آخر صيحات التطور في مجال الـInternet بمنطقة الخليج. هالمرة من Batelco *هزلت وبقوة*!!

[Futrus]

لول أسود صج هالكلام؟ والله عطاني أمل إني أقطع الخدمه بعد
أخوي يدرس في لندن إحنا نكلمه كل ليله بالمسنجر ونشغل الكيمرا والمايك العاده يكون بطيء لكن بالسرعه الجديده ماكان في أي تباطئ أبداً وأبوي كان مستانس لكن لما شاف الفاتوره 46 دينار 6 دينار زياده غير رأيه

 

[Evolution]

يا عالم حالتكم أفضل مني بكثير وبمراحل ،

أنا مع المدعوة أوربت في أسوأ عملية احتيال عرفتها البشرية بسرعة سات نت 3 والمفروض الداون لود 512 لكن لو جاني 400 طرت من الفرحة وسويت احتفال ومهرجانات !!!

من يومين كنت صاحي مبكر وفرحان وادخل النت وانزل لي انمي حجمه 244 ميجا ويضربوني ذيك الضربة ويوصل الداونلوود عندي إلى أحط المستويات وصار الداونلوود من المفروض (512) إلى (21) !!!!

لا ويرسلون لي رسالة انهم يبون يساوون بين المشتركين لعن ابو ابليسكم اعدلوا وعطونا سرعتنا في اي وقت ولا تتحججون باعذار واهية ...

يا عالم شكلي أبروح هونج كونج الداونللود هناك 1 جيجا وما عندهم مطرسة العرب وخرافات الأوليين ....

عمومًا ان شاء الله انحن مأجورين على عمايل شركات الإتصالات في الخليج العربي ..... والله يعين الجميع

 

[Alucard]

يمكن الوضع عندنا في عمان شوية أفضل من الباقين

عندنا خدمة PowerNet بسرعة 384 kbps للإستخدام المنزلي وندفع عليه 12 ريال عماني كإيجار شهري ( 120 درهم امارتي تقريبا ) وعلى كل GB ( رفع/ تنزيل ) يحاسبونك ريال واحد بس بعد ما تنزل 27 GB يتوقف الحساب ويصير غير محدود فالمجموع يصير 27+12= 39 ريال ( 390 درهم )

طبعا هذي القيمة للناس الى تنزل مثلنا لكن معظم الناس ما تنزل اكثر من 2 او 3 GB فيدفعون 14 ريال ( 140 درهم ) كمبلغ متوسط والخدمة منتشرة كثير ومعظم الناس هنا يستخدمونها بس بالنسبة للناس الى تنزل مثلي تعتبر غالية ومكلفة عسى يرخصوه السعر قريبا eeved:

 

[Aoks]

وش نقول عن الاتصالات السعودية اجل ..

من سيء إلى اسواء

ومستحيل نطلع من العصر الحجري الي عايشين فيه إلى لما تجي شركة تنافس خشتهم

 

[ABUALI]

مدير الشركة اللي اقترح هالاقتراح بيطير بيطير لأن الخساير في الطريق