who is next؟

[Captain Jack Sparrow]

الإتفاق......الاتحاد .......... النصر ..........الاهلي ........


رجاء يا شباب اللي ما شاف المباريات و بالتحديد مباراة اليوم لا يرد الا بعد ما يشوفهم

 

[DeViL MiNd]

هلالي وطول عمري هلالي ..

الليله ياشباب الي منكم بالرياض ولا أشيقر .. اكيد سمع الرجه.. قسم بالله اليوم بديرتنا اشيقر

متجمعين ... في مكان يقاله الفرعه سيدين طويلين وعريضين وانا كنت حاضر وبرفع اللقطات قريب

قسم بالله صار شيء موب طبيعي تسمع الجولات ترن كل واحد يدق على الثاني يعلمه وتفحيط

ورفع وكلن كاتب الهلال وعلق على سيارته شعار الهلال اما الرياض انا ماحضرته لكن دق علي واحد

من العيال يقول ان طارات خاشين بشارع الغروب وفالين امها تفحيط << هاذي مادري لعيون الهلال

ولا من .. بس صراحه الليله والتفحيط والرفع خقاق

 

[Hardcore Gamer]

طيب ممكن اعرف وش السالفه!~~_~~؟

 

[DeViL MiNd]

يعني الهلال خقو : النصر والإتحاد والإتفاق والأهلي

يقولك من بينتصرون عليه بعدها

8
8
8

ذا دمه هلالي

 

[Humam]

أقسم بالله الي صار اليوم في مباراة الهلال والأهلي مهزلة تحكيمية لم أشاهد مثلها منذ سنوات..هذي إذا ماكانت الأعنف.. شي جبار جبار... حرام الأهلي يخرج خسران.

 

[Nintendo]

اليوم بكل امانه الواحد يقدر يقول ... لاتعليق ...

خلاص .. عرفنا من الحين مين بطل الدوري وطالما فيه شباب نزلوا يفحطوا ويحتفلوا بذا الفوز فماعتقد حتى فيه داعي للنقاش بالموضوع ..

 

[king zell]

اليوم شفت النتيجة 2-0 و لعب ناري للأهلي و غير طبيعي


بعدين قلت في نفسي الحين كلها كرتين حمر و بلنتي على كيف كيفك و تنتهي المباراة تعادل



و المشكلة صار اللي أدهى من كذا ...........

 

[The Sinner]

انا بعد كنت اشوف المباراة والله مساكين الاهلي حتى واحد منهم ماكنت منتبه مين هو يوم

سوا معاه المقابلة سحب على المباراة وقعد يقول حنا فزنا 2 صفر وسوينا اللي علينا من لهجته انه تونسي

 

[Ginko]

الحين وش صار؟ موضوع وسبع ردود ومحد قايل وش صار؟!

 

[Xavi]

اقسم بالله التحكيم أساء للهلال
مقدر أقول شي ، بس اللي صار مفروض ماينسكت عليه ابد

 

[Khalid-S]

للاسف ما قدرت اتابع شي ... ايش صار شباب احد يشرح لنا بجد ..

ورجاء اقولها من الحين .. الي يسئ لحد الاعبين او الانديه في الموضوع هذا بيجيله تحذير من ادارة المنتدى .. انتبه .

 

[Khalid-S]

.... همممم قرات اشياء كثيره عن المباراة .. فيها اخطاء الدنيا ..

اذا الحكام تعبانين هذا مو ذنبنا .. رئيس نادي الهلال بنفسه قال بعد المباراة "هذا وقت الحكام الاجانب"

 

[Nintendo]

خالد اذا ماشفت المباره .. ماراح تفهم ايش صار ابدا

النتيجه كانت 2-0 للاهلي مع تفوق اهلاوي واضح . شوي لاعب الهلال يدخل الكوره هدف بيده بشكل عجيب ( اقسم بالله كانها مبارة كرة طائره ) . وطرد اهلاوي بعدها .. وهدف التعادل .. وبلنتي ( خرافي ) مع طرد ثاني ..

طيب خالد ليش الحكم كان سئ لفريق واحد فقط ؟

 

[Khalid-S]

شباب يقولون صار حالات وفاة بعد المباراة ... جماهير الاهلي ما خلوا شي بجماهير الهلال !! والله مهزله !!

 

[Khalid-S]

عمر نسيت حكم مباراتكم مع النصر كيف كان ولا بس تتذكر مباريات الهلال ؟؟

اها تقصد في المباراة هذي نفسها ... الله اعلم .. بس حسب زافي ومنتديات كرة قدم ادخلها كاتبين ان الحكم اخطى للجهتين.

 

[Nintendo]

حكم مبارتنا مع النصر ؟؟ ياريت تذكرني ؟؟

وبعدين ليش الهلال عنصر ثابت بكل الاحداث خالد ؟؟ بكل امانه خالد النقاش بالموضوع منتهي قبل لايبدا ..

 

[Khalid-S]

عمر انا من يوم ما جيت امريكا ما تباعت ولا مباراه (ما عدى الهلال والنصر) لكن حسب اخوي الي بالسعودية كان يحكيلي عن المباراة وان كان فيها اخطاء الدنيا ..

اخطاء الحكام الهلال ماله اي دخل فيها ... fact

 

[Nintendo]

لول خالد والله احمد ربك انك بامريكا لانه ااسنه ذي دورينا فعلا غير ..

مضاربات بالمدرجات وحرق اعلام وعنصريه وقلة ادب قاعده تصير داخل الملاعب السعوديه الله يعلم بيها .. خلاص والله الوضع صار مستفحل والمفروض ( صاحبنا ) لو عنده ........ يستقيل ويسلم المهمه لاشخاص قادرين فعلا على ضبط الامور وكفايه فضايح ...

اشتريت زيلدا اليوم وباقي الريموتات

 

[Xavi]

والله شي مؤسف صراحة ان كل مباراة نشوف فيها حكم " درجة أولى " مايفهم شي اخطأ في كامل المباراة وعلى كل الفريقين وان كان اكثرها طبعا لصالح فريق الهلال بتتهموا الاتهام ذا !! الحكم ظلم الأهلي ؟ اكيد . الهلال له ذمب ؟ اكيد ماله ذمب . التحكيم أساء للهلال ؟ بالطبع و أكبر دليل الاتهامات الموجهة للنادي وكأن الهلال اصلا يحتاج للتحكيم ! المشكلة حتى الحكام الأجانب يخطؤون بس على الأقل أحسن من الموجود .. على فكرة مافيمصوغ يصوغ لجماهير النادي الأهلاوي احراق الأعلام الهلاليه في وسط المدرج وضرب جماهير الهلال !!!

 

[Khalid-S]

هممممم والله عمر بيني وبينك حتى احنا جماهير الهلال بكل امانه ملينا ... في كل مباراة نشوف اخطاء ومواضيع تفتح بالمنتدى كلها دق .. الهلال مع وبدون الاخطاء التحكيميه هو الهلال .. واحنا ابدا ما نحتاج اخطاء عشان نفوز واعتقد الكل عارف هذا الشي .. اتمنى تصير تعديلات رهيبه عند صاحبنا .

بعد ما شفت الاهداف .. الهدف الاول الله يعلم كيف دخل .. اذا لمست يد اللاعب ودخلت فهو ما كان عانيها ابداَ .. هي ضربت بالعامود وصقعت في مكان في جسمه لكن فين الله يعلم ... البلنتي هو الي بصراحه اسف بكل امانه سامي المفروض يبطل الحركات هذي خلاص .. مع ان في صالحه يمثل لكن ما اعرف عيون الحكم فين كانت ... الهدف الثالث ما عليه اي كلام .. الجمعان حطها صح في الجووول.

 

[Nintendo]

فهد يوم يكون فريق فايز 2-0 ويخرج مهزوم 3 -2 بمباركة الحكم هذا مش ظلم للاهلي ؟

السؤال ليش الحكم ظلم الاهلي ؟؟ مو معقول نقول مزاجه كذا ؟؟؟ الاخطاء اللي سواها بالمبارة هاذي مش اخطاء حكم .. هاذي اشياء متعمده ( يعني معقوله يحسب الهدف الاول وضربة الجزاء حق سامي يحسبها ) ؟؟ طيب نقول فرضا يس كانت اخطاء منه .. طيب ضربتين جزاء للاهلي مانحسبت وهي صحيحه ؟؟ برضها اخطاء تحكيميه ؟؟

لمن فريق يكون مغلوب 2-0 وتنقلب المباره لفوز 3-2 بمباركة التحكيم فهو بهاذي المباره احتاج التحكيم .. الموضوع مش محتاج اي نقاش حتى .. يعني لو الحكم اليوم كان جيد الهلال كان بيفوز ؟

 

[Xavi]

صح الهلال مااستحق الفوز في هذي المباراة ، بس لو كان الحكم جيد يمكن يفوز الهلال ليش لا ؟
على العموم قذف ادارة الهلال بالرشوة ومدري ايش شي مؤسف للغاية الهلال متصدر الدوري .. الدوري السعودي للحين ماشي بنظام المربع .. المباراة مباراة دوري عاديه الفايز له 3 نقاط لا أكثر ، بالعقل الحين رئيس الهلال يضيع فلوسه على أي اساس ؟ لول وفكل مباراة نجلس نشتري ضماير الحكام هههههه ياعالم قبل لاتسيئوا الضن فكروا بالكلمة قبل لا تقولوها لأن هناك في حساب وفي عقاب والله مايضيع حق لأحد

 

[Khalid-S]

والله ياسر فنان

 

[Nintendo]

فهد يمكن رئيس الهلال ماله علاقة باي شئ .. ولكن فيه ناس متعصبين للفريق بقوه بالاتحاد السعودي وهم يقفوا خلف كل شئ .. والخوف كل الخوف انه يكون الكبير هو اولهم ..

وفيه اكيد حساب ( للظلم ) الواحد يخاف منه ..

 

[Khalid-S]

عمر لكن فكر فيها شوي .. لو لو الكبير هو اولهم .. من جدك يسويها في مبارتين ورى بعض !! من جد صعبة .. وفي نفس الوقت الله يعلم.

عموماَ حسابهم عند الله .. وكل جماهير الهلال ابدا مو عاجبهم هذا الوضع على فكره. فلحد يجي ويحش بالهلال وادارته كانه هو الي قاعد يصرف شيكات للحكام .. حرام الظلم.

الغريب ان كل الي يفتحون هذي المواضيع اتفاقيين ... :slant: هممم والله لو نغير شعار ترو جيمنج ونضيف فيه "المنتدى الرسمى للنادي العريق المخضرم نادي الاتفاق السعودي" يصير احسن ...... :roll:

 

[Humam]

أحلى شي خالد بدرة يوم سووا معاه مقابلة.. أقسم بالله انه رهيب هههههههههه.. قاله المذيع كيف الخسارة قاله " حنا خسرنا ؟ حنا ما خسرناش..الحمد لله اليوم لعبنا كويس بمستوى عالي واستطعنا نفوز على الفريق الهلالي " هههههههه يعني داخل بثقة انه الأهلي فاز.. مسكين والله من الصدمة الي جاته.. بلنتي سامي أصلا غير صحيح فكيف ينطرد بعده بدرة..

بالنهاية هي مهزلة.. ورئيس الهلال محمد بن فيصل صراحة أثبت انه أحد أذكى الرؤساء الي مروا على النادي على الإطلاق, اعترف بكل سهولة ان التحكيم كان سيء وفي حواره مع رئيس النادي الأهلي قدر يهدي الجو كثير.. حركة ذكية جدا ما يبغى الكلام يكثر على الهلال...دفن الموضوع قبل موته.

 

[Nintendo]

اكيد خالد الناس اللي تفهم وعقلانيه ماراح يعجبهم الوضع لانه يسئ لسمعة نادي الهلال وتاريخه ..

لول خلونا بكره نشوف القرارات الرهيبه اللي راح تطلع .. هههههههههههه شباب تخيلوا انه يكنسلون لجنة الحكام الجديده اللي توهم مسكوا الشغل بعد مبارة النصر .. بتصير نكته حلوه والله ..

 

[Khalid-S]

همام بس لاحظ بعد احتساب البلنتي شوف خالد بدره راح للحكم وتحس انه يبي يحرش فيه وكان يتكلم يقول كلمات له .. الله يعلم ايش كانت الكلمات .. يمكن فعلا كان يستحقها.

 

[Nintendo]

شباب وش رايكم الموضوع يتقفل مو احسن ..

 

[Xavi]

لول ولو تنزل قانون يمنع أي شي يتعلق بالدوري السعودي حتى اشعار اخر ( استقالة سلطان بن فهد ! )