أفضل/أسوأ لحظة في اليوم | Best/Worst moment of the day.

[Brewmaster]

أفضل وأسوأ لحظة اليوم في لحظة وحدة اليوم
قمت الصبح والدنيا غبار بشكل يسد النفس, دريشة/شباك الحمام -كرمتم- مفتوح وأنواع الغبار -__- , رسالة جوال (مافي دوام اليوم ) .

 

[Painkiller Q8]

بعض الشباب فاهمين الموضوع "غلط" ... ويعبرون عن ذكريات او حاله متكرره في روتين حياتهم !!

الفكره هي لحظه في "اليوم" .. يعني اليوم الي كتبت فيه رد وصارلك في هذا اليوم فقط ... يعني غلط تقول "يوم كنت صغير" او "قبل كم يوم" او لحظه مكرره كل اسبوع ..الخ
عبر عن شيء في يومك هذا ... وبكره اذا فيه شيء عبر عنه .. وكل يوم له لحظات مختلفه

 

[Al Pacino]

^
^

شباب ترا الموضوع عن لحظات اليوم !

افضل لحظة : أول ماوصلت من الجامعة ودخلت الغرفة شغلت المكيف وطلعت .. رجعت بعد 5 دقايق الا الغرفة باااردة .. كان شعور رهيب .

أسوء لحظة : محاضرة الانجليزي الثانية .. من أطفش وأخيس وأملل وأزهق المحاضرات والحصص الي مريت فيها بحياتي والبركة بدكتورنا الي مايعرف يدرس .

 

[Painkiller Q8]

^ انت دخلت الغرفه وشغلته ؟؟

يا انك الطالب المجتهد الي يداوم قبل المدرسيين :nerd: ... او ان الجامعه مافيها ستاف موظفين قوي .. ويشغلون المكيفات قبل وصول اي طالب\مدرس:sarcastic:

 

[Al Pacino]

^

خالد -____________________________________-"

مكيف غرفتي -___-"

أول ماوصلت من الجامعة ودخلت الغرفة شغلت المكيف وطلعت

 

[Painkiller Q8]

^
لوووووووووووول .. والله اني دايخ .. توني قاعد من النوم .. لا ضروري Coffee >.<

 

[DEMON]

^^^
لووول خالد , مفهي :laugh::

 

[ALONE]

اسوء لحظه : كان عندي محاضره انجليزي 3 ساعات انتظرنا انتظرنا وماجاء مدرس الماده


افضل لحظه : يوم خلصت دوام يوم مرهق وممل ومريت تغديت عند Quiznos Sub رهيب بشكل :inlove:

 

[rsm]

أسوأ لحظة : لما جلست الصبح و دريت ان ما عطونا إجازة و الجو غبار و مش كويس .. في هاللحظة جاني احباط مو طبيعي ..
افضل لحظة : اممممممم يمكن ما فيه لحظة مميزة اليوم لكن بشكل عام كان يوم حلو و جميل ..

 

[SCREAMING_RAGE]

أسؤ لحظه: اللحظه الحاليه وانا قاعد اكتب الرد هذا, لأني المفروض اني قاعد احاول اذاكر لاخر اختبار لي هذه السنة, لماده اسمها MATERIALS AND MANUFACTURE ...... ماده تذكرني بالجغرافيا ايام المدارس, لأنها كلها حفظ جيولوجيا و كيمياء و كلام فاضي ....لا واللي يزيد الطين بله اني قاعد اناظر الحين بطرف عيني اليمنى على كرتون بريد مغلق له اسبوعين فيه جهاز Wii أسود جديد مع ثلاث العاب (( على ما اظن انه فيه super mario galaxy 1 & 2 و metroid other m )) .... وعلشان ازيد الطين خياس, فوق الكرتون هذا فيه ثلاث العاب جديده بكراتينها البريديه ايضاً, اعتقد انهم portal 2+ Homefront + socom 4 ....... كل هذا قاعد يحصل في هذه اللحظه .....الله يقلع ابو القلق بس !!

أفضل لحظه: لويس سواريز يوم دخل الهدف الثالث اليوم على نيوكاسل ..... يسسسسسسس للمركز الخامس, سك ايت هاري ريدناب :sarcastic:

 

[MAX9009]

افضل لحظه اليوم : يوم قريت رد سكريمنج

فيه جهاز Wii أسود جديد مع ثلاث العاب (( على ما اظن انه فيه super mario galaxy 1 & 2 و metroid other m ))

انت تفهم .

اسوء لحظه : الحمد لله مافي اليوم شي سيء

 

[Xeon-Q8]

أفضل لحظه اليوم : قعدت مبجر لاول مره من شهرين لدوامي وماتأخرت

اسوأ لحظه : رديت البيت والغدا كان دجاج مقلي وعيش .. وانا مقاطع الدهون من فتره

للحين جوعان

 

[Unknown]

اليوم مافيه شي مهم بس لو بحط .. امممم

افضل لحظه .. من ساعه طلبت من دومينوز بيتزا
اسوء لحظة .. للأن انتظر الطلب له حدود ساعه + جااايع

 

[BreathOfFire]

أحلى لحظة :- يوم سويت البريسنتيشن للتدريب العملي إلي سويته ... أنا في العادة أكون متوتر وايد في هاي السوالف ... بس قلت بجرب شيء جديد ... و قلت بعلق شوي على صورة في البريسنتيشن عشان أغير جو الصف ... و كل حد ضحك و أن بعد ضحكت ... والنتيجة راح عني التوتر و شرحت بشكل ممتاز ... يعني في تطور من هاي الناحية ^_^

أسوء لحطة :- يوم رديت من الدوام ... كنت مسطل على الأخير ... يعني و أنا أسوق عين مفتوحة و عين مسكرة ( وايد تحصلي .. المفروض أنتبه على نفسي :confuse: ) ... كانت فترة تخوف الصراحة ... لأني كنت مواصل من اليوم إلي فات ... بس الحمد الله وصلت البيت بسلام

 

[Dr MaD]

افضل لحظه : يوم خلصت دوام يوم مرهق وممل ومريت تغديت عند Quiznos Sub رهيب بشكل :inlove:

الله يخلي كويزنز صب يارب :inlove:
المطعم فتح مؤخرا داخل كليتنا , وبديت أجرب في ساندويتشاتهم .. لذيذه بشكل !

 

[MH MD]

أفضل لحطة: يوم عرفت انه بكره يوم مفتوح وبالتالي أفضل الغياب فيه لسببين: مذاكرة القدرات و اكمال بورتال 1! :laugh::
اسوء لحظة: اممممممممم، تقريبا ما عندي لحظة سيئة اليوم،الا لو حسبت وصولك لنهاية المرحلة تقريبا في لعبة Splosion Man في طور الهاردكور وخسرت وعدت من البداية!

 

[Dark Fantasy]

أسوأ لحظة : إني أقوم من النوم للدوام ، وقتها أحس بلذة النوم

أحسن لحظة : إذا سويت إنجاز حلو في هيلو ، أحس بسعادة و إنها أفضل اللحظات P:

 

[Burdegation]

اسوء لحظه: قبل الحمام
أفضل لحظه: بعد الحمام

:

 

[MAX9009]

افضل لحظه : لمن تشوف اعضاء مو فاهمين فكرة الموضوع
اسوء لحظه : انك تعيد وتزيد وباقي ما فهموا

 

[F.JUBRAN]

افضل لحظه : لمن تشوف اعضاء مو فاهمين فكرة الموضوع
اسوء لحظه : انك تعيد وتزيد وباقي ما فهموا

:laugh::

افضل لحظة :اليوم لما اخذنا بطولة الاكادميات ( للناس الي اعمارهم صغيره ) و انا منهم :smug:

اسوء لحظة : البلنتيات طوووووووووولت و انا و الشباب على اعصابنا : بس الحمدلله حارسنا فعلها كالعادة و صد كورة بعد عناء

 

[SAUD~F-16]

موضوع حلو بين كلير

افضل لحظة؛ قمت من النوم لقيت الساعة 1 الظهر وسألت الوالده ليش ماقعدتوني للدوام؟!قالت كان فيه غبارالصبح ... ارتحت وانشرح صدري لأني كنت ساحب من بداية الأسبوع والوالد ناوي يكسر راسي لول:laugh::

اسوء لحظة: الحين....اناظر الساعة 1:40 ولسى مافيني نوم.... ادعوا بكرا مافي دوام ولا شكلي ابروح مواصل xD

 

[Jonas]

كل الايام هنا مافيها شي مميز يضيع اليوم قعده على النت و نوم اسمحوا لي احط شي صار من فتره عشاني مسكين بس

افضل لحظه : قبل اسبوعين لمن رجعت السعودية و شفت اخوي و أمي و اهلي و اصدقائي : ) اهلي ما كان احد فيهم يعرف غير اخوي الكبير و اصدقائي اغلبهم ما كانوا يدرون , ردة الفعل كان اسطورية :sadwalk:

اسوء لحظه : يوم رجعت اسبانيا قبل يومين و توديع الاهل و الاصدقاء ابيخ شعور في الحياه , الله يعيني و يعين جميع الي يدرسون خارج السعودية فعلا الدراسه بالخارج شي قروشة

 

[AHMAD PLUS]

اسوء لحظة : كان فيه اختبار مفاجئ اليوم و ما كنت ابدا مذاكر

افضل لحظة : همممم المحاضرة الي بعدها جاء الدكتور مبسوط و قال مافيش محاضرة :rockon:

 

[zizo0o]

أسوء لحظة : الأن وأنا أقرأ بالموضوع ,,, حاسس بأحباط شديد من الردود لأن أغلبها عن الدراسة ونفسي أرجع للدراسة -ــــــــــــــــــ- ....

 

[Snake-87]

أسوء لحظة : لما رحنا مطعم وطلع مافي طاولات وحولنا حق مطعم سمك صحي .
أجمل لحظة : لما حطت الصحن على الطاولة شكل الأكل حلو .. كنت متشائم جدا من المطعم .

 

[Painkiller Q8]

اليوم 2/5/2011

أفضل لحظه: لايوجد .. بنتظر لي آخر اليوم واذا في شي حلو بعدل الرد !

أسوأ لحظه: دخنت اليوم مع اني مو مدخن ولا احب التدخين .. واكره الي يدخنون عندي في الدوام :

 

[Sora Diersly]

اليوم,

احسن لحظة: لما Noah's Ark وافق انه يساعدني بمُهمّة خاصة >.>"
أسوأ لحظة: لما صحيت اليوم الظهر على صوت مُنبّه الروم ميت اللي ناسي جواله في الصالة, بغيت اكسره بالجدار من القهر. مافيه فايدة, لازم اصحى على صوت مُنبّه حتى أيام الإجازة؟؟!!! :

 

[Hironobu Sakaguchi]

افضل لحظة: لما يعلنون عن ميك اب لاكزام

اسوا لحظة: لما اضيع الوقت الي قدامي الى ان يتم اعلان الميك اب قبل يوم او يومين منه واكون ما درست شي @_@

 

[T u R k I]

أسوء لحظة: قبل الاختبار : (

أفضل لحظة: بعد الاختبار : )

 

[Mute City]

أسوأ لحظه لي اليوم : لما دخلت موضوع النتوورك وحصلت رد واحد فانبوي ويقارن الايف
أحسن لحظه لما رحت البقاله وحصلت موز علشان أكمل سلطة الفواكه