TGBoards

AM152
AM152
الحمد لله بخير و أنا كمان اشتقت لكم و اتمنى تكونوا تمام :)
ردك جه فى الوقت المناسب لأنى كنت ناوى أرجع للمشاركة من اليوم ، كنت متوقع اتغيب لفترة أطول بس ظروف الشغل اتغيرت مؤخرا و بقى عندى وقت فاضى و متحمس للمشاركة :)
abdullah-kh
abdullah-kh
كويس.
هو ودي أسألك عن أركاتك المفضلة في ون بيس؟ ^^ الحين قاعد أقرأ المانجا بعد يمكن أكثر من 11 سنة انقطاع (كنت شاهدت الأنمي)، الحقيقة ما كنت فان وبل كنت أكره، الحين بدأت بمحاولة جدية وأعتقد بعد 300 تشابترز مع أرك الووتر 7 لقيت نفسي فعلًا معجب بون بيس ^__^. شئ غريب لأن بالأركات السابقة كنت مش مرة مستمتع فيه بالقدر الكافي نتيجة صبري أثمرت مع هذا الأرك الذي طلع ممتاز!
AM152
AM152
هو ون بيس بالرغم من حبى ليه إلا إنه فيه كم كبير من مشاكل الشونين المعروفة و ده اللى بيخلينى أفهم لو حد ماقدرش يحب العمل أو واجه صعوبة فى تقبله بس سعيد إن العمل ابتدى يعجبك :)
بالنسبة لآركاتى المفضلة فمتفق معاك بالنسبة لآرك ووتر 7 و بالنسبة لى آرك ووتر 7 و بعده آرك إينيس لوبى يعتبروا قمة العمل بالنسبة لى
الإعجابات: Yashiro
AM152
AM152
بالنسبة لباقى الآركات المفضلة فالحقيقة إن بعض آرائى ماتعتبرش شعبية و على سبيل المثال حبيت آرك ثريلر بارك بس إتفاجئت إنه مكروه من معظم متابعى ون بيس ، آرك فوكسى كان مسلى فى المانجا (مش الأنمى) بس البعض بيعتبره من أسوء الآركات فى العمل


آرك شابودى كان متميز و حبيت الآرك اللى بعد (الاسم يعتبر سبولر) و الأنمى توسع فيه و كان موفق بالرغم من عدم حبى للفيلر عادة
AM152
AM152
معظم متابعى ون بيس بيعتبروا آرك المارينفورد و إيمبل داون من أفضل ماقدمه العمل و ده مش هاختلف عليه كثير و إن كانت فى عدد من المشاكل اللى خلتنى ماقدرش استمتع بيهم أو أحبهم زى باقى المتابعين
آرك دريسروسا كان عنده ال Potential إنه يبقى ممتاز بس الكاتب خد بعض القرارت الخاطئة اللى اثرت على مستواه بشكل كبير بس على الأقل قدر يقدم واحد من أحسن الأشرار فى عالم ون بيس
AM152
AM152
أخيرا آرك الريفيرى و اللى بالرغم من إنه قصير جدا (ست شباتر فقط ) إلا إنه ممتاز

نقطة أخيرة و هى إن إحساسك بالنسبة للعمل طبيعى و حتى لو ماحبيتش الآركات نفسها فالغريب إنك بتفضل متعلق بالعمل و ده اللى عبر عنه بعض المتابعين بإن أفضل شئ فى العمل هو مابين الآركات و الجريدة و ده ما بيظهرش غير متأخر
AM152
AM152
الفكرة إن أودا بالرغم من بعض مشاكله إلا إنه عنده قدرة حقيقية على بناء العالم بشكل رائع و مثير للإهتمام وكل النقط عدى عليها سواء الشخصيات أو الجزر بتفضل مهمة و بتبنى للنقط عليها اللى بعدها و ممكن تظهر بعد كده (حتى اللى ظهرت فى بداية العمل) و تدريجيا العمل بيبنى عالم متكامل بتعيش معاه و تحس إنه واقعى و دى تجربة مالقيتهاش فى أعمال كثيرة
الإعجابات: Yashiro
abdullah-kh
abdullah-kh
" سبيل المثال حبيت آرك ثريلر بارك بس إتفاجئت إنه مكروه من معظم متابعى ون بيس"
أنا موصل هنا وفعلًا استغربت شعبيته المنخفضة لكن قدم مغامرة مرة عالية وحتى أني أفضله على سكايبيا (اللي ما حبيته)، الذي أعجبني شخصيًا الأتموسفير وفكرة الظل الذي يتحول إلى زومبي مبتكرة، غير شخصية بروك وربطها مع الحوت الذي كان في بداية الجراند لاين. شئ رفريشنج وممتع كثير.
abdullah-kh
abdullah-kh
ون بيس له شقين مغامرة/قتالات. التركيز على الأغلب على المغامرة. أودا ما يهتم كثير في شرج القدرات أو حتى يعطي اسباب أو تدريب مثلًا، زي الذي حصل مع لوفي في إينيس لوبى والباور آب. أركات مثل Long Ring Long Land له جو حلو خصوصًا أنها مريحة للمتابعة ومسلية وفيها مغامرة حلوة. استغرب بعض الفانز يعتبرها فلر!
AM152
AM152
متفق معاك فى النقط اللى ذكرتها و زيك ماحبيتش آرك سكايبيا (و إن كنت حبيت ال concept و التصميم للجزيرة) ، إحساس المغامرة و الجو العام للعمل يبقى فعلا من أهم مميزاته و الربط مع أشياء حصلت فى البداية هتلاقيه بيحصل كثير فى العمل بس للأسف فى عدد مش قليل من الفانز إهتمامهم الأساسى بالقتالات فقط
AM152
AM152
ده مش مقتصر على ون بيس (و إن كان واضح جدا فيه) و بيوصل لمهاجمة حلقات بتقدم تطور مهم للشخصية مثلا فى بعض أعمال الشونين لمجرد خلوها من القتالات و المشكلة إن ده بيبقى ليه تأثير على الكاتب فى بعض الأوقات و بيخليه يختصر فى الجزئيات دى و ممكن يدخل فى القتال مباشرة لإرضاء الفانز :(