Warhawk - الموضوع الرسمي

[hyuga neji]

لول احسب نزل طيب متى ينزل الابديت ؟

mid December global release:laugh:

 

[SALAH]

وين الشباب أشوف الكل نايمين :yuck:

قضيت الاسبوع اتدرب على اللعب بالطائرات حتى صار مستواي جيد جدا فيها ..واخذت رانك جديد Air Marchal :cooool: :cooool:

يلا ننتظر تحديد مواعيد اللعب القادمة ولو انها مثل العادة ( السبت - 4 العصر ) بس اللي يقدر يلعب اليوم يعلمنا لعل وعسى نجمع 4 لاعبين ...

 

[Old School]

السبت ممتاز من عندي قداش

وين الشباب بس

 

[Nintendo]

لول ذي الايام شخصيا مشغول مع برو ايفلوشن سوكر ( المشكلة الاونلاين جدا مضروب اذا بتلعب ضد شخص خارج السعوديه )

ان شاء الله اذا قدرت اشاركم بكره بدخل

 

[M 7 L]

والله اشتقت للبلاي 3 وبقووووة , ملّيت من إلي حاصل معاي ولا أدري شنو السبب عموماً أنا باحاول أرفع سرعة الإنترنت من 256 إلى 512 وإن شاء الله يصير فيه فرق مع أن أدري السالفة مالها دخل لكن الخدمات عندنا هنا ما شاء الله , الحمد لله رب العالمين . . .

شباب للأسف ما راح أقدر أكون معاكم لأن عندي مشكلة بالأون لاين ومشكورين على الدعوة , ولو كان الأون لاين مضبوط كان أنا إلي أدعوكم ^^

 

[Humam]

اليوم ما اقدر شباب خلوها بكرة ( يعني الأحد )

 

[Old School]

اجل على كذا دامنك مشغولين الأحد مناسب لي ولهمام ما ذا عن البقية ؟

 

[SALAH]

لول على انواع الحماس ..شوي شوي كل واحد بالدور ! <<< ياخي ليش الموضوع فاضي ؟ -_-

طيب ..نقدر نلعب اليوم بالليل او بكرا ولا بعده ؟ ياريت نتفق على موعد ..

الاوقات الممكنة بالنسبة لي ( بتوقيت السعودية ) :

- من الساعة 6 - 7 مساءا اليوم ..
- بكرا اعتبارا من 3 العصر وحتى 7 المساء ..
- السبت من 10 الصبح وحتى 10 الليل << دوام كامل لول ..

 

[SALAH]

الحين رحت ألعب وورهوك و لما شغلت اللعبة ظهر لي رسالة بوجود update جديد ولازم اركبه قبل دخول اللعبة ..صغير 8 ميجا ..
لكن في مشكلة ظهرت بعد تركيب الابديت !
ما اشوف أي سيرفر ابدا ( اللهم الا 4 او 5 فقط ) وتأكدت من الفلتر وعامل All Region ..أنا اتوقع بسبب انه مايظهر لي الا الناس اللي ركبت الابديت وبما انه جديد جدا فلازم اعطي وقت للجميع انه يركبه ..يعني اللي فاتح سيرفر على الابديت القديم مارح يظهر لي ...

احد ثاني عنده نفس المشكلة ؟ ( شكلي بفتح موضوع بمنتدى الالعاب , هالموضوع شبه ميت الظاهر T_T )

 

[M 7 L]

الحين رحت ألعب وورهوك و لما شغلت اللعبة ظهر لي رسالة بوجود update جديد ولازم اركبه قبل دخول اللعبة ..صغير 8 ميجا ..
لكن في مشكلة ظهرت بعد تركيب الابديت !
ما اشوف أي سيرفر ابدا ( اللهم الا 4 او 5 فقط ) وتأكدت من الفلتر وعامل All Region ..أنا اتوقع بسبب انه مايظهر لي الا الناس اللي ركبت الابديت وبما انه جديد جدا فلازم اعطي وقت للجميع انه يركبه ..يعني اللي فاتح سيرفر على الابديت القديم مارح يظهر لي ...

احد ثاني عنده نفس المشكلة ؟ ( شكلي بفتح موضوع بمنتدى الالعاب , هالموضوع شبه ميت الظاهر T_T )

نفس الشي هنا !!

صار عندي بس 4 أو 5 غرف ما في غيرهم ! ولا مو رانكد ؟؟

. . .

نسيت ما قلت لكم " الأون لاين ضبط عندي :: "

تعديل

من بعد ما كتبت التعقيب رحت وجرّبت وطلع كل شي مضبوط في غرف كثيرة ولكن مو بنفس العدد إلي أذكرة قبل . . . ( قبل مشكلة الأون لاين )

 

[Old School]

هممم اظن بالنسبة للشباب بالمنتدى اللعبة ماتت ...... عن نفسي يوميا العبها ساعة على الاقل ..... so whoever wants to fight im here ^^

 

[SALAH]

M7L مبروك اشتغل الاونلاين عندك...لكن بعد شو للأسف خخخ
اللعبة انعدم الاقبال عليها في المنتدى لأن فيه ألعاب ثانية نزلت بهالشهر تسد مكان وورهوك

انا بالنسبة لي مازلت متحمس وكل يوم العب ساعة على الاقل ..وعامة ما ألعب الا Dogfight , مدري احسها حماس اكثر :yuck:

عموما نشوف الاسبوع القادم ان شا الله اذا نقدر نلعب..

 

[SALAH]

شباب اشتقنا للعب معاكم :yuck:
اشوف الاغلبية - لا والله اشوف الكل - تركوا اللعبة , لول ما ألومهم بعد نزول كول اوف ديوتي 4 و راتشت اند كلانك و اساسنز كريد و غيرهم صار الواحد مشغول وينسى الالعاب القديمة..

عموما أي واحد بحب يلعب اليوم من الساعة 6 وحتى 8 توقيت السعودية حياه الله ..انا من ناحيتي بلعبها بصفة يومية ولو بدكم تحددوا مباراة وداعية يوم السبت ماعندي مانع << حلوة وداعية رح نحط بالماتش موسيقى حزينة كمان خخخخ :yuck:

 

[M 7 L]

إية والله الإقبال انعدم حتّى منّي أنا شخصيّاً لأن فعلاً كول 4 خذت الجو بقوووووة . . .

شباب ليش ما تحولون إلى كول 4 ترى تستاهل التجربة ^^

ننتظركم في كول 4 << دعايات P:

 

[SALAH]

بدك الصراحة انا بلعب وورهوك بصفة يومية لكن لانه ماعندي لعبة غيرها ..
أنا متأكد اول ما اشتري كول 4 رح اتقاعد عن وورهوك ..لأني من عشاق السلسلة من يوم عرفناها..أنا شخصيا من النوع اللي يعشق ألعاب الاونلاين وأحس اني ضجرت من الالعاب اللي فيها قصة و سيناريو و و و ...

برجع أكرر وأقول ..الله ينتقم من شركتنا ما عطونا الراتب من 3 مدري 4 شهور والله نسيت من كثرتهم حسبي الله عليهم -____- ...
بسببهم مش قادر أشتري ولا لعبة ..

 

[Id]

كح كح ... احم

اعلان عن التروفيز في 27 أغسطس الحالي ...

http://uk.playstation.com/games-media/news/articles/detail/item115001/The-spoils-of-Warhawk/

في أحد بيرجع يلعبها ؟؟؟

 

[xX Wolf Shooter Xx]

كح كح ... احم

اعلان عن التروفيز في 27 أغسطس الحالي ...

http://uk.playstation.com/games-media/news/articles/detail/item115001/The-spoils-of-Warhawk/

في أحد بيرجع يلعبها ؟؟؟

انا راجع ان شاء الله قريب
الي بيرجع يضيفني عنده
الايدي في التوقيع

 

[M 7 L]

والله الظاهر إن كل لعبة اندفنت بنلعبها مرة ثانية مع التروفيز P:

أنشارتيد - وارهوك - هفنلي سورد P: - بتل فيلد

راجعيييييين . . .

 

[SALAH]

واااه وورهوك ..رهيبة رهيبة بس نسيناها مدري ليش :
الآن مع التروفيز صار لازم ثم لازم ثم لازم نرجع لها ..
M7L انت بالذات لك فلقة خاصة محترمة بس اصبر حتى افتح اللعبة مرة ثانية ان شا الله..

Edit: الله اكبر ...توي انتبه انه آخر رد بالموضوع كان قبل تقريبا سنة ..ما اصدق كيف الأيام تركض وتجري يا زلمة :what: , يعني تبي تقنعني انه وورهوك صار لها تقريبا سنة مرمية بالخزانة ولا لعبتها ؟! *كلب مذهول.gif *

 

[M 7 L]

^
إييييه , أذكر أيام ما كنت مثل اليتيم طايحين فيني طق والله مسكين أنا -___-"

لووول . . .

 

[A.M.T]

اسف على رفع الموضوع
شباب نزل الابديت يديد لوارهوك حجمه 66 ميجا

​

 

[AMG]

تمااااااام ، الحين بحمله

شباب نبي نتفق على يوم نلعب فيه

الخميس ايش رايكم ؟

 

[xX Wolf Shooter Xx]

^
جاري التحميل
رجعنا يا وارهوووووووووووووك

متى نلعب الخميس؟

 

[AMG]

حددو الساعة ، لكن تكون في الليل احسن عشان نسوي سهرة

جربتو تشغلو الاغاني في اللعبة ؟؟ التشغيل من ال XMB مباشرة بصراحة المفروض كل الالعاب تدعمه بنفس الطريقة

 

[xX Wolf Shooter Xx]

^
مثل ما قلت
فحركه burnout , stardust غبيه بعض الشي ومتعبه

لو تكون الساعه 11 المساء بتوقيت الامارات (+4 gmt)

 

[AMG]

تمام، اليوم باليل انا بكون اون لاين ، من بيلعب ؟؟

 

[xX Wolf Shooter Xx]

انا موجود ان شاء الله (اذا محد بيلعب غيرنا احنا الاثنين بدش مع الاجانب)اوكيه ؟ الايدي في التوقيع

 

[AMG]

انا موجود ان شاء الله (اذا محد بيلعب غيرنا احنا الاثنين بدش مع الاجانب)اوكيه ؟ الايدي في التوقيع

تمام ، نلعب مع الاجانب لو نحن الاثنين فقط
ID: G-Devil

 

[xX Wolf Shooter Xx]

سوري سوري سوري على التاخير
الحينه بدش
سووووووووووووري

 

[xX Wolf Shooter Xx]

شد حيلك اكثر المره الجايه ...تأثير الانقطاع؟