الموضوع ان ستونز ما هي اول مرة يلعب فيها في هذا المركز،،، صار له شهرين يلعب فيه،،،
اللي يقرأ الكلام يقول اللي صار مفاجأة ولأول مرة :/
نفس الشيء غوارديولا لما لعب بدون رودري في نهائي الابطال ماكانت اول مرة, لاكن الناس تحب تبالغ في مدح غوارديولا او تدور الاعذار بسبب اختياراته.
غير ان غوارديولا دائما يجرب خطط وتشكيلات جديدة, لاكن دائما الاعين بتكون اكثر تركيزا على المباريات المحورية عشان المديح يظهر بشكل افضل.
التغير والتحوير في السيناريو هو طبع من طباع الناس اللي تمدح غوارديولا.. يكفي انهم نسبوا كاس عالم ٢٠١٠ له
ياخي المحللين احس اما ذاكرتهم قصيرة او ان متابعاتهم محدودة جدا.. امس اشوف تحليل ابو تريكة وفاك فمي من الدهشة من كلامه..تطبيل اعمى
يقولك جوارديولا صنع جرلتش بعد ما كان لاعب استعراضي فقط..!!! اللاعب حرفيا كان شايل استون فيلا على اكتافه ونجم بكل جولة ومستواه قل مع جوارديولا ببداياته، قبل ما يرجع الان (وللان اشوف له بوتنشال يصعد مستواه اكثر لو شوي يصعد للعمق كل فترة)
نفس الشي ستونس...رجعه جوارديولا لمستواه..طيب ممكن تذكرني متى طاح مستواه اصلا؟ يب..لما انضم لسيتي جوارديولا
الاثنين اندفع فيهم 150£ واغلى الصفقات بوقتهم مش لجمال عينهم يعني...عبط
اللاعب اللي فعلا جوارديولا بنظري له فضل ودور انه يكون من اخطر اللعيبة حاليا بمراكزهم هو جندوغان..حركته هو ورودري بدون كرة درس.
فما بالك بالمشجعين, الموضوع اسوء بكثير.
شبعنا هتافات من المطبلين لغوارديولا في السنوات الماضية بان المهاجم الوهمي هو مستقبل كرة القدم, ولا هجومهم والتقليل من اي مدرب ما يلعب بالضغط العالي وباسلوب استحواذي على الكرة..
لاكن شوفهم الان, يثنون على غوارديولا بسبب توظيفه للفريق عشان يخدم هالاند (مهاجم رقم ٩), ولا تخلي غوارديولا عن الضغط العالي واكتفاؤه بالضغط على وسط الملعب والضغط على مفاتيح لعب الخصم في الثلث الثاني في كثير من المباريات.
غوارديولا بعد ٢٠١٨ ماهو نفس غوارديولا قبل الفترة هذي. لاكن بالنسبة للمطبلين ما يشوفون فرق لان بوجهة نظرهم اي شيء يعمله غوارديولا شيء عبقري طالما يفوز طبعا.
كثير من قناعاته التعبانة تخلى عنها وصار اكثر مرونة, وهذا اللي يخليه بنظري افضل مدرب حاليا وقد يكون الافضل في اخر عقدين لو قدر يحقق الابطال.