أبغى مسلسل - الموضوع الرسمي -

[Sea.roOock]

لول الأحداث الباردة الي تصير في اول ثلاث مواسم هي الي خلتني احب المسلسل XD.

ياخي بناء الأحداث شي اسطوري، عشان كذا تعجبني القصص الي بدايتها بطيئة مثل اساسنس كريد 3 و بريكنج باد.

و زي ماقال عبد الله، الحلقة 11 من الموسم الرابع شي رهيب جدا و ينشاف مية مرة من دون ما تحس بطفش، برضو اللقطة اللي ...

محتوى مخفي: سبويلر موسم 4

يوم جيسي يروح للمكسيك و يدخل اللاب و يسفل في اللي هناك XDDD قسم بلله رهابة مش طبيعية، قعدت اعيد المحادثة كل شوي.

غيرو عنوان الموضوع إلى : الموضوع الرسمي لمسلسل بريكنج باد

 

[Sea.roOock]

الموسم الخامس رغم اني متخوف منه، إلا إن فيه شغل حلو و لكن حسيت هويته و شعور الـ

محتوى مخفي: سبويلر

التوتر إختفى، متحمس اشوف ايش بيصير بوالتر الحين. بس ماودي تجي شلة من المكسيك و ينعاد السيناريو مية الف مرة.

محادثة والتر و سكايلر في الغرفة يوم قالت له برسل العيال بعيد عنك كانت شي خرافي، ياخي البني ادم هذا محادثاته وهو معصب و شخصيته جبارة جدا، كنت اشوفه عادي و لكن شخصيته تطورت و من جد راكب عليه لقب هايزنبرق.

ابغا اشوف هانك ايش بيسوي، كفاية ياخذ دور ثانوي في كل موسم، ياخي ابغا والتر يُتهم بشكل رسمي و بعدين يقدر يطلع منها. متحمس اكمل كالعادة.

 

[www]

^
جيسي هذا اصلا اسطوره :laugh::

امووووووووت في الحلقات الي يصير فيها مع والتر وخصوصا في الموسم 3 الأولى , يتذكر حلقة الصحراء :laugh::

 

[www]

ياخي البني ادم هذا محادثاته وهو معصب و شخصيته جبارة جدا، كنت اشوفه عادي و لكن شخصيته تطورت و من جد راكب عليه لقب هايزنبرق.

من جد , أنا ما شفت انسان يمثل مثل هالبني أدم , قسم بالله فن فن فن , طريقة تمثيله وتحريك ملامح وجه قسم بالله قمه في الفن , انا بجيب امثله هنا

محتوى مخفي: سبولير للموسم الخامس

أفضل ممثل شفته في حياتي .

 

[Sea.roOock]

^
ههههههههههههههههههه تذكرت لقطة، اكثر لقطة ضحكتني الاسبوع الماضي بشكل جنوني XDDD

محتوى مخفي: سبويلر الموسم 4

المشهد هذاك بكبره رهيب، يوم يدخلون اثنين من سول مان لبيت تيد، عشان يخلونه يكتب الشيك المحادثات رهيبة الاشقر رهيب جدا.

اكثر شي فقعت ضحك عليه يوم تيد يقوم و هو متحمس يبي يهرب وماحد عبره و اخرتها تزحلق و ...... بوم

لول ذيك اللقطة شفتها ممكن مية مرة قبل ما اخلص الحلقة.

 

[www]

^
اللقطات الي تضحكني في بريكنج باد كثيره ,

محتوى مخفي: سبولير الموسم الثالث والرابع

اتذكر بداية حلقات الموسم الثالث لمن جيسي بحاول يقنع والتر انه يكلم غاس على شان يبيع الكميه الي عنده , قسم بالله صحت ضحك XD والنغل والتر قام يصرفها ويقول الكميه الي عندك فاشله ولونه غلط ههههههههههه

أو مشهد في الموسم الرابع لمن والتر يكلم جيسي في الحلقه ثمانيه

جيسي : ماذا لو كانت المسألة مثل الرياضيات أو علم الجبر ؟
تضيف أحمق+ ألى أحمق- والمحصله صفر أحمق
والتر : لدي مسأله حسابيه لك
قبض (هانك) على (غاس) = قبض (هانك) علينا

قسم بالله رهيبين هالأثنين ههههههههههههههههههههههههههههه

 

[Unknown]

AHS s2e10
حبيت شطحة جود عند مع The Name Game :laugh::

 

[R.ZoRo]

انتهيت من الموسم الأول من مسلسل Boss

رائع ..

8\10

 

[X-SRI-X]

احلى شي لما مسلسل جدي يجمع لك ممثلين كوميديين

 

[LAYT]

عودة arrow :smug:

 

[Majeed]

فرينج خلّص... للأبد.....


اعذروني بروح أتلحف ببطانية وأصيح....

 

[Sea.roOock]

خلصت الموسم الخامس .........................

ليش خلص .......................

الحين ارجع اشوف مسلسلات منحطة مثلا؟

[video=youtube;zIom3LSbB0I]http://www.youtube.com/watch?v=zIom3LSbB0I[/video]

XD

محتوى مخفي: نهاية موسم 5

ياخي ليش حظي مايكون حلو إذا كنت في مكان هانك وانا جالس ********

النهاية جدا رائعة رغم أحداث الموسم الباردة قليلا، متحمس جدا للموسم الجديد و الي اتوقع راح يكون اسطوري و ابي اشوف نهاية والتر نهاية اسطورية.

كنت في الحلقة الأخيرة اصارخ اقول " يا والتر خلاص اطلللللللللللللللللللللللللع" و يوم طلع انقفط لول، ياخي اتمنى اشوف مستوى قوي فيلاموسم الجاي مثل الرابع و فيه شوية حماس رغم إن الأحداث الباردة تعجبني جدا.

كانت رحلة موفقة صراحة، و المسلسل أبدا ماخيب ظني و كنت كل فرة ادخل الشوف العالم تمدح وانا جالس اقول مافي احسن من سوبر ناتشنال XDD


عندي ديكستر و boardwalk empire اشوفهم، ما ادري في أيش ببدأ و لكن شكلي ببدا مع boardwalk empire لأنه اقصر.

إحتمال ذا واير طبعا. و راح ابدا اتفرج يوم اخلص كومة الحلقات المتراكمة الي معي للمسلسلات الجارية حاليا و رجعتي بتكون مع AHS.

 

[SAUD~F-16]

اسامة نصيحة تجنب ديكستر، المسلسل يعلقك معاه وبعدين تتورط من المواسم 4 فما فوق ينخفض تدريجيا حتى ياصل لمستوى مخجل.

 

[iAnAS]

downtown abbey

ولا بعمري شفت مسلسل قدر يقدم الشخصيات زي هذا المسلسل, كل شخصية متعوب عليها و أكيد هذا الشغل يبغى يصير ولا شيء بدون تمثيل الطاقم اللي ما أقدر أقول عليه إلا أنه طاقم مثالي بمعنى الكلمة.
ما مر على المسلسل حلقة مملة أو حلقة تمهيدية للحلقة اللي بعدها زي أغلب المسلسلات اللى يالله يصير شيء حتى أخر حلقة. كل حلقة لها الدراما الخاصة فيهاز
مع كل حلقة تمر المسلسل يتوسع, الشخصيات تنفهم أكثر, القصص تكثر وتكبر. بدأ المسلسل وهو مركز على قصة وحدة بس مع تقدم المسلسل تحتاج ورقة و قلم عشان تتذكر الشخصيات و القصص
الحريم يتفوقوا على الرجال بالمسلسل في العدد و التمثيل, أصلا بس وجدود ماغي سميث معاهم يقلب الكفة لهم, كل حلقة تثبت أنه ما في أحد يقدر يتقن دورها زي ما أتقنته
صرت أستنى المشاهد اللي تطلع فيها :inlove:

* سبويلر الموسم الثالث
المسلسل يمكن ضعف بالموسم الثالث بسبب نهايته الباردة و أنه كل شيء صار بخير و تمام, يعني طول المسلسل مشاكل وخرابيط, و أخر شيء ينحل كل شيء بنفس الوقت.

