Mr.3B
True Gamer
انطباعات سابقة
الللعبة أو السوفت وير أو أيًا كان أكثر من كونه مخفف للوزن .. غير ان فعلا فيه تمارين شديدة جدًا الي يسووها الرياضيين زي بوش ابس وسيت أبس ودرجات صعوبة مختلفة وسرعة وعدد مرات تكرار مختلف وأنواع من السيت ابس والبوش ابس تختلف .. فيها أو أعتقد هدفها الرئيسي هو ايجاد البالانس والتوازن في جسم الشخص .. من تجربة شخصية للعبة أقدر أقول انه من اول ما تشغلها والين ما تطفيها همك الهام هو البالانس .. يعني مقدار اعتمادك على رجلك اليمين يكون 100% زي ما تعتمد على رجلك اليسار في أثناء الوقوف أو الجري أو الهرولة أو حتى المشي .. أغلب الي يتعثرون في مشيهم عندهم مشكلة بالبالانس .. وهذي فعلا أفضل طريقة لحل هذي المشكلة .. اللعبة فيها ما يقارب الـ80 تمرين ولعبة .. وتقريبًا كلها تلعبها وأثناء اللعبة لازم تحافظ على البالانس حق رجولك .. الحركة هذي بتساعد ليقاتك الكثير جدًا .. وبتخليك الكفائية حقت رجلينك بمستوى قريب جدًا من بعض .. يعني أقلها بتخليك تمشي وتركض زي الناس .. يكفيك دليل تركيزها على الاتزان هو انها أوقات اللودنج البسيطة (ما تتعدى 3 ثواني) يجيك فيها نقطة على الشاشة تعلمك انت بوضعك الحالي وين متزن وتحاول تعدله في الـ3 ثواني اذا حاب .. لأنها هدفها الرئيسي انك بكل وقتك تكون متزن .. مو بس أثناء التمارين .. طول الوقت
اللعبة فيها عدة برامج مخلتلفة .. وفيها نظام خاص لكل بروفايل .. فيه تحدد كم ودك تخسر .. وكم المدة المحددة .. ويقوم البرنامج بوضع جدول خاص لك من تمارين مختلفة يومية .. ولو استمريت عليها ان شاء الله بتلقى نتيجة
اللعبة أيضًا فيها ألعاب ممتعة وأغلبها يعتمد على الاتزان .. وكيف تقدر توازن نفسك بوضعيات مختلفة .. وأشياء كثير ثانية .. اللعبة ما رح تحس بقيمتها الا لما تلعبها
أي سؤال أنا حاضر