Zero_IYAD
True Gamer
له يا رجل وكّل الله مو لهالدرجة XD
مجرد حرص زائد , يروح مع الأيام .
أوقات تكره فيها حياتك
- بادئ الموضوع Mr.3B
- تاريخ البدء
مجرد حرص زائد , يروح مع الأيام .
s3rorh
True Gamer
باك
ملاحظة : ما سيتم قرأته عبارة عن Mix ما بين (( امور تكرهني حياتي و امور تقهرني وامور تضايقني ))
1- اذا كنت اتمشى بسوق شعبي ... وأحصل معلم الشاورما قاعد يسّلك السكين (( يخلي السكين حاد )) وبعدها يقوم بتقطيع الشاورما ويحطها بالصمونة .. ويجي الزبون وياكل الساندويتش بكل تلذذ >_>
ومره قررت اوقف وأراقب أحد الزباين وهو ياكل بصمونة الشاورما وأنا بحالة إشمئزاز
طبعا بتقولون اشفيها الشاورما !! بقولولكم ما فيها شي ,, بس المشكله موب بالشاورما بل ببرادة السكين ألي نتجت من الاحكتكاك ... ومن غير ما المعلم ينظف السكين قبل لا يبدأ التقطيع ... تحصله عادي وبكل سرورا يبدأ بتقطيع اللحم والزبون مو مركز بهالشي و روحه ذابله من منظر الشاورما ونيته بس ياكلها وخلاص
2- عربانات الجمعية .... أحاول اتذكر مره من المرات دخلت للجمعيه ما ,, واخذت وحده من العربانات وحصلتها سليمه !! مو متذكر ..
إستحاله تكون العربانه بكامل قواها التايرية ( مشتقه من تاير ) ... يعني لازم تحصل وحده او ثنتين من التواير فيهم شلل وما يستجيبون للحركه ... واذا دزيت العربانه تحصله ( مشيصه ) يعني بتحصلها تسيير بشكل مائل ... فا فوق ما انت متعني و تبذل جهد علشان تدفع العربانة للأمام ... أهني تبذل مجهود إضافي وهو تخلي العربانة بشكل مستقيم وما تنحرف بالطريق وتخبط الأغراض الموجودة بالأرفف
3- المطبات الوصخة .... ما ادري ليش صايره المطبات الكبيره كثرانه هاليومين ... يا اخي تحصل مطب كبير لدرجة وانت شايفه من بعدين بتحسب بأنه اكو فيل نايم على جنبه بنص الطريق .. موب مطب ,,, يعني غرض المطب بأنه يجبر الواحد يخفف من السرعة .. مو تكسير سيارته !!
4- ألي يمسح الCD بملابسه ... يعني في عينه من الشباب اول ما تعطيه الCD حتى لو كان توه مطلعه من الكيس ... بتشوفه على طول طلع الCD و من غير ما يشوفه من تحت .. تحصله قعد يفرك فيه بملابسه !! واذا سألته ليش تسوي جذي .. بيقول لك ( أنظفه ) أو ( عبط ) -_-
5- لما اكون بالطريق ... وأكو جدامي شاحنه ضخمه أو سياره كبيره .. بأحس بهالحاله بأني عمي وبأي لحظة ممكن أدخل بألي جدامي
6- ألي يطوّف دور الكاونتر ... خصوصا بالمستشفيات ,,, يعني انا دخلت للمستشفى واخذت رقم ونطرت دوري .. ولما يجي دوري تحصل واحد ما ادري من وين جاي وماسك معاه كيس الادويه و داخل على الدكتور .. ولما تقول له (( بالدور يا يبا )) يقول لك (( أخوي انا خالص من زمان بس بغيت اسأل دكتور عن شغله )) ويدخل الافندم ,, وعلى ويهك ... يقعد 5 دقايق يسأل فيه .. ولما يطلع هالشخص ويجي دوري علشان ادخل ... الدكتور الذكي ألي داخل يدق الزر علشان يطمر على الرقم التالي :w00t: ... كيف التالي وانا للحيني ما دخلت على دوري !! ... لووول ويجي صاحب الرقم التالي و يصير هواش على هالسالفه
