نعم، في ديمو نزل لBabylon's Fall، نعم، نزل الديمو بالضبط بنفس يوم صدور Elden Ring، نعم في 4 انفار لعبوا الديمو وقتها، وانا منهم -وأحد الباقين مسمي نفسه namelessking1، واضح تفكيره كان وين بالضبط-
سقوط بابل هي لعبة من تطوير Platinum Games ونشر Square Enix، ثاني تعاون مشترك لهم من بعد Nier Automata
نجي لانطباعاتي الشخصية اللي تعبر عن تجربتي الشخصية معها فقط، قد لا تعبر عن تجربة اي شخص ثاني، يمكنك تجربة الديمو بشكل مجاني وتكوين انطباعك الخاص بتجربتك الخاص......اذا ما كنت مشغول بلعب Elden Ring الريدي.
بالبداية، بمجرد تشغيل الديمو، او اللعبة، يطلبوا منك تسجيل الدخول بحسابات سكوير والصداع ذا كله بمتصفح، الريدي تعطيل عن بدأ اللعبة نفسها
بعدها تبدأ اللعبة، كتسينز، توتوريال، usual stuff، تعلمك على انظمتها وكذا
بعدها يفتحلك الmain hub ، منها تروح كويستات، وتبيع وتشتري اسلحة ومعدات، تكلم شوي NPCs ، تستلم جوائزك وتشوف سير الMissions اليومية والاسبوعية وتزبط امورك
نظام اللعبة هنا انك تروح للكويست بورد، تدخل عليه وتدخل اي "كويست" اللي هي مراحل اللعبة الاساسية، كل مرحلة تقدر تلعبها لحالك او مع لاعبين آخرين، أقصى حد هو 4 لاعبين
اللعبة عبارة عن عدة انظمة غير متجانسة بوقت واحد ومش موزونة صح، تحاول تكون بايونيتا او اي لعبة بلاتنيوم اكشنية ثانية، بس اكشن اربيجي بstats وجيرز قوية وضعيفة، واونلاين كو اب، ومش زابط منهم اي شيء، مرات الدودج يشتغل، مرات لا، مرات يصير فوضى بصرية مع كثر الاعداء -او حتى الاصدقاء- وما تشوف شيء وتنضرب عادي، stats السلاح يلعب دور مهم وهالشيء يقلل من اهمية الكومبات وجودته، لأنه مافي implementation صح للنظام
الاسلحة اللي جربتها كلها سيئة ما عدا السيف احسنهم واسرعهم، لو بتجرب اللعبة وتبغى تجرب اسلحة ثانية كنوع من التغيير، ما انصحك بذلك، خلك على السيف ومشتقاته القوية احسن، لأنها بطيئة وبعضها ما يسمح لك تسوي dodge cancelling حتى، فيصير لمخك جليتش اول ما تحاول تسوي دودج وما تقدر
بس مش كأنك ملزم بسلاح واحد بالمهمة، تقدر تستخدم حتى اربع اسلحة، عندك زر مربع مخصص للضربات الخفيفة السريعة، وزر مثلث مخصص للضربات الثقيلة القوية، تقدر تخصص سلاح مختلف لكل زر، سيف خفيف ومطرقة ثقيلة مثلا، او اثنينتهم سيوف
بالنسبة للسلاح الثالث والرابع، يكونوا جزء من نظام لعب مميز للعبة ذي اسمه dynamis ، يكونوا ملصوقين بظهرك وتستعملهم بR2 و L2 في أي وقت وسط الكومبوز، حتى لو انضربت وحصل لك knockback لسه تقدر تستخدمهم، هو مجرد يستهلك عداد spirit ، بس حسب الجيرز والstats اللي عندك ممكن يرجعوا بسرعة، او ببطء، النظام كويس بالحقيقة لأنك تقدر تركب عليه درع يحميك، فتقدر بوسط هجومك، لو لاحظت العدو بيهاجمك، تشغل الدرع وتصد هجومه وتكمل هجومك عادي بدون اي مشاكل
لكن الاعداء بالكاد عندهم رياكشنز، شيء ميت، حتى لما تعمل لانشر للاعداء على اساس تحاول تسوي كومبو هوائي....يطيحوا بالارض، واصلا الكومبو الهوائي هو نفسه الكومبو الارضي بالضبط ،كأنه واقف فوق ارض خفية، الانيميشن تعبان هنا
بس نجي للاشياء المكسورة جد، في موقفين حصلوا معي خلاني استغرب:
مثلما اسلفت، تقدر تلعب اونلاين مع ناس ثانين، تشوفهم يتجولوا بالmain hub برضو، المهم انا وواحد دخلنا كويست، انا لسبب ما اتاخرت شوي، قلت بلحقه...بس هو الريدي دخل ساحة قتال مع الاعداء
تعرف كيف بالعاب الاكشن بالعادة، لما تدخل ساحة قتال، يطلع barriers حولين الساحة وما يروح الا لما تهزم كل الاعداء بالمنطقة؟ لما اللي العب معاه دخل يقاتلهم، انا انحبست برا وما قدرت ادخل ساحة القتال، وصاحبي انترك لحاله يقاتلهم ويموت اقوى oversight ممكن بلعبة زي ذي، صح انه بالعادة تكونوا ملصوقين جنب بعض، لكن still
شيء ثاني حصل، بس هالمرة كنت العب لحالي، قررت اهزم الزعيم اللي ليفله اعلى من ليفلي، هالشيء مخليه tanky ومش راضي يموت بسرعة، مش مشكلة، هذي "غلطتي" لأني ما لعبت كفاية وطلعت لووتز قوية كفاية من اعادة الكويستات - او يمكن كان المفروض العب الزعيم اونلاين كو اب- ...المهم، اخذ مني ربع ساعة، دمجي ضعيف، وانضربت كثير، استعملت كل ايتمز زيادة الصحة اللي عندي، اللعبة عندها revives لحد 5 مرات مسموح لك بها -وكل revive ياخذ عشرين ثانية بدون اي طريقة لتسريعها، مجرد تشوف عداد resurrect يمتلئ قدامك بينما تزحف، يمكن هالشيء عشان صاحبك يساعدك اونلاين، لكن ما زبطوه سولو-، استهلكتها كلها، ادائي كان سيء من الآخر، وفي نظام ranking باللعبة ماخوذ مباشرة من العاب بلاتنيوم السابقة، فاتوقعت آخذ رانكنج سيء
بس أخذت Pure Platinum!
PURE PLATINUM!
تعرفوا وش معناها؟ في بايونيتا....لو اخذت رانكنج Pure Platinum ، معناها انه فوق ما انت ممتاز ومحترف باللعبة، وتخلص القتالات بشكل سريع، تكون برضو انهيت الكومبات بدون ما تاخذ اي ضرر على الاطلاق، تلعب بشكل بيرفكت.
كيف اكون مت خمس مرات، استهلكت كل ايتمز، انضربت كثير، بأسوأ gears، ولسه آخذ اعلى رانكنج ممكن؟ الرانكنج جدا مكسور اذن وماله قيمة، مرات العب كويس وآخذ stone وألعب تعبان وآخذ بيور بلاتنيوم، الوضع سلطة.
شيء ثاني، اللعبة هي تعتبر Game as a Service، لعبة خدمية ، فبتشوف عناصرها، log in bonuses ، و daily missions و weekly missions ، أنا كشخص....ما امانع هالاشياء بالحقيقة، لأني اصادفها كثير....بألعاب الجوال، او الالعاب المجانية، كون العناصر ذي موجودة بلعبة بستين دولار هو شيء غريب جدا، لأنه فعليا ذي لعبة ما كنت بمانع العبها لو كانت مجانية ، بس لا، بسعر كامل، هالشيء يوضح انه مطورين اللعبة او الناشر مش عارفين يستغلوا هذا النظام بشكل صح من الاساس، وحاشرينه بدون فهم
.........طيب ذا كله معناه انه مافي ايجابيات او شيء كويس؟ لا طبعا، اللعبة تشتغل ستين فريم ثابتة، والتوجه الفني حقها كويس بالحقيقة، قبل فترة عرضوا تريلر كان سيء رسوميا بسبب توجه الوان زيتية انعمل بشكل خاطئ، بس هالشيء اتصلح من وقتها
الموسيقى فيها عظيمة بالحقيقة، لو لقيت الاوست باليوتيوب لاحقا اعطيه فرصة، يستاهل
أيضا بشكل غريب ببعض الكتسينز فيها حس كوميدي ما اتوقعته من لعبة ماخذة نفسها بجدية زي كذا، خلاني اضحك
اه واعتقد صوت الدمية الطائرة اللي بالصورة فوق هو نفسه صوت Aoi Koga اللي تمثل صوت Paimon من جينشن امباكت، واذا مش هي فهو شيء قريب جدا لها، والصدق مسلية، ومسلي محاولتهم نسخ لعبة GaaS ثانية احسن منها.
غير كذا.....هاللعبة لا هي اللي عارفة تكون لعبة اكشن حقيقية، او لعبة ARPG ب stats ، او لعبة GaaS، هي خليط غريب عجيب، انا متأكد تماما انه ذي لعبة اتعثرت بالتطوير بنصها واتحولت لشيء مختلف، عدم تجانس العناصر المختلفة فيها اكبر دليل على هالشيء، انحشرت بنصها فجأة بدون سابق انذار والنتيجة شيء قبيح عديم هوية.
بالحقيقة رجعت اشوف اول تريلر جيمبلاي لأنه متأكد انه مختلف تماما عن اللي لعبته
............؟!!!!!!!!!
الشيء مختلف بشكل تام كثير خصوصا لما تكون طالع من تجربة النسخة النهائية لسه، شايف الكومبو الهوائي هنا؟ مافي! شايف الحبل اللي تربطه مع الاعداء؟ مافي! او بالتحديد هو فقط تستخدمه بالبيئات زي الخطاف، لكن ما تقدر تستخدمه مع الاعداء....يمكن هي قدرة تنفتح لاحقا لو مرة ابغى احسن الظن...، بس ابد مش موجودة كشيء اساسي او لمحوا له.
شايف شوية الset piece اللي صايرة مع الزعيم بنهاية التريلر؟ مافي أبدا! لو احد يحب يشوف اثبات، هذا جيمبلاي الزعيم
طوله عشر دقايق، ما اتوقع احد يشوف العشر دقايق ذي، مجرد اعمل skimming لها وبتشوف غيابها، ونفس القصة حصلت لصاحب المقطع، اتدمج كثير، وبنهايته أخذ Pure Platinum عادي زي السلام عليكم.
لما تجمع خيابة سكوير اينكس التطويرية بخيابة بلاتنيوم جيمز التطويرية بتطلع بكومبو ولا بالأحلام.