انا تأكدت ان اي لاعب او مدرب يجي تشيلسي ينسحر
مش معقولة العبط اللي يصير بمخهم خاصة المدربين..فيه حاجات الاعمى يشوفها، او حتى اللي ما تابع اي مباراة بحياته..وتلقاهم ضايعين ومهلوسين...غريب وضعكم، يحتاجلكم شيخ، لا ميزانية ولا مدربين @@
اي والله, نحتاج مطوع يقرأ على اللاعبين وارضية التدريب.
اللي يصير مش معقول ابدا لا من ناحية الاداء في الملعب وكمية الفرص المهدرة, ولا من كمية الاصابات.. ما عندي الاحصائية لاكن متاكد ان تشيلسي من اعلى ٣ فرق من ناحية الاصابات اخر ٣ مواسم.
الموضوع اكبر من انه طبيعة اللاعبين اللي نجيبهم او نخرجهم من الاكادمية..
على فكرة انا بعدي مصر ان وضعكم بيتحسن بخروج ستيرلنج كخطوة اولى..على كثر ما ظاهريا هو اللي يتحرك ويصنع، لكنه نكبة بشكل لا يوصف ويضيع جهد فريق بكثير من الاحيان...
وجاكسون خلاص صار مهزوز جدا ولازم يرجع يسخن الدكة شوية..وكالاجار عطوه راتب بس خلوه يجلس ببيته @@
اتفق, لاكن الفريق تم تفريغه بشكل غير معقول لدرجة ان مافي الا ستيرلينج ومادويكي ومودريك في مركز الجناح.. المشكلة ياريت البقية ياخذون فرصتهم, لا البوتش يلعب ايان ماتسن او تشيلويل في مركز الجناح مع انهم اظهرة.
وبخصوص جاكسون اتفق معاك, اللاعب صاير متسرع جدا في لمسته الاولى ومبين عليه عدم التركيز.
صدقني الفريق راح يكون ممتاز لو كل لاعب لعب في مركزه, وبوجود ستيرلينج كمان معاهم.
مشكلة الفريق في نقطتين, النقطة الاولى ان مافي صلابة دفاعية, والنقطة الثانية ان الفريق بطيء وسهل تتوقع هجماته بسبب سوء التوظيف وعزل اللاعبين عن بعض.
يعني مثلا لما تلعب اينزو في مركز ال ١٠, هنا تقتل اللاعب لان افضل مافي اينزو هو نقله للكرة وتحكمه بالرتم. لاكن في المقابل تلعب غالاغير اللي يعتبر اسوء لاعب شفته في خط وسط تشيلسي من ناحية ال progressive carries, ولمسته الاولى سيئة.. الميزة الوحيدة عن اللاعب هي ادواره الدفاعية. لاكن لاعب هذي المواصفات ماراح يفيد التشكيلة اللي معاه, اللاعب ممكن ينجح مع الليفر او نيوكاسل او حتى توتنهام اللي ما يطالبون لاعبين وسطهم بتنظيم اللعب وعندهم لاعبين هجوميين مميزين.
والمشكلة الاكبر هي سوء الاظهرة بتواجد قلب الدفاع كوليل في مركز الظهير, وصاحب المستوى المتوسط (من الناحية الهجومية) غوستو في مركز الظهير الايمن.
فلما تشوف الكورة في الثلث الاخير دائما تشوف مودريك او ستيرلينج معزولين بسبب عدم مساندة الظهير الايسر وسوء مستوى الظهير الايمن.. بالاضافة لتواجد اينزو في مركز رقم ١٠.. المركز هذا يحتاج لاعب يتحرك ويكون ممتاز في المراوغة واينزو مش هذا اللاعب ابدا.
كل هذي المشاكل ممكن تنحل لما المصابين يرجعون, بس برضو ممكن تنحل لو بوشيتينهو لعب كل لاعب في مركزه.
