hits counter

الموضوع الرسمي Final Fantasy VII Rebirth | العالم سينجو.. ولكن ماذا عنكِ؟

AzureFlame

AzureFlame

Moderator
مشرف
الفصل 12 تحفة 10/10

لما ال Pacing يصير خارق والأحداث كلها مهمة وحلوة بدون فلر ومط ومعارك ملحمية ورا بعض ومشاهد سينيمائية من أفضل ما شفت هني شغل جبار خاصة مع معارك المسرح الشيكسبيرية لول نومورا قاعد يرمي سوالفه هني وبعض المشاهد كأنها من AC و KH ] شغل توب تير مع السينمائيات.

وتفاجأت فرقة افالانش طلعوا فعلا ميتين..
 
M_Joestar94

M_Joestar94

Hardcore Gamer
AzureFlame قال:
الفصل 12 تحفة 10/10

لما ال Pacing يصير خارق والأحداث كلها مهمة وحلوة بدون فلر ومط ومعارك ملحمية ورا بعض ومشاهد سينيمائية من أفضل ما شفت هني شغل جبار خاصة مع معارك المسرح الشيكسبيرية لول نومورا قاعد يرمي سوالفه هني وبعض المشاهد كأنها من AC و KH ] شغل توب تير مع السينمائيات.

وتفاجأت فرقة افالانش طلعوا فعلا ميتين..
أنقر للتوسيع...
قلتلك الفصول الاخيرة خارقة و peak nomura حرفيا!!
لهذا ما امانع جزء بخطية اقل من ريميك.. الادرينالين اللي يعطيه اياك pacing زي اللي موجود اخر شي ما تعطيك اياه لعبة عالم مفتوح الا نادرا
باقيلك فصلين حريقة.
 
M_Joestar94

M_Joestar94

Hardcore Gamer
ياخي اهو يعتبر شوي nitpicking و ما امانع اصلا لكن.. ما حسيت شكل التحول الاول مال فنسنت داونقريد عن اللي بdirge of cerberus ؟ حسيته شوي ميه بس مش بطال و لا سيء
 
Ali-64

Ali-64

Gamer
خلصتها في 73 ساعة و حاليا موصل 130 ساعة تقريبا
فاعتقد حان الوقت لكتب الانطباعات النهائية

اشياء حبيتها بقوة:
-الشخصيات, كنت قاعد افكر من هي افضل شخصية في البارتي و الصراحة كلهم روعة حتى يوفي على الكرنج الي تسويه احيانا ستل حبوبة::involve:: بس الي لاحظته ان سيد خلوه لطيف زيادة عن اللزوم(؟) اذكره كان اعنف شوي في الأصلية بس ممكن مخبين هل الشئ لبارت 3

-السايد كويستات, كنت ساحب على اغلبها لما بدأت البلي ثرو لان كنت متحمس للمين ستوري::laugh::::laugh:: بس طلعت حركة غبية مني! كل سايد كويست يوريك جوانب اكثر من الشخصيات و حتى السايد كويستس نفسها حسيتها ممتعة

-اسلوب القتال, الريدي كان ممتاز في بارت 1 بس هنا صار اروع! البيرفكت باري ممتعة و هجمات السنجري تذكريني بكرونو تريقر ::involve:: اللعبة كانت شوي سهلة على صعوبة الدايمنيك بس حاليا قاعد اتمردغ و استمتع بالهارد مود::laugh::::laugh::

-الميني قيمز, طبعا التوب فيها هي لعبة البطاقات بس بعد باقي الميني قيمز ممتعين جدا::mad::, و الحلو انها تكسر الرتم وهاي كان مشكلة في بارت 1

-الاوست

-القرى, كل قرية و مدينة لها طابعها الخاص, مدينة kalm الناس مرتاحة و تمجد في الماكو و اهم شئ عندها انها مرتاحة حتى على حساب الكوكب, على عكس اهالي Under Junon الي شنرا خربت البحر مالها فكل الناس قاعدة تذكر ايام العز في الصيد, كل قرية ادخلها لازم احللها شبر شبر و اشوف الناس ويش قاعدة تقول::involve::

اشياء كرهتها بقوة:
- تشادلي الغثيث, في ريميك كان مجرد شخصية جانبية محد مفتكر فيها, ما ادري من الي اقنع سكوير ان هو محبوب عند الفان! هنا حاطينه في كل شئ و كله يبي يسولف ::yuck::::yuck:: غالبا اعمل سكب لكلامه

- هل النقطة بوصفها فقط بانها baby sitting خلال الاستكشاف, يعني واحد يبي يستكشف براحته تجي ذيك البومة و لا التشوكوبو الصغير و يدلوك على وين تروح حرفيا كانه بيبي سيتنق و ما يبوني اضيع::con:: ::ann::

-
الشنرا منشن كان دنجن كريه ايضا, طريقة رمي البكسات بكيت سيث عانيت كثييير لين ضبطها و هذا غير تخريب الاتموسيفر فخلوه مجرد generic lab عكس الرعب في الأصلية, بس البوس كان زين يعني فهذي الحسنة الوحيدة

- المشهد الايقوني حسيته عفسه واجد يعني الأشباح الي مخربه الوضع و حركات ان اووو هل قتلناها او لا ما حبيتها واجد و حسيت ان سوو كذا بس عشان نتخربط و غير سوالف التيام لاين بعد ::ann::::ann::
بس احس الي خفف هل الشئ هو المشاهد الي بعدها! البارتي يبين عليهم الحزن الشديد و كلاود حرفيا صار مهلوس! متحمس كيف بتكون بداية بارت 3 ::mad::

أشياء احبطتني شوي:

- عدم وجود دورة الليل و النهار, يعني فقط متواجدة في سناريوات القصة الرئيسية, تمنيت لو اقدر استكشف kalm و cosmo canyon في الليل لأن طالعين رهيبين بقوة::sad::, اتمنى يصلحوا هل الشئ في بارت 3

-كان لازم يحطون خيار اني اقدر اسيف المتريا مالي لان تعب لما ابي ابدل الشخصيات او القصة تجربني على شخصيات معينة و يلا لازم ترتب المتيريا مرة ثانية و مشوار و حالة::sar::


في النهاية التجربة طلعت روعة جدا و احسن بكثييير من بارت 1 ستل فيه بعض النقاط الي ممكن يحسنون منها في البارت الجاي بس التجربة بشكل عام اسطورية مع اني ذكرت واجد سلبيات ::laugh::
 
النسر الأسود

النسر الأسود

TG news editor
Ali-64 قال:
- تشادلي الغثيث, في ريميك كان مجرد شخصية جانبية محد مفتكر فيها, ما ادري من الي اقنع سكوير ان هو محبوب عند الفان! هنا حاطينه في كل شئ و كله يبي يسولف ::yuck::::yuck:: غالبا اعمل سكب لكلامه
أنقر للتوسيع...
أي حد جرب اللعبة: تشادلي غثيث ولا يطاق و.....
سكوير: القم وخذ معاه MAI
 
AzureFlame

AzureFlame

Moderator
مشرف
M_Joestar94 قال:
ياخي اهو يعتبر شوي nitpicking و ما امانع اصلا لكن.. ما حسيت شكل التحول الاول مال فنسنت داونقريد عن اللي بdirge of cerberus ؟ حسيته شوي ميه بس مش بطال و لا سيء
أنقر للتوسيع...

أتفق بس يمكن بنشوف له أكثر من تحول فبارت 3 وبنحصل تصاميم ممتازة جدا.
 
AzureFlame

AzureFlame

Moderator
مشرف
الCamera Work الCamera Work 😫❤️‍🔥☠️




بالفيديو الثاني هني أنا احترقت KO



مادري عنكم بس Elena و Rude عليهم حركات Swag و Cool يعجبوني



انزين شرايكم بالصورة هذه تعبت على الزاوية ترى &
ما تذكركم بزانركاند وشوي فف VIII؟ (&)

18ea67efde452-screenshot-Url.jpg

 
M_Joestar94

M_Joestar94

Hardcore Gamer
AzureFlame قال:
أتفق بس يمكن بنشوف له أكثر من تحول فبارت 3 وبنحصل تصاميم ممتازة جدا.
أنقر للتوسيع...
كايوس له حتى ولو كان على شكل ليميت اتاك و راح ارضى حتى لو كان كايميرا قبيح &
يوم كنت صغير مستحيل اوصفلك كمية الخرفنة عليه لما تحول و انا العب ديرج سيربرس &
 
venom_snake

venom_snake

Hardcore Gamer
خلصت هذي التحفة الساحره بعد ٦٥ ساعه لعب.
اصعب شي أشوفه بالألعاب هي التوقعات وخيال اللاعبين وكيف اللعبه توصل للشي اللي تخيلته اول ما كانو يتكلمون عن اصدار ريميك للجزء السابع. هالشي أكيد صعب خصوصا للعبه بهالحجم. بس اللي اقدر اقوله اني كشخص يتابع افلام وانمي والعاب كثير صار من الصعب احصل شي يتفوق على مخيلتي للمنتج قبل الاصدار. بس الشي اللي حصلته من ريبيرث تفوق على اي شي تخيلته.
فاينال فانتاسي ريبيرث هي لعبه ساحره بكل تفاصيلها وواحد من افضل المنتجات الترفيهية اللي جربتها.

القيمبلي ماعليه كلام لأنه كل الخواص اللي فيه تقولك استخدمني من السينرجي اللي توقعتها بس بهرجه بالبدايه بس اضافت شي كبير لتكتيك اللعب ايضاً تنويع كبير بالسحر/ضربات خاصة والليمت بريك.
-اسلحه كثيره ومتنوعه.
-شخصيات كثير وكل شخصيه مختلفه بشكل كبير عن الثانيه.
-ايضاً نظام الماتريا الاسطوري.

السايد كويست كان ممتاز ويضيف كثير للعالم والشخصيات بأغلب الأحيان. ولعبة البطاقات كان ادمانيه وشي جميل أنهم أضافوا لها قصه جانبية.

القصة بأغلب لحظاتها ممتازه ولا كان عندي مشكلة مع التغيرات بالستثناء مشهد
لحظة ان كلاود ياخذ ايرث للايف ستريم مدري ليه صارلها سكيب. اوك ممكن كان بيكون شكلها غريب ان كلاود ماراح يكون حزين لان باقي يشوف ايريث بس كنت انتظر هاللقطه وودي اشوفها

ماعندي سلبيات كثير بالستثناء تدخل تشادلي بأغلب الأشياء الجانبيه. حتى لعبة البطاقات يتدخل فيها ويقولك حصلت منافس جديد. أشوف الأفضل كان فيه تنوع بهالشي وكل سايد كويست مثل البطاقات أو الأبراج يكون لها شخصية متخصصة بمجالها.

شيء اخر كان ودي يغيرونه اللي هو موقع قتال ال combat simulator. كان ودي كل استدعاء او قتال يكون بموقع مختلف بدال ما تخوض كل هالمعارك بنفس الممكان.

اجمالا أشوف اللعبة ١٠/١٠ خصوصا مع كمية المحتوى الكبير المتبقي لي برحلة البلاتنيوم. وخيارات بعد نهاية اللعبه توفقو فيها مثل الهارد مود و خيارات متعدده تسهل عليك العوده وتخليها مختصره.
 
Ali-64

Ali-64

Gamer
venom_snake قال:
لحظة ان كلاود ياخذ ايرث للايف ستريم مدري ليه صارلها سكيب. اوك ممكن كان بيكون شكلها غريب ان كلاود ماراح يكون حزين لان باقي يشوف ايريث بس كنت انتظر هاللقطه وودي اشوفها
أنقر للتوسيع...
اتوقع سووه بهل الطريقة لأن جالسين نشوف المشهد من منظور كلاود
و من منظور كلاود ان ايريث اصلا عايشة و امورها طيبة و يسولف معاها عادي
فهو قد يكون فعلا نزلها للايف ستريم بس عقله رافض هل الفكرة فيعني بالعربي كلاود مهلوس فورونا المشهد من هل المنظور
اتمنى وضحت فكرتي ::sweat::::sweat::
 
venom_snake

venom_snake

Hardcore Gamer
Ali-64 قال:
اتوقع سووه بهل الطريقة لأن جالسين نشوف المشهد من منظور كلاود
و من منظور كلاود ان ايريث اصلا عايشة و امورها طيبة و يسولف معاها عادي
فهو قد يكون فعلا نزلها للايف ستريم بس عقله رافض هل الفكرة فيعني بالعربي كلاود مهلوس فورونا المشهد من هل المنظور
اتمنى وضحت فكرتي ::sweat::::sweat::
أنقر للتوسيع...
هو صحيح بس كانوا يقدرون يجيبون اللقطه لأنها صارت وغير كذا ممكن يجيبونها وبعد هاللقطه يبدأ يشوفها. لو ماجابو لقطة أنهم جالسين يبكون افضل. أشوف المشهد ككل تطبيقه سيئ صراحه
 
Ali-64

Ali-64

Gamer
venom_snake قال:
هو صحيح بس كانوا يقدرون يجيبون اللقطه لأنها صارت وغير كذا ممكن يجيبونها وبعد هاللقطه يبدأ يشوفها. لو ماجابو لقطة أنهم جالسين يبكون افضل. أشوف المشهد ككل تطبيقه سيئ صراحه
أنقر للتوسيع...
هو فعلا بعض الاشياء في النهاية (خصوصا مشهد قتل ايريث) تحسهم معقدينها بزيادة لاجل التعقيد فقط ,فما برز بأفضل صورة للأسف
 
HardMind

HardMind

Hardcore Gamer
ياساتر 90 ساعة ولسع ماخلصت القصة!
بهذا الوقت جبت بلاتنيوم الريميك الاول.
صحيح بهذا الجزء قاعد اشطب كل المناطق قبل مكمل بالقصة -باستثناء بعض المني قيم المزعجة-
اللعبة بقيلها تكه وتصير زينوبليد بطولها :tearsofjoy:
 
التعديل الأخير:
lightq8

lightq8

True Gamer
HardMind قال:
ياساتر 90 ساعة ولسع ماخلصت القصة!
بهذا الوقت جبت بلاتنيوم الريميك الاول.
صحيح بهذا الجزء قاعد اشطب كل المناطق قبل مكمل بالقصة -باستثناء بعض المني قيم المزعجة-
اللعبة بقيلها تكه وتصير زينوبليد بطولها :tearsofjoy:
أنقر للتوسيع...
هالتسعين ساعه كيف تصفها عندي اللعبة لكن كل مااتذكر طولها ااجلها ؟
 
HardMind

HardMind

Hardcore Gamer
lightq8 قال:
هالتسعين ساعه كيف تصفها عندي اللعبة لكن كل مااتذكر طولها ااجلها ؟
أنقر للتوسيع...
كقصة؟ ضياع من كثرة المشتتات والمغريات والميني قيم.. جديا احس ضيعت شو صاير وايش المطلوب وافكر بعد ما اخلص القصة اشوف فيديو يشرحها.
كقيمبلاي؟ جدا مستمتع لان هالجزء فيه تحدي اكثر من الاول على النورمال وكمان كل شويه تحصل نفسك بلعبة مختلفة(الميني قيم) مرة كراش سباق مرة تيكن مرة ستار وورز .. الخ كمية الافكار اللي انحطت بلعبة فظيعة.
لكن بديت احس بشعور تشبع غريب وخلاص ودي اركز على اللعبة نفسها وقصتها واخلصها واتوقع خلاص على وشك...


صح هالجزء حبيت الاستدعاءات فيه .. اودن صاير ينقذلي الموقف ب 9999 حقته اذا مشي خصوصا لو كنت بقتال لحالي ::laugh::
 
venom_snake

venom_snake

Hardcore Gamer
كمية الكوميديا باللعبة ماهي طبيعية ::laugh::.
للتو انهيت سايد كويست الكاكتور وبصراحه كان ممتع بالميني قيمز ومضحك بنفس الوقت.
 
zlatanovic

zlatanovic

True Gamer
في بداية الفصل 8، وحاب اني ارفع شكوى للزملاء القائمين على اللعبة مفادها الآتي:

- ياخي من الجزء السابق كانت فيه مشكلة تخصيص الماتريا على القتال. يعني كيف مفروض اعرف نقاط ضعف العدو او نوع السحر اللي يستخدمه قبل ما أبدأ القتال؟ واذا بديت ما عاد اقدر اغير. نتمنى السماح بتغيير الماتريا بنص القتال مشكورين

- خروج شخصيات من البارتي وعودتها بشكل مستمر يخليني ادخل واغير الماتريا بشكل مستمر. فضلا لا امرا وضع خيار تشكيل عدة فرق مختلفة لتوزيع الماتريا.

شاكرين لكم حسن تعاونكم،
 
Good Hunter

Good Hunter

True Gamer
أحلى شي في ريبيرث أنها قدرت تتقمص أحساس فاينل فانتسي القديم بس بطريقة عصرية، إحساس البهجة حاضر بقوة بسبب التنوع والمواقف اللي تصير بين كل حدث رئيسي مهم وآخر.

ما أشوف الاشياء الجانبية والتحويلات في اللعبة تمطيط، في الواقع هذا هو جوهر الفاينل فانتسي كلاسيك، هذا هو ال essence بحق وحقيق، فاينل فانتسي لطالما كانت رحلة طويلة وفيها تحويلات وزيارة قرى وناس وبطولات وخرابيط وأشياء جانبية وباكتراك واستكشاف.
إحساس السرور والعجائبية هذا، هذا هو اللي كان يميز فاينل فانتسي فعلا، فاينل فانتسي 7 كانت دايما تنوصف بإنها تجربة ساحرة، نقول ٨ و ٩ و ١٠..

من الجزء العاشر وحتى اليوم ما قد شفت فاينل فانتسي قدرت تجيب الاحساس الكلاسيكي هذاك مثل ريبيرث..

خلصت شابتر 4 وشابتر 5.
شابتر 6 بدايته منعشة جدا &
 
venom_snake

venom_snake

Hardcore Gamer
zlatanovic قال:
- ياخي من الجزء السابق كانت فيه مشكلة تخصيص الماتريا على القتال. يعني كيف مفروض اعرف نقاط ضعف العدو او نوع السحر اللي يستخدمه قبل ما أبدأ القتال؟ واذا بديت ما عاد اقدر اغير. نتمنى السماح بتغيير الماتريا بنص القتال مشكورين

- خروج شخصيات من البارتي وعودتها بشكل مستمر يخليني ادخل واغير الماتريا بشكل مستمر. فضلا لا امرا وضع خيار تشكيل عدة فرق مختلفة لتوزيع الماتريا.
أنقر للتوسيع...
هو اللي تحتاجه بنقاط الضعف غالبا مايتعدى fire, thunder, blizzard و aero وهي أصلا متوفرة بشكل كبير وبأغلب الأحيان يكون عندك تقريبا ثمان أماكن فارغه للماتيريا وهذا غير ال earrings اللي تعطيك سحر بدون استهلاك اي ماتيريا. وغير كذا تقدر تضيف تطوير لأغلب السحر وتصير كل شخصية عندها ضربات السحر بشاشة تطوير البارتي.
فالأفضل يكون تخصيصك دائما متعدد الخيارات وجاهز لمواجهة اي عدو.
 
zlatanovic

zlatanovic

True Gamer
venom_snake قال:
هو اللي تحتاجه بنقاط الضعف غالبا مايتعدى fire, thunder, blizzard و aero وهي أصلا متوفرة بشكل كبير وبأغلب الأحيان يكون عندك تقريبا ثمان أماكن فارغه للماتيريا وهذا غير ال earrings اللي تعطيك سحر بدون استهلاك اي ماتيريا. وغير كذا تقدر تضيف تطوير لأغلب السحر وتصير كل شخصية عندها ضربات السحر بشاشة تطوير البارتي.
فالأفضل يكون تخصيصك دائما متعدد الخيارات وجاهز لمواجهة اي عدو.
أنقر للتوسيع...
من ناحية استخدام السحر فهذي فعلا بسيطة مثل ما ذكرت.
لكن احيانا ابي الهجمات الفيزكل تكون مرتبطة بالنار مثلا، لكن اكون رابطها بالثلج.
او رابط الماتيريا اللي تسوي امتصاص للنار، ويجي العدو هجماته ثلج.

وهكذا.
 
HardMind

HardMind

Hardcore Gamer
باركولنا
وبيوم العيد خلصنا ريبرث احس مستحيل انسى هالتصادف :tearsofjoy:
ب 104 ساعات ! خلصت كل اللي ابيه وزيادة قبل مختم القصة حتى خلاص اوقف(قفلت السايد كويست. قفلت كل الخرايط وخلصت على مواجهة قلقماش الاسطورية.. التروفيات 70%)
البلاتنيوم ممكن السنة الجاية اذا ماحصلنا العاب
لانه متاكد محتاج اقل شي +60 ساعة اذا ابيه غير ان مالي خلق للهارد مني قيم وحيصير الوضع بس غصب للعب اذا كملت اللحين.
كل شي عجبني باللعبة تقريبا الا شوية التمطيط المعتاد و سيفروث اللي محشور غصب بكل مشهد وعاد اخر تشابتر اللي كانه احلام العصر دبلين-اذا استثنينا السنمائية الرهيبة طبعا-
القصة يبلي اشوف ملخص لها اشغلني المحتوى الجانبي عنها.
بالاخير تقيمي للعبة 9/10
احس اول لعبة 70 دولار تستاهل كل ريال تدفعه من كمية المحتوى وساعات اللعب.
ما اعرف ليش بيحتاجوا 3-4 سنوات ثانية للبارت الثالث حسب ماسمعت؟
احس بدا الجزء خلصوا غالب خريطة اللعبة والاساسات القوية موجودة وزيادة
اللي مخلصين اللعبة الاصلية .. كنسبة مئوية كم باقي من القصة وكم باقي من العالم؟
 
التعديل الأخير:
MOSU

MOSU

Another Side Another Story
HardMind قال:
للهارد مني قيم
أنقر للتوسيع...

ترا في طرق واساليب تسهل عليك لو حاب


HardMind قال:
ما اعرف ليش بيحتاجوا 3-4 سنوات ثانية للبارت الثالث حسب ماسمعت؟
احس بدا الجزء خلصوا غالب خريطة اللعبة والاساسات القوية موجودة وزيادة
اللي مخلصين اللعبة الاصلية .. كنسبة مئوية كم باقي من القصة وكم باقي من العالم؟
أنقر للتوسيع...

يحتاجو هالسنوات عشان الايرشيب واساسا وراهم تحدي جنوني في تطبيقها لو حابين ينقلو احساس وسلاسة الاصل بس بشكل عصري غير ان بيحتاجو اعادة تصميم العالم عشان الايرشيب وهذا لحاله يحتاج شغل كبير يعني الي شفته حاليا بس نموذج اولي للجاي
باقي ثلاثين بالمئة تقريبا من ناحية القصة والعالم باقي مناطق عديدة ما زرناها زي مدينة يوفي وسيد والمنطقة الثلجية وكم منطقة هنا وهناك وفي مناطق بنرجع لها لكن من جهات ثانية او موسعة
هذا غير ال Weapon الي نومورا يقول هم والايرشيب اصعب تحديات البارت الجاي
فيعني طبيعي يحتاجو هالثلاث سنوات زيادة
 
Argandir

Argandir

True Gamer
HardMind قال:
ما اعرف ليش بيحتاجوا 3-4 سنوات ثانية للبارت الثالث حسب ماسمعت؟
احس بدا الجزء خلصوا غالب خريطة اللعبة والاساسات القوية موجودة وزيادة
اللي مخلصين اللعبة الاصلية .. كنسبة مئوية كم باقي من القصة وكم باقي من العالم؟
أنقر للتوسيع...

4 سنوات ممكن كثير…لكن 3 سنوات و شوي على الأقل…

في منطقة تحت الماء…و القارة الشمالية…هذا غير Wutai الي من الكلام اللي قريته راح تكون ضخمة جدا (اكثر من الجزء الأصلي) عشان يوضحون كيف انها دولة عندها القدرة انها تحارب Shinra…

تقدر تقول ان باقي من اللعبة بين 30%-40%…الCD الثاني و الثالث من اللعبة الاصلية…
 
MOSU

MOSU

Another Side Another Story
Argandir قال:
4 سنوات ممكن كثير…لكن 3 سنوات و شوي على الأقل…

في منطقة تحت الماء…و القارة الشمالية…هذا غير Wutai الي من الكلام اللي قريته راح تكون ضخمة جدا (اكثر من الجزء الأصلي) عشان يوضحون كيف انها دولة عندها القدرة انها تحارب Shinra…

تقدر تقول ان باقي من اللعبة بين 30%-40%…الCD الثاني و الثالث من اللعبة الاصلية…
أنقر للتوسيع...

عندك النهاية بتكون فيها صعوبة سواء المشهد السينمائي ( لانه لازم يجيبو نهاية مثالية للثلاثية ويكررو شعور ختامية الاصل المميز ) او الدنجن الاخير الي اتوقع بيكون بضحامة التمبيل مع القتال النهائي الي اتوقع بيكون ضخم بشكل خيالي
 
يجب تسجيل الدخول أو التسجيل كي تتمكن من الرد هنا.
أعلى