HASSAN NEX
Banned
أنا عمري ماقلت الي يبي كفايته تعيس , كيف تعيس وهو حالته اختيارية , أنا قلت بس ما احترمه
أنا استمر في سؤالك عن المعدم والمحتاج هل الفلوس راح تسعده وانت تتهرب من الجواب؟
ترى ماقد تكلمت عن الرفاهية والسيارات والخمس نجوم هذي انت الي تستعملها كمخرج كل ماوجهت لك سؤال عن غياب الحاجات الأساسية للإنسان؟
أنا أسألك عن أكل شرب علاج والأخوان حتى استعملوا لك مثال العبادة الحج ! هذا شلون تجيبها بالشحدة ولا بالفلوس؟
أنا جبت لك أمثلة بالسؤال (الإنسان الي محتاج عملية زرع – المستأجر الورطان – الي يأكل أسوأ أكل) هذول الفلوس راح تفك تعاستهم ولا لا ؟ وأنت ماتبغى تقول إن الفلوس راح تفك أزمتهم لأنك لو قلت بتنكسر جملة الفلوس مو مهمة و مالها علاقة بالسعادة.
هذول الأشخاص يصنفون فقراء لأن ماعندهم فلوس الي حضرتك تشوفها مو مهمة والرسول قالنا نتعوذ إننا نكون في هالحالة
هم كثيرين وموجودين في كل أنحاء العالم. والفقر حولهم لتعساء وبالفلوس تتغير هالتعاسة.
تحسب عدد هالناس قليل. فيه دولة عربية من شدة شحها بالفلوس على شعبها , صار يشرب من مياه ملوثة وتفشى فيه أمراض الكلى بشكل كبير وياكلون خبز من حبوب معفنة ومسوسة. هذول سعداء في نظرك ؟
شعب الخليج مو هو العالم كله , ولازلت ترميني بالسطحية ؟؟
- السطحي الي مايدري إنه فيه خليجيين كثير ماعندهم سيارات (مو يتشرطون في نوع السيارات )وعايشين بالأجار وبيوتهم فيها عنف واكتئاب وكل هالمشاكل ممكن تنحل بالمادة.
- السطحي الي يحسب أن أي دولة قوية اقتصادياً وغاثتنا بظهورها في الاعلام مثل أمريكا شعبها مستمتع بمقومات الحياة. وشرح لك الأخ كيف ان الامريكان يعانون اجتماعياً ووضعهم من سيء إلى أسوأ. ودولة مالها حس صامته مسخرة تسعين بالمية من جهودها على تحسين الدخل مثل سويسرا تستمتع بأخفض معدلات الجريمة والاكتئاب والجهل.
- السطحي الي يرفض فكرة إنك إذا فقرت الإنسان راح يظهر لك أقبح مافيه لأن الفقر يشعل صراع البقاء.
- السطحي الي يحسب ان الفئة المكسلة فئة خيالية ومي موجودة. أعرف شخص أبوه يستلم التقاعد ومتكي يومياً بالشيشة مع الشياب الكسلانين أمثاله, عندهم الي barely يأكلهم ويشربهم على قولك لكن عياله ماعندهم سيارات , بناته يروحون الجامعة كل يوم مع مواصلات غير, وأكثر ناس يكررون نوعية الملابس. هذول إذا انت تحترم أبوهم وما تشوفه دنيء لأنه راضي بالقليل فهذا شأنك لك مقايس تقدير وتحقير كل شخص وأنا لي مقايسي.
- فيه دول سواء كان شعبها مكتفي أو فقير تقدر ترفع بشكل هائل من مصادر دخلها وتحسن حال شعوبها وتختار انها ماتحسن اذا انت تحترمها أيضاً لك مقاييسك. مادري كيف قررت في سطر واحد إنها فئة خيالية.
لأخر مرة أوضح لك موقفي من الناس :
الي يسعى بشكل حثيث ورى الفلوس أحترمه لأنه إنسان يقدر يحقق أحلامه ولأن قدرته على نفع الناس أكبر مو لأن الفلوس غاية.
الي يقدر يحسن حاله وراضي بالقليل ما أحترمه وعادة يجبر ناس تحت سلطته يتحملون مقاييسة الرديئة في الحياة.
الي ماعنده مقومات الحياة الأساسية (أكل شرب مسكن علاج)إنسان استقراره مسروق وبالتالي تعيس. ماعمري قلت إني أحترمهم أو أحتقرهم أنا أحس بالحزن عليهم لأن هالفئة في معظم الحالات معدمة ومظلومة مهما اشتغلت انفرض عليها الفقر. وبالمال تنسعد.
آخر سؤال وهو فعلاً الحاسم في نقاشنا إذا ماتبي تلف وتدور كثير وتزيد تردد أمثلة الترف. لأن نقاشنا عن الحاجات الأساسية الي عصبها المادة.
إذا أخذنا النظام المالي في الهند وطبقناه في سويسرا وأخذنا النظام المالي في سويسرا وطبقناه في الهند
هل راح تتغير نسبة الاستقرار وبالتالي السعادة عند الشعبين؟
أدري إنك ماراح تقول إيوه راح تتغير . شعب الهند بترتفع عنده نسبة الاستقرار وتنخفض معدلات الجريمة ويزيد التعليم وبالتالي يصير أسعد مما كان.
ببساطة إقرارك بفكرة إن انعدام المادة والحاجات الأساسية الي ثمنها الفلوس يسبب التعاسة يكسر جملة (الفلوس مو مهمة) فراح تكتب لي رد طويل عريض عن المرسيديس والفلل وآخر الموديلات وتعلق علي سطحية أفكاري وربطها مع بعض.
رد فقير المحتوى ومليئ بالسطحيه والمغالطات مايتسحق الرد صراحه
قول تلف وتدور او الي تبيه بس هذا الي قاعد اشوفه انا مافي شي جديد يتسحق الرد هنا وكلامي انا وضحته وقلته مايحتاج اعيد الاسطوانه فانتهى الي عندي وماعندي اضافات لان الحين صايره هذره بس للهذره