7- لما تكون المكالمة 01:01 .... شنو اطفش من هالشي ... لأنه نظام الشركتين ألي عندنا .. نظام حراميه على اصوله ... لأنهم يحسبون التكلفه للدقيقه الوحده وما يحسبون التكلفة للثانيه ... فا اتضايق من الثانيه ألي حُسبت .. يعني لو متكلم فوق الدقيقه و15 ثانيه على الاقل اهني نفسيتي شوي ترتاح :razz::
8- اذا واقف بالأشارة ويجي واحد من الحاره اليمين ويرز وجهه بجانب سيارتي ... ويعطيني ابتسامه بايخه وقصده من وراها (( ممكن تخليني اطوف
: )) وعلى حسب المزاج ... اذا لى مزاج بادلته بالابتسامه و وافقت ... واذا لأ ... عطيته نظرات احتقار .. وطلعت شوي جدام بسيارتي ( يعني دست شوي بانزين ) وخليت ألي وراي يتوهق فيه:rockon:
9- ألي تتصل/يتصل .. على برنامج ما ,, ويقول (( ممكن أشارك ؟؟ )) :xd:
بالله .. عيل انت ليش داق !! تسمعنا صوتك مثلا !! ولا تبي تبين بأنك الولد المؤدب :what:
10 – اذا ركبت بسياره واحد وحصلته حاط كل فتحات التكييف على وجهه !! يحسنني بأنه وجهه راديتر .... وعن طريق وجهه حا يقدر يبرد باقي جسمه .. المفروض واحد للوجه والثاني للجسم أو لصدره
11- اذا دخلت لمواقف السيارات أدور موقف ... وفي سياره تمشي قدامي ... وفجأة تطلع سياره من إحدى المواقف .. وألي قدامي يحجز هالموقف -_- .. انواع القهر واقعد احسبها (( لو داخل قبله ب3 ثواني كان المفروض هالموقف يكون لي )).. ومن بعد ما اتقبل الامر واطالع بالمنظره الخلفيه !! ... أحصل السياره ألي وراي حصل موقف !! انواع القهر واقعد ربع ساعه ادور على موقف
12- لما اكون نايم وواحد يصفق يبي يقعدني من النوم
13- قعده الصبح علشان اوصل اخواني للمدارس
14- الظفر اذا احتك بشي أملس
15 –اذا حصلت منتج غذائي باقي عليه شهر او اقل علشان تنتهي صلاحيتة .... و تاريخ انتاج هالمنتج كان من قبل سنه او سنه ونص .... يعني بالله المنتج صار له سنه واكثر معلب .. فرقت على اخر شهر و بعدها يصبح غير قابل للأكل !! ... فا بهالحالة يجب التخلص من المنتج فوراً:evil::
16 – ألي يكون طاير بشارع وما يعير للمطبات أي إهتمام .. بحيث لما يوصل للمطب .. تحصل سيارته وصلت للسما وهو عادي ولا كأنة:
17- اذا كنت بالطريق بليل ... وأكو وراي سيارة بو هناد (( سياره صنع منزلي ,, يعني ما تعرف شنو شركتها وشنو موديلها ويسوقها هندي )) ...وتكون لمبات السيارة الاماميه مركبين غلط بحيث أشعه اللمبه كلها ضاربه بالمنظره مالتي .... وبالتالي ينعكس الاشعاع على عين .. وما اقدر اشوف الطريق >_>
18 – اذا طاير بالشارع واكو اشارة مرور مولعة خضرا ... فا احط ببالي بأنه بأي لحظة راح تصير برتقاليه ... فا اخفف من السرعه شوي ... ولما اقرب للأشارة ... تحصلها بعدهي خضرا ... اهني اقرر الزياده من السرعه ...علشان اتجاوزها ... ولما ادوس واخلص .... واكون عامل حسابي بأني راح اطوف الاشاره ... تحصلها فجأة صارت برتقاليه -_- .... واهني امر بحاله (( أطوفها ولا لأ ... اطوفها ولا لأ !!! )) وغالباً لأ ... فا امسك بريك قوي .. لولا الحزام جان طرت من الجام الامامي :w00t:
19 – اذا كنت بالطريق بسيارتي ...و يصير جدامي هاف لوري وفيه هنود وعمال محملين بالبدي ..... ويقعدون يطالعون بوجهك ويتأملوني ... لووول اهني ويهي يصير فلس :whistle:... وما اقدر اطالع لهم , فا تحصلني اقعد اطالع بالمناظر أو اقعد تعبث بالمسجله ... او اتجاوز الشاحنه باسرع فرصه
20 – إذا شفت عجوز أو ذو الاحتياجات الخاصة ... بسوق مزدحم ... يعني بالله اهلهم ما قرروا يطلعونهم إلا لما يكون السوق مزدحم >_> ... طلعوهم بوقت يكون الازدحام خفيف مو بعطلات الاسبوع
21- عامل البناء اذا تفل على ايده .. وبعدها فركها ومن ثم مسك الشبل:yuck:: ..لووول شايفها كثير
22- ألي يحط ستيكر و هالستيكر يكون مكتوب على اسم سيارته مثال :
واحد عنده ماكسيما ... راح لمحل الزينه وقال له يحط استيكر اسم ماكسيما على الجامات والبيبان ..
يعني بالله في احد راح يضييع بإسم سيارتك يعني ويحسبها ألتيما ولااا فراري لا سمح الله !!
23 – اللبناني إذا تحجا خليجي ... أو يتكلم بهلجه مو لهجته (( شوفوا الدعايات بالTV ))
24- اذا دخلت للسياره وحصلت داخلها ذبانة .... أنواع الاضطرابات .... واذا بحزة الاكل .. تحصلها تحوم حول الاكل ..:
25- اذا سألت دكتور/مدرس ... ويقعد يخزك ويجاوبك .. لووول اذا استمرت هالحاله معي لأكثر من 40 ثانيه تحصلني ابدأ بالإبتسامه له واذا فوق الدقيقه .. ابدأ بالضحك :laugh::
فا علشان جذي ما احب اسأل المدرس .. واي شي مو فاهمه.. اسأل فيه اصحابي
26- اذا دخلت مطعم للمأكولات الهنديه ... وتلزق فيني ريحه الطبخ aka شباتي
27- اذا طلبت من مطعم ... ولما يوصل الطلب ... ويجي وقت الدفع ... الجرسون أو ألي اسمه ... يقعد يقول (( خليها علينا )) ... ويبدأ شغل المجاملات
إن شاء الله المره الجايه اذا مرت علي هالحاله ... بخليها عليه .. علشان يتوب يقول كلمه مو قدها :razz::
28- إذا طلعت لمشوار ما ... وبالاخير ما استفدت من ورا هالمشوار
29- مشاوير الBonus .. يعني عامل حسابي اني اطلع من مكاني واروح لمكان انا محدد اروح له مسبقنا .. واوصل له بالوقت المعين .... ولما اطلع بالطريق ... تطلع لي مشاوير ما ادري من وين
30 – إذا صرت عندي خردة (( نقود معدنيه )) تحصل مع كل خطوه في صوت خشخشه تقول رقاصه + مصير الخرده غالبا هو السرقة .. من اخواني الصغار >_<
31- الخادمات/الشغالات إذا أجوا لبيتنا ... احس بأني مو قادر اخذ راحتي .. وقبل لا ادخل لأي غرفه .. اقعد اروح وارد عليها للتأكد بانه الخادمه مو موجوده داخلها
32- إذا أحد غريب سفط/ركن سيارته قدام بيتنا
33- إذا توني سابح ... وطالع فريش ... وبعدها باقل من ساعه .. تحصلني عرقت , لسبب ما سويته >_<
34- أحد يملي علي أفعالي
35- اذا كنت داخل دوره المياه وانتم بكرامه ... ويجي واحد يدق الباب .. ويقعد يقول (( منو !!! ...... طيب اذا خلصت اطلع بسرعة ))
يعني بالله اذا خلصت .. مفكر بأني ناوي انام داخل -_-"
36- اذا كنت بطريق مزدحم ... واكون بحاره مو راضيه تمشي والحاره ألي جنبي تتحرك ... فا اتجه لها وأول ما أصير فيها ... تحصلها فجأة اوقفت ... والحاره ألي كنت فيها تبدأ بالتحرك -_- ... وغالبا اذا رديت لها تحصلها اوقفت .. وهكذا
37 - العقد/المتخلفين ألي أحصلهم بدار العرض بالسينما
لوول تذكرت شغله
اذا شفت حرمه تسوق السياره ... وعباءتها طالعه من الباب :laugh::
واخيرا خلصت ... لووول هذا هو المزاج ألي قصدته بردي السابق P:
ملاحظة : ما سيتم قرأته عبارة عن Mix ما بين (( امور تكرهني حياتي و امور تقهرني وامور تضايقني ))
1- اذا كنت اتمشى بسوق شعبي ... وأحصل معلم الشاورما قاعد يسّلك السكين (( يخلي السكين حاد )) وبعدها يقوم بتقطيع الشاورما ويحطها بالصمونة .. ويجي الزبون وياكل الساندويتش بكل تلذذ >_>
ومره قررت اوقف وأراقب أحد الزباين وهو ياكل بصمونة الشاورما وأنا بحالة إشمئزاز
طبعا بتقولون اشفيها الشاورما !! بقولولكم ما فيها شي ,, بس المشكله موب بالشاورما بل ببرادة السكين ألي نتجت من الاحكتكاك ... ومن غير ما المعلم ينظف السكين قبل لا يبدأ التقطيع ... تحصله عادي وبكل سرورا يبدأ بتقطيع اللحم والزبون مو مركز بهالشي و روحه ذابله من منظر الشاورما ونيته بس ياكلها وخلاص
2- عربانات الجمعية .... أحاول اتذكر مره من المرات دخلت للجمعيه ما ,, واخذت وحده من العربانات وحصلتها سليمه !! مو متذكر ..
إستحاله تكون العربانه بكامل قواها التايرية ( مشتقه من تاير ) ... يعني لازم تحصل وحده او ثنتين من التواير فيهم شلل وما يستجيبون للحركه ... واذا دزيت العربانه تحصله ( مشيصه ) يعني بتحصلها تسيير بشكل مائل ... فا فوق ما انت متعني و تبذل جهد علشان تدفع العربانة للأمام ... أهني تبذل مجهود إضافي وهو تخلي العربانة بشكل مستقيم وما تنحرف بالطريق وتخبط الأغراض الموجودة بالأرفف
3- المطبات الوصخة .... ما ادري ليش صايره المطبات الكبيره كثرانه هاليومين ... يا اخي تحصل مطب كبير لدرجة وانت شايفه من بعدين بتحسب بأنه اكو فيل نايم على جنبه بنص الطريق .. موب مطب ,,, يعني غرض المطب بأنه يجبر الواحد يخفف من السرعة .. مو تكسير سيارته !!
4- ألي يمسح الCD بملابسه ... يعني في عينه من الشباب اول ما تعطيه الCD حتى لو كان توه مطلعه من الكيس ... بتشوفه على طول طلع الCD و من غير ما يشوفه من تحت .. تحصله قعد يفرك فيه بملابسه !! واذا سألته ليش تسوي جذي .. بيقول لك ( أنظفه ) أو ( عبط ) -_-
5- لما اكون بالطريق ... وأكو جدامي شاحنه ضخمه أو سياره كبيره .. بأحس بهالحاله بأني عمي وبأي لحظة ممكن أدخل بألي جدامي
6- ألي يطوّف دور الكاونتر ... خصوصا بالمستشفيات ,,, يعني انا دخلت للمستشفى واخذت رقم ونطرت دوري .. ولما يجي دوري تحصل واحد ما ادري من وين جاي وماسك معاه كيس الادويه و داخل على الدكتور .. ولما تقول له (( بالدور يا يبا )) يقول لك (( أخوي انا خالص من زمان بس بغيت اسأل دكتور عن شغله )) ويدخل الافندم ,, وعلى ويهك ... يقعد 5 دقايق يسأل فيه .. ولما يطلع هالشخص ويجي دوري علشان ادخل ... الدكتور الذكي ألي داخل يدق الزر علشان يطمر على الرقم التالي :w00t: ... كيف التالي وانا للحيني ما دخلت على دوري !! ... لووول ويجي صاحب الرقم التالي و يصير هواش على هالسالفه
7- لما تكون المكالمة 01:01 .... شنو اطفش من هالشي ... لأنه نظام الشركتين ألي عندنا .. نظام حراميه على اصوله ... لأنهم يحسبون التكلفه للدقيقه الوحده وما يحسبون التكلفة للثانيه ... فا اتضايق من الثانيه ألي حُسبت .. يعني لو متكلم فوق الدقيقه و15 ثانيه على الاقل اهني نفسيتي شوي ترتاح :razz::
8- اذا واقف بالأشارة ويجي واحد من الحاره اليمين ويرز وجهه بجانب سيارتي ... ويعطيني ابتسامه بايخه وقصده من وراها (( ممكن تخليني اطوف
: )) وعلى حسب المزاج ... اذا لى مزاج بادلته بالابتسامه و وافقت ... واذا لأ ... عطيته نظرات احتقار .. وطلعت شوي جدام بسيارتي ( يعني دست شوي بانزين ) وخليت ألي وراي يتوهق فيه:rockon:9- ألي تتصل/يتصل .. على برنامج ما ,, ويقول (( ممكن أشارك ؟؟ )) :xd:
بالله .. عيل انت ليش داق !! تسمعنا صوتك مثلا !! ولا تبي تبين بأنك الولد المؤدب :what:
10 – اذا ركبت بسياره واحد وحصلته حاط كل فتحات التكييف على وجهه !! يحسنني بأنه وجهه راديتر .... وعن طريق وجهه حا يقدر يبرد باقي جسمه .. المفروض واحد للوجه والثاني للجسم أو لصدره
11- اذا دخلت لمواقف السيارات أدور موقف ... وفي سياره تمشي قدامي ... وفجأة تطلع سياره من إحدى المواقف .. وألي قدامي يحجز هالموقف -_- .. انواع القهر واقعد احسبها (( لو داخل قبله ب3 ثواني كان المفروض هالموقف يكون لي )).. ومن بعد ما اتقبل الامر واطالع بالمنظره الخلفيه !! ... أحصل السياره ألي وراي حصل موقف !! انواع القهر واقعد ربع ساعه ادور على موقف
12- لما اكون نايم وواحد يصفق يبي يقعدني من النوم
13- قعده الصبح علشان اوصل اخواني للمدارس
14- الظفر اذا احتك بشي أملس
15 –اذا حصلت منتج غذائي باقي عليه شهر او اقل علشان تنتهي صلاحيتة .... و تاريخ انتاج هالمنتج كان من قبل سنه او سنه ونص .... يعني بالله المنتج صار له سنه واكثر معلب .. فرقت على اخر شهر و بعدها يصبح غير قابل للأكل !! ... فا بهالحالة يجب التخلص من المنتج فوراً:evil::
16 – ألي يكون طاير بشارع وما يعير للمطبات أي إهتمام .. بحيث لما يوصل للمطب .. تحصل سيارته وصلت للسما وهو عادي ولا كأنة
:17- اذا كنت بالطريق بليل ... وأكو وراي سيارة بو هناد (( سياره صنع منزلي ,, يعني ما تعرف شنو شركتها وشنو موديلها ويسوقها هندي )) ...وتكون لمبات السيارة الاماميه مركبين غلط بحيث أشعه اللمبه كلها ضاربه بالمنظره مالتي .... وبالتالي ينعكس الاشعاع على عين .. وما اقدر اشوف الطريق >_>
18 – اذا طاير بالشارع واكو اشارة مرور مولعة خضرا ... فا احط ببالي بأنه بأي لحظة راح تصير برتقاليه ... فا اخفف من السرعه شوي ... ولما اقرب للأشارة ... تحصلها بعدهي خضرا ... اهني اقرر الزياده من السرعه ...علشان اتجاوزها ... ولما ادوس واخلص .... واكون عامل حسابي بأني راح اطوف الاشاره ... تحصلها فجأة صارت برتقاليه -_- .... واهني امر بحاله (( أطوفها ولا لأ ... اطوفها ولا لأ !!! )) وغالباً لأ ... فا امسك بريك قوي .. لولا الحزام جان طرت من الجام الامامي :w00t:
19 – اذا كنت بالطريق بسيارتي ...و يصير جدامي هاف لوري وفيه هنود وعمال محملين بالبدي ..... ويقعدون يطالعون بوجهك ويتأملوني ... لووول اهني ويهي يصير فلس :whistle:... وما اقدر اطالع لهم , فا تحصلني اقعد اطالع بالمناظر أو اقعد تعبث بالمسجله ... او اتجاوز الشاحنه باسرع فرصه
20 – إذا شفت عجوز أو ذو الاحتياجات الخاصة ... بسوق مزدحم ... يعني بالله اهلهم ما قرروا يطلعونهم إلا لما يكون السوق مزدحم >_> ... طلعوهم بوقت يكون الازدحام خفيف مو بعطلات الاسبوع
21- عامل البناء اذا تفل على ايده .. وبعدها فركها ومن ثم مسك الشبل:yuck:: ..لووول شايفها كثير
22- ألي يحط ستيكر و هالستيكر يكون مكتوب على اسم سيارته مثال :
واحد عنده ماكسيما ... راح لمحل الزينه وقال له يحط استيكر اسم ماكسيما على الجامات والبيبان ..
يعني بالله في احد راح يضييع بإسم سيارتك يعني ويحسبها ألتيما ولااا فراري لا سمح الله !!
23 – اللبناني إذا تحجا خليجي ... أو يتكلم بهلجه مو لهجته (( شوفوا الدعايات بالTV ))
24- اذا دخلت للسياره وحصلت داخلها ذبانة .... أنواع الاضطرابات .... واذا بحزة الاكل .. تحصلها تحوم حول الاكل ..
: 25- اذا سألت دكتور/مدرس ... ويقعد يخزك ويجاوبك .. لووول اذا استمرت هالحاله معي لأكثر من 40 ثانيه تحصلني ابدأ بالإبتسامه له واذا فوق الدقيقه .. ابدأ بالضحك :laugh::
فا علشان جذي ما احب اسأل المدرس .. واي شي مو فاهمه.. اسأل فيه اصحابي
26- اذا دخلت مطعم للمأكولات الهنديه ... وتلزق فيني ريحه الطبخ aka شباتي
27- اذا طلبت من مطعم ... ولما يوصل الطلب ... ويجي وقت الدفع ... الجرسون أو ألي اسمه ... يقعد يقول (( خليها علينا )) ... ويبدأ شغل المجاملات
إن شاء الله المره الجايه اذا مرت علي هالحاله ... بخليها عليه .. علشان يتوب يقول كلمه مو قدها :razz::
28- إذا طلعت لمشوار ما ... وبالاخير ما استفدت من ورا هالمشوار
29- مشاوير الBonus .. يعني عامل حسابي اني اطلع من مكاني واروح لمكان انا محدد اروح له مسبقنا .. واوصل له بالوقت المعين .... ولما اطلع بالطريق ... تطلع لي مشاوير ما ادري من وين
30 – إذا صرت عندي خردة (( نقود معدنيه )) تحصل مع كل خطوه في صوت خشخشه تقول رقاصه + مصير الخرده غالبا هو السرقة .. من اخواني الصغار >_<
31- الخادمات/الشغالات إذا أجوا لبيتنا ... احس بأني مو قادر اخذ راحتي .. وقبل لا ادخل لأي غرفه .. اقعد اروح وارد عليها للتأكد بانه الخادمه مو موجوده داخلها
32- إذا أحد غريب سفط/ركن سيارته قدام بيتنا
33- إذا توني سابح ... وطالع فريش ... وبعدها باقل من ساعه .. تحصلني عرقت , لسبب ما سويته >_<
34- أحد يملي علي أفعالي
35- اذا كنت داخل دوره المياه وانتم بكرامه ... ويجي واحد يدق الباب .. ويقعد يقول (( منو !!! ...... طيب اذا خلصت اطلع بسرعة ))
يعني بالله اذا خلصت .. مفكر بأني ناوي انام داخل -_-"
36- اذا كنت بطريق مزدحم ... واكون بحاره مو راضيه تمشي والحاره ألي جنبي تتحرك ... فا اتجه لها وأول ما أصير فيها ... تحصلها فجأة اوقفت ... والحاره ألي كنت فيها تبدأ بالتحرك -_- ... وغالبا اذا رديت لها تحصلها اوقفت .. وهكذا
37 - العقد/المتخلفين ألي أحصلهم بدار العرض بالسينما
لوول تذكرت شغله
اذا شفت حرمه تسوق السياره ... وعباءتها طالعه من الباب :laugh::
واخيرا خلصت ... لووول هذا هو المزاج ألي قصدته بردي السابق P:
التعديل الأخير:
ryo hazuki
True Gamer
ممكن ازعل او اكون مش مرتاح لكن مستحيل اوصل لدرجة اني اكره حياتي
The Bloodstains
Banned
لما تثبت الفحوصات ان عندك Bipolar Disorder والامر يحتاج إلى علاج !!
Gon freeces
True Gamer
الكاتب مبالغ أكيد ..
m7tram
True Gamer
شفيه الي حياته مجبوس :w00t: .
Golden_Sun
True Gamer
اتضايق/ اكره حياتي/ اتنرفز / اكره شي / تنبط جبدي: لما امرض في الصيف (احتقان، انفلوانزا :w00t
ماله داااعي مريض وحر وما تقدر تشرب شي بارد حتى التكييف يتعبك =(
ماله داااعي مريض وحر وما تقدر تشرب شي بارد حتى التكييف يتعبك =(
Zero_IYAD
True Gamer
وزارة الصحة في جميع الدول هي المسؤولة عن مراقبة البضاعة التي لها Expire date .
فمثلا , لو عندك مكتوب تاريخ الانتهاء بـ7/2008 , فليس المعنى أن البضاعة سوف تفسد في 7/2008 .
و انما فعليا , قد تبقى البضاعة الى شهر 10 و هي صالحة , و لكن هذه احتياطات من وزارة الصحة .
so , كل و انت مطمئن , لأن رميها حرام , تبقى نعمة صالحة للاستهلاك البشري
:
s3rorh
True Gamer
لووول القصه مو قصه أركب مع ألي يسوي هالحركة ولا لأ ... وغالباً 99,99999999% من الناس يسوون هالشي واعتقد ال0,00000001% الباقيه محصوره فيني P:
عارف هالشي .... بس جرب تاكل شي باقي على انتهاءه شهر ..... (( كاكاو mars مثلا )) بتحس بأنه جميع الخواص والعناصر والمكونات ألي انصنع منها الكاكاو ... اختفت .. يعني كأنك تاكل قطعه سكر ملونه !! ... حتى صلابتهاو الطراوه تتغير و تطول على ما تذوب بالفم .. يعني ما راح تحس بالطعم الأصلي للمنتج
وناهيك عن المواد الحافظة ألي شبعت تخمر داخل المنتج
