Silent-Horror

أهلاً حكيم .. الحمد لله بخير .. إنت كيفك .. يا رجل وينك .. وين الغيبة هذه .. ؟
كيف الوضع عندكم .. إن شاء الله ما تضررت لا أنت و لا عائلتك .. ؟

نعم تركت ستار الوضع هناك صار ممل جداً !

المفروض في إمكانية تغيير بلدك مثل نينتندو. تصدق أنا مشكلتي وقتها كنت متوهق ناس كثيرة تقول الستور الأمريكي أفضل وتمدح فيه فقمت أدور أقرب دولة تتبع ريجن أمريكا وأخترت المكسيك لول =(

آه تمام أنا مشترك في البلاس عشان الألعاب المجانية و التخفيض منها على كود فيرونيكا و لو فيه ألعاب ثانية جاية حاليا عندي رصيد حوالي 50 استرليني في حسابي . تورطت و الله بالحساب البريطاني
أنت ليش عامل حساب مكسيكي ؟؟

تخفيض إذا عندك بلاس فقط. والله بلشونا بهالبلاس وأنا بلشت حالي بالحساب المكسيكي >.>.

أوك إعتبره تم &&

خلاص أجل إذا بديت فيها خبرني أبي أختمها معاك بس أهم شي لاتكون نوب وتبلشني ههههه

همم نايس إختيارات موفقة صراحة، ألعاب قليلة ماهي لذاك الزود والبقية كلها ممتازة. بالمناسبة أجزاء جود اوف وار حق البسب إذا ماجربتهم تراهم نزلوا قبل يومين على الستور بجرافيكس HD معدل ولهم تروفيز برضو.

يالله زين تسوي كل ألعاب الستور تقريباً ماتحتاج وقت طويل، إلا عندك ديد نيشن ؟ أنا محملها من فترة طويلة وحتى الحين ماختمتها من صعوبتها. يبي لها واحد أعصابه باردة وتكتيك وبدون درعمة

همم بيني وبينك أنا كل ما أحاول أجيب بلاتينيوم وأنوي على لعبة معينة أوقف عند تروفي مريض ويغلبني الملل ولا أعاود أفكر أكملها مرة ثانية إلى مافقدت إهتمامي بشكل كامل بالتروفيات بس جبت بلاتينيوم واحد بالصدفة وبدون مجهود يذكر وحتى الأن موب مهتم، مدري شيحسون فيه حقين التروفيزات صراحة :laugh::

لول عندك ألعاب كثيرة وتبي شي جديد! خلصهم بالأول وبعدين يصير خير

همم الفيتا ماراح ينزل "خارج اليابان" إلا السنة الجاية، إذا تبي أر بي جي عندك لعبة إسمها Xenoblade عليها مدح خيالي وناوي أجيبها أول ماتسمح لي الفرصة وأتفرغ لها.

إن شاء الله لي تجربة معاها بس حالياً عندي لستة ألعاب أبي أخلصها أول وبعدين يصير خير :laugh::

الأون لاين هو إلي مخلي ألعاب الشوتر تبيع بشكل قوي، وهذا سبب نمو هذا النوع من الألعاب على هالجيل.

همم دام فيها قصة حلوة وسوندتراك رهيب يبي لي أجربها، بس الله يعين على سرعة الأنترنت يوم يكون سريع صاروخ وفجأة يتقلب 360 درجة عشان كذا ما أحب أشتري شي من الستور لول.

همم والله بيني وبينك ماكانت تعجبني بس حبيتها من عقب ماجربت ميدل أوف هونر على الـ PSP وكانت أول لعبة أون لاين ألعبها بحياتي بس بصراحة أفضل الألعاب إلي فيها شوي إبتكار وغير روتيني بعيدة عن أجواء الحروب العالمية مثل كيل زون ختمت منها الجزء الثاني والثالث وكرايسس لعبة عجيبة برضو ختمت الجزء الثاني بس والأول جاي الشهر الجاي على الستور وناوي عليه.

لول الظاهر الوضع عندكم فيه شوية أكشن موب إلي عندنا هدوء كالمعتاد ومافي شي جديد اللهم غير يوم تلقى تفتيش بطريقك واليوم الثاني مافيه هههههه، الله يحفظكم وينصركم وتستقر الأوضاع عندكم بأقرب وقت يارب =).

يب فاينل فانتزي رسومها كرتونية وبينما GTA IV واقعية بس هذا الشيء إلي يخليها تتفوق بشكل واضح.

بخصوص حرامي السيارات هو أكثر إسم له هايب عندنا بالدول العربية (يمكن بعد كال أوف ديوتي الحين)، ولو بنتكلم عن التخلف ماراح نخلص يكفيك تشوف ورع مع أبوه ياخد له اللعبة مع إن مكتوب على الغلاف تحت بالزاوية +18 :laugh::

خخخخ موب سالفة تعصب ياحكيم بس أنا جربت وعلى هذا الأساس أقتنعت. بخصوص فاينل فانتزي لو تدقق بما حولك ماراح تلاحظ هذيك التفاصيل العميقة مثل إلي تلقاها بـ GTA IV وعلى سبيل المثال عندك وجوه الشخصيات مافيها أي تفاصيل تقريباً بفاينل فانتزي على خلاف GTA IV.

على العموم كل شخص وذوقه ولولا إختلاف الأذواق لبارت السلع :laugh::

غير كذا تقدم كاميرا كاملة مع إمكانيات مختلفة وغير محدودة مثل إنك تحولها للكتف أثناء المشي والتصويب وللمنظور الأول أثناء التصويب والقيادة وغيرها من شغلات كثيرة كانت محدودة جداً وماتقدم لك أي خيار أخر بألعاب أخرى ولكن GTA IV قدمتها بشكل أوسع وأفضل أيضاً وجمعتهم بلعبة وحدة. فوق كل هذا GTA IV تقدم محتوى ضخم جداً لدرجة لاشعورياً تحس إنك دفعت 60$ دولار وتحسها قليلة بحقها على خلاف ألعاب هذا الجيل إلي نادراً ماتلقى لعبة بمحتوى مناسب تستحق تدفع عليها 60$ بغض النظر عن المستوى إلي تقدمه. فما أدري شخصياً ولكن إذا GTA IV ماتستحق العلامة الكاملة رغم كل إلي قدمته فما أعتقد في أي لعبة أخرى تستحق هذي العلامة بجدارة (بدون مبالغة).

همم أنفيموس لعبة جيدة بس مشكلتها من النوع إلي أما تكرهه وماترغب لها أو تحبها مافي وسط، بس بما إنك جبت الأول جربه وإذا عجبك جيب الثاني بعده لأنه أفضل منه بمراحل، بخصوص رزنت إيفل ناوي عليها إذا نزل س أول شيء بختم ريميك الأول وبجيب جزء زيرو وبعد ما أختمهم بشتري كود فرونيكا، كلهم رهيبين ويقدموا أسلوب رزنت إيفل الكلاسيكية على البلاي زمان عنهم صراحة وزين إني ماجربتهم قبل :rockon:

بغض النظر عن هذا الشيء جرافيكس GTA IV يعتبر شيء ممتاز ويكفي لحظة غروب الشمس وإنخفاض سطوعها على الأراضي وتأثيرها يظهر على جميع المجسمات من مشاة ومركبات والبحر أيضاً وغيرها. من جانب أخر GTA IV أحدثت نقلة كبيرة بالفيزيائيات والأنميشن لدرجة صعب إنك تشوف لعبة أقتربت من مستواها بهذاك الوقت. علاوة على المستوى التقني اللعبة تقدم جيم بلاي فوق الممتاز يجمع بين نظام شوتينج ينافس أفضل ألعاب الثيرد بيرسون شوتر ونظام قيادة مركبات ينافس أفضل ألعاب سباق السيارات وإلي يعتبروا أهم شيء بالجيم بلاي.

بالعكس GTA IV جرافيكسها كان قوي جداً ويعتبر من أفضل الجرافيكسات على وقته، من جهة أخرى أنظر للجانب الأخر روكستار عملت شيء عظيم لما عملت عالم ضخم مليء بالتفاصيل وبنفس الوقت تتشمى فيه على راحتك بدون لحظات تحميل وبدون أختفاء معالم المدينة من بعيد. على خلاف MGS4 والألعاب الخطية الثانية إلي المرحلة الواحدة كلها عبارة عن كم متر في كم متر وبعدها تجيك لحظة تحميل حتى تنتقل للمرحلة الأخرى وبالتالي كان عملهم أسهل بكثير.

بالنسبة لي أستمتع بالكتابة إذا كنت متحمس لهذا الشي ومايهم الأسلوب و الشي إلي بكتب عنه خخخخ.

بخصوص GTA IV فيها نسبة من التكرار صح كلامك، وكل المهام تقريباً روح أقتل هذا وطارد هذاك بس بصراحة إلي خلاها ممتعة هي واقعية القتل وإنها تعيشك واقع حياة العصابات الكآيبة، هذا غير القصة إلي كانت ممتازة والتنوع بالأحداث والشخصيات برضو خصوصاً نيكو بيليك كان أسطوري وهذا إلي خلاني أستمتع بها وأختمها 6 مرات. غير كذا اللعبة تمتلك مميزاتها ومؤهلاتها إلي تخليها تستحق العلامة الكاملة وكل المديح إلي جاها.

همم في ألعاب ممتازة نزلت بالفترة الأخيرة ونزلت برضو على الستور، عندك inFamous 2 إذا كنت تحب ألعاب المغامرات والسوبر هيرو بتعجبك، وعندك برضو Driver: San Francisco رجعت لجذور السلسلة (ماتقدر تنزل من السيارة) ولكن مع إضافات وتطورات تخليها تواكب ألعاب الجيل (بالمناسبة في لهم ديمو على الستور تقدر تجربهم قبل لاتاخدهم) + عندك كرايسس 1 نزلت قبل أربع سنوات على الحاسب بس وبتنزل الشهر الجاي على البلاي 3 وعلى الستور برضو.

في ألعاب غيرهم بس هذا إلي أذكره من الألعاب الممتازة.

يب أذكر مراجعة هيفي رين ماشاء الله عليك خبرتك التحريرية جيدة جداً بس أشغالك ومسؤلياتك وحياتك بالعالم الواقعي هي الأهم بالمقام الأول، بينما الكتابة مجرد إضاعة وقت وللمتعة فقط.

بس إذا مهتم بالألعاب إلي تملك قصص ممتازة عندك لعبة إسمها Mafia II شيء أسطوري من هالناحية إذا ماجربتها لاتفوتها عليك + لاتاخد بمراجعات المواقع لأنهم ظلموها كثير بس لأن "أعتقد" توقعوها عالم مفتوح مثل GTA وطلعت لعبة خطية تقدم عالم مفتوح صغير ومحدود يخدم متطلبات القصة فقط.

همم ماسمعت عن هذا الشي من قبل صراحة بس لو تلاحظ كل الكوليشنات إذا ماخاب ظني إلي صدرت بالأسواق حتى الأن نزلت برضو على الستور، فأعتقد شيء بديهي إنهم ينزلوا على الستور حالهم حال الألعاب الثانية.

الله يحسن من حالكم ويوفقك يارب.

يب تروجيمنج يقدم مراجعات بشكل إحترافي ودقيق غير عن كل المنتديات والمواقع الثانية، شخصياً كنت أكتب بجيم ماستر و NG4A ورايفل سول وجيم ون وغيرهم بس كلهم تكتب أي كلام وتنزل إلي كتبته وتلقى عليه أقبال ومدح كبير سواء كان مقالة أو مراجعة أو أياً كان، ولكن هنا الوضع مختلف وفي تركيز كبير على تقديم كتابات بمستوى إحترافي وهذا إلي ساعدني بتحسين خبرتي التحريرية ولله الحمد.

بخصوص جيم ماستر هو خلاص إنتهى وياليت واحد يسرق عضويتي بعد عشان ما أدخله لول

الله يوفقك إن شاء الله، أهم شيء يكون عندك قدرة على الصبر والمتابعة وتقبل أراء الناس مهما كانت والنظر إليها بجدية إذا كانت منطقية.

الأصوات يابانية بس مترجم عربي، ما أختلف معاك إنه يخليك تضحك وبقوة بعض الأحيان بس مدري صراحة كل شخص ومزاجه. المهم بشاهد الحلقة السادسة بعد ما أجيب لي فطور لول، همم على كذا يبي لي أرجع أتابع كونان بس شكله طويل فعشان كذا بشاهد Aoi Bungaku قبل بما إنه قصير جداً ومشوق على كلامك.

أنا ساكن بالمنطقة الشرقية وتحديداً في الدمام. إلا إيش أخباركم في ليبيا ؟ همم، بخصوص تروجيمنج هو أكثر منتدى عربي إحترافي متخصص بالجيمز ويجتمع فيه نخبة من الأعضاء جايين من منتديات مختلفة بعد ماطفشوا من الوضع إلي عندهم، وهنا ممكن تلاقي أعضاء كثيرين تعرفهم قبل بجيم ماستر خاصة المغبرين منهم على أيامك وهذا إلي بيخليك تحب تروجيمنج على خلاف المنتديات الأجنبية إلي بتدخلها وماحد يعرفك وتحس حالك ضايع فيذا :laugh::

بالمناسبة، إقامة سعيدة إن شاء الله هنا بتروجيمنج

نفس الشيء هنا كان في شخص يمدحه لي مدح خيالي السنة إلي طافت والسنة هذي لقيته بالصدفة وحملته وطلع شيء رهيب بجد ويستحق كل المدح إلي جاه لول

ون بيس صار لي مدة أتابعه وحتى الحين شاهدت الحلقات الخمس الأولى فقط وكل مابين فترة وفترة أشاهد حلقة. هو صح ممتاز بس للأمانة ماهوب ذاك المسلسل إلي يحمسك مرة ويخليك تشاهد حلقات كثيرة باليوم الواحد مثل ديث نوت.

واو كونان من زمان ساحب عليه أذكر أخر جزء شاهدته كان الرابع إلي طلعت فيه هيبارا وشكلي برجع أكمله خخخخ.

بخصوص الفلم أنا حملته من هنا وحتى الحين محمل الجزء الأول بس وإن شاء الله بشاهده إذا فضيت وتحمست له وبعدها بحمل الأجزاء الثانية :whistle:.

خخخ يب ديث نوت مسلسل رهيب من البداية يشدك لمتابعته وكل شيء فيه خورافي، وبالنسبة لي هو أفضل أنمي شاهدته بحياتي.

وترا نزل له فلم مكون من ثلاثة أجزاء إذا ماخاب ظني وإن شاء الله بشاهدهم قريب، بس بيني وبينك موب متحمس للفلم كثير لأني ما أعتقد إنه بيوصل لمستوى الأنمي :laugh::.

حياك الله حكيم، منور :happy: