JIN KAZAMA
True Gamer
امس شفت الفيلم الهندي PK ..عرضه كان الساعة 12:15am بعد منتصف الليل @@
طبعا مالي علاقة بالافلام الهندية، لكن تقييمه شد انتباهي..وكثرة عروضه بالسينما والانطباعات الايجابية حوله وانقراض الافلام المحترمة كلها اقنعتني اعطيه فرصة.
اساس الفيلم عن شخص مبعوث من كوكبه الى الأرض حتى يتعرف على طبيعة سكانه ويتواصل معهم، وعند وصوله انسرقت منه وسيلة التواصل مع كوكبه فاضطر يعيش على الأرض لفترة أثناء ما هو يحاول يسترجع الاداة هذه..طبعا الكونسيبت عبيط وما فيه اي نوع من الابتكار، لكن نقطة قوة الفيلم مش هنا بل بالحوارات والتساؤلات اللي تنطرح من خلاله لما كان يحاول يبحث عن الاله اللي يتبعه..خاصة انها خالية من اي تعصب او تحزب وبفكر منفتح تام منه، بعضها كان فعلا ذكي وممتاز ويشدك له..واللي يخليها جذابة اكثر انها ملغمة بلمسات كوميدية تخليها مسترعية انتباهك على مدى الفيلم "الطويل جدا"..طبعا اللحظات اللي تشعر بالغباء بالافلام الهندية لما تتابعها لا زالت مدسوسة هنا وهناك بالفيلم لكنها بشكل غريب ما كانت مزعجة هالمرة..حتى الاغاني اللي تنط فجأة وسط الاحداث..لها مغزى كوميدي ومش مجرد حشو ممل، ولو انه يبقى فرصة سانحة لمراجعة ما فاتك عالواتساب بعض الاحيان @@
عامر خان تمثيله كان جيد جدا خصوصا انه الدور اللي اتقمصه ما كان سهل ابدا، وقدر بجدارة ينتزع الضحكة بعدد لا بأس فيه من المشاهد وكان عالموعد مع مختلف اللحظات بالفيلم، والبطلة ايضا قامت بدورها على أكمل وجه..أخذ الفيلم بجدية بتفاصيله الدقيقة بالقصة بيكون مضر باستمتاعك فيه لأن بتطلع بعدد من العيوب، لكن مشاهدته لاجل الترفيه والضحك والاستفادة من بعض اللحظات والرسالة الهادفة اللي يوصلها لك الفيلم بيعطيك التجربة اللي تبحث عنها.
ياحظك معك سينما
متحمس كثير للفيلم لما ينزل في النت !