مبيعات أسطورة زيلدا دموع المملكة كسرت افتتاحية فاينل فانتسي 7 في اليابان

[Sky Walker]

غير صحيح.. الكثير كانت FF7 اول تجربة لهم بهالنوع من الألعاب و اصلا ما فيه شبه بينهم عشان يقارنوا.. المقارنة طالعة من فانز ما اشتروا PS1 لأنه سوني على وزن فيلبس و باناسونيك و راحوا مع N64 عشان لعبتين و ذكريات الطفولة (&)

هواشات اللعبتين ما كانت مقصورة على فانز فف و فانز زيلدا ، كانت على مستوى سوني ضد نينتيندو اكثر من شي ثاني ، حتى بين اللي مالعب اللعبتين من الطرفين بس علشان يثبت ان جهازه الافضل ويعني المقارنات ماراح تحصل بين اللعبتين بسبب انهم مختلفين ؟ ماتشوف تويتر والمنتديات هاليومين (&)؟

 

[ahmed-xd]

المسؤول عنه كيف سكوير فرطت بفريق مبدع مثل Monolith Soft

تقصد نامكو كيف فرطت في ذا الفريق

 

[abdullah-kh]

من عرفت نفسي و فانز زيلدا حاطين حرتهم في FF7 من ايام المقارانات مع اوكرينا اوف تايم

خخخخخ لدرجة اعرف واحد كان فان سكوير لحتى راحت للبلاستيشن وبطل يلعب جابان اربيجي. وممكن من اسباب السادس اكشلي افضل فاينل فانتسي

 

[AAH3:16]

تقصد نامكو كيف فرطت في ذا الفريق

مايغير شي نامكو غبية وسكوير أغبى بواجد

 

[abdullah-kh]

مايغير شي نامكو غبية وسكوير أغبى بواجد

الفريق طموحه اوفر اجل 6 العاب قصة

مدري وش صار مع ننتندو لكن يبدو جعلوه متزن اكثر وصارت التوليفة تنبلع انه يقدم العاب بالاول بدل ما يكتب رواية قصة.

 

[AAH3:16]

الفريق طموحه اوفر اجل 6 العاب قصة

مدري وش صار مع ننتندو لكن يبدو جعلوه متزن اكثر وصارت التوليفة تنبلع انه يقدم العاب بالاول بدل ما يكتب رواية قصة.

والله مكذب عليك Xenosaga مابلعتها بالمرة بس شوف يوم إنعطو فرصة طلعو موهبتهم بالأحرى يوم Nintendo عصرتهم لأن زي ماعارفين بيئة العمل عندهم نظام إنضباط عسكري فطبيعي يشتغل يبدع ورجوله فوق راسه

 

[Argandir]

المفروض عدد اليابانيين جالس ينقص بالأخص فئة الأطفال و المراهقين فليه المبيعات جالسة تزيد ؟!! شيء غير منطقي

سوق الالعاب مهو للأطفال حاليا…
متوسط عمر اللاعبين في العشرينيات…هم اللي كانو اطفال في السابق و استمرو في هواية الالعاب

 

[dro]

عالعموم تستاهل والسؤال اللي يطرح نفسه المفروض يشنق المسؤول عنه كيف سكوير فرطت بفريق مبدع مثل Monolith Soft

الي طلع من سكوير اظن تاكاهاشي و زوجته مو فريق كامل.. ولا؟ لو ترجع لمقابلات ساكاجوتشي لما يتكلم عنه راح تلاحظ أن تاكاهاشي كان عنيد.. تقوله رح يمين يروح يسار.. ساكاجوتشي كان يدري انه مبدع لكن كان يعاني معه مو قادر يسيطر عليه فعشان كذا قال تدري خلك مخرج و خذ مشروعك الخاص.. تاكاهاشي شكله عصب أن Xenogears ما صارت سلسلة و سكوير كانت مركزة بشكل كامل على فاينل فانتسي فعشان كذا هو قرر يستقل ( هالكلام قبل اندماج Enix حتى )

هواشات اللعبتين ما كانت مقصورة على فانز فف و فانز زيلدا ، كانت على مستوى سوني ضد نينتيندو اكثر من شي ثاني ، حتى بين اللي مالعب اللعبتين من الطرفين بس علشان يثبت ان جهازه الافضل ويعني المقارنات ماراح تحصل بين اللعبتين بسبب انهم مختلفين ؟ ماتشوف تويتر والمنتديات هاليومين (&)؟

لا تقارن العشوائية و الفوضى الحالية بفترة الهدوء زمان (&) حرفيا ليه تتعصب لجهاز جديد عشان تدافع عنه؟ ترا بلاي ستيشن اول سنتين له ما كانت لهناك حتى الجهاز اخذ له وقت لحد ما اثبت نفسه بالألعاب فواضح من الي كان يهاجم و يبغى يثبت جهازه و لعبته هو الأفضل

كان فيه مقارنة فعلا زمان و ما كانت عشان اجهزة فقط و مو بس مقتصرة بالمجلات.. يمكن لأنهم ابطال شقر و معهم سيوف و كل واحد منهم يمثل جهاز و لعبة اسطورية بنظر محبيه (&)؟

حتى نومورا شكله مستوعب هالصراع قديما :

كلاود الكلاسيك وجه لوجه مع لينك البالغ من اوكرينا اوف تايم

خخخخخ لدرجة اعرف واحد كان فان سكوير لحتى راحت للبلاستيشن وبطل يلعب جابان اربيجي. وممكن من اسباب السادس اكشلي افضل فاينل فانتسي

فاينل فانتسي قبل ما تروح لبلاي ستيشن كانت اما تصدر برقم مختلف او ما تصدر اساسا و عد و اغلط من العاب سكوير الحصرية باليابان.. هذا كله تغير من بعد FF7 إذا هو بطل يلعب jrpg فهذه مشكلته (&)



واضح هالمقطع جلط فانز نينتندو بذلك الوقت و بسببه صار الصراع (&)

 

[abdullah-kh]

الي طلع من سكوير اظن تاكاهاشي و زوجته مو فريق كامل.. ولا؟ لو ترجع لمقابلات ساكاجوتشي لما يتكلم عنه راح تلاحظ أن تاكاهاشي كان عنيد.. تقوله رح يمين يروح يسار.. ساكاجوتشي كان يدري انه مبدع لكن كان يعاني معه مو قادر يسيطر عليه فعشان كذا قال تدري خلك مخرج و خذ مشروعك الخاص.. تاكاهاشي شكله عصب أن Xenogears ما صارت سلسلة و سكوير كانت مركزة بشكل كامل على فاينل فانتسي فعشان كذا هو قرر يستقل ( هالكلام قبل اندماج Enix حتى )

مو على اساس انه هو وزوجته كتبوا سيناريو لفاينل فانتسي بس سكوير رفضته؟

على العموم زوجته بعد زينوساغا راح ارتباطها بالالعاب وفيه كثير فانز يربطوا الداونجريد بالكتابة باعماله بسبب ذا.

 

[hussien-11]

لا تقارن العشوائية و الفوضى الحالية بفترة الهدوء زمان (&) حرفيا ليه تتعصب لجهاز جديد عشان تدافع عنه؟

خخخخ معليش اسمحلي، الفاندوم كان مشعلل و أنا عشت تلك الفترة، كانت أسوأ بمليون مرة من أي شيء موجود حاليًا

تتعصب لأن الطرفين كانوا معلنين حرب على بعض (ننتندو و سوني و معاها سكوير)، حتى في وسائل الإعلام كانوا يهاجموا بعض

و جديد أو غير جديد مبيعاته كانت كبيرة و سحب سلاسل قديمة في الصناعة مثل فاينل فانتسي و ستريت فايتر و كاسلفينيا و دراجون كويست و تيلز اوف وميغامان، و الي كلها كانت سلاسل سوبر ننتندو

 

[dro]

مو على اساس انه هو وزوجته كتبوا سيناريو لفاينل فانتسي بس سكوير رفضته؟

على العموم زوجته بعد زينوساغا راح ارتباطها بالالعاب وفيه كثير فانز يربطوا الداونجريد بالكتابة باعماله بسبب ذا.

ايه اتذكر قد قريت لما انعطوا ضوء اخضر عشان يكتبوا سيناريو FF7 الأولي ساكاجوتشي دخل عليهم و حصل الغرفة حوسة و كلها دمى ميكا و من هنا حس أن جوهم ذا ما ينفع لفاينل فانتسي (&) برضو لما عرف أن القصة مره جريئة و كبيرة و سوداوية قالهم يلا new IP.. ينحسب له بقوة انه ما الغى شغلهم!

بالنسبة لزوجته فعلا اتذكر بالكتابة قد قريت أن دورها مو بسيط و اظن هي مصدر الهامه مو العكس.. تاكاهاشي معروف عنه يحب الميكا.. مثلا لو ترجع لمقدمة FF6 راح تلاحظ أن اشكال المجيتك آرمور شكله في اللعبة مره مختلف عن ارت آمانو.. السبب بهذا أن تاكاهاشي ما اعجبه الشكل الي رسمه امانو فصمم على جوه هو حط له يدين و رجلين ههه :

 

[abdullah-kh]

تاكاهاشي معروف عنه يحب الميكا..

فعلا الحين العب زينوجيرز وريفرنسز اعمال الميكا الشهيرة متروسة يمين شمال.

 

[retha]

سوق الالعاب مهو للأطفال حاليا…
متوسط عمر اللاعبين في العشرينيات…هم اللي كانو اطفال في السابق و استمرو في هواية الالعاب

متوسط العمر في اليابان حالياً في الأربعينات.

 

[Veeto]

نسبة الديجيتال 50% !

 

[MOSU]

نسبة الديجيتال 50% !

هذا في اليابان الي هي اقل من باقي العالم من ناحية حجم السوق الرقمي وبذات عاد نينو من هالناحية يعني شي جدا ضخم

 

[Argandir]

متوسط العمر في اليابان حالياً في الأربعينات.

لان المسنين في اليابان يعمرو اكثر من الدول الثانية…

بس هذا ماله علاقة بأن متوسط عمر اللعبيين في العشرينيات وان سوق الاعاب اكثر بالغين مهم اطفال…

 

[hussien-11]

نسبة الديجيتال 50% !

نسبة ضخمة

أعتقد الفاوتشرز قاعدين يلعبوا دور محترم في هذا.

 

[MOSU]

أعتقد الفاوتشرز قاعدين يلعبوا دور محترم في هذا.

افهم من كلامك ان نينو جالسة تدفع الاعبين الى هذا الاتجاه

 

[hussien-11]

افهم من كلامك ان نينو جالسة تدفع الاعبين الى هذا الاتجاه

بلا شك، نسبة ربحيتهم تزيد من الديجيتال.

 

[Jizasu]

الفريق طموحه اوفر اجل 6 العاب قصة

مدري وش صار مع ننتندو لكن يبدو جعلوه متزن اكثر وصارت التوليفة تنبلع انه يقدم العاب بالاول بدل ما يكتب رواية قصة.

الي صار ياطويل العمر اما أن الفريق تعلم من اخطائه في الماضي أو ان نينتندو رسمت حدود للفريق واعماله تحت جناحهم والخيار الثاني هو المنطقي أكثر..

الي لعب اللعاب الفريق قبل لا ينضم لـ نينتندو راح يشوف انواع التمرد في الطرح القصصي وبكل اللعابهم وكيف هي نوعاً ما تعتبر سوداوية..

زينوبليد تعتبر الحمل الوديع مقارنه في "زينوجيرز-زينوساجا-باتن كايتوس" طبعاً على الصعيد الروائ.