السويتش قادم بسرعة البرق، و شفنا من الصورة اللي فوق سابقا كمية شركات الطرف الثالث اللي مستعده تجرب حظها معاه
نتكلم عن شركات بالعادة ما تعبر ننتيندو أو أجهزتها، مثل بيثيسدا اللي سمعنا إنها بتجيب سكايرم، أو شركات مثل فورم سوفتوير اللي سمعنا إنها إحتمال تصدر ثلاثية دارك سولز
سواء نجحت هذي الألعاب أو لا، الجهاز بيحظى يمكن بأقوى دعم طرف ثالث لننتيندو مقارنة بآخر جيلين
الآن حان وقت الأماني، نعرف ايش هو الجهاز و ايش فكرته، لكن ايش هي الألعاب اللي نتمناها عليه الآن، طبعا نتكلم عن الألعاب اللي ما اعتدنا انها تصدر على أجهزة ننتيندو
.....................
بالنسبة لي هذي قائمة الأماني المبدئية
بيرسونا 5 - شخصيا أحب بيرسونا، و تجربتي كلها معها عالمحمول، لعبت الجزء الثالث و الرابع عالفيتا، و تضايقت كثير إنه حصل على الجزء الخامس، اللعبة ما تتطلب مواصفات عالية، و السويتش بيكون شي مثالي جدا للعبة
بلودستيند - بما إن اللعبة هي تكملة روحية لكاسلفينيا، و بما إن ما في نسخة منها للـ3DS فبيكون شيء رائع إن اللعبة تصدر للسويتش
فيفا - اذا يقدرون يقدمون نسخة الجيل الجديد على السويتش المحمول، و بتكون خيار جيد للتسلية في أي وقت
يوكا ليلي - اذا فعلا بتكون أي شي يشبه بانجو كازوي، أتوقع بتكون نسخة للسويتش خيار لازم يبحث عنه المطور بشكل كبير جدا
كنجدوم هارتس 3 - هاللعبة خصوصا من بد كل ألعاب سكوير أحسها تناسب جمهور ننتيندو جدا، بتكون فكرة ذكية تطوير نسخة للسويتش
ساوث بارك - الجزء الماضي كان من أفضل ألعاب الـRPG للجيل، و أيضا أحسها لعبة تناسب المحمول بشكل كبير، بس طبعا عندنا مشكلة ننتيندو و حساسيتها من هالنوع من الألعاب
شاركونا انتم بعض قائمة الأماني الخاصة فيكم لألعاب الطرف الثالث للجهاز