hits counter

TGBoards

s3rorh
s3rorh
يا متلصص ... ههههههه

واللهي المدينة لي قرابة ال 5 سنين عايشة فيها ... وما زلت عايش فيها للان .... انت ساكن فيها !؟
بليجرو
بليجرو
وياليت فاد هالتلصص، توني الاحظ ان الاقامة في ملفك مكتوب ليدز خخخ
جاني قبول ماجستير هناك وابي اعرف رايك بالتفصيل اذا ماعليك امر.
s3rorh
s3rorh
مبروك القبول .... بأي تخصص القبول ... و ممكن تكتب لي اسم الجامعة ؟
بالنسبه لليدز .... اذا ما خانتني الذاكرة ... اذكر مره كتبت عنها رد طويل بإحدى المواضيع ... بس ناسي متى و لمن -.-
s3rorh
s3rorh
بالنسبه للمدينه ... موقعها جدا ممتاز ... بوسط بريطانيا مما يسهل عليك زياره المدن الاخرى .. كمان مطار مانشستر يبعد ساعه بالضبط... و ايضا فيها مطار لكنه غالي و فيه ترانزيتات و فيها مساجد و حسينيات للسنه و الشيعة... اشياء كثيرة متوفرة لنا كا مسلمين ... سنتر/ مركز مدينة جميل... مقاهي شيشه عديدة ... مطاعم حلوة ...مدينه طلاب و تحسها اوروبيه اكثر من لندن .. أمانة و شعبها ودود .... جدا مرتاح فيها
s3rorh
s3rorh
انت من اي دولة ؟
شنو حابب تعرف بعد ؟ اسألني ؛)
بليجرو
بليجرو
الله يبارك فيك، النخصص ترجمة في University of Leeds وهي ان شاء الله من الافضل في هذا المجال.
بليجرو
بليجرو
انا من السعودية، كيف الغلاء في المدينة - اللهجة/اللكنة هل فيها عك لفظي وتحتاج تعود ولا واضحة وسهلة من البداية -جوها بريطاني تقليدي (امطار/برد) ولا مختلف - وهل فيها نشاطات متنوعة ولا مدينة طلاب في المقام الاول؟
بليجرو
بليجرو
ريحتني من ناحية تعامل الشعب وتوفرتسهيلات للمسلمين، لكن على الطاري هل الجالية العربية هناك بكثرة مانشستر او اقل؟
وتسلم على رحابة صدرك :inlove:
s3rorh
s3rorh
اسف على التأخر بالرد
ترجمة ما شاء الله !!! على كذا اللغة بتكون عندك دراسة و ليست عائق !!! و ما بتعاني بالسوالف ويا الشعب
s3rorh
s3rorh
الايجارات سعرها معقول ... فيها بيوت تبعد شوي عن السنتر و تبدأ بإيجار 100£ بالاسبوع .و في بالسنتر يكون اجار الغرف بشقه مشتركة على 150£ و فوق.. كله على حسب الموقع

اسعار الاكل اول ما توصل بتعاني اذا قارنته ببلدك، بس بعدين تتعود على اسعاره ولو تقارنه بباقي بريطانيا بتشوفه جيد و منطقي
s3rorh
s3rorh
اللغة ،،،، مثل ما قلت ما بتعاني .... لانها منطقه ليدز يكثر فيها الطلاب .... فا تشوف الكل يسولف بلكنه مفهومه و واضحه ... بس مرات تجيك مصطلحات متداولة بكثرة و يبي لك تتعود عليها ... و تعرف متى تقال ... كا مثال cheers , love , pal و هكذا
s3rorh
s3rorh
الجو .... جو بريطاني تقليدي ... مطر و برد ... و حر في الصيف .... ما اعتقد يختلف عن اي مدينه اخر ببريطانيا .... بس لو اقارنها بلندن بقول بليدز الهواء أنقى .... وماء الحنفية ألذ .... و دائما براد اكثر من لندن بسبب الزحمة ألي هناك
s3rorh
s3rorh
بالنسبه للنشاطات .... مثل ايش تقصد ؟؟
المدينة موقعها في وسط بريطانيا .... و اذا كنت تبي شي ما .... اقصاها المسافة بتكون 4-5 ساعات بالقطار .... و اذا انت بالمكان ألي تبيه !!!!
كا مثال من ليدز للندن .... او من ليدز لسكوتلندا .... كلاهما تستغرق 4 ساعات تقريبا !!
s3rorh
s3rorh
فا مافي شي بيبعد عليك لو كنت تبي تحضر نشاط ما ببريطانيا
s3rorh
s3rorh
بالنسبة للجالية ..... اقل من مانشستر ..... ولكن هالشي ما يمنع يكون في قريه او منطقه كامله تنتمي لليدز ... و 80% من سكانها ... جاليات غير بريطانية و اغلبهم مسلمين !!! كا مثال Harehills ... فيها وايد محلات حلال .... و اكثر من مسجد ... و قريبه يم السنتر .... و وايد شغلات مخصصه للعرب و المسلمين موجود فيها
s3rorh
s3rorh
أسأل بعد اذا تحب :)
بليجرو
بليجرو
ابد مايحتاج تعتذر، كفيت و وفيت..بس بالنسبة للجو كم مدة الثلوج هناك؟ وطلب اخير لاهنت اذا تعرف موقع موثوق وممتاز لحجز السكن هناك اكون شاكر لك، لان اذا تيسرت الامور ان شاء الله باستقر هناك بداية اكتوبر..
ماقصرت باسل، وبالتوفيق لك ان شاء الله في اختبار الايلتس :)
s3rorh
s3rorh
بالخدمة
بالنسبة للثلوج .... مو شي مبالغ فيه مثل امريكا و كندا ( الحمدلله )
بل شي جدا قليل ..... اخر عاصفة ثلجية نزلت ... و تعطلت حركة السير من وراها كانت بسنه 2010 .. على حسب ما اذكر
و لو بحسب كم مره نزل ثلج بال3 سنين الاخيرات ... بقول لك من 3-4 مرات
و حتى الثلج من بقوة سنه 2010 ... بل يا دوبك تنبسط فيه