 

[Yuki]

.. . ... ..

Mad Men رسمياً بيرجع في السابع من ابريل...وسوف يكون الموسم ما قبل الاخير

الseries creator ينصح الكل وبشدة بمشهادة آخر 10 من فينالي الموسم الخامس قبل ما يدخل بالموسم الاخير عشان "يعيش الجميع نفس التجربة المذهلة الي عاشها فريق عمل اما فعلوها" ......... انتريستينق...بسويها.

 

[G4mer]

american horror story s02

american horror story s02e13
يااااااااااالهي
الحلقة الأخيرة عبارة عن الشي الي بيرضيك والي انت ودك تشوفه

بصراحة الخاتمة كانت احسن من قصة الموسم الاول و حزنت عليها الحلقة ككل تخليك تحزن على القصة وعلى الشخصيات

المسلسل هذا يقف بجانب اساطير مسلسلات الرعب بل في القمة


المسلسل الي بتابعه توايلايت زوون نسخة الابيض والاسود ما استخملت تفاهت نسخة 2000
تابعت من حلقة للي صدر في الستينات مسلسل عجبني

 

[Def-yusuf]

حلقة Modern Family الأخيرة رهيبة

 

[CODE-X]

[video=youtube;OFiHaMdPPZE]http://www.youtube.com/watch?v=OFiHaMdPPZE[/video]
:laugh::

 

[T u R k I]

^ هالآدمي رهيب!

شخصيتي المفضلة بعد مايكل ودوايت. المشكلة رهابته ماراح تبان الا في المواسم الاخيرة وما اعطوه حقه في البداية.

 

[Raulioo]

^^
حتى كريد ، دخلاته صايرة تفطس ضحك .. الموسم الاول ما عطى حد حقه ، والثاني سلط الضوء على كم شخصية ، وكل موسم بعده تتعرف بشكل اقرب على شخصيات اكثر .. كيفن وكريد اكثر اثنين احسهم طبيعيين وفاصلين بطرق مختلفة..
ولا زال مكان سكوت ما قادر يتعبى

 

[T u R k I]

^ الموسم الاول ماعطى حق المسلسل اصلاً مش فقط الشخصيات!

تخيل اني كنت اقول مايكل سكوت ثقيل دم بالحلقة الاولى! كان مهرج وقتها، الحين شف وش اقول عنه

نفس الشي مع دوايت، كنت اشوفه عادي بالموسم الأول وماكنت ادري ليه الناس تمدحه

الشخصيات الكوميدية ماتقدر تعطيها حقها من كم حلقة.

 

[CODE-X]

انا اللي مزعجني اللي معطينهم فوق حقهم رغم انهم سامجين ، اندي يسببلي ازعاج كل ما يطلع شخصية تقهر ما تضحك و ما لها دور غير انها تسببلك ازعاج ! دارول كمان وش شغله بالضبط ؟ و قيب عالأقل هذا اتخلصنا منه في السيزن 9
نبي ذا اوفيس يستمر مع رجعت ستيف كاريل في الموسم 10 ، عالاقل كان جابوا ريكي جيرفيلز محله :sadwalk:

 

[T u R k I]

^ التاسع هو الأخير

ومن جد اختيارات الممثلين الاخيرة كلها غير موفقة! ماقلنا جيبوا شخصيات برهابة مايكل، لكن نبي شخصيات "كوميدية" على الأقل!

وأما آندي أحياناً يضحك وأحياناً لا.. في البداية كان مزعج لكن مع الوقت تعودت عليه، بس مؤخراً صاير أهدى من أول وهذا اللي ماعجبني فيه.

 

[CODE-X]

^
في السيزن 9 اتخلصوا منه بشكل غير مباشر حتى الآن كل حلقة هو مو فيها رهيبة ، باستثناء حلقة مريديث تصلع :yuck::
و دوايت جونيور و جيم جونيور رهيبين ، عارف انه السيزن الاخير و علشان كذا مستغرب كان المفروض نشوفهم في السيزن ال8 يحاولوا يدخلوا مواهب جديدة مش في النهاية ، حتى الثلاثة اللي جابوهم في الحلقة الاولى من السيزن 6 كنت حاب اشوفهم يستمروا ، في الفترة الاخيرة كنت جالس اعيد حلقات ذي اوفيس اوفر & اوفر (باستثناء سيزن 8 اللي تقريباً زبالة :annoyed: ) و مش متقبل فكرة انه بينتهي :crying:

 

[Raulioo]

^^
نفس الشعور ، بس اندي مثل تركي اتقبلته وصار اهدأ وأريح للاذن من قبل ، بالبداية تحس صوته نشااااااز وجايبينه حتى تكرهه بس الوضع اتغير لما انضم للفريق .. داريل هذا ما فاهم قصة المخرج معه..أكبر غلطة بتاريخ المسلسل انهم رقوه من المستودعات..هالرجال ما يمت للكوميديا بصلة ومستغرب ان ما جت انتقادات كافية عشان ينحوه من مكانه..نفس الشي ينطبق على اغلب الشخصيات الجديدة ، كل ما تنضم شخصية تسوء حالة المسلسل اكثر وآخرتها وصل لما هو عليه بالثامن والتاسع "الاثنين مملين بشكل عام باستثناء مقاطع جيم ودوايت ودخلات كريد وكيفن" وبام ما اقدر اكرهها مهما سوت ، نهاية سيزون 7 محفورة بدماغي :confuse:

 

[T u R k I]

في السيزن 9 اتخلصوا منه بشكل غير مباشر حتى الآن كل حلقة هو مو فيها رهيبة ، باستثناء حلقة مريديث تصلع

انا عاد عجبتني هذي الحلقة، وميريديث طالعه كأنها Alien :laugh::

و دوايت جونيور و جيم جونيور رهيبين

انا ماعجبوني

داريل هذا ما فاهم قصة المخرج معه..أكبر غلطة بتاريخ المسلسل انهم رقوه من المستودعات..هالرجال ما يمت للكوميديا بصلة ومستغرب ان ما جت انتقادات كافية عشان ينحوه من مكانه..

لول من جد!! ماني عارف وينه ووين الكوميديا! لين الحين احس وجوده بالمكتب غلط


وأما فكرة ان المسلسل ينتهي، للأمانة انا افضّل انه ينتهي على انه يستمر يقدم حلقات تعيسه

المواسم 7 و 8 و 9 قليل مانشوف حلقات رهيبه. الله يعز ايامه لما كان اسطوري، لو انه استمر بنفس المستوى فمستحيل اشبع منه.

 

[DEMON]

بالمناسبة...
ستيف كاريل رفض عرض انه يظهر بالحلقة الأخيرة من المسلسل.

 

[G4mer]

بالمناسبة...
ستيف كاريل رفض عرض انه يظهر بالحلقة الأخيرة من المسلسل.

ليش ؟ شو السبب ؟

 

[T u R k I]

بالمناسبة...
ستيف كاريل رفض عرض انه يظهر بالحلقة الأخيرة من المسلسل.

ليش؟!! كان عندي أمل انه يظهر

 

[Raulioo]

هو كان مصرح من قبل انه يتمنى الناس يتذكرونه مثل آخر ظهور له بالموسم السابع..وبصراحة -رغم ان العاطفة تخليني اتمنى وجوده بخاتمة المسلسل- لكن الصورة اللي طبعها بأذهاننا كانت اليمة ووداعية حارة ، تواجده ممكن يخربها بشكل ما