Mario2
True Gamer
مهنه ابداعيه على العين والراس بس القصد هنا يقدرون يسوون ريبوت للسلسله بافكار وطرق جديده .أخوي هذي مهنة إبداعية ومش مجرد وظيفة اعتيادية للعاملين فيها، قدرات الناس في الحياة تتفاوت، "النفس" الي عندهم يتفاوت مش الكل يقدر يظل يشتغل على نفس الشيء للأبد، لا تقارن باليابانيين، اليابانيين ناس مخلصة جداً وصبورة جداً، صبورة أكثر من أي شعب ثاني، في اليابان عادي تشوف مؤلف مانجا يكرس حياته كلها لقصة وحدة ويكتبها على مدار ثلاثين وأربعين سنة بشكل "أسبوعي"، هذا شيء ما تشوفه خارج اليابان
ومين قال أن نوتي دوغ ما حاول أو جرب يسوي شيء مختلف؟ أجل ليش راحوا سووا The Last of Us والآن بيسووا جزء ثاني منها؟ وليش حاولوا ينهوا سلسلة أنشارتد؟
على كل حال ريترو فريق صغير حجماً رغم قدراتهم الكبيرة، لذلك توقعاتي لهم هي على قدر حجم الفريق. فوق ذلك، ريترو صحيح استوديو غربي، لكنه جزء من ننتندو وفريق طرف أول، وبالتالي من البديهي والطبيعي يشتغل على شخصيات ننتندو وعناوين ننتندو نفسها.
انشارتد حسين للان يكملونها ومن نفس الفريق ولو انها مش من ضمن طاقم العمل الاصلي ،وسلسلة دونكي كونج محد طلبها اصلا ولو انه الجزء الاول كان ممتاز لكن الثاني محد طلبه ولا حتى قدرت اكمله من الملل ، اجل اي ابداعي يطلبونه والمخرج السابق للسلسله سوا لعبه باشياء قريبه من اسلوب ميترويد ، يعني ما كان مثلا يقدر يصمم بعض الاشياء اللي كانت ممتازه في ريكور ؟! السلسله حسين من ٢٠٠٨ وما سمعنا عنها خبر وصارلها ٨ سنوات موت سريري، مش ننتندو حالبه ماريو وزيلدا وباقي الاسماء وكثير العاب فرعيه منها طلعت فاشله وقاعده تبيع على الاسم ؟ مش هي ننتندو مولت بايونيتا اللعبه الغير ناجحه تجاريا ولا فاتل فريم ؟ مش احسن ننتندو تهتم بسلسله طالما كانت ايقونية لهم منذ دخولها سوق الالعاب ؟! واضح الاهتمام الشديد بميترويد لدرجة انهم ما يحتفلوا فيها بشكل سنوي والفانز مصممين حسابات وتبريكات ما بينهم كل سنه ؟ حاله يرثى لها وصلت فيها ننتندو في تدمير اسم ميترويد.