أفضل خيار upload في السعودية

[king zell]

ايش هو شباب أفضل و أسرع خيار للupload في السعودية

ما بين اشتراك DSL أو WiMax او Connect الخ,,

 

[SPIRIT X360]

حاليا أفضل خيار انك تستخدم wimax او انك تطلب سرعه انترنت عاليه من 10 ميقا وطالع DSL قد يكون الابلود فيها فوق الميقا تقريبا 2 ميقا

 

[Double T]

DSL و Connect خايسين في الUpload عن تجربة .. كنت قاعد قبل يومين اشوف احصائيات موقع Speedtest.net و قريت اشياء اقل ما يقال عنها انها مهزلة مسجلة للتاريخ

في السعودية كل الشركات ( او الإحصائيات ) للUpload ما تعدي 265 ما عدا كم شركة في الرياض احدها بيانات الي الUpload فيها واصل لل Kbps 700 حسب ما هو مسجل ( اعتقد بيانات هم حقين Wimax مع موبايلي )

طبعا عشان ما اكون ظالم Connect افضل من DSL في سرعة الأبلود لكن مو لذيك الدرجة ( اعلى شي وصل عندي 40 كيلوبايت )

 

[CyberMaster]

حالياً اعتقد الأفضل الـWiMax لأنه يعطيك ابلود نفس سرعة الداون لود لكن هذا يعتمد على مستوى قوة التغطية في منطقتك لذلك ماراح تعرف كم راح يكون الأبلود عندك لين تجرب بنفسك و ممكن تاخذ الجهاز حق موبايلي وتجربه عندك لك 3 ايام اذا ماعجبك تقدر ترجعه

 

[Humam]

من تجربة يوسف عبد الحميد النفجان ( ما أدري إذا تعرفوه.. بس هو ولد رهيب صراحة ) فالواي ماكس حق موبايلي هو فعلا أفضل وسيلة Upload متوفرة في السعودية.

 

[king zell]

أنا كلمت موبايلي عالواي ماكس

قال لي ان سرعة الداونلود أقل شي 2 ميجا.. و احتمال تطلع في أوقات ما فيها ضغط الى 4 و 5 ميجا

شكلي بجرب معهم

 

[Zero]

connect الداونلود فيها يمشي الحال ولكن الأبلود والبينج أخيس مما يمكن وصفه ، الحل هو الواي ماكس أو DSL فوق 10 ميجا زي ما قالوا الشباب لكن ما أحبذ الخيار الثاني .

 

[ZiZ]

أنا كلمت موبايلي عالواي ماكس

قال لي ان سرعة الداونلود أقل شي 2 ميجا.. و احتمال تطلع في أوقات ما فيها ضغط الى 4 و 5 ميجا

شكلي بجرب معهم

مشكلة واي ماكس أنها تعتمد على قربك وبعدك من البرج. وغير كذا يقطع واجد.

 

[Double T]

^ انا جربته عندي بالبيت .. ما في ارسال خير شر

 

[Da S.O.S]

واي ماكس موبايلي عندي ما يقطع ابدا .. واذا قطع قطع بالاسبوع بالكثير نص ساعه تحديث بيانات على قولتهم.
الأبلود والداونلود ممتاز جدا..
وموبايلي لمن تاخذ مودم الواي ماكس تقدر تجربه 3 ايام لو ما اعجبك ترجع فلوسك.. فإنت مو خسران شئ لو اخذته وجربته.

 

[KOTSHY]

أخوي محمد
أفضل أبلود بالسعودية هو
الألياف البصرية
الخدمة اشتغلت ب 3 أحياء بالمملكة بجدة بالشاطيء بالرياض بالنخيل
بالدمام والله مدري وين
المهم كلمهم وشوف حظك وحط رقم تلفونك بيرجعون يتصلون عليك لا توفرت الخدمة بحيك
أسعارهم مثل أسعار الدي اس ال بالتمام

هذه تجربة شخص للفايبر بس لاحظ انه جربها وقت انقطاع الكيبل

هذي تجارب للاتصال على أكثر من سيرفر
السرعة 10 Mbps

جوا السعودية البنق بطلللللللل
بس برا السعودية خاصة أوروبا لااااتعليييييييق!!
واضح ان تأثير الكيابل البحرية للحين مستمر وماصار فيه اتصال مباشر مع أوروبا، ماأدري هل بيستمر وضعهم كذا ولا بيشوفون لهم حل؟!

رقم 2 بعده هو الواي ماكس تبع الاتصالات المتكاملة
لأنه الاتصالات المتكاملة الأب لود نص الداون لود
بسرعة 2 ميغا الي هي اسرع شيء عندهم الأب لود 1 ميغا

بالنسبة للكونيكت والواي ماكس من موبايلي اتوقع انه أقل منهم

بالنسبة للدي اس ال لا تعليق الصراحة
تعرف سرعة الأب لود بال10 ميغا ؟؟؟
512

بأحط لك رابط منتدى بيفيدك من ناحية الاتصالات بكل النواحي يعتبر الأفضل بمجاله
طبعا بأحط الرابط للفائدة وليس للدعاية ولكن لو كان مخالف احذفوا الرابط
http://adslgate.com/dsl/
فيه قسم لك اتصال بالمملكة وتقدر تدخل وتعرف سرعة كل اتصال وكم الأب لود فيه

 

[TH3 PHENOMENA]

انا كنت دايم اكلم الاتصالات واشتكي على الاب لود واقولهم ارفعوه لي..ازعجتهم كثير :laugh::
والحين اتصالي 4 ميغا والاب لود 800 تقريباً ..

 

[NSider]

محمد خذ الواي ماكس وحط الراوتر في مكان مناسب ومرتفع وجربه.. إذا الراوتر يعطيك إشارة حلوة (3 أو أكثر) وعجبك الأبلود خليه عندك وخذ لك اشتراك طويل عشان.. إذا ما عجبك لك يومين تقدر ترجعه وتاخذ فلوسك كاملة.

أنا اشتركت فيه وراضي عنه تماما (الإشارة عندي دائما 4 أو 5).