[إشاعة] CoD Ghosts و Titanfall بيكونوا 720p على الXbox One (المزيد من الأخبار السيئة)

[The Doctor]

أوكي، ما كنت أدري عن هالشي... يخليني جداً قلق وش اللي بيصير.

حتى Gies قاعد يأكد أشياء سيئة.
لو أنا حاط على الجهاز pre-order كان كنسلته الحين و انتظر لبعد اللنتش أشوف وش بيصير.

 

[Nasser]

ليه احس عبدالله كنسل البري أوردر ؟

 

[kiko]

ماشوفه خبر سئ

الكونسول قدراتها محدودة ليش مفاجأة يعتبره البعض ؟!!



البس4 علق و هنق و كان بيذوب من الحرارة اثناء عرض مباشر للعبة ناك !!!

 

[Nasser]

^

ونسيت تقول انه انفجر.

ايش دخل محدودية الكونسول في الدامج كنترول اللي فاعده تحاول تسويه مايكرو على النقاط اللي طالعه لها كم يوم ؟

لا تخلط الحابل بالنابل الله يهديك.

 

[The Doctor]

ماشوفه خبر سئ

الكونسول قدراتها محدودة ليش مفاجأة يعتبره البعض ؟!!

خلاص مدام محدودة نظل على نفس الجيل ذا بعد...

 

[MAX40]

ماشوفه خبر سئ

الكونسول قدراتها محدودة ليش مفاجأة يعتبره البعض ؟!!

البس4 علق و هنق و كان بيذوب من الحرارة اثناء عرض مباشر للعبة ناك !!!

خذ البي سي حقك و حطه جوا كرتون مقفل و ألعب كرايسس 3 أبي أشوف هل يصمد ولا لا ؟

من المواصفات المحطوطة و من أستهلاك الطاقة فـ مشاكل الحرارة أخر شيء تتوقعه من البلاي ستيشن 4 أو الأكس بوكس ون

 

[kiko]

^

ونسيت تقول انه انفجر.

ايش دخل محدودية الكونسول في الدامج كنترول اللي فاعده تحاول تسويه مايكرو على النقاط اللي طالعه لها كم يوم ؟

لا تخلط الحابل بالنابل الله يهديك.

مالي دخل بالدامج كنترول


اتكلم عن موضوع ال720p


رضيتو فيه مع البس3 و ال360 و كان واضح انها ضحك عالذقون و الحين نشبتو للاجهزة الجديدة ؟؟

 

[kiko]

خلاص مدام محدودة نظل على نفس الجيل ذا بعد...

ماشوف ترابط بين ردك و ردي



عالعموم قالها لكم دون ماتريك الي مايبي الاكس1 عنده ال360 يتسلى فيه لوووولز

 

[kiko]

خذ البي سي حقك و حطه جوا كرتون مقفل و ألعب كرايسس 3 أبي أشوف هل يصمد ولا لا ؟

من المواصفات المحطوطة و من أستهلاك الطاقة فـ مشاكل الحرارة أخر شيء تتوقعه من البلاي ستيشن 4 أو الأكس بوكس ون

الكونسول الجديدة كراتين مقفله ؟؟ حسب علمي البس4 فيه فتحات تهوية و الاكس1 فيه مروحه عملاقة و فتحات تهوية كثيرة !!!

 

[The Doctor]

مالي دخل بالدامج كنترول


اتكلم عن موضوع ال720p


رضيتو فيه مع البس3 و ال360 و كان واضح انها ضحك عالذقون و الحين نشبتو للاجهزة الجديدة ؟؟

في 2005 و 2006 كان أبجريد للكونسولز خصوصاً إن حتى الHDTV's بعدهم ما ينتشروا... لا تسوي روحك ما تدري >.>

 

[Zesky]

الكونسول الجديدة كراتين مقفله ؟؟ حسب علمي البس4 فيه فتحات تهوية و الاكس1 فيه مروحه عملاقة و فتحات تهوية كثيرة !!!

عبقري.

 

[kiko]

عبقري.

استهزاء و لا مدح ؟!!

 

[hussien-11]

خالد، ما يحتاج نلف و ندور علشان نكتب أشياء غير صحيحة
يا ريت تتأكد من ردودك و كلامك قبل لا تكتبه في تروجيمنج، انت الان صرت واحد من الأعضاء المعروفين في المنتدى و يحتاج تحاسب على كلامك قبل لا تكتبه! مش تحط لنا خرابيط زي سالفة غلاف جالاكسي
البلاي ستيشن4 صارله over heating لأنه الأجهزة كانت مدفونة بداخل صناديق زجاجية لحماية وحدات العرض من السرقة، فبلاش سالفة انه بينفجر علشان Knack و هذا الكلام الفاضي
انت و انا نعرف انها مجرد لعبة لنش و لا تمثل حتى 10% من المستوى النهائي الي بنشوفه من الجهاز في السنوات القليلة المقبلة.

 

[kiko]

في 2005 و 2006 كان أبجريد للكونسولز خصوصاً إن حتى الHDTV's بعدهم ما ينتشروا... لا تسوي روحك ما تدري >.>

اتكلم عن الجيل كامل

 

[kiko]

خالد، ما يحتاج نلف و ندور علشان نكتب أشياء غير صحيحة
يا ريت تتأكد من ردودك و كلامك قبل لا تكتبه في تروجيمنج، انت الان صرت واحد من الأعضاء المعروفين في المنتدى و يحتاج تحاسب على كلامك قبل لا تكتبه! مش تحط لنا خرابيط زي سالفة غلاف جالاكسي
البلاي ستيشن4 صارله over heating لأنه الأجهزة كانت مدفونة بداخل صناديق زجاجية لحماية وحدات العرض من السرقة، فبلاش سالفة انه بينفجر علشان Knack و هذا الكلام الفاضي
انت و انا نعرف انها مجرد لعبة لنش و لا تمثل حتى 10% من المستوى النهائي الي بنشوفه من الجهاز في السنوات القليلة المقبلة.

حسين المقصد ان كل شي يصير مع البس4 محد يذمه و الاكس1 اقل حاجة ينذم عليها



لنش الاكس1 اقوى من البس4 و محد مهتم الكل يدقق على 720 و 900p و الكل يدري انها كلام فاضي لما تشبكها على تلفزيون بسكيل جيد جدا ( اي تلفزيون نزل من 2008 و طالع )


و انا احاسب على كلامي و ماقط شي الا و له هدف , المشكله اللي يقراه بسرعه و مايفهمه

 

[The Doctor]

اتكلم عن الجيل كامل

الجيل استمر 8 سنين.

 

[hussien-11]

حسين المقصد ان كل شي يصير مع البس4 محد يذمه و الاكس1 اقل حاجة ينذم عليها
لنش الاكس1 اقوى من البس4 و محد مهتم الكل يدقق على 720 و 900p و الكل يدري انها كلام فاضي لما تشبكها على تلفزيون بسكيل جيد جدا ( اي تلفزيون نزل من 2008 و طالع )
و انا احاسب على كلامي و ماقط شي الا و له هدف , المشكله اللي يقراه بسرعه و مايفهمه

هذا ما يمنع انك تكتب كلام متعصب أو مضلل في الكثير من الأحيان و بصراحة هذا شيء مرفوض في المنتدى، أساس TG هو النقاش الهادف مش النقاش التعصبي، ما نقدر نلغي التعصب من قلوب الناس لكن نقدر نضبط النقاشات على الأقل

هذا الموضوع بالذات يناقش أخبار سلبية عن نسخ الإكس بوكس ون من ألعاب الملتي، و الفكرة مش أن الكاتب و لا الأعضاء يكرهوا الجهاز و السلام، لكن اذا نسخة الإكس بوكس ون من CoD ( أقوى لعبة ملتي و الأكثر مبيعاً على الإكس ) تشتغل على 720P "مع ملاحظات أخرى"، و في المقابل نسخة البلاي4 تشتغل 1080P فهذا شيء لازم تعرفه، من يدري ؟ يمكن يكون حاسم في قرار الشراء بالنسبة لعدد من الناس هنا، لأنه هالمكان بوابة لهم كمصدر احترافي لأخبار الألعاب، و المبلغ الإضافي الي بيصرفوه على الجهاز مش قليل

أيضاً، إذا البداية و هيك، ايش بيصير لقدام بألعاب الملتي ؟ هذا شيء مُقلق لبعض جمهور الجهاز، خصوصاً مع أفضلية ألعاب الملتي على منصة الإكس بوكس360 طوال الجيل.

 

[Rare Games]

اتكلم عن الجيل كامل

وين الربط بالموضوع تريدني اطالب اجهزة عتيقه تتحمل فوق قدراتها مثلا ؟

اكيد خلال الجيل كامل راح ارضى 720بي كخيار مفروض علي واقعيا كون الاجهزة ما تتحمل والكونسول محدود

لكن لما ينزل كونسول جديد طبيعي اطالب بقدرات اقوى ؟

احس الخلط صاير رهيب بردودك وخصوصا انت اكثر من يتكلم عن محدودية الكونسول

 

[kiko]

الجيل استمر 8 سنين.

8 سنين محد زعل من ال600p بغض النظر عن ال1080p المكتوبة من ورا



كنت أظن اني انا الي مايهمة الا الرزلوشن و الجرافيكس و غيري يهمهم الالعاب فقط لا غير و الحين انتو تثبتون العكس

 

[kiko]

هذا ما يمنع انك تكتب كلام متعصب أو مضلل في الكثير من الأحيان و بصراحة هذا شيء مرفوض في المنتدى، أساس TG هو النقاش الهادف مش النقاش التعصبي، ما نقدر نلغي التعصب من قلوب الناس لكن نقدر نضبط النقاشات على الأقل

هذا الموضوع بالذات يناقش أخبار سلبية عن نسخ الإكس بوكس ون من ألعاب الملتي، و الفكرة مش أن الكاتب و لا الأعضاء يكرهوا الجهاز و السلام، لكن اذا نسخة الإكس بوكس ون من CoD ( أقوى لعبة ملتي و الأكثر مبيعاً على الإكس ) تشتغل على 720P "مع ملاحظات أخرى"، و في المقابل نسخة البلاي4 تشتغل 1080P فهذا شيء لازم تعرفه، من يدري ؟ يمكن يكون حاسم في قرار الشراء بالنسبة لعدد من الناس هنا، لأنه هالمكان بوابة لهم كمصدر احترافي لأخبار الألعاب، و المبلغ الإضافي الي بيصرفوه على الجهاز مش قليل

أيضاً، إذا البداية و هيك، ايش بيصير لقدام بألعاب الملتي ؟ هذا شيء مُقلق لبعض جمهور الجهاز، خصوصاً مع أفضلية ألعاب الملتي على منصة الإكس بوكس360 طوال الجيل.

انا ماتعصبت بس لاحظت حاجة و أشرت إليها



ندري ان الاكس1 أضعف من البس4 ...... الخ بس هل بنقعد نحش بجهاز و نخلي الجهاز الاخر ؟؟ صحيح ان البس4 اقوى و ارخص بس لما يصدر عليه شي غير لعبتين و كم لعبه ملتي شفناهم لايف بمشاكل تقنية ( العاب يوبي ) ؟؟




لكم حرية النقاش بس لما يكون فيه توجه واحد سلبي بخصوص كونسول مشكلة

 

[Black JK]

بخصوص Killer Instinct كون اللعبة تشتغل على 720p افضل بكثير من ان تكون 1080p وصراحة اشكرهم على هالشيء، اهم شيء الفريم ريت في العاب القتال حتى لو كان الريزلوشن 480p

 

[hussien-11]

انا ماتعصبت بس لاحظت حاجة و أشرت إليها
ندري ان الاكس1 أضعف من البس4 ...... الخ بس هل بنقعد نحش بجهاز و نخلي الجهاز الاخر ؟؟ صحيح ان البس4 اقوى و ارخص بس لما يصدر عليه شي غير لعبتين و كم لعبه ملتي شفناهم لايف بمشاكل تقنية ( العاب يوبي ) ؟؟
لكم حرية النقاش بس لما يكون فيه توجه واحد سلبي بخصوص كونسول مشكلة

مثل ما قلت لك يا خالد، الموضوع مش مفتوح لحش الإكس بوكس ون، ذكر الحقائق أو مناقشتها مش "تعصب"
الموضوع مفتوح من البداية للإشارة أن هناك فرق في لعبة كول اوف ديوتي بشكل غير متوقع بين الجهازين
و هذا شيء يستحق النقاش، ايش سبب هذا الفرق ؟ هو غالباً سوء أدوات التطوير للإكس بوكس ون و مش متعلق بقدرات الجهاز التقنية
لكن هدف الموضوع هذا بالذات مش تعصبي أبداً، و مش لازم نخترع أشياء بالتالي لحش جهاز دون الآخر، خصوصاً و أننا نعرف انها غير صحيحة

و أيوة، أنا قلت من البداية أن قائمة اللنش ضعيفة للجهازين حتى ( و هالكلام قبل تأجيل ووتش دوجز و درايف كلوب ) و لا زلت أشوفها ضعيفة و ما تسوى حالياً، و قلت أن قائمة لنش البلاي ستيشن4 أسوأ من الإكس بوكس ون، و نعم فيه ناس زعلت P: لكن ايش تقول ؟ وجهات نظر في النهاية.

 

[kiko]

مثل ما قلت لك يا خالد، الموضوع مش مفتوح لحش الإكس بوكس ون، ذكر الحقائق أو مناقشتها مش "تعصب"
الموضوع مفتوح من البداية للإشارة أن هناك فرق في لعبة كول اوف ديوتي بشكل غير متوقع بين الجهازين
و هذا شيء يستحق النقاش، ايش سبب هذا الفرق ؟ هو غالباً سوء أدوات التطوير للإكس بوكس ون و مش متعلق بقدرات الجهاز التقنية
لكن هدف الموضوع هذا بالذات مش تعصبي أبداً، و مش لازم نخترع أشياء بالتالي لحش جهاز دون الآخر، خصوصاً و أننا نعرف انها غير صحيحة

و أيوة، أنا قلت من البداية أن قائمة اللنش ضعيفة للجهازين حتى ( و هالكلام قبل تأجيل ووتش دوجز و درايف كلوب ) و لا زلت أشوفها ضعيفة و ما تسوى حالياً، و قلت أن قائمة لنش البلاي ستيشن4 أسوأ من الإكس بوكس ون، و نعم فيه ناس زعلت P: لكن ايش تقول ؟ وجهات نظر في النهاية.

صحيح الموضوع فالاساس مب لحش الاكس1 بس مادري كيف تحول لهالتوجه و تقريباً 99% من مواضيع الاكس1 تتحول لهالتوجه


ع كل حال الكل حر يتناقش بالموضوع الي يعجبه بس حبيت انوه عن هالنقطة , مانبي المنتدى يصير بؤرة لافكار نيوجاف لا اكثر

 

[hussien-11]

صحيح الموضوع فالاساس مب لحش الاكس1 بس مادري كيف تحول لهالتوجه و تقريباً 99% من مواضيع الاكس1 تتحول لهالتوجه


ع كل حال الكل حر يتناقش بالموضوع الي يعجبه بس حبيت انوه عن هالنقطة , مانبي المنتدى يصير بؤرة لافكار نيوجاف لا اكثر

كويس انك ذكرت هالنقطة، بإذن الله أنا أطمح أننا نخلق بيئة نقاش أفضل من جاف و بكثير كمان
يمكن ما نقدر نكوّن بيئة بنفس النشاط، بسبب فرق اللغة ( كل العالم يتحدث الإنجليزية حتى العرب )
لكن، نقدر نخلق بيئة نقاش أفضل لو كان عندنا حرص كإدارة و أعضاء على طرح المواضيع النقاشية الهادفة باستمرار، الي تعبر عن فكرنا و شخصيتنا كلاعبين عرب نملك تجربتنا الخاصة و فكرنا الخاص
أنا أعتبر النقاشات القديمة في منتدى المنتدى و جيم ماستر أيام عزهم أفضل بكثير من جاف، و نتج عنهم أقلام ذهبية أنا و غيري تعلمنا منها كثير، كنت تشوف فعلاً فعلاً مجهودات "خرافية" في كتابة المواضيع و تحليل الألعاب و النقاشات، تحليلات ألعاب مثل سايلنت هيل و متل جير و ريزدنت ايفل القديمة، ما شفت شيء أفضل منها على مستوى كل شبكة الإنترنت، حتى مراجعات الألعاب كان فيه أشخاص يكتبوا بأساليب رهيبة و احترافية جداً و مراجعاتهم تناطح المراجعات الأجنبية و تتفوق عليها
هذا الشي الي أطمح أرجعه لتروجيمنج مرة ثانية و بشكل أحسن من السابق أيضاً ان شاء الله، بتشوفوا آثار هالخطوات في المستقبل القريب بإذن الله. و هالشي في النهاية ما بيتحقق بدون مجهوداتكم و تعاونكم معانا كأعضاء ( فقط كلام في خاطري و حبيت أقوله ).

 

[HARD]

بخصوص Killer Instinct كون اللعبة تشتغل على 720p افضل بكثير من ان تكون 1080p وصراحة اشكرهم على هالشيء، اهم شيء الفريم ريت في العاب القتال حتى لو كان الريزلوشن 480p

 

[hussien-11]

ايش فيك ؟ كلامه صحيح، ألعاب القتال من أكثر الألعاب الي تستفيد من الـ60 إطار.

 

[HARD]

ايش فيك ؟ كلامه صحيح، ألعاب القتال من أكثر الألعاب الي تستفيد من الـ60 إطار.

ماكن اعتراضي على عدد الاطارات في اللعبه ...بس استغربت انه يفضل الـ٧٢٠p على الـ1080p مع ان الفرق ماهو بسيط.

 

[m5050]

^^

شكلك فهمت الرد غلط .. قصده لو ضحوا بتقليل الرزلوشون مقابل زياده عدد الفريمات لكل ثانيه يكون افضل

 

[HARD]

انا فاهم قصده بس ليش يضحون من الاساس ؟ مب المفترض تكون اللعبه شغاله على١٠٨٠p و ٦٠ اطار ؟
ليش نرضى انها تكون ٧٢٠ بدل ١٠٨٠ ؟

 

[SAUD~F-16]

ماكن اعتراضي على عدد الاطارات في اللعبه ...بس استغربت انه يفضل الـ٧٢٠p على الـ1080p مع ان الفرق ماهو بسيط.

مقصده هو ريزلوشن اقل= فريمات اكثر. ولا طبعا مافي احد يفضل 720 على 1080. ولا كان ما انفتح الموضوع هذا من البداية.