أين تفضل مشاهدة الافلام في البيت ام في السينما

[XORO]

السلام عليكم

الموضوع باين من عنوانه فـ أيهم أفضل لك البيت ام السينما

أنا سابقا كنت أفضل السينما لكن حاليا يمكن في السنة ادخل مرتين صرت ما احس بالراحة
ومتعة المشاهدة بسبب الازعاج اللي عنده أطفال يبكون واللي مزعجنا بالبلاك بيري وغيره

فحاليا أفضل البيت اقدر اشوف براحتي على تلفزيوني المتواضع

في ناس تصرف آلاف الدراهم عشان يخلقون جو سينمائي في البيت يغنيهم
عن السينما والبعض يكتفي انه يشوف الفيلم في الابتوب ومع السلامة

أين تفضل مشاهدة الافلام في البيت ام في السينما
​

 

[Wind Rider]

اللابتوب لا يعلى عليه

 

[Veeto]

:joy: خاطري اسمع تعليقات اخواننا السعوديين :joy:

===

انا افلام البلوكبستر .. احبها بالسينما .. وبقية الانواع بالبيت

 

[NO1]

ما يهم على حسب الفلم هل أريد أشوفه فورا .. وهل هناك نسخة صافية متوفرة في الإنترنت له ؟
اذا نعم في البيت في فراشي مع الابتوب
لا في السينما

 

[ibrahimJ]

:joy: خاطري اسمع تعليقات اخواننا السعوديين :joy:

 

[hno]

^^ LOOOL
صوره في مكانها وربي xD
آلمهم عآد إحنا بالسعوديه مافي سينما وأنا بصراحه ودي أجرب شعور السينما لأن ماقد شفت موفي بسينما وهيك
الموهيمم عاد
لما أشوف فلم أشوفه على لابتوبي والسلامم D:

 

[FANTASTIC DREAM]

:joy: خاطري اسمع تعليقات اخواننا السعوديين :joy:

===

انا افلام البلوكبستر .. احبها بالسينما .. وبقية الانواع بالبيت

أصلاً عادي.. عندنا دبي.

يا خي لو واحد سوا مشروع تجاري من التجار الكبار اللي عندنا وفتح سينما , هل الحكومه بتحاسبه؟

 

[Ray Gun]

الافلام الكوميدية مااحب اشوفها لحالي
في المزرعة مع العيال او ف سينما
لان اغلب الافلام الكوميدية بايخة ، و اضحك على ضحكة الي يضحكون مااضحك على الفلم k_hand:

 

[The Doctor]

أفلام الأكشن أشاهدها في السينما بما إنها، عادةً، تستفيد من ال4k و النظام الصوتي.
العادة أروح بعد حول الشهر من صدورها لتفادي الزحمة و الروائح المقرفة للأكل اللي الناس تاخذه معاهم للفلم

إذا أبشاهد دراما، أو حتى كوميدي بحت، فالأفضل في البيت. الحمدلله عندي تلفزيون جيد جداً و Netflix دلعنا بالSuper HD تبعهم، جودته ممتازة جداً

 

[Rain]

أطق مشوار للبحرين ولا أنطق بالبيت واتفرج على اللابتوب.

 

[The Last Lombax]

جربت أشوف كم فيلم في السينما، تجربة سيئة.
حلاتها في البيت أو مع الشباب.

 

[Arashi]

ومتعة المشاهدة بسبب الازعاج اللي عنده أطفال يبكون واللي مزعجنا بالبلاك بيري وغيره
​

فعلا مشكله...اللي يقهر ان مسموح للأطفال حتى بدخول افلام الرعب والـ18+ (مقطعه صح لكن تظل فيها عنف وامور ما تناسب اطفال)
هذا غير اللي يصورون لك الشاشه كل شوي طلع مشهد حلو عشان يروون الناس عالانستقرام انهم حاضرين الفلم...تخلف


أفضّل مشاهدة الافلام في السينما لسببين:

1-انها مقطعه ومافيها مشاهد وسخه
2-احيانا من زود الحماس ما يكون لي صبر لين تنزل نسخة البلوراي :satisfied::v:


ولو بفضّل البيت لأفلام معينه بكون لسبب واحد وهو ان الفلم ما يسوى سينما (ونظيف طبعا)
​

 

[Blue Blood]

السينما لمن اروح مع اصدقائي و أخش على فلم سطحية، لكن لمن اشوف فلم زي كابتن اماريكا، سوبرمان، باتمان و غيرها احب اشوفها لحالي، لاني اوقف الفلم و اخش الويكيبيديا و اقعد احلل بالشخصيات. ما عمري حبيت اشوف فلم بالبيت مع احد، و افلام اللابتوب تركتها من أكثر من خمس سنوات ولا عاد أبي أرجع لها.

 

[game for new]

انا افضل في السينما مع الجماعة لكن مثل ماقال صاحب الموضوع الأطفال والسوالف داخل السينما تكره الواحد فيها....في العيد،دخلت فيلم down planet of apes الفيلم كان خوورافي لكن تمنيت لو شفته لحالي الأطفال وصريخهم تخليك تحس روحك في الحضانة ويطلعك من اجواء الفلم.

 

[Wind Rider]

بالمناسبة في احد مثلي يشوف الفلم على اكثر من جلسة و كانها حلقات مسلسل ؟

 

[SCREAMING_RAGE]

ما احب اكون الشخص اللي يتفلسف و يعمل نفسه " انا الشخص الخبير في كل شئ... حتى السينيما ".............. لكن اسمحولي, بأتفلسف غصبن عني في هذا الرد.


اغلب الناس اللي عندنا يقولون " نبغى سينيما ..... نبغى سينيما " من منطق " ليش هم عندهم واحنا ما عندنا " :/

في البداية انا كنت مثلكم, لكن في النهايه اكتشفت ان اغلب الاشخاص اللي رايحين السينيما في بريطانيا, اللي طالعين على date.

نادراً جداً جداً جداً جداً, ما تشوف مجموعة شباب (( 2 أو 3 اولاد )) طالعين لحالهم السينيما و رايحين يتفرجوا فلم............ قسماً بالله نادراً.

حتى الافلام اللي من جد شقيه, و تحسها ما تنفع الا للأولاد فقط ........ تشوف 90% من الحضور طالعين مع زوجاتهم ولا صديقاتهم او اي شئ ثاني........ وهذا الشئ شفته بنفسي في السينيما في ثلاثية The hangover و the inbetweener و غيرها من هذه الافلام.

و الشخص اللي يروح السينيما لحاله علشان يتفرج فلم.............. هذا المفروض يروح دكتور نفساني لأني اظنه يعاني من اكتئاب حاااد جداً.


و ثكراً .

 

[idr]

كل الافلام في البيت مستحيل أروح السينما لاسباب
لايوجد سينما:no_mouth: للاسف السينيما الوحيد في الجزائر موجودة في العاصمة
2 حتى ولو رحت ليها أقرف ناس عاملين شات أثناء الفيلم يجيبون الاطفال معاهم الاكل معاهم وكل حاجة
3 الافلام المعروضة تقرف مافي أفلام جديدة أو تستحق المشاهدة
4 الافلام كما هي لا يوجد مشهد مخل يحذف لا رقابة

فلا يوجد سبب يخليني أروح للسينيما أتفرج حلى أيفوني الفور اس أبو شاشة 3.5 انش ولا أروح للسينما

 

[The Last Lombax]

بالمناسبة في احد مثلي يشوف الفلم على اكثر من جلسة و كانها حلقات مسلسل ؟

أنا أسوء @@، الحلقة الوحدة أشوفها على جلسات.

 

[W.W.W]

ميييه لسينما بكبرها , عندي شاشه 40 بوصه فل اش دي نقاوتها عاليه جدا وعندي مسرح منزلي , لمن اطفي النور وأعلي على السماعات بنسى شي اسمه سينما

السينما لها جوها , لكني افضل مشاهدت كل شي في البيت

 

[ACE 47]

أفضل مشاهدة الافلام لحالي خاصة اذا كان الفيلم درامي أو تاريخيk_hand:...أحيانا الشباب يطلعونك من أجواء الفيلم..الي يسألك عن الاحداث وهو قاعد يتابع معاك :joy: والي يدق جواله ويوقف الفيلم وننتظره الين مايخلص ..السينما جربتها مره وحده وكرهتها

 

[hno]

بالمناسبة في احد مثلي يشوف الفلم على اكثر من جلسة و كانها حلقات مسلسل ؟

LoooL
أنا كذآ :no_mouth::sweat_smile:

 

[Unknown]

غرفة النوم عندي فيها 55 بوصه .. بس مستحيل شي يتقارن بالسينما
ع الاقل لو بالسينما بتكون كل انتباهك بالفلم اما البيت او مع الشباب
تلقانا كلنا ماسكين الجوال اكثر من مانشوف الفلم هههه

 

[loop]

مشكلة السينما بدول الخليج

- التقطيع
- الأطفال ( حتى بأفلام +18 )

ومشكلة السينما بشكل عام إزعاج بعض الناس ( يضحك باللقطات المرعبه ..الخ ) وما تقدر تاخذ بريك او تعيد لقطه متى ما بغيت

فا أفضل شي هو غرفتي :sweat_smile: ويفضّل لو كنت لحالي .. ما احب اشوف أفلام مع احد الا لو افلام تجاريه خفيفه ، اما الثقيل والعميق أفضل لحالي

 

[Rain]

ما احب اكون الشخص اللي يتفلسف و يعمل نفسه " انا الشخص الخبير في كل شئ... حتى السينيما ".............. لكن اسمحولي, بأتفلسف غصبن عني في هذا الرد.


اغلب الناس اللي عندنا يقولون " نبغى سينيما ..... نبغى سينيما " من منطق " ليش هم عندهم واحنا ما عندنا " :/

في البداية انا كنت مثلكم, لكن في النهايه اكتشفت ان اغلب الاشخاص اللي رايحين السينيما في بريطانيا, اللي طالعين على date.

نادراً جداً جداً جداً جداً, ما تشوف مجموعة شباب (( 2 أو 3 اولاد )) طالعين لحالهم السينيما و رايحين يتفرجوا فلم............ قسماً بالله نادراً.

حتى الافلام اللي من جد شقيه, و تحسها ما تنفع الا للأولاد فقط ........ تشوف 90% من الحضور طالعين مع زوجاتهم ولا صديقاتهم او اي شئ ثاني........ وهذا الشئ شفته بنفسي في السينيما في ثلاثية The hangover و the inbetweener و غيرها من هذه الافلام.

و الشخص اللي يروح السينيما لحاله علشان يتفرج فلم.............. هذا المفروض يروح دكتور نفساني لأني اظنه يعاني من اكتئاب حاااد جداً.


و ثكراً .

الفكرة هي توفير مصادر Entertainment أكثر, سواء للعوائل او الافراد.

 

[ABUALI]

السينما دائما زحمه والله يعينك ع باركات الستي سنتر.... انا ما اروح اللا اذا كنت ابغي اغير جو مع زوجتي... غير هذا انا وزوجتي نحب نشاهد الافلام الكلاسيكيه في البيت

 

[Raziel]

بصفة عامة جربت أشوف معظم الجنرا في السينما، تقنياً أفلام الأكشن والكوميديا لها جوها في السينما وحتى لو كان عادي ترتفع قيمته هناك.
البقية ممكن جلسة البيت أفضل بالذات الدرامية والأفلام الطويلة (لسبب معروف ما يحتاج أشرح )

ما احب اكون الشخص اللي يتفلسف و يعمل نفسه " انا الشخص الخبير في كل شئ... حتى السينيما ".............. لكن اسمحولي, بأتفلسف غصبن عني في هذا الرد.


اغلب الناس اللي عندنا يقولون " نبغى سينيما ..... نبغى سينيما " من منطق " ليش هم عندهم واحنا ما عندنا " :/

في البداية انا كنت مثلكم, لكن في النهايه اكتشفت ان اغلب الاشخاص اللي رايحين السينيما في بريطانيا, اللي طالعين على date.

نادراً جداً جداً جداً جداً, ما تشوف مجموعة شباب (( 2 أو 3 اولاد )) طالعين لحالهم السينيما و رايحين يتفرجوا فلم............ قسماً بالله نادراً.

حتى الافلام اللي من جد شقيه, و تحسها ما تنفع الا للأولاد فقط ........ تشوف 90% من الحضور طالعين مع زوجاتهم ولا صديقاتهم او اي شئ ثاني........ وهذا الشئ شفته بنفسي في السينيما في ثلاثية The hangover و the inbetweener و غيرها من هذه الافلام.

و الشخص اللي يروح السينيما لحاله علشان يتفرج فلم.............. هذا المفروض يروح دكتور نفساني لأني اظنه يعاني من اكتئاب حاااد جداً.


و ثكراً .

هههههههه خالد هذا نمط سلوكي ببريطانيا ما تقدر تطبقه على الجميع، لا تنسى في دور عرض صغيرة وLimited مخصصه لعشاق الأفلام بشكل خاص.
بصراحة أنا لاحظت ملاحظة مشابهة لملاحظتك: فيه ناس عشوائية تحضر أفلام مب حباً فيها أكثر من محطة dating. تقدر تشبهها بالأطفال اللي يدخلون محلات الفيديو جيمز ويشتري له أبوه ألعاب عشوائية والكل سعيد

 

[CODE-X]

الفكرة هي توفير مصادر Entertainment أكثر, سواء للعوائل او الافراد.

الحقيقة هي مثل ما قال خالد اتفق معاه من اللي شفته. بحكم ان في كثير دول عربية اخرى السينما فاشلة عموما و ما احد لمها.




_____________


شخصيا احب اشوف الافلام لوحدي في البيت.

 

[Vorg Zangief]

بكل بساطة افلام توها نازله اكيد بشوفها بالسينما

و الافلام اللي تطوفني اشوفها بالبيت

و بالنسبة للمقارنه اكيد
المشاهدة بالسينما افضل . السينما تخليك تندمج مع الفيلم حتى لو كان فيلم سيء :sweat_smile:

في البداية انا كنت مثلكم, لكن في النهايه اكتشفت ان اغلب الاشخاص اللي رايحين السينيما في بريطانيا, اللي طالعين على date.

صح كلامك لذلك لازم تنطر كم شهر الى ان تنزل نسخة البلو راي من الفلم علشان تشوفه
من يبي سينما اصلا السينما للمواعده و الازواج :stuck_out_tongue_cl

كلامك غير منطقي يا خالد
انت كنت تبي سينما و الحين اكتشفت ان السينما اغلب روادها هم ازواج او مواعدين او انها مكان للمعاكسه علشان جذيه غيرت نظرتك للسينما :joy::joy::joy:
يا رجل الفكرة الاساسية من السينما هي الترفيه + الافلام الجديدة مستحيل تحصلها على الانترنت بأول يوم صدورها (بجوده ممتازة)

انت تشوف ازواج و مواعده في دور السينما و انت مالك و مالهم خلهم كيفهم .
انت تروح مع ربعك و تستمتع بوقتك
و انتهت القصة

 

[ASWD]

ما قط رحت سينما ولا ابغى اروح.الافلام الي ابغاهم اطالعهم فالبيت على شاشتي المتواضعة ام 32 بوصة حط الفلم في اي مشغل اكان بلاي 3 او غيره والسلام

 

[سعد1122]

اكيد في البيت < سعودي