إحساس
True Gamer
بريكنق باد و ديكستر .. ديكستر أول خمس حلقات راح تشاهد مقدمه لـ قصة المسلسل .. يمكن ماتعجبك او تعجبك .. لكن من ناحيتي أول خمس حلقات كان المسلسل جدا بارد وبطيء من ناحية التقديم .. بعد كذا راح تدخل لـ قصه رائعه جدا طول المواسم اللي بعدها .. يمكن كان فيه دروب في المواسم الأخيره لكن مع ذلك يبقى ديكستر هو ديكستر وهذا هو اللي عاجبني بالمسلسل كـ كل ..
بريكنق باد أفضل وأروع طاقم تمثيلي شفته بحياتي .. التمثيل بهذا المسلسل رائع جدا وماقد شفته في أي مسلسل ثاني .. جميع الطاقم على نفس المستوى وهالشي أعطى لـ المسلسل طعم آخر .. لـ درجة ان بعض الحلقات لما تشوفها راح تعتبرها [ دروس ] في عالم التمثيل حرفيا وبدون أي مجامله .. خصوصا الحلقه التاسعه من الموسم الثالث [ الذبابه ] اللي قدم فيها الممثلين عمل خرافي جدا وأسطوري .. حلقه اسطوريه وتسجل بالتاريخ بالنسبه لي ..
وبرضو قصة المسلسل كانت حلوه .. مافيها اي انخفاض بالمستوى وهذا اللي محليها .. فـ اذا حبيت انك تشوف مسلسل مائل شوي الى الأكشن والحماس والقصه الحلوه فـ شوف ديكستر .. لكن اذا حبيت تشوف عمل جبار وتمثيل اسطوري وقصه بـ مستوى رائع وثابت فـ شوف بريكنق باد .. ولو أن المسلسل درامي لكن فيه لحظات كثيره راح تقفز من مكانك من الحماس *_*
شفت قبل شوي Fringe .. للأسف المسلسل كـ بدايه جدا ما اعجبني .. مايعجبني المسلسل اللي تكون أحداثه سريعه جدا وعشوائيه .. مافيه اي مقدمه حلوه وهادئه شوي اعطتني فكره عامه عن المسلسل .. حسيت ان المسلسل بدأ بشكل سريع وسطحي وبرضو مشى بشكل سريع وسطحي .. فيه محاولات لأظهار عمق اكبر ولأظهار تفاصيل اكثر .. لكن ما أعطو لـ هذي المحاولات ولـ هذي التفاصيل حقها صراحه .. خصوصا ان الأحداث قاعده تصير بشكل متتالي وسريع جدا ..
لكن مع ذلك المسلسل الى الآن احسن من غيره .. قاعد يعطيني على الأقل فكرة قصه ممتازه ولها مستقبل جيد بالمواسم الجايه .. راح أتابع المسلسل لكن أتمنى ان القصه الأساسيه يكون لها تركيز أكبر في المستقبل وأتمنى ان المسلسل يهدى شوي ومايكون بهالسرعه الثابته واللي ماتخليني اتعمق وأركز بالقصه بشكل سليم ..
