستحيل(أشك أنك استخدمت الماك)....شكلك جربته لمدة معينة لا غير.

والمصيبة انه 99% من مستخدمي الماك يستخدمون منتجات مايكروسوفت عليه من الـ Windows Media Player الى الـ MSN Messenger مروراً بالـ Microsoft Office هذي مصيبة ..

من أين حصلت على هذه النسبة؟ ...المصدر؟!!.....أنت أكيد تمزح....أنا واحد من الذين لا يستخدمون أي من البرامج إلي ذكرتهم و عندي ثلاث أشخاص يستخدمون الماك بدون هذه البرامج....و بالنسبة للمسنجر....تفضل يا أخي....
Adium
http://www.adiumx.com
أفضل من مسنجر المايكروسوفت

وعلى فكرة دعم البرامج للابل، اقل بأشواط طويلة جداً من دعم البرامج للويندوز وهذا معلوم وخصوصاً الكوبي منها .. يعني فكر فيها
على فكرة خالد، اللابتوب اللي دش في بال THE_MATRIX الـ HP يستخدم معالج نفسه هو المستخدم في معالجات Apple اللي هو Intel Due Core لول .. يعني الآن هو عنده عتاد نفس عتاد أي جهاز أبل، وباستطاعته تشغيل نظام ماكنتوش نسخة الانتل بسهولة طبعاً مع حركات جانبية .

صحيح أن برامج الوندوز أكثر بأشواط و مراحل....و لكن بلا فائدة...يعني مثلا في برامج التحرير للفيديو مثلاً عندك ألف برنامج كل واحد أغبى من الثاني و بسبب كثرتهم تضيع...مع الماك لا....أكثر البرامج هاي كولتي..و برنامج فاينل كت يغنيك عن الباقي.....و في الأثري دي...يكفي ذكر أسم المايا(يحلم الوندوز يحصل على برنامج مثله)....و غيره الكثير
و بالنسبة لتشغيل الماك على الوندوز ما اظن أنه يشتغل عدل....و حتى الماك الجديد(الانتل)...يشغل الوندوز بشكل طبيعي...
هذا الموقع و طريقة التركيب
و لمشاهدة الفيديو

فيه ستين ألف جهاز لابتوب يسحق لابتوبات الابل ومواصفات اعلى والنظام اللي تبيه Windows -_-، وحركة تركيب الـ XP مو مضمونة على اجهزة ابل وراح تستصعبها ، وحتى لو ركبته ما راح يعطيك الاداء المطلوب للأسف.

عطني اسم هذا اللابتوب إلي يسحق لابتوبات الأبل ...لول
و تركيب الوندوز عليه سهل و يعطي الأداء المطلوب...تصفح الموقع الذي في الأعلى

ماك يستخدم كرنل UNIX الموجود طبق الاصل في توزيعات Linux ويتميز بالوانه الحلوه وحركات لمن تشغل برامج إلخ، يبهر المستخدم ويحسسه انك فعلاً قاعد على كمبيوتر، لكن هو فعلياً مع الاسف ولا شي خصوصاً بعد انتقاله الى معالجات انتل ، اصبح ما في فرق نهائياً بينه وبين لابتوبات وندوز ..

حبك لمايكروسوفت نساك ماهي الأبل.....عيد النظر في هذه المسألة

في احد يعيش بدون اوفس ويحط iWork تضحك على نفسك
iWork نسخة مشوهتة وتقليد لفكرة الاوفس .. ولهذا مستخدمين الابل لا يستغنون نهائياً عن الاوفس "انا اتكلم عن اللي عنده شغل" بتطلع وتقول لي ما عندي اوفس ..

أنا......و عندي شغل جامد...ما رأيك....و بدون مبالغة ....و يوجد أيضاً برنامج اسمه neoOffice...يحتاج يا خالد أنك تجربه

اي مستخدم في العالم ما يستغني عن ملفات الـ WMV

لم استخدم هذه الصيغة منذ سنة....أرجوك لا تجمع جميع المستخدمين...ترى أنا من الموجودين في هذا العالم........

اختصار للجملة، كلها موجودة على الوندوز -_- شنو جبت شي جديد يخليني آخذ ماك؟

لا....جميع البرامج الخاصة بالماك يحلم فيها مستخدمي الوندوز..يمكن أنت لا...و لكن جميع أصحابي الذين يشتغلون على برامج الصوتيات و الأثري دي أصبحت أعينهم
و البرامج الأخرى الموجودة في الوندوز استخدامها أفضل بأشواط من الوندوز...اسأل مجرب و لا تسأل خبير........حتى الخبراء يعرفون ذلك

بالاخير ، الماك غالي ، ومواصفاته اصبحت نفس مواصفات اي لابتوب من شركات أخرى وبنفس العتاد بالضبط ما في اي فرق .. ويمديك تشتري HP وتركب عليه Mac OS X اذا تحبه هالكثر .. وايضاً بسعر ارخص ويتفوق بكرت الشاشة -_- شتبي بعد ؟

الماك من زمان كان غالي و لكن الآن اصبح رخيص.....
macbook pro سعره 7500 ريال في النت و إذا كنت طالب تقدر تجيبه من أمريكا بـ 6500 ريال....
طبعاً هذا السعر مع مواصفات أفضل من مواصفات اللابتوبات الآخرى الي سعرها بـ 10000
أدخل موقع الأبل و شوف العجب.......

كلام خاطئ، وهو نفس الوندوز حتى في الفيروسات ، وبعض الاجهزة ماك يجي معاها Anti-Virus

يا أخي أنت أدرى من خالد الذي ملك الجهاز و أعرف مني و أنا جالس استخدمة....أي فيروسات و خرابيط.....كان فيه أيام الاصدارات القديمة ثم انتهت...و طلعت خبر انه يوجد فيروسات عليه...ثم اكتشف بإنها إشاعة.....خلاص فيه فيروسات...عنك برنامج للفيروسات للماك علشان أسوي اسكان يمكن أشوف واحد بالغلط.....حتى لو كان فيه فيروسات في النت للماك بتكون معدودة في الأصابع

تحتاج الميديا بلاير غصباً عن كل خشم يستخدم الماك .. بسبب الـ WMV Codecs

مو غصباً على خشمي و لاشيء.....غصباً على خشمك أني ما استخدمه.....
و لو احتجت له في برنامج أكييييييييييد ما سمعت به اسمه Flip4Mac ......و تقدر عن طريقه تشغل هذه الصيغة الي فضحتنا بها على الكوك تايم
الموقع كتبه خالد....

و بدون Windows Media Component أنا مجرب هذا البرنامج....اقرأ عدل.......و على العموم عنده تصريح من مايكرسوفت

اثبت لي؟ .. عندنا شخصياً في الكويت كل مستخدمين ماك لازم عنده Microsoft Office[/QUOTE]

عندنا في السعودية عكس ذلك ....و الأثبات هو الأشخاص الي أعرفهم ما يستخدمون الأوفس...حتى خالد يقول أنه ما يستخدمه......أعرفك أنك ما بتقتنع

كلها خزعبلات وفبركة مالها داعي، الوندوز يقدر يسوي اكثر من اللي يسويه الماك لكن بجهاز قوي AMD Dual Core او Intel المعالجات القوية ..
وانا مستخدم كل الانظمة تقريباً

لااااه...صحيح يقدر ليش لا..........
الوندوز يقدر يشغل جميع برامج المايكروميديا و برامج الأدوبي دفعة واحده؟:exclamati
الوندوز يقدر يشغل في نفس الوقت 36 فيديو؟:exclamati
.......لا تعليق............أنا أعرف أن الوندوز يملك مكتبة مهولة من مشاكل النظام....و أيضاً واجد عليه أنك تشغل الفوتوشوب مع متصفح انترنت.....

الاوفيس انا ما استخدمه واقدر استغني عنه بكل سهوله iWork مسوي الغرض واحسن بالنسبه لي

مو بس أنت يا خالد كل ناس تقدر تستغني عنه و لكن الكثير مخدوع بالأوفس هذا الي حق مايكروسوفت.....صحيح نسيت أقول أن الأوفس إلي على الماك مظهره أفضل من الوندوز..لول

خخخخخخخخ اجل نظام الويندوز مافيه مشاكل المشاكل تجي على حسب استخدام الشخص ؟؟

لووووووووول خالد وش فيك يمكن كلام الرجال صحيح.......

خخخخخخخخخخ فهد احسك صرت تعاند كثير في هذي المسئله

هذه هي المشكلة...من قريت ردوده عرفت أنه يعاند

في ابل انسى تستخدم برامج الفايروسات .. هي موجوده ويمكن الفايروسات الموجوده كانت على النظام القديم من ابل .. اما الآن الفايروسات يمكن تنعد على الاصابه واذا في يطلع مالهم اي تأثير.

ايه انا استخدم Xp لاني العب PC Games وانت عارف .. هذا السبب الوحيد الي مخليني استخدمه ولا اقدر استغني عنه من زمااااااااان

هذا السبب الي يخليك تستخدم الوندوز...عكسي تماماً لاني لا استخدمه في هذا المجال...إذا الماك وبس....

في المختصر أخي العزيز ماتركس إذا كنت فعلاً لا تريد أن تستخدم الكومبيوتر في مجال الألعاب أنصحك بقوة أن تشتري كومبيوتر من أبل و اعدك أنك لن تندم...و سالفة أن الماك نظام تشغيل جديد عليك...خذها مني الماك سهل جداً في استخدامه و نظام تشغيل ثوري بمعنى الكلمة...و سوف تحس نفسك أن في عالم و آخر... و بالنسبة للبرامج لا تخف أنها موجودة على كيف كيفك....أنت بس أطلب....برامج الماك ليس كالسابق لقد كثرت و انتشرت....و يكفيك ان تشغل الفوتوشوب مثلاً على النظامين لترى الفرق

 

[rubso]

كلامك غلط في غلط....أنا كنت استخدم الوندوز لسنوات و عندما بدأت استخد الماك..فقط خلال شهر واحد صرت محترف ماك....الماك سهل جداً و لا يوجد فيه أي تعقيد...و من استخدامي له و نظرتي له أراه أسهل من الوندوز....و لو قلنا أن كلامك صحيح...خلاص الناس ما تغير أبداً و تظل في تخلف إذا كان الانتقال إلى الأفضل موجود....خلاص شباب لما تجيبون أولاد علموهم على الماك

طيب تقول لي عشت مع الماك صح؟
فسر لي هذه الاوامر على الشل في ماك
kill
locate
ls
man
mkdir
mv
mount
pwd
umount
هذه الاوامر هي نفسها اللي موجودة بالضبط في اللنكس وبما انه هو Based on UNIX فغصباً عنه يصير نفس اللنكس .. -وعلى فكرة- بعض برامج اللنكس تشتغل مية بالمية على الماك مثل البيئة المكتبية KDE او GNOME فقط تحتاج كومبايلر GNU C++ Compiler .. ونشوف من الغلط ومنو الصح.
جاوب عليهم وبعدين بنعرف اذا انت كنت مستخدم حقيقي ولا من بعيد لبعيد "وااااااو" ومدري ايش.

.و بالنسبة للمسنجر....تفضل يا أخي....
Adium
http://www.adiumx.com
أفضل من مسنجر المايكروسوفت

وصلت على Adiumx ؟
اذا في الوندوز نفسه مليون مسنجر غير الـ MSN Messenger الاصلي .. يعني ما فرقت معاي ، ابي السبب اللي يخليني انتقل مدى الحياة الى الماك ، لا يوجد

صحيح أن برامج الوندوز أكثر بأشواط و مراحل....و لكن بلا فائدة...يعني مثلا في برامج التحرير للفيديو مثلاً عندك ألف برنامج كل واحد أغبى من الثاني و بسبب كثرتهم تضيع...مع الماك لا....أكثر البرامج هاي كولتي..و برنامج فاينل كت يغنيك عن الباقي.....و في الأثري دي...يكفي ذكر أسم المايا(يحلم الوندوز يحصل على برنامج مثله)....و غيره الكثير

هههههه اضحكتني ، 90% من البرامج اللي ذكرتها موجودة في الوندوز ما عدا الـ Final Cut اللي يجي مع الابل ماك لكن Maya موجود 3ds max موجود وبرنامج تحلم تشوفه على الماك ويستخدمه فريق متل جير كوجيما وشلته XSI Softimage تعرف شنو تتحلم ؟

و بالنسبة لتشغيل الماك على الوندوز ما اظن أنه يشتغل عدل....و حتى الماك الجديد(الانتل)...يشغل الوندوز بشكل طبيعي...

الرابط اللي انا حطيته موجود فيه Installation Disk for Mac حتى لو جبت جهازك from scratch ومو موجود عليه ولا نظام تشغيل لا مركب عليه وندوز ولا اي شي، حط دسك التركيب وثبت الماك وهذا الماك معدل لنسخ اجهزة ابل الجديد اللي تتعامل مع الـ Intel Due Core

عطني اسم هذا اللابتوب إلي يسحق لابتوبات الأبل ...لول
و تركيب الوندوز عليه سهل و يعطي الأداء المطلوب...تصفح الموقع الذي في الأعلى

طيب
تفضل

QUICK SPECS

HP Pavilion dv5000t
www.hp.com
CPU 1.83-GHz Intel Core Duo

طالع جدول المواصفات .. وشوف آخر لابتوب للأبل شنو فيه

وهذا لابتوب الابل MacBook Pro

This is the first Mac notebook built upon the revolutionary new Intel Core Duo —

http://www.apple.com/macbookpro/

قبل لمن نتحدث عن الماك، فعلاً فرق عن الـ PC لانه كان يستخدم معالج صاروخ لكن مشكلته الحرارة وبدلوه بمعالجات انتل الجديدة اصبح لا فرق بين الـ PC والـ Mac ، فقط ماك للاغنياء ، والـ PC متوفر لكل افراد الشعب -_-.

حبك لمايكروسوفت نساك ماهي الأبل.....عيد النظر في هذه المسألة

ابل المختلفة انتهت خلاص ..الآن اصبح لا فرق بين الجهازين.

أنا......و عندي شغل جامد...ما رأيك....و بدون مبالغة

المصيبة انك وراء شاشة وانا غالباً ما اصدق الا لمن اشوف -_- ..

لم استخدم هذه الصيغة منذ سنة....أرجوك لا تجمع جميع المستخدمين...ترى أنا من الموجودين في هذا العالم........

اتحداك !

لا....جميع البرامج الخاصة بالماك يحلم فيها مستخدمي الوندوز..يمكن أنت لا...و لكن جميع أصحابي الذين يشتغلون على برامج الصوتيات و الأثري دي أصبحت أعينهم
و البرامج الأخرى الموجودة في الوندوز استخدامها أفضل بأشواط من الوندوز...اسأل مجرب و لا تسأل خبير........حتى الخبراء يعرفون ذلك

كلام x كلام ما زال الوندوز يقدم للمبرمج بيئة رائعة .. و يقدم للمستخدم بيئة اروع

الماك من زمان كان غالي و لكن الآن اصبح رخيص.....
macbook pro سعره 7500 ريال في النت و إذا كنت طالب تقدر تجيبه من أمريكا بـ 6500 ريال....
طبعاً هذا السعر مع مواصفات أفضل من مواصفات اللابتوبات الآخرى الي سعرها بـ 10000
أدخل موقع الأبل و شوف العجب.......

اللابتوب يقدم لك كل شي تبيه بسعر 3000 ريال .. لانه THE_MATRIX يبي يتصفح ويشاهد افلام -_- شنو الفايدة اقط 6500 ريال ولابتوب آخر بسعر زهيد يوفر لي اللي ابيه ؟
وعلى فكرة لابتوب مثل Dell XPS يسحق الماك مع انه يشتغل على معالج مختلف، لكن يسحق الماك ولا يوجد مقارنة نهائياً .. واسأل اي واحد جربه

يا أخي أنت أدرى من خالد الذي ملك الجهاز و أعرف مني و أنا جالس استخدمة....أي فيروسات و خرابيط.....كان فيه أيام الاصدارات القديمة ثم انتهت...و طلعت خبر انه يوجد فيروسات عليه...ثم اكتشف بإنها إشاعة.....خلاص فيه فيروسات...عنك برنامج للفيروسات للماك علشان أسوي اسكان يمكن أشوف واحد بالغلط.....حتى لو كان فيه فيروسات في النت للماك بتكون معدودة في الأصاب

حتى لو كان فيه فيروسات في النت للماك بتكون معددودة في الاصابع
قلتلها بنفسك مستخدمين ماك قليل - مبرمجين ماك قليل = قلة في الفيروسات
لكن وندوز + بيئة برمجية + أمم تستخدمه = غصباً عنك فيروسات
لكن الشركة الجيدة هي اللي تحدث نظامها باستمرار و المطلوب تقيد المستخدم بالتحديثات حتى ما تصيبه مشاكل ، وانا مستخدم وندوز و DOS من سنة 1993 وربك ما افارقهم لو تحط لي مليون ماك قدامي .. فرق ضخم بين الاثنين
وللعلم كمبيوتري هذا الحين اللي جالس عليه ، شريته من سنة 2003 وقسماً بالله من اول ما شريته الى الحين وهو شغال 24 ساعة ما طفى الا مرتين، يوم طفت الكهربا في الكويت، و يوم طفته خدامتنا بالغلط .. ايضاً لا نبخس حق Linux فكانت لي ايام جميلة معه توزيعة Fedora/Redhat Mandrake و Slackware

و لو احتجت له في برنامج أكييييييييييد ما سمعت به اسمه Flip4Mac ......و تقدر عن طريقه تشغل هذه الصيغة الي فضحتنا بها على الكوك تايم
الموقع كتبه خالد....

Flip4Mac يستخدم خصائص الـ Windows Media
دش الموقع الرسمي وشوف بنفسك

With the Windows Media® Components for QuickTime by Flip4Mac, you can play Windows Media files (.wma and .wmv) in QuickTime Player and view Windows Media content on the Internet using a web browser.
The Windows Media® Components for QuickTime have been highly optimized for G4 and G5 Macintosh computers and support playback of Windows Media HD>

اقرأ عدل
المبرمج شفط خصائص WMV اللي تجي مع Windows Media Player للماك .. ويظل مستخدم الماك غصباً على خشمه يستخدم هذا الكودك
وللعلم كمستخدم لنكس سابق الـ Mplayer وهو مشغل الافلام الجيد والشبه وحيد على اللنكس كان يستخدم Windows Media 8 Components ويتعذر عن تشغيل التاسع والعاشر ..

الوندوز يقدر يشغل جميع برامج المايكروميديا و برامج الأدوبي دفعة واحده؟
الوندوز يقدر يشغل في نفس الوقت 36 فيديو؟

كم عين عندك 36 عين؟
خلك واقعي منو الطيب هذا الكريم اللي بيشغل 36 فيديو دفعة واحدة ، و ليش؟

.......لا تعليق............أنا أعرف أن الوندوز يملك مكتبة مهولة من مشاكل النظام....و أيضاً واجد عليه أنك تشغل الفوتوشوب مع متصفح انترنت.....

حتى القرن هذا لم يصل نظام تشغيل الى الكفاءة 100% ، وكل برنامج فيه Bugs ان كان نظام تشغيل او غيره .. والدليل على كلامي نواة اللنكس اللي من بدأت وهي تحت البرمجة حتى الآن ووصلت النسخة 2.8 وهي تحت البرمجة أول بأول تبي تقنعني انه ماك ما فيه Bug واحد ؟ لماذا ابل تدعم نظامها بتحديثات اسبوعية؟ معناته الاخطاء موجودة و الـ Crash بالنظام اللهم يا كافي .

مو بس أنت يا خالد كل ناس تقدر تستغني عنه و لكن الكثير مخدوع بالأوفس هذا الي حق مايكروسوفت.....صحيح نسيت أقول أن الأوفس إلي على الماك مظهره أفضل من الوندوز..لول

ذكرتني بحالتي ايام كنت مقاطع لمايكروسوفت هههههه فقط اني سمعت من الشلة "Linux أقوى" وثبات ومن هذا الكلام، حطيته قاعد افكر الحمار اللي قال لي هالكلام شنو كان يفكر فيه ؟

 

[Sir Doyle]

ربسو.....ما في فايدة من الكلام و تاريخك في المنتدى يشهد بذلك....في ذمتك...في أحد أقنعك مرة و أقتنعت........و أسلوبك ما يتغير.......و أنت الوحيد الي فاهم في الدنيا و كل شيء عندك صح و الناس غلط.....و أنا حاولت أني استخدم نفس أسلوبك في التحدي و الكلمات الراقية مثل(أتحداك....و غصباً على خشمك)...بس حسيت بالندم لأني نزلت من أخلاقي....بس أريد أن أعرف كيف تنظر إلى الناس؟ ترى في ناس تفهم مو أنت الوحيد.....و أنا آسف جداً على الكلام اللي قلته....
و الله لو أجلس من الآن إلى يوم القيامة ما بتقتنع حتى لو كنت على اغلط.........و بصراحة أنا مو فاضي علشان أرد عليك و ترد علي(عارف السلفة ما بتنتهي لأنك ربسو)......و أنا مشغول جدأً مع الجامعة...كنت سأرد...بس بعد التفكير......الشخص الي جالس أكلمه ............
صدقني يا ربسو...في النهاية بهذا الأسلوب لن تجد أحد يناقشك......
و أعذرني مرة أخرى......بس حبيت أقولك كلمة أنت قلته في ردك الأخير....

المصيبة انك وراء شاشة وانا غالباً ما اصدق الا لمن اشوف -_-

على أسلوبك هذا...... أقدر أقولك أني نفس الشيء......بس أنا وراء شاشة و أحب أصدق الناس....لأني بين أشخاص أثق بهم......... ولست جالس بين أطفال....و كلنا إنشاءالله ثقة...

 

[rubso]

....
الى الآن تلف وتدور وطلعت برا الموضوع

 

[Sir Doyle]

انا ما طلعت برا الموضوع..........أقدر أرد بالتفصيل على ردك......بس أنا مو طفل علشان تجذبني..

و لو رديت هل بتقتنع....مستحيل.....و إلى متى أرد و اترد......
يا حبيبي أنت مو مستعد تسمع أو تقتنع من أحد ابداً....روح ابحث و شوف المقارنات بين الوندوز و الماك في المواقع و المجلات.....أنا ألي مستغرب منه أنك جربت الماك و قاعد تعيبه......وش أقول في التعصب .....

 

[rubso]

اعيد واقول لك انا ما اعيب الماك .. واكون غلطان اذا تكلمت فيه بالغلط وانه سيء، لكن النظرة السوداوية انه ما في نظام تشغيل غير Mac هو اللي يسوي لك ويسوي لك .. هذي نظرة تمر عليك فترة وتروح ، المستخدم العادي دايماً عنده الرغبة انه يجرب شي جديد ، فيقولون له "جرب الماك" ركب الماك .. -_- ويطيرون النظام لي السما، كأنه يخليك تعيش بعالم افتراضي آخر وهو اصلاً ما قدم شي ما قدر يقدمه الوندوز.. فهمت كيف؟
بالعكس اذا واحد وده يجرب الماك او اي نظام آخر، أحسن له تزيد خبرته بالانظمة ويتطور اكثر واكثر، مو انك تجيني وتقول لي "الويندوز خلاص انساه" بالاحلام طبعاً .. ايضاً اللي يستخدم ماك تجده متعصب ضد انظمة الوندوز ، ليش ؟ لا يوجد اجابه ..

 

[itachi]

أنا أبغى أعرف ليش التعصب والعناد :suspiciou
الويندوز : (أم المشاكل )
نظام يعتمد على الريجيستري ( أغلب المشاكل منها )
نظام الويندوز شوف أم البرامج اللي تشتغل ورى الكواليس أقلها 130 ميجا إلى 300 ميجا ( ويش بغى من الرام وتبيه يكون سريع )
الفيروسات كل شهر موديل وعلى كيف كيفك ...:exclamati
برامج الدنيا فيه والعفسة فيه ..
تبي حق ألعاب :bigSmile: على كيفك

الماك: (ولا شئ زي الحلاوه )
نظام لا ريجيستري ولا خرابيط.. يعني أم المشاكل راحت
ما يشتغل ورى الكواليس إلا الفايندر ( الأكسبلور حق الماك ) ولا ياخذ شئ من الرام..(يعني الجهاز بيشتغل زي الحلاوة )
فيه مايكروسوفت أوفيس وفيه غيره...ويش صار يعني المهم فيه ( خلاص ما تعطلت العالم )
يشغل كل صيغ الفيديو ...والميديا بلاير أكوه تنزل الكودك ويشتغل في الكويك تايم ..خلاص ليش الهدرة الزايدة ..المهم يشغل ولا لا >> أنا أصلا ما أستعمل هذي الصيغة :suspiciou
مسنجر فيه غيرة ويشغل كل شئ :arrows:
برامج الثري دي موجوده في الأثنين بس أتحداك تقول ما فيه فرق في الأداء

يعني حتى لو أفترضنا الجهازين مثل بعض الهاردوير ...بيكون الماك أقوى نظرا لطريقة عمل النظام :bigSmile:
في النهاية القرار راجع لماتريكس
من ناحية السعر الماك مو غالي لذيك الدرجة
أذكر نقطة أخيرة ....كل كلامي عن الجهازين نابع عن تجارب. عندك دويل وخالد يستخدمون الماك وعندك أناوأغلب أعضاء المنتدى أستخدم الويندوز وأعترف لك بالمشاكل اللي فيه ..:arrows:

 

[Sir Doyle]

بصراحة عجبني ردك.....بس المفهوم من كلامك السابق أنك قاعد تعيبه بالقوة.....
تقدر تجاوب على أسئلتي؟....
لماذا الي اتنقل للماك يسب الوندوز؟؟؟
أنا استخدم الماك....لماذ المشاكل أقل بكثثثثثثثثر(أكون كذاب إذا ما فيه مشاكل)....بس لا تقارن بالوندوز.؟؟؟؟؟؟
عندي لا بتوب تشويبا أعلى بالأرقام و المواصفات من المني ماك.....بس الي يسويه المني ماك أفضل من التوشيبا....تخيل في المني أقدر أفتح برامج الأدوبي و المايكروميديا في نفس الوقت و اشتغل فيه طبيعي ما هو السبب برأيك؟؟؟؟؟؟؟ لول... لا تقول لي أن التوشيبا خربان...أو تقول أني ما أفهم....!
و الماك عالمياً و ليس كلامي....هو أفضل نظام تشغيل للفيديو و الصوتيات و المرئيات.....

 

[rubso]

أنا أبغى أعرف ليش التعصب والعناد
الويندوز : (أم المشاكل )
نظام يعتمد على الريجيستري ( أغلب المشاكل منها )
نظام الويندوز شوف أم البرامج اللي تشتغل ورى الكواليس أقلها 130 ميجا إلى 300 ميجا ( ويش بغى من الرام وتبيه يكون سريع )
الفيروسات كل شهر موديل وعلى كيف كيفك ...
برامج الدنيا فيه والعفسة فيه ..
تبي حق ألعاب على كيفك

- وندوز ام المشاكل ومعك حق، اذا كان المستخدم غبي ومتخلف وما يعرف يسوي Uninstall حق برنامج فضلاً عن انه يركب خط او يركب برنامج ، بتطله مليار مشكلة، وفوقها تشغيل كراكات وبرامج فايروسات ..
- نظام يعتمد على الرجستري من Windows 3.11 اذا انت منزعج من الرجستري اعمل لك Tune UP ونظف الرجستري كل اسبوع، لكن محد يقول انه الرجستري ما اعطى شي للوندوز، بالعكس وفر لنا اداة ممتازة تساعد المبرمج الـ Noob انه يمضي يومه بكل راحة
- البرامج اللي تشتغل ورا الكواليس اغلبها تستخدم الـ virtual Memory يوصل الى 1 جيجابايت لو تبي يحاول انها ما يستهلك كثير من الرام
- برامج كثيرة محد غصبك انك تنزلها كلها ، انا الحين عندي خمس الى 10 برامج استخدمها فعلياً اشياء غيرها ما انزل بتاتاً.

الماك: (ولا شئ زي الحلاوه )
نظام لا ريجيستري ولا خرابيط.. يعني أم المشاكل راحت
ما يشتغل ورى الكواليس إلا الفايندر ( الأكسبلور حق الماك ) ولا ياخذ شئ من الرام..(يعني الجهاز بيشتغل زي الحلاوة )
فيه مايكروسوفت أوفيس وفيه غيره...ويش صار يعني المهم فيه ( خلاص ما تعطلت العالم )
يشغل كل صيغ الفيديو ...والميديا بلاير أكوه تنزل الكودك ويشتغل في الكويك تايم ..خلاص ليش الهدرة الزايدة ..المهم يشغل ولا لا >> أنا أصلا ما أستعمل هذي الصيغة
مسنجر فيه غيرة ويشغل كل شئ
برامج الثري دي موجوده في الأثنين بس أتحداك تقول ما فيه فرق في الأداء

أحلف لك انك ما استعملت ماك بحياتك ؟ وشفته بالتلفزيون او في معرض؟
نظام لا رجستري ولا شي؟ ههههههه يمدحون الـ XML Feeds لوووول
- تبي تشوف البرامج اللي تشتغل ورا الكواليس؟ هاهاهاهاهاهاها
اذا انت عندك ماك القديم شغل الـ Process Viewer وعد لي كم برنامج شغال مو اقل من 100 ورا الكواليس ونصها من السستم
اذا انت نظامك جديد افتح الـ Activity Monitor من الابلكيشنز بعدين الـ Utility وعد وخربط، ومعقولة ولا ياخذ شي من الرام؟ جهاز بدون رام؟ هممممم عيد النظر بالمسألة

يشغل كل صيغ الفيديو ...والميديا بلاير أكوه تنزل الكودك ويشتغل في الكويك تايم ..خلاص ليش الهدرة الزايدة ..المهم يشغل ولا لا >> أنا أصلا ما أستعمل هذي الصيغة

أعيد واكرر الكودك المستخدم داخل الكويك تايم ، هو مال مايكروسوفت Windows Media ، تبيني اقولها لك بأي لغة على شان تفهم؟

برامج الثري دي موجوده في الأثنين بس أتحداك تقول ما فيه فرق في الأداء

اقرأ ردي عن برامج الجرفكس فوق ( كل برامج الجرافكس واكثر منها موجودة على الوندوز ) وبالمناسبة هذي لازم اعيدها برنامج XSI SoftImage المستخدم في العاب مثل اونيموشا و Metal Gear نسخة البلاي 3 الجزء الرابع يستخدم هذا البرنامج وعلى الـ Windows XP .واقول لك تحلم تحصل هالبرنامج على الماك !

يعني حتى لو أفترضنا الجهازين مثل بعض الهاردوير ...بيكون الماك أقوى نظرا لطريقة عمل النظام

نزل الماك اللي انا حاطه في الرابط بالصفحة الاولى .. واستعمله لمدة اسبوع وعطنا رأيك وابصم لك بالعشرة ومتأكد من كلامي انا الحين انه حتى Mr.Doyle اللي يقول انه على طول ماك، متأكد انا انه قاعد يستخدم وندوز الآن هههه وايضاً خالد 24 ساعة وندوز .. اذا دخل بالمزاج يروح يشغل ماك .. مستحيل يفترقون عن الوندوز