أفضل وأسوء الناشرين من ناحية المستوى.

[Solid Snake]

اوكي، هذي احصائية توضح مدى مستوى جودة ألعاب الناشرين .. بصراحة الاحصائية مثيرة للاهتمام، اول مرة اشوف احصائية بالشكل هذا.

الإحصائية مبنية على بيانات Metacritic ، بحيث انهم يأخذون ألعاب كل ناشر ويقيمونها بالشكل التالي: (A = 2, B = 1, C = 0, D = -1, F = -2) ، وبالنهاية طلعوا بالتالي، قائمة لأفضل 10 ناشرين، وقائمة بأسوء 10 ناشرين!

​

روكستار أفضل ناشر من ناحية جودة الألعاب، ويوبي سوفت الأسوء !!!


بصراحة، بشكل عام اشوف القائمة منطقية جدا .. يعني روكستار ما اتذكر اني شفت لهم مشاريع سيئة للغاية مثل يوبي سوفت اللي لها العاب مدري وش تبي (خخخ، العاب الDS الفلة!) .. ونفس الكلام ينطبق على valve وبيثيسدا، دائما مستوياتهم ثابتة وألعابهم ممتازة ..

ولول @ سيجا وكونامي ونامكو :laugh:: .. يستاهلون بصراحة، ما عندهم الا عنوان او اثنين جبارين والباقي بيض!

ابغى اشوف EA لول !!

 

[bXNmbQ==]

اشوف ان القائمة ممتازة

لاكن وين ea , sony المفروض يكونوا الاولين بالقائمة

 

[The Heartless]

الإحصائية هذي ماتعني شي خاصة لما تشوف شركة مثل كابكوم مو موجودة بين أفضل عشرة ناشرين .

 

[Nintendo]

الإحصائية هذي ماتعني شي خاصة لما تشوف شركة مثل كابكوم مو موجودة بين أفضل عشرة ناشرين .

اتفق مع جاسم ..

يعني بصراحة صعب تحكم بذي الطريقه لانه فيه العاب (تسوى) 10 العاب ممتازه ثانيه . وايضا فيه فرق كبير بين عدد العاب الشركات وذا الشئ يصعب الحكم على منتجهم بالاضافة الى كون بعض الشركات تنتج العاب لكل الفئات وشركات ثانيه مخصصه للاشياء البسيطه والخ الخ ..

 

[Ze Truth]

اكيد يوبي سوفت الاسوء, اللعابهم في الجيل السابع صايرة بايخة!

 

[Solid Snake]

الإحصائية هذي ماتعني شي خاصة لما تشوف شركة مثل كابكوم مو موجودة بين أفضل عشرة ناشرين .

كابكوم ناشر كبير، وافضل ناشر ياباني حاليا (بعد ننتندو) .. لكن العابها الجيل هذا ابدا مو بمستوى بقية الناشرين .. يعني اللعبة الوحيدة اللي انتجتها كابكوم الجيل هذا وتصنف A+ هي ستريت فايتر (حتى في ميتاكريت معدلها عالي) .. البقية من النوعية الجيدة/متوسطة (ما اقصد انها سيئة، لكن اقصد انها مو العاب A)

يعني لو تقارنها بروكستار مثلا، روكستار تتفوق وبسنين ضوئية من حيث مستوى إنتاجاتها.

يعني بصراحة صعب تحكم بذي الطريقه لانه فيه العاب (تسوى) 10 العاب ممتازه ثانيه . وايضا فيه فرق كبير بين عدد العاب الشركات وذا الشئ يصعب الحكم على منتجهم بالاضافة الى كون بعض الشركات تنتج العاب لكل الفئات وشركات ثانيه مخصصه للاشياء البسيطه والخ الخ ..

عمر انت قريت كيف طريقة التقسيم؟! ما لها دخل بالكمية أبدا، بالعكس ممكن ناشر عنده 5 ألعاب ممتازة، وناشر ثاني عنده لعبة ممتازة وحدة او ثنتين والبقية تتراوح مستوياتهم بين جيد وسيء ..


الإحصائية تتكلم عن "ثبات" مستوى الإنتاجية .. ما لها دخل أبدا بالكم، ناشر يعطيني 5 ألعاب ممتازة فقط، أفضل من ناشر يعطيني لعبتين ممتازة والباقي ما تدري كيف طوروها اصلا! .. لذلك بالمنطق الناشر اللي يعطيني ألعاب ممتازة أكثر هو الأفضل! مهما كانت كميتها ..

شوف القائمة مثلا عندك بليزارد ما عندها الا 7 العاب وفي المرتبة الثالثة!! وميكروسوفت بعدها على طول وعندها 110 !! فرق مهول !

اما بالنسبة للناشر اللي يركز على فئة معينة، هذي برضو ما لها دخل .. التقسيم يركز على المستوى، النوعية ما لها دخل.

 

[Megagarcon]

القائمة غريبة، 2D Boy مجرد Developer فمادري ايش دخله بقائمة للـPublishers، غير انه ماطور غير لعبة World of Goo. طبعا مش قصدي مستوى اللعبة، بس كونها لعبة وحدة فقط و ممتازة يرفع مكانته بقوة (مثل Game Ranking: الألعاب اللي يراجعها عدد أقل من المواقع و كانت هالمواقع تعطيها تقيمات أعلى ممكن تاخذ ترتيب أعلى، عكس بعض الألعاب اللي يراجعها مراجعين بنفس عدد اللي يعطوا تقيمات أعلى، لكن يجيك مراجعين ثانيين و يخربوا المعدل).

 

[Double T]

اتوقع ان العاب الي محطوطة على انها سيئة لشركة مثل يوبي سوفت مثلا تكون نوعا ما مربحة و لو كانت سيئة .. عشان كذا نشوفها تنشر اي شي و بالكم الهائل هذا

و زي ما قال عمر شركة عن شركة تفرق في التوجه و ذا الشي يحدد متوسط مستوى الالعاب

 

[Nintendo]

مشاري انا فاهم الموضوع ولكن يعني لو نحسبها بالعقل شوي .. هل ممكن فريق مثل 2D Boy يكون بالمراكز الاولى وكابكوم لا مثلا ؟

انا عارف القصد من التصنيف ولكن مش تصنيف منطقي ابدا . يعني شئ غير عقلاني اني ابني نقاش على تصنيف معد بذا الشكل . لو بوصف الوضع بشكل ثاني واسهل اقول انه تصنيف ( ماله قيمه ) .. لانه لعبة وحده من انتاجات سكوير او ننتندو او كونامي المستوى الاول تعد (حلم) لشركات ثانية ماراح تسوي ربعه .. يوم اشوف فريق 2D Boy يقدملي منتج بحجم زيلدا او فاينل فانتسي او ميتل جير او ريزدنت ايفل ويستمر على ذا الشئ لمدة 20 سنه ممكن اصنفه بالعشره الاوائل ولكن ذا التصنيف مبني على مبدأ تقييمات العابهم وصعب تحكم بذا الشئ بذا الاسلوب ..

 

[HAL-9000]

لول. يوبي سوفت الاسوء :laugh::
طبعاً يعتبر شيء متوقع بما إنها شركة الفلوبات الأولى

 

[G7Ga7]

يوبي سوفت عنها 75 لعبة F :laugh:: ومع ذلك تلقاها مطلعه قروش اكثر من ذولا كلهم

 

[Zero]

يوبي سوفت عندهم مليون لعبة تنتهي بحرف الz مثال petz وحتى لو اختلفت طريقة الإحصائية بيظل عندها عدد كبير لول ، عموما يوبي سوفت تنشر ألعاب ممتازة بس هالجيل عصرت مخي ولا قدرت أتذكر شيء وإذا على ألعابها فألعابها ( اللي صار عليهم هايب مثل أسيسانز كريد وفار كراي 2 ) كلهم اعتبرهم فلوبات...

 

[Solid Snake]

مشعل انا فاهم الموضوع ولكن يعني لو نحسبها بالعقل شوي .. هل ممكن فريق مثل 2D Boy يكون بالمراكز الاولى وكابكوم لا مثلا ؟

انا عارف القصد من التصنيف ولكن مش تصنيف منطقي ابدا . يعني شئ غير عقلاني اني ابني نقاش على تصنيف معد بذا الشكل . لو بوصف الوضع بشكل ثاني واسهل اقول انه تصنيف ( ماله قيمه ) .. لانه لعبة وحده من انتاجات سكوير او ننتندو او كونامي المستوى الاول تعد (حلم) لشركات ثانية ماراح تسوي ربعه .. يوم اشوف فريق 2D Boy يقدملي منتج بحجم زيلدا او فاينل فانتسي او ميتل جير او ريزدنت ايفل ويستمر على ذا الشئ لمدة 20 سنه ممكن اصنفه بالعشره الاوائل ولكن ذا التصنيف مبني على مبدأ تقييمات العابهم وصعب تحكم بذا الشئ بذا الاسلوب ..

كلامك صحيح نوعا ما، وانا مستغرب اساسا دخول 2d boy مع انهم مطورين فقط!

لكن باستثناء الشركة ذي، اعتقد القائمة فيها نوع من الصحة .. اما نقطة العاب المستوى الاول من كونامي وننتندو، انا ايش استفيد كلاعب اذا طلعت لي الشركة لعبة وحدة A+ في سنتين او ثلاثة واقعد انتظر لعبتهم الجديدة سنتين ثلاثة زيادة؟!!

لكن لما الناشر يقدم لي كل سنة مثلا لعبة A (ولو كانت ما تتقارن بلعبة كونامي الA+ ) بأكون راضي تماما وما راح امل ..

يعني مثلا شوف العاب سوني الطرف الاول الممتازة كم تأخذ فترة في التطوير (كيلزون 2)!!! وشوف العاب ميكروسوفت في الجانب المقابل، في السنوات الثلاثة اللي راحت كنا نشوف كل سنة لعبة A+ (جيرز 1 في 2006، هيلو 3 في 2007، جيرز 2 في 2008) .. غير الألعاب الثانية اللي تصدر من وقت لثاني ويكون مستواها جيد الى ممتاز ..

لما يقدم لي الناشر مستوى ثابت مثل كذا بشكل دائم، بيرضيني اكثر من الناشر اللي يقدم لي لعبة اسطورية وحدة كل جيل مثلا!

الخلاصة مثل ما قلت قبل، القائمة هذي ما عليها من الكمية أبدا ولا مستوى لعبة والا لعبتين اسطورية .. القائمة تركز على "ثبات وتوازن" انتاجات الشركة

 

[Akilla]

ليش كابكوم مو موجودة بالقائمة ..؟

روكستار ماشفت لهم لعبة بايخه (ابدا) برافو عليهم ... العابهم توب

 

[ASWD]

ناهيك عن ان سوني مش موجودة كمان بالقائمة.قائمة عوجة