ما أقدر ألعب شي على فترات طويلة

واحد من الأشياء اللي لاحظتها على حياتي الفيديوجيمزية إني ما أقدر ألعب لعبة على فترات طويلة، الا في حالات نادرة جدا


يعني اذا بدأت لعبة، أكمل فيها بشكل يومي الى ما أنهيها


إن كان عندي لعبة و بدأتها حتى و إن كانت RPG، و لعبت فيها 50 ساعة و باقي لي ساعة زيادة لعب و أخلصها، اذا قطعت أسبوع أو اثنين عنها، احتمال ما أرجع لها أبدا


أصير حاس إني خلاص فقدت كل الإهتمام باللعبة، و أستصعب إني أرجع لها كثير



أحد يجي له هالشعور مثلي؟

نعم.. خصوصاً الاربي جي او الالعاب اللي تركز على القصه بشكل اساسي... اذا تركت اللعبه يصعب ان ارجع لها لأني بكون ناسي احداث القصه (نفس الشيء ينطبق على المسلسلات )

للأسف هذا اللي خلاني ما أخلص FF8 مع اني كنت على نهايتها ونفس الموضوع صارلي مع Legend of Dragon والأسباب وقتها كانت دراسية ولكن اللي خفف عني ان اخوي كمل من محل ما انا واقف قدامي و خلصها.

تصير دائماً... و نعم، خصوصاً مع الRPG's...

آخر مرة صارت لي قبل تقريباً سنتين. لما نزلت البلد بديت run جديدة لFFXII (طبعاً الريدي خلصتها كم مرة من قبل) على الPCSX2 بجهازي اللي هناك، و لما جيت أبرجع لأمريكا ما قدرت أحمل الكمبيوتر و اللابتوب تبعي ما يشغلها، فنسخت الsave و قلت أبكملها بعدين.
بعد شهرين وشوي صار عندي كمبيوتر يشغلها تمام فشغلت الsave و حسيت روحي ضايع بشكل كامل.
حاولت أتذكر اللي كنت ناوي أسويه في المنطقة اللي كنت فيها و ما قدرت، وراح كل الحماس في تكميلها. إذا أواجه هالشي لازم أعيد اللعبة من جديد، خلاص.

حسب اللعبة، إذا كانت تعتمد على القصة صعب ألعبها على فترات طويلة لأني بنساها و بطلع من جوّها

لكن اذا كانت لعبة بلاتفورم مثلاً بالأغلب آخذ فيها وقت طويل أحياناً يوصل السنة، و ما أحب أحرقها بسرعة كبيرة أبداً.

يب نفس الشي لذلك ما عمري ختمت لعبة اربيجي بحياتي , عندي dragon age ,skyrim, withcer 1 &2 و عيرها من العاب الاربيجي الي عمري ما راح اكملها

للأسف صارت لي مع ni no kuni ودي اكمل اللعبة احسها تستحق اللعب حتى النهاية،فيه احد ينصحني اكمل اللعبة ؟ (طبعاً ما اقدر بالفترة الحالية)

انا العكس تماما ما اقدر اللعب فترات طويلة حدي ساعة الى ساعتين

وعادي ارجع للعبة ما كملتها من شهور طويلة

مش لحالك.
ألعاب كثيرة نفس الحالة (كلها JRPG) مثل
تيلز أوف ابيس (3 ساعات وتركتها على جنب فترة و خلاص ما في أي نية عشان أرجع لها)
كرونو تريجر (من سنة وقفت ولما حاولت أكملها ما قدرت ومكسل أعيدها من البداية)
راديانت هيستوريا (مع أنها عجبتني جدا لما لعبتها لكن ما أدري ليش وقفتها)

الحالة الوحيدة كانت بوكيمون بلاك و X ، بلاك اذكر وقفت فترة مش هينة وقدرت اكملها بدون مشاكل وأكس أذكر وقفتها بسبب الاختبارات وفينيكس رايت (لمدة ثلاث أسابيع تقريبا).

ومع هذا ما أتوب ومع كل لعبة أربيجي تجذبني لها أخذها وأرميها في الرف.

المشكلة هنا إنك تحتاج توتريال، تحتاج تبدأ من جديد على سهالة مثل مايبغاك المطور تبدأها. حصلت لي من قبل مع دارك سولز وعرفت إنها ماتصلح إلا لازم ابدأ فيها من جديد، عشان كذا شريتها مرة ثانية على البي سي عشان ماركب الأكس بوكس، وببدأ فيها بعدين

بالنسبة لي على حسب رتم اللعبة, في ألعاب تكون متوازنة و متنوعة في الsettings و كل مرة أخلص جلسة لعب أشتاق للعبة مرة أخرى, و أكبر مثال على ذلك dark souls و the last of us , لكن في ألعاب تخلني حرفيا أبتعد عنها و أتركها بسبب التكرار أو توقع مسار الاحداث و في الغالب هذي بتحصلي مع ألعاب الJRPG الي بيتعتمد على الGrinding مثل Dragon Quest و Ni No Kuni.

هالشيء صاير معي تقريبا في معظم الألعاب الي لعبتها ولو جلست أحط قائمة أخاف انه بيتم إغتيالي قبل لا اطلع من الموضوع @@

انا نفس الشي. لما آخذ لعبة يا اسنتر عليها الى ما اختمها ولا مصيرها الدرج. انا من النوع الي اذا اخذ اللعبة، يقعد يلعبها على وقتها الين ما يختمها و بعدين مع السلامة. الا الألعاب الي لها replay value عادي اعيدها بعد سنة/سنتين.

دائماً تصير فيني خصوصاً في السنوات الاخيرة.. صرت امل اذا لعبت اكثر من ساعتين او ثلاث وارحع لها اليوم الثاني و ساعات بس اسحب عليها مهما كانت اللعبة.
اصلاً ساعات احس بالتعب الصراحة.. لول

بس صدفة اشوف نفسي العب بعض الالعاب لفترات طويلة و لا أحس نفسي اني مليت او اكتفيت. مثلاً Dragon's Crown.. هذه اللعبة الوحيدة في 2013 اللي لعبتها و ما حسيت بالملل ابداً.
يمكن لأن اللعبة pure gameplay مافيها مقاطع تحس انها بطيئة على طول اكشن و سريعة.. واللعبة very rewarding كل 5 بتاخذ شيء و تقارنه مع اغراضك.. يعني مثل هل شغلات.

بس يشكل عام.. اي ما اقدر العب لفترات طويلة.. حتى الالعاب اللي كنت ناطرها و متحمس لها.. بالكثير 3 ساعات باليوم. لأن احس اني بهذه ال3 ساعات انجزت و سويت الكثير.

و صح مثل ما قلتوا, المفروض انك ما تطول بالbreak لان صعب انك ترد لها بعدين خصوصاً العاب القصص..

last story xenoblade

last story ناقص يجي العرض الاخير
زينو عند البوس الي قبل الاخير

Valkyria Chronicles بالشابتر الاخير هذي الالعاب الي بالنهاية ومتكيسل اخلصها

اما الالعاب الي بالنص فهي لا تعد و لا تحصى اهمها ffxii

لعبتها وتركتها فتره رجعت ماادري ايش كنت اسوي و لا ادري وش السالفه *_*

هذه بالذات من شريت الوي ما ختمتها الى بعد 3 سنوات تقريبا لعبي
بها كان متقطع على فترات طويلة والسبب الملل و اني دايما اضيع في اللعبة

بتكلم عن عاداتي مع اللعب:
ساعة ونص هو الحد الاقصى للعبي المتواصل على الكونسول بالجلسة/باليوم، عادةً أقل. بعدها أحس بضجر شديد وإرهاق بعيوني.
بعد ما أتقدم لربع اللعبة (بعد تجاوز 5-6 ساعات) أبدأ أدور على أي عذر عشان ما أكملها مهما كانت جودتها.
عشان كذا أخذ فترات طويلة جداً على ما أنهي أي لعبة وانقطع عن بعضها لشهور، حتى ولو كانت قصيرة. ولنفس السبب أنفر من أي لعبة طويلة (أكثر من 15 ساعة)... أعرف يقينًا اني ما بخلصها.

الحال يمكن تغير مع المحمول، صرت ألعب لفترات أطول وأختم الألعاب بسرعة أكبر... يعني ما بين الثلاثة والأربعة الأيام واللي ساعد على ذا الشيء الـSleep Mode في الفيتا والـSave State بالمحاكي على الجوال.
يمكن شرائي للفيتا كان أفضل قرار في الثمانية سنوات الماضية كلها.

يب تصير معي كثير جدًا و مع الأسف صارت معي في The Last Of Us و Bioshock Infinite لعبتهم قبل لا أسافر بأسبوعين و يوم رجعت من السفر (بعد شهر)
فقدت الاهتمام فيهم ومنتظر فرصة أرجع لهم و أعيدهم من الأول

لوست اوديسي كنت مستعير الـ 360 بكبره من صاحبي حتى العبها هي فقط (منتظر هالفرصة من سنوات طويلة)، وبعد ما خلصت الديسك الاول دخلنا على تاريخ 22/11 العظيم، قطعتها لتيير اواي ثم ماريو..حاولت ارجع لها وما قدرت، قبل كم يوم استسلمت و رجعت الجهاز لمالكه :no_mouth:
من اللي اذكره باستثناء لوست اوديسي و كيد ايكاروس، نادرا واقرب للمستحيل اني ابدأ لعبة بدون لا اخلصها (ما احب ان املك حكم/انطباع ناقص عن الالعاب)..لكن العاب مثل اللي بجنرا الربج الياباني، او سلسلة زيلدا ممكن اوقف شهور بعد اول كم ساعة لعب من الضجر اللي تصيبني فيها..لكن لما ابدأ ادمنها صعب اتركها لين ما اختمها.
لكن البريكات بين الالعاب عندي احاول اخليها لفترة طويلة نسبيا -عدا الفترة الاخيرة-

نعم للأسف بديت ألاحظ الشيء هذا من السنة الي فاتت لعبت برسونا قولدن 4 على الفيتا كنت جدا مستمتعه فيها وخلصت وحدة من النهايات على 43 ساعة لعب وبعدها بداء الفاينل وماكملتها لحد الآن نفس الشي لدرقون كراون والجزاء الثاني من انفيمس

نفسي من شهر 3 السنه اللي طافت فقدت حماس للعب وصرت امل بسرعه وقفت اشتري العاب بس كله ديمواهات فيه عده اسباب تفقدتك حمساك وبنظري الحل انك تجرب لعبة ممتازه وترجع لك حماس

تصيرلي كمان، الحل لهالمشكلة بسيط، إذا بديت بلعبة لاتلعب غيرها، حتى لو نزلت لعبة جديده وكان في هايب عليها إمسك نفسك(&)، طنشها وكمّل لعبتك، لو بديت بلعبة غيرها بالغالب بتضيع ويمكن ماتختم ولا وحدة حتى.

أنا لنويت على اللعبة فــ أسنتر عليها ليييين أخلصها ! و اذا سحبت عليها فإنسى اني أرجع لها ! خصوصا لو كانت RPG ! طبعا أتكلم من واقع تجربة للأسف
ألعاب RPG كثيرة بدأتها و مشيت فيها و لما أسحب هي السحبة ! مثلا فالكريا كرونيكلز و شاينينغ فورس و تيلز أوف فيسبيريا و شادو هارتس و ... و .... و بيرسونا4 "ps2" F بس ناوي أعيدها على الفيتا ان شاالله

لكن سبق و حصل معاي العكس تماما! أخلص اللعبة و أبدأ برن ثاني فوراً! صارت معاي مثلا مع مجس3 و ديفيل ماي كراي 3 :") وقد أعيدها مررا و تكررا !

Xixmar قال:

تصيرلي كمان، الحل لهالمشكلة بسيط، إذا بديت بلعبة لاتلعب غيرها، حتى لو نزلت لعبة جديده وكان في هايب عليها إمسك نفسك(&)، طنشها وكمّل لعبتك، لو بديت بلعبة غيرها بالغالب بتضيع ويمكن ماتختم ولا وحدة حتى.

أنقر للتوسيع...

هذا هو السبب الأكبر والحقيقي في دمار تجاربي في الجيل الحالي.
فعلياً كل سنه لازم أسحب على مجموعه كبيرة من الألعاب اللي كنت أستمتع فيهم فقط بسبب نزول لعبة أخرى قوية .. عباره دمرتني " راح أنهيها وأرجع أكمل اللعبه " ولا أرجع المسها أبداً :stuck_out_tongue_wi

احيانا تصير معي نفس حالتك لكن انا عكسك ارجع بغالب الأحوال اخلص اللعبة الي سحبت عليها مهما كانت مدة السحب

Xixmar قال:

تصيرلي كمان، الحل لهالمشكلة بسيط، إذا بديت بلعبة لاتلعب غيرها، حتى لو نزلت لعبة جديده وكان في هايب عليها إمسك نفسك(&)، طنشها وكمّل لعبتك، لو بديت بلعبة غيرها بالغالب بتضيع ويمكن ماتختم ولا وحدة حتى.

أنقر للتوسيع...

أنت تطلب المستحيل يا فتى (&)

هذا أكثر شي يصير فيني في ألعاب الأر بي جي بالذات ، بوكيمون X\Y ما كملتهم مع الأسف

اوفقك الراي
صارت لي واجد وعندي اللعاب وصلت فيها بعيد وبعدين وقفت و اغلبها من RPG واخر لعبه هي وند ويكر, لعبتها اول ما نزلت بس بعدين و قفت بسبب بوكيمون x و الاختبارات و توني راج لها و كتشفت اني ضايع في اللعبه. عرفت مشكلتي اني ما اقدر اركز في لعبتين في ان واحد لازم اظل على لعبه وحده فتره و بعدين ارجع للثانيه

تجينيا الحاله, بس لو فترة شوي طويلة ارجع اعيد اللعبه من البدايه

جايني ذا الإحساس ألحين في .hack//g.u بديت في اللعبة قبل شهرين جلست شهر أخلص جزء وعلى طول الي بعده وانقطعت في منتصف الجزء الثالث ودي أرجع لها لكن تبا .

الحل إذا بديت بلعبه لا تشوف true gaming إلا وانت مخلصها "مجربه" :thumbsup: