اوسمين طالب نفس راتبه في نابولي بعد الضرائب (١٠ مليون ). اوسيمين لما وقع العقد حقه مع نابولي وقتها كان الدوري الايطالي ما يدفع ضرائب اكثر من ٢٠ بالمية على ما اظن, لاكن مدري اذا الوضع تغير الان والاعفاءات الضريبية انشالت لان حسب ما اذكر قد احد تكلم عن الشيء هذا في المنتدى...
@Othmane ايش اللي حاصل بالضبط؟
تشيلسي اعلى راتب حاليا هو لي ريس جيمس بجموع ١٥ مليون يورو لاكن بعد الضرائب راح يصير ٨ ونص تقريبا.
نابولي يدفع لي اوسمين راتب اجمالي يقدر بي ١٣ مليون تقريبا لاكن بعد الضرائب يصير في حدود ال ١٠ مليون.
ادارة تشيلسي تلام في الموضوع هذا لانها فضلت تشتري جيوش من اللاعبين وفي اماكن الريدي معانا اللي يمشينا ولما جاتها فرصة تتعاقد مع مهاجم يعد من افضل ٣ او ٤ مهاجمين في العالم تضيعه لان اجره عالي لاكن نفس الاجر هذا عادي توزعه في ٣ لاعبين ماراح يلعبون في الفريق الاول!!
ادارة نابولي تنلام كمان, لاكن اللوم الاكبر هو على اوسيمين او وكيل اعماله اللي اقنعه ان مداه يحصل اللي يبغاه بدون اي تضحيات.
اللاعب حاب المال, وحاب المنافسة في نفس الوقت... اولا انت منت خارج بشكل مجاني عشان تتشرط بالراتب, ولا انت مبابي او هالاند عشان الاندية تلبي كل طلباتك.
اللاعب في كم شهر راح يدخل ٢٦ سنة, وبعد سنة بيكون ٢٧, هل هو يتوقع بعد سنة الاندية راح تكون مهتمة فيه اكثر!!
في النهاية راح يرضخ وينزل راتبه او راح يروح الدوري السعودي, ليش المماطلة وتضييع الوقت لان القرار كان واضح من البداية. الاندية عندها بدائل وتقدر تمشي حالها, لاكن انت لاعب وعمرك وفرصتك محدودة في كرة القدم.
كنت زعلان لما انتهى السوق وما جبناه, لاكن في جزء داخلي ارتاح لما شاف كل المماطلة والطلبات هذي لان هذي العقلية نفسها اللي عانينا منها مع لوكاكو... الفريق مش محتاج لوكاكو جديد